رواية غول الصعيد الفصل الثاني 2 بقلم بيري الصياد

رواية غول الصعيد الفصل الثاني 2 بقلم بيري الصياد

 

البارت الثاني

 

 

رواية غول الصعيد الحلقة الثانية
ويرمي صورة هذه الفتاة على الأرض ويدوسها بقدمه لتبقى أسفل حذائه ويختفي وجهها وملامحها تحت التراب ينظر الغول إلى هذا الرجل ويقول ببرود مريب: وين المعلومات اللي قلتلك عليها جايبلي صور للحريم ليه
يبلع هذا الرجل ريقه ويقول: ما عرفتش عنه حاجة غير أنه يجهز لفرح بنته يا غول على ولد عمها وهو ما هيفكرش بحاجة غير في الفرح ده
ينظر الغول أمامه ويقول: تغور دلوقت وتجيبلي كل اللي عمله كمال في السنين دي كلها ولو ما جبتش كل اللي عايزه أحسنلك ما ترجعش
يخاف الرجل بشدة ويقول: تأمر بحاجة تانية يا غول
يشير إليه الغول دون أن يتحدث وتأتي عيناه على هذه الصورة ينظر إليها وينزع التراب بقدمه عن وجه الفتاة وينظر إليها ويقول: معاك بنت وعايز تجوزها يا شناوي أبقى ورينا هتكمل فرح بنتك كيف
ينهي حديثه ويعود ليضع التراب على هذه الفتاة مرة أخرى وهو يفكر بما سيفعله مع هذا كمال لأجل أن يمنع زفاف ابنته ينظر أمامه بجمود شديد لا يستطيع أحد أن يفسره (يا حبيبي يا ابني حاسة وراك كتير يا أخويا بس يا ترى يا نسوان وراه إيه قولولي توقعاتكم يا ولية منك ليها بسرعة 😂♥️♥️)
على الناحية الأخرى كانت الفتيات يرهقون بشدة من العمل الذي قالت عليه حليمة ويجلسن بجانب
بعض تقول أميرة بتعب: وفي الآخر جدتك تقول ما بنعملش حاجة
تنظر إليها زينة وتقول بغيظ متصنع: طيب أنت ومرت الولد لازم تشتغلي أنا مالي المفروض أنتي جيتي تشتغلي كل حاجة
أميرة بغضب: ليه ياخيتي جيبنا خادمة ليكم مش اكده
أومأت لها زينة وقالت باستفزاز: روحي اسألي الجده هتجولك كده
أميرة بغضب: لا تعيريني ولا أعيرك الهم طايلني وطايلك روحي اسأليها هتجولك نفس الكلام يا زينة هتجولك إنك خادمة هنا زيك زيي
تنظر إليها زينة بغيظ شديد وتقول: ما كله بسببكم أنتوا بجولك ايه يا اميره ما تاخدي جوزك وأمه وتطلعوا بره يا بت لو ضاحي وأمه طلعوا أنا هرتاح منيهم ومهيبجاش غير جدتي
تنهض أميرة وتقول بصوت عالي وهي تضع يدها على خصرها: ونلبس أنا المصايب مش اكده يعني أنت ترتاحي وأنا لأ يا زينة
تمسك زينة يدها وتجعلها تجلس مرة أخرى وتقول: جرستينا يخربيت أبوكي اجعدي جوزك وعمتك لو سمعتك هتبعتلك لبيت أبوكي
أميرة بحزن مخفي: هحط لساني في بوزي وهسكت يا زينة حاضر
تفهم زينة حزنها لتضع رأسها على كتفها وهي تضمها إليها وتقول: بختك مايل يا بت يا أميرة وجعك مع واحد كيف ضاحي بالرغم من أنك مهتفهميش حاجة وعلشان اكده مش فالحَة معاه لو تفكري كيف الحريم وتكوني خبيثة زيهم هتنفعي جوي
تميل أميرة برأسها على رأس زينة وتقول: أخوكي مهينفعش معاه كل ده يا زينة أخوكي عايزني خادمة وأنا غصب عني أجبل باللي هيعمله علشان عايزة أربي عيالي وما أقدرش أربيهم بعيد
تنظر إليها زينة وتقول بغيظ شديد: لو التربية بتاعتك كيفك اكده أنا معيزاش أخلي العيال دي يطلعوا كيفك يا أميرة ما تزعليش مني بس سيبي تربية العيال عليا أنا وربي أنت جوزك في الأول
تتنهد أميرة بقوة وكادت أن تتحدث لكن يسمعون ما تقول بصوت عال: أنا جاعدة أشوف المصالح وأنتوا قاعدين تتسامروا اهنا
يتفزعن الفتيات من صوتها وتنهض أميرة بسرعة وتقول: خير يا عمتي في حاجه
تنظر إليها عفاف وتقول بغضب شديد: تعالوا اعملوا شاي للناس اللي بره أنا تعبت ومبجتش جادرة وعمتي مرحماش
زينة وهي تكتم الضحك: ما جدتي ما حطتش في رأسها أنك كبرتي ياما ونسيت ده تحسب أنك لسة صغيرة على الطلبات دي حجك عليا
تنظر إليها عفاف وتقول بغضب شديد: طب يلا يا صغيرة علشان تحطيلي وأكل أنا جعانة
تنهض زينة وتقول: لا معلش ياما أنا مافضاش دلوجتي هروح أتسبّح علشان ما أطيقش حالي
أنهت حديثها وتذهب من أمامهم تنظر خلفها عفاف وتنظر إلى أميرة التي قالت بخوف: هنروح نعمل شاي علشان عمي همام ميزعجش
أنهت حديثها وتذهب على الفور تنظر خلفها عفاف وتنظر أمامها وتقول بغضب شديد: طول ما حليمة عايشة أنا مهنعرفش نسيطر على البيت ده متيه هتموتي يا حليمة بيكفيكي في الدنيا كله ده عايزة تعيشي تاني ليه كلتي عيالك كلهم وأنت عايشة يا فجرية
(يلا يضرب الظالمين بالظالمين مبحبهومش الوليتين دول 😂)
يلا بقى خرجني زي ما وعدتني كان هذا صوت تمارا التي تنظر إلى مصطفى وينظر إليها مصطفى ويمد يده إليها تضع تمارا يدها في يده ويقول مصطفى بغمزة إليها: أنتي تأمري يا قلبي
تخجل تمارا وتنظر إلى الطاولة ينظر إليهم كمال ويقول بغضب شديد: ما تتلم بالا منك ليها وأنتي ياختي مكسوفة أوي
تتفزع تمارا من صوته وتقول: بابا خضيتني
كاد كمال أن يتحدث لكن ينهض مصطفى ويسحب تمارا إليه ويقول بغضب وهو ينظر إلى كمال: عجبك كده تخض البنت يا كمال ما توطي صوتك شوية يا عم في إيه
يسحب كمال تمارا منه ويقول بصوت عال: اخرس يا حيوان وماتقربش من بنتي تاني فاهم
كاد مصطفى أن يعترض لكن تقول تمارا بغيظ شديد: اسكتوا بقى في إيه صدعتوني أوي أنتوا الاتنين
كمال بغضب شديد: أنتي مش شايفة اود الحيوان ده بيعمل إيه يا تمارا وبعدين أنتِ زعلانة عليه ومضايقك كلامي ولا إيه
مصطفى باستفزاز شديد: مراتي حبيبتي ولو ما تزعلش على جوزها هتزعل على مين يا كمال باشا لا خلي بالك أنت مربي بنتك كويس أوي وطبيعي تزعل عليا علشان أنا جوزها حبيبها مش كده يا حبيبة قلب جوزك
أنهى حديثه بغمزة إلى تمارا التي ضحكت على حديثه وتمد يدها إليه وتقول لتستكمل ما يفعله: طبعاً صح يا صاصا
يمسك مصطفى يدها ويقبلها وينظر إليهم كمال وهو يشعر بأن ابنته تُسرق منه أمام عينيه وعيناه تدمع ويترك تمارا ويذهب إلى الأعلى تنظر خلفه تمارا وتضرب مصطفى على كتفه بقوة وتقول: عجبك كده أهو بابا زعل يا مصطفى
يقترب مصطفى منها ويقول: لا مازعلش يا حبيبتي هو بس حس إن بنته هتتأخد منه مش أكتر
كادت تمارا أن تتحدث لكن تقول فاطمة بحنان: روحي لأبوكي يا تمارا هو مالهوش غيرك علشان كده حس أنك هتروحي منه ومصطفى هيكون كل حياتك وهتنسيه بعد كده
مصطفى باستغراب متصنع وهو ينظر إلى فاطمة: هو مش ده اللي هيحصل يا دادة
تضربه تمارا على صدره بقوة كبيرة وتقول: لا مش هيحصل يا حبيبي أنا هفضل مع بابا وعمري ما هسيبه ثانية واحدة هو كل حياتي مش أنت
مصطفى بغيرة متصنعة: ماشي يا تمارا بعد ما نتجوز هنبقى نشوف هتنسي أبوكي ولا لأ
تمارا بغيظ شديد: اسكت علشان متضايقة منك ومش طايقاك بجد دلوقتي
تقف فاطمة بجانبها وتضع يدها على كتف تمارا وتقول: روحي يا حبيبتي لأبوكي شوفي هو أكيد اتضايق شوية روحي شوفي
تنظر إليها تمارا وتركض إلى الأعلى وتذهب لغرفة والدها وتدق على الباب ويأذن لها كمال بالدخول تدخل تمارا وتقول: إيه يا كمولة طلعت فجأة كده ليه
ينظر كمال بعيداً عنها ولا يتحدث لتذهب تمارا وتجلس بجانبه وتقول: أنت زعلان مني يا بابا
يتنهد كمال بحزن شديد ويقول: زعلان من الدنيا اللي خلتني أربي وأكبر ويجي ابن الكلب ده ياخدك على الجاهز يا تمارا وتحبيه أكتر مني أنا
تمارا بغيظ شديد: فين اللي حبيته أكتر منك يا بابا ده الولد يا حبيبي مابيخدش مني كلمتين علي بعض وصعبان عليا حتى
ينظر إليها كمال ويقول بغضب شديد: لا ياختي روحي حبي في علشان مايصعبش عليكي
تمارا بحزن متصنع: أنت بتزعقلي يا بابا
ينفخ كمال بقوة كبيرة ويقول: أنتِ اللي بتعصبيني يا تمارا مالكيش دعوة بالكلب ده لحد ما تتجوزوا وإلا هلغي الجوازة دي كلها
كادت تمارا أن تتحدث لكن يسمعون ما يقول بصوت عال: هو في إيه كل واحد كل شوية عايز ألغي عايز ألغي أنتوا هتذلوني بأم الجوازة اللي مش راضية تكمل دي
ينهض كمال ويقول بصوت عال: عجبك ولا مش عاجبك يا كلب
ينظر إليه مصطفى ويقول: عاجبني يا باشا هو حد كان قال حاجة أنا بس على السيرة بقول يعني أنكم أكيد زهقتوا منها غيروها علشان ما تزهقوش
تضحك تمارا بقوة عليه وتقول: يا حبيبي يا صاصا اتخضيت يا عيني
ينظر إليها مصطفى ويقول بغيظ شديد: ما كله بسببك ياختي ما أنتي لو تسمعي الكلام وتيجي معايا نتجوز ونهج من البلد دي ما كانش حصل فيا ده كله
تمارا بغيظ هي الأخرى: أنت عايزني أسيب مصر يا صاصا
ينظر إليها كمال ويقول بغضب شديد: هو ده اللي فارق معاكي اوي ياختي مصر طيب قولي هتسيبي أبوكي ليه مصر
تبتسم تمارا ببالها وتقول: مصر هي أمي يا بابا ومينفعش أسيبها
كمال بغيظ شديد:وأنا إيه ياختي
تذهب تمارا إلى أحضانه وتقول: أنت بابا حبيبي يا دكتور كمال وبعدين هو أنا أقدر أعيش من غيرك برضه يا بابا أنا أموت قبل ما أبعد عنك يوم واحد أنا بحبك أوي أوي يا بابا
يبتسم كمال ويضمها إلى أحضانه بقوة ويقبل شعرها ويقول: وأنا بحبك أكتر يا بنت أبوكي
ينظر إليهم مصطفى ويقول: طيب وأنا محدش بيحبني يعني أمشي
كمال باشمئزاز شديد: غور يالا مش عايزينك هنا
تمارا بهمس شديد إلى كمال: بابا أنا بحبه وعايزاه
يضربها كمال على رأسها ويقول: اتلمي يا تمارا لا يسمعك الكلب ده
تبتعد تمارا عنه وتقول بغضب شديد: أنتوا كلكم بتضربوني ليه والله ما قعدالكم فيها بكرة أمشي من هنا وهتقعدوا تعيطوا كلكم عليا ومش هتلاقوني
أنهت حديثها وتذهب إلى الخارج وينظر خلفها كمال وينظر إلى مصطفى ويقول بغضب: عجبك كده زعلت البنت وخلتها تمشي زعلانة
مصطفى بغضب شديد: مين فينا اللي زعلها ماشي يا كمال باشا سهلة
أنهى حديثه ويذهب إلى الخارج وينظر خلفه كمال وينفخ بغضب شديد من هذا الشاب الذي سوف يأخذ منه فلذة كبده ولا تبقى معه مدة الحياة كما كان يريد
(اححححح عيلة جميلة وخفيفة ومحنهم عالي يبقى يستاهلوا الغول ولا لأ 😂🙂)
تدخل الغرفة وينظر إليها زوجها ويقول بغضب شديد: أنا مش جولتلك ماتجيش اهنا النهارده
تنظر إليه أميرة وتقول: جاية آخد خلجاتي يا ضاحي وراجعة لأوضة ولدي تاني
ينظر إليها ضاحي باشمئزاز من منظرها فهي تعمل في هذا القصر طوال النهار ولم ترتح دقيقة واحدة ويقول: فضي خدي اللي عايزاه وغوري من اهنا معيزش أشوف شكلك ده
تغلق أميرة عينيها بقوة وتبلع غصتها وتذهب إلى الخزانة دون أن تتحدث وتأخذ ملابسها ويقول ضاحي وهو يجلس على السرير ويضع قدم على الأخرى بغرور: هاتي مياه سخنة علشان أحط رجلي وجعاني ومستحملش أجعد اكده
تنظر إليه أميرة وتتنهد بقوة كبيرة وتذهب إلى الحمام الذي يوجد بالغرفة وهي تصبر لحد اللعنة على هذا الرجل وتذهب بالفعل تفعل كما قال وتضع الماء أسفل قدمه وينظر إليها ضاحي باشمئزاز ويضع قدمه في هذه الماء ويسحبها بسرعة ويقول بصوت عال: المياه ساخنة مفكرة أنك هتصمتيني فروجة ياك
كادت أميرة أن تتحدث لكن يرفع ضاحي يده ويصفعها بقوة كبيرة ويدخل على صفعتها طفلها ويركض إلى الأسفل بسرعة ويقول ضاحي بغضب شديد: وكمان عايزة تردي عليا يا وكْلة ناسك أنتي نسيتي حالك وأنا جايبك منين ياك
تنزل دموع أميرة بغزارة شديدة وتنظر الي ضاحي ولا تستطيع ان تتحدث لتركض الي الخارج دون كلمه واحده وينظر خلفها ضاحي ويقول بغضب: بت المخبول هترد عليا مفكره انها من مجامي علشان ترد
نهي حديثه ويذهب الي الخارج وينزل للاسفل لاجل ان يذهب كعادته يسهر مع اصدقائه ويذهب الي الخارج وكان ان يركب سيارته لكن يسمع ما
يقول : هدي حالك شوي يا ولد ابوي
كان هذا الصوت كافي ان يفزع ضاحي بشده ويلف ضاحي وينظر الي صاحب الصوت بخوف ويقول : وانا عملت ايه دلوجتي ياخوي
يبتسم همام ببرود شديد وينهض ويسير بخطوات كانت كافيه ان تدب الرعب بقلب ضاحي ويقف همام أمامه ويرفع يده ليظن ضاحي ان همام سوف يصفعه ويضع يده علي وجهه بخوف منه لكن يضع همام يده علي كتف ضاحي ويقول : متخافش يا ولد ابوي انا عايز نفهمك بس
يبلع ضاحي ريقه بصعوبه ويقول : تفهمني ايه يا غول
همام بجمود شديد : لو يدك اترفعت علي مرتك تاني يمين بالله لا اجطعها واخليك تتوحشها يا ضاحي مفهوم بت الناس اللي جابتها بيتك غصب عنك تحترمها لو مش ليك لعيالك
اومٱ له ضاحي بخوف شديد ويقول.حاضر ياخوي مهضربهاش تاني اميره مرتي وهي بتغلط واني مهنستحملش شغل الحرايم ده
يبتسم همام ويخبط علي كتف ضاحي بقوه كبيره ويقول.لو كل اللي هيغلط هيتضرب يبقي انا هجتلك يا ضاحي اوعي تنساه حالك وفكر زين جبل ما تعمل ايي حاجه بعد اكده علشان هحاسبك علي كل خطوه تخطيها
اومٱ له ضاحي وهو لم يستطيع ان يتحدث ام يقول شئ خوفا من همام فهو يعلم بأنه من الممكن يفعل كل شئ به الان وينزع همام يده من عليه ويقول.يلا روح شوف حالك هتعمل ايه
وكأنه كان ينتظر هذا الامر ويركب السياره علي الفور ويقودها بسرعه كبيره من امام همام الذي نظر خلفه وابتسم ببرود شديد ويري بالذي يركض اليه بسرعه ويقول.اني عرفت هو وين دلوجتي يا غول
ينظر اليه همام ويبتسم بغموض شديد ويقول.وينه

يتبع….

 

 

• لقراءة باقي فصول الرواية اضغط على (رواية غول الصعيد)