رواية غمرتني عشق من الفصل الحادي والثلاثون للأخير بقلم شيمو الخطيب

رواية غمرتني عشق الفصل الحادي والثلاثون 31 بقلم شيمو الخطيب

 

 

البارت الحادي والثلاثون

 

الحلقه ٣١
من (غمرتني عشق)
💕اللهم إني اسألك يا الله، الأحد الصمد، الذي لم يلِدْ ولم يولد، ولم يكن له كُفُوًا أحد، أن تغفر ليَ ذنوبي إنك أنت الغفور الرحيم.💕
بسم الله الرحمن الرحيم
حسام طلع على القسم،، مخنوق وقرفان،،. و بيتعامل مع كل اللي يقابله بنرفزه
حسن العسكري دخل: حسام بيه،،. اجيب لحضرتك عصير يهدي أعصابك،، انا حاسس ان حضرتك مشدود انهارده ومش على طبيعتك
حسام بنرفزه : ليه يا حسن شايفني بشد في شعري، ولا اتجننت، ايه مش على طبيعتك دي
حسن: انا اسف يافندم،. بس، بجد حاسس ان حضرتك في حاجه مدايقاك،،
انا اسف للمره التانيه يافندم،، ولسه هيخرج حسام نده عليه
حسام باسف : حسن؛؛ استنى، وقرب منه وحط اديه على كتفه،، انا مش عايزك تزعل مني،. أنا بس مخنوق شويه وان شاء الله هبقي تمام،. وخلاص ياسيدي، هشرب عصير عشان خاطرك بس،
حسن ابتسم لتواضع حسام وانه طيب خاطره : ثواني ويكون العصير عند حضرتك يا حسام باشا،. ربنا يروق بالك يارب
حسام : يارب،،. المهم يلا ومتتاخرش
حسن : ثواني ياباشا،، . تحت امر حضرتك
حسام قعد على المكتب ورفع رجله فوقه،،. ونفخ بضيق، وطلع تليفونه واتصل على نفس الرقم لكن مقفول،،. كلم واحد صاحبه في الشركه التابع ليها الرقم
حسام: الو،،. ازيك يا مالك،، ايه اخبارك ياكبير
مالك : يااااه. حضرة الظابط حسام بشمحه وصوته ههههه،،والله ليك وحشه ياراجل
حسام : تسلم ياكبير والله انت اللي واحشني جدا،،. بس الدنيا والشغل اللي بعدني عنك ياصاحبي والله
مالك : اه ياعم، ما انت مالكش غير قاسم العزيزي وبس، ده الوحيد اللي مفيش حاجه تبعدك عنه، يلا، الله يسهلو ياعم
حسام اتنهد بألم،، : لا ياعم متقولش كده ده انت حبيبي،
مالك؛ وانت والله ياحسام،،. المهم،، الاتصال ده لوجه الله، ولا فيه مصلحه
حسام ابتسم: بصراحه الاتنين
مالك ضحك: ههههه، لا ياصاحبي، مينفعش الاتنين يجتمعوا،، بس انا هطلع اجدع منك واقولك اؤمر ياكبير،. خير
حسام: مالك انا عايزك تجيبلي اسم صاحب الرقم ده وعنوانه ضروري جدا، واداله الرقم
مالك بتفكير : اممممم،. بس ليه يا حسام هتراقبه ولا ايه
حسام: هاته بس، وبعدين هقولك،،
مالك تمام، اديني بس ٥ دقايق وهكلمك،.
وبعد خمس دقايق مالك اتصل
حسام بلهفه : ها يامالك وصلت لحاجه
مالك : ياااه، للدرجادي،،. ده مهم عندك قوي بقه
حسام بضيق: متنجز يامالك،، عرفت اسمه
مالك: للأسف يا حسام بيه،،. الرقم ده لسه شغال امبارح بس، ومش متسيف باسم،. يعني شريحه من اللي بتتباع في الشوارع دي، وحاليا مقفول،
حسام خبط بايده على المكتب بخنقه،،، : ماشي يا مالك شكرا لتعبك بجد
مالك حس بخنقة حسام : متقولش كده ياكبير ده انت تؤمر
حسام : تسلم يامالك، بس انا عايز منك تتابع الفون ده اول ما يتفتح تعرف مكانه بالظبط، ياريت لو وصلت لحاجه تعرفني يا مالك
مالك : عنيا يا حسام،،. اكيد لو عرفت حاجه هكلمك
حسام: سلام يا مالك،،. وقفلوا مع بعض وقعد حسام وفكر مع نفسه،. ووصل ان اكيد ده مقلب من حد بيكره رنا جدا،،. لانه مش ممكن رنا تخونه، ولو فعلا بتكلمه، ليه قفل موبايله،، وهو كان كاتب انه مستني رساله منها اني نزلت،، لا ده اكيد مقلب،. اكيد حد عايز يفرقنا،،. وانا لايمكن هسمح بكده،، انا اتسرعت ولازم أصلح غلطتي،.
وقام بسرعه، وخرج من القسم وقابل حسن، وقاله انه يبلغ الظابط هشام انه مشي لموضوع مهم ،و ركب عربيته،. وطلع على الفيلا،.
————- بقلم شيمو الخطيب
عند قاسم
قاسم طلع هو وجيجي،، ووالدته طلبت منه يروح الفيلا يجيب شويه حاجات ليهم
هدي: قومي يا رنا روحي مع اخوكي هاتي اللي احنا عايزينه من الفيلا
قاسم بسرعه: لا ياماما،،. أنا هاخد جيجي
جيجي فرحت قوى وبصت لعشق بصت شماته، وقربت من قاسم،.
جيجي بتبص لعشق: تحت امرك ياحبيبي، انا اخدم عمي بعنيا
عشق قلبها ولع نار، بصت لقاسم بغيظ، لكن قاسم عنيه متعلقه بيها بجمود
عشق: احم،، استأذن انا يا هدى هانم،. ولو احتاجتو اي حاجه، رنوا بس على الجرس ده،. واي ممرضه هتيجي تشوف طلباتك، وانا موجوده،، في اي وقت ابعتيلي اي ممرضه وانا هاجي على طول وبصت لقاسم وخرجت
قاسم خرج وراها : احم،،. انسه عشق،،
عشق بصت ليه بصدمه : وغصب عنها قالت،،. انسه،،، انسه يا قاسم
قاسم بجمود: ايوه انسه،، كل واحد لازم يعرف حدوده،، انتي واحده ملك لراجل تاني، وانا بصراحه اللي مرضاهوش على نفسي مرضاهوش على غيري. واظن ان ده مش غلط
عشق وقفت بخنقه: اممممم،، ماشي يا قاسم بيه،، انت عندك حق، ها،، كنت محتاج مني حاجه
قاسم بص في عنيها كتير ومش قادر يبعد عنها،. ولا يمشي ويسيبها، ومش عارف هو نده ليها ليه،
قاسم؛: انا كنت بس بنادي عشان اشكرك على وقفتك معانا،،
عشق ابتسمت بوجع : هههه،. لا يا قاسم بيه متشكرنيش، ده واجبي، واي حد حتى لو غريب عني بتعامل معاه كده،، يعني زيك زي غيرك،، مش مستاهله شكر ياقاسم،،،، بيه
قاسم اتغاظ من ردها لكن ابتسم لان هي دي عشق،. عشق القويه اللي مبتسيبش حقها،،. وافتكر اول مره شافها مع خالد وكانت داخله مش خايفه وواثقه انها على حق، وبتدافع عن حقها لآخر نفس فيها. وسرح في كل ده
عشق بتبصله وقالت: ايه ياقاسم بيه، بتضحك على ايه،،
جيجي جت ومسكت دراع قاسم: وقالت بدلع وهي عنيها على عشق : ايه ياقاسم يا حبيبي. مش هنمشي ولا ايه
عشق اتخنقت : احم؛؛ بعد اذنك ياقاسم بيه
قاسم شد ايده من جيجي وقال: عشق،،
عشق بصت ليه وعنيها نفسها تحضنه،،
قاسم : قرب منها،، انا عايز اقولك اخر حاجه،. واتمنى انك تسمحيلي اقولهالك
عشق قربت منه وعنيها متعلقه بيه، ونفسها تترمي في حضنه،،
قاسم قال بكل حب واحساس ووجع،. : وحشتيني ياعشق
عشق اتنهدت بصوت عالي : وعنيها اتملت دموع،، وقاسم قرأ في عنيها كل الكلام اللي كان عايز يسمعه منها،،. وعشق غرقت في بحور حبه،، وحست انها على وشك الانهيار،، سابته واقف وجريت من قدامه،، وهو بص عليها لحد ما اختفت من قدامه، ورجع لجيجي وبصلها لقاها واقفه هتولع نار،.
قاسم؛ مش يلا ولا مش ناويه تيجي معايا
جيجي بغيظ: لا جايه ياقاسم.،، جايه،، ونزلوا وركبوا العربيه
جيجي؛ قاسم هو انا ممكن أسألك سؤال
قاسم : اممممم طبعا، اتفضلي
جيجي : هو انت ليه عايزني اجي معاك الفيلا،،.
قاسم ببرود: لو مش حابه تيجي، ممكن ارجعك واخد رنا، عادي يعني
جيجي بسرعه: لا انا مش قصدي، انا بس عايزه اعرف،،. انت لسه كنت بتتكلم مع عشق، وبعدين بصراحه انا مستغربه رد فعلك من ناحيتها،. مش دي اللي انت رفضتني عشانها، ليه دلوقتي بترفضها
قاسم : مبدأيا كده،، ده مبقاش سؤال يا جيجي، ده بقه عشرين،. بس انا هجاوبك عليهم، في اجابه واحده بس،
عشق اتخطبت يا جيجي
اظن الاجابه دي ردت علي كل تساؤلاتك
جيجي بفرحه: بجد،، اتخطبت،. يااااه، اخيرا. قاسم بصلها بضيق وهي سكتت خالص
جيجي: طيب ممكن اطلب منك طلب
قاسم نفخ : امممم،. قولي
جيجي: انا عايزه نفتح صفحه جديده انا وانت، عايزاك تحبني زي ما بحبك ممكن
قاسم : هحاول يا جيجي، انتي برده مراتي ومينفعش، اني ادايقك اكتر من كده
جيجي بفرحه : بجد انا بحبك قوي ياقاسم
قاسم وصل الفيلا،. وجرى ناجي وصبحي عليه،. وزينب سمعته طلعت بسرعه وسألوه عن حازم، وهو طمنهم،. وقال لزينب تعمله قهوه بسرعه
دخل قاسم وجيجي الفيلا،. ولسه جيجي طالعه على السلم تجيب الحاجات اللي هدى قالتلها عليها
سمعت قاسم بصوت عالي جدا هز الفيلا كلها،، : جيلااااااااااان
جيجي بصت عليه برعب من صوته،. وفجأه لقت قاسم جابها من شعرها من على السلم وقال :
بقه انتي يا جيلان عايزه تطلقي رنا،،. انتي عايزه تدمري حياتها وحياتنا كلنا،، انتي فاكره اني مشكتش فيكي،. وضربها بالقلم.،، فاكره اني استبعدتك من الحركات القذره دي. وضربها القلم تاني،
تبقى غلطانه،، انا عارفك يابنت القناوي،. وعارف قلبك الأسود وحقدك وغرورك اللي مالوش لازمه. وضربها قلم تالت، انتي عايزه تقفي قدام قاسم العزيزي، وقال ايه حبني ياقاسم زي ما بحبك،،
وضربها القلم الرابع وفي اللحظه دي وقعت على الأرض بخوف ورعب وشفايفها بتجيب دم، وبتبصله وبتنهج ومصدومه من كلامه
قاسم شدها من شعرها وجرها مسح بيها الفيلا كلها،، وهو بيقول،، اهو انا هعرفك مين هي جيجي القناوي،،، انا هعرفك حقيقتها بجد، وانها ماتسواش، جيجي بتصرخ من الألم، ومبقاش فيها قوه،. والرعب مسيطر عليها،،.
جيجي بصريخ وعياط: سيبني ياقاسم الله يخليك،، حراااااام عليك
حسام داخل وسمع صوت صريخ وجرى بسرعه هو وصبحي، وزينب طلعت وبتحاول تنقذ جيجي من ايد قاسم
قاسم بصوت عالي: زييينب،، ابعدي انتي احسنلك
زينب بعدت وعيونها كل دموع،. وجيجي بتستنجد بيها، الحقيني يا زينب،. كلمي بابي، كلمي اي حد انا هموت،،. آآآآآآه،،. ارحمني يا قاسم ابوس ايدك وقاسم بيجرها على الأرض وعايز يخرجها الجنينه قدام الخدامين ويقل منها، ويعرفها قيمتها
جيجي : ابوس ايدك ياقاسم،، سيبني يا قاسم،، سيبني،، اعاااااااااااا،
قاسم بغل : انا مش هرحمك يا جيلان،،. أنا هندمك انك فكرتي تأذي حد من عيلة العزيزي، بقه انتي عايزه تدمري اختي،،، ووقفها وضربها بالقلم وفي اللحظه دي اغمي عليها،. و وشها كله جاب دم ونزفت من بقها ومناخيرها، وقاسم وقف يتفرج عليها وبينهج،، وقلبه كله كره وغل من ناحيتها
حسام دخل واتفاجئ باللي حصل،.
حسام بصدمه: قاسم،،. ايه ده،، ايه اللي حصل
قاسم بص لحسام ووشه كل شر،، دي،، دي اللي كانت عايزه تدمر حياتك انت ورنا،،. دي اللي قالت لواحد يبعت الرسايل، دي اللي قررت تدمر العيله،. لكن مقدرتش، وخبطها برجله بكل غل،. دي اللي عايزه تدمرني انا،. لكن انا مسمحتش بده،،. فهمت ياحضرة الظابط ايه ده
حسام واقف مذهول من المنظر،. ومن قاسم نفسه اللي اتحول لوحش كاسر مبيرحمش، واي حد بقه يقرب منه قاسم بيدوس عليه من غير ما يفكر
حسام: زينب،،. تعالي نفوقها بسرعه،،
زينب جريت بخوف ورعب. وحاولت تفوقها،. وفعلا جيجي فاقت،،. لكن بتتنفض من الرعب،،. وعنيها متعلقه بقاسم،، وبدأت حالتها النفسيه تسوء اكتر،. وبدأت تصرخ بهستيريا
حسام اتصل بالاسعاف، وفعلا جت الإسعاف وأخذتها،،. وزينب اتصلت على فريده وقلتلها ان جيجي في المستشفى، وركبت زينب الإسعاف مع جيجي وطلعوا على المستشفى
قاسم دخل أوضة عشق، وكانت زينب نضفتها، وقعد على السرير وسند راسه ورا
حسام دخل واتكلم بصوت عالي : وبعدين ياقاسم،، هتفوق امتى بقه
قاسم قام من مكانه بسرعه ومسك حسام من هدومه،، هفوق يا حسام بيه،، بس لما اخد حقي منك الأول،،. وانت بقه،،. حسابك معايا كبيييير،،
———- بقلم شيمو الخطيب
في المستشفى
رنا بتتصل على قاسم ومبيردش،. وبتتصل على جيجي مبتردش
هدي: ايه يارنا،. انتي قلقانه كده ليه
رنا : لا يا مامي مش قلقانه، بس انا بكلم ابيه قاسم مبيردش ولا حتي جيجي بترد
هدي: زمانهم جايين، متقلقيش
رنا: انا كنت عايزه جيجي تجيبلي شويه حاجات من هناك لكن مش مشكله بقه، ابقى ارجع انا واجيبها
هدي بصت لرنا: انتي عارفه يارنا، ان شكلك بالحجاب حلو قوي،، بصراحه الاسدال عليكي تحفه
رنا بفرحه: بجد يامامي، انا بصراحه بفكر البسه،، حاسه اني عايزه أقرب من ربنا اكتر،، حاسه اني نفسي اواظب على الصلاه،. وأقرأ القرأن،، بجد يا مامي انا برتاح قوي لمجرد الفكره،، تخيلي بقه لو فعلا انا بقيت كده
هدي بفرحه: خلاص يا حبيبتي،. أنا رأيي تفاجئي حسام وتتحجبي، وانا واثقه انه هيفرح قوي
رنا كشرت، ونزلت وشها في الأرض واتنهدت بوجع : مامي ،. حسام خلاص انتهى من حياتي، وده قرار انا مش هرجع فيه. حتى لو وصل للحقيقه، حسام جرحني كتير،، وانا مبقتش قادره اتحمل اكتر من كده
هدي بزعل: يا بنتي اخوكي قالك. وفهمك ان ده رد فعل طبيعي لأي راجل،. يشو……
رنا قاطعتها بعياط : لا يا مامي،. مش اي راجل بيفكر كده ولا بيشك في مراته بالشكل ده،،. وعشان خاطري يامامي. متكلمنيش في الموضوع ده تاني. أنا مش عايزه حسام،. ولازم اطلق منه
عشق ومحمد داخلين،. وعشق اتصدمت من اللي سمعته
محمد: احم،. سلام عليكم
هدي قامت : وعليكم السلام يا دكتور، طمني
محمد: الحاله زي الفل متقلقوش وتقدرو حاليا تشوفوه، بس ياريت بلاش كلام كتير،. وهو تقريبا مع الوقت هيرجع يتكلم عادي، لكن الحركه قدامها شويه،. قُرص العلاج اللي كان بياخده،. دوب جزء من الجلطه وممكن يقدر يتكلم،. بس عايزين نساعده لما الحاله تستقر. تماما، وأن شاء الله في امل بكره ننقله اوضه عاديه
هدي ورنا فرحوا جدا،. وهدي: قالت: تسلم يادكتور،، ربنا يفرحك يارب،
محمد: شكرا ليكي يا مدام هدى، وبص لعشق،، وقصد انه يعرفهم انها خطيبته،،، دي د عشق خطيبتي من اكتر الدكاتره اللي تثقو فيهم، اه هي لسه بتدرس بس ممتازه،. لو احتاجتو اي حاجه. هي اكيد هتساعدكوا
هدي ورنا بصو لبعض بصدمه، وعشق نزلت وشها في الأرض، وهدى ابتدت تفهم رد فعل قاسم كان بارد ليه،. وزعلت اكتر لأنها دمرت ابنها فعلا
بسمه جت بسرعه : د محمد، في حاله وصلت تحت
محمد: عشق، تعالي معايا بسرعه،. ونزلوا جري
الممرضين دخلوا الحاله أوضة الكشف،. ودخلت عشق ومحمد ومحمد كشف عليها
وفجأه عشقت شهقت، وقلبها دق بسرعه وقالت،، جيجي
محمد بصلها: في ايه ياعشق،،. كده مينفعش، ليه التوتر ده
عشق مفتحه عنيها على الاخر ومصدومه،، وقالت بهمس قاسم،، قاسم،، وخرجت بسرعه،. وطلعت فوق،. ومحمد نفخ بضيق وبيكشف على جيجي
عشق طلعت لهدي ودخلت وبتنهج؛ هدى هانم،،. كلمي قاسم،. طمنيني عليه، كلميه بسرعه،.
هدي مش فاهمه حاجه ولا رنا،. ورنا ردت،،، انا فعلا بكلمه لكن مبيردش يا عشق،. فيه ايه،. ايه اللي حصل
عشق بعياط: جيجي،، جيجي تحت وشكلها مضروبه او حادثه،. معرفش، بس حالتها وحشه قوي
هدي قامت من مكانها بسرعه،. : ابني،. حادثه،. أنا لازم اطمن على ابني،،، كلمي اخوكي يارنا بسرعه
رنا بتتصل بيه،. مبيردش، رنا ملقتش قدامها غير حسام،. واتصلت عليه فعلا
——— بقلم شيمو الخطيب
قاسم قام ومسك حسام من هدومه وقاله،. أنا هفوق يا حسام،، بس لما اخد حقي منك الأول، وحق القلم اللي ضربته لاخت قاسم العزيزي
حسام نزل ايد قاسم بعنف،. ومسكه : فوق بقه ياقاسم، بلاش اسلوب الانتقام اللي انت ماشي بيه ده،. أرجع قاسم بتاع زمان،. انت عمرك ما كنت كده،. ليه وصلت للحاله دي، ليه بقيت بالشر ده، (وبصوت عالي) فوق بقه،. انت بتضيع كل اللي حواليك وأولهم نفسك
قاسم : انا اللي بضيعكوا،، وانتو ايه،. مضيعتوش فرحتي وحياتي،،، عشق اتخطبت ياحسام وضاعت مني للأبد، انت ازاي مش حاسس بغلطك،. ازاي مقتنع ان انت صح
حسام: كل ده نصيب يا صاحبي، عشق لو كانت من نصيبك مفيش قوه في الأرض هتقدر تمنع ده. صدقني ياقاسم،. محدش فينا غلط،،. كل واحد فكر بأسلوب تفكير مختلف،. وانا قولتلك، حتي لو انا غلطت،. فغلط مقصود بيه إصلاح، مش اساءه،.
قاسم بغيظ : وانت كده صلحت ايه،. اوعي تنكر ياحسام انك متهور،. وتفكيرك في معظم الأوقات بيبقى غلط،،. انت مجرد مقريت رسايل عن مراتك اللي انت عارفها وبتحبها،. اتهورت ومديت ايدك عليها،. وكانت هتوصل للطلاق،. أنا غيرك ياحسام،. أنا كنت واثق انها مقصوده، واثق ان حد قريب هو اللي عمل كده،. واول حاجه جت في بالي كانت جيجي، ولما شوفتها قاعده في المستشفى لوحدها قربت منها وسمعتها وهي بتتكلم مع واحد اسمه علاء، وأعتقد أنه بيحب رنا،،. واتأكدت انها ورا كل ده،، انت بقه وصلت لايه،.
حسام كان واقف شايط من كلام قاسم،. ونفسه يخنق جيجي ويعرف مكان علاء ده وحلف انه مش هيرحمه،،
حسام: قرب من قاسم،،، عشان خاطري ياقاسم،،.فوق لنفسك بقه،،. سيبك مني انا،،. حتى لو انا وحش من وجهة نظرك،. وعايز تبعد عني،،. أنا مش هبعد الا لما اتأكد انك قاسم العزيزي بتاع زمان،، قاسم الطيب،،. وصدقني حق مراتي انا قادر ارجعه،، بس وحياة عشرتنا مع بعض، متضيع كل حاجه منك،،
قاسم بجمود : عشرتنا ماتت يا حسام،. وانا دفنتها بأيدي،
حسام بص لقاسم بزعل،. ولسه هيتحرك، كانت رنا بتتصل .
حسام بلهفه: ايوه يارنا،،
رنا بعياط؛ حسام،،. ابيه قاسم فين،،. أنا بكلمه مش بيرد، وجيجي هنا حالتها وحشه قوي،.
حسام هدا نوعا ما،،، ؛ متقلقيش ياحبيبتي، قاسم قدامي اهو وكويس، انا هجيلك المستشفى حالا
رنا بقلق: طب خليه يكلمني،،. عايزه اطمن عليه يا حسام
حسام بص لقاسم واداله الفون،،
وعشق قالت لرنا تفتح الاسبيكر، وفعلا رنا فتحته
قاسم بتعب: الو،، ايوه يارنا
عشق اتنهدت براحه،. وهدي ورنا متابعينها وارتاحو لما سمعو صوته،،
هدي بقلق: قاسم،،. انت كويس ياحبيبي، طمني ياقاسم،،. انت فين يابني
قاسم: انا كويس ياماما،،. وهاجيلكو المستشفي دلوقتي،.
هدي: طب فهمني اللي حصل،،. طمن قلبي
قاسم : لما اجي يا أمي هتفهمي كل حاجه سلام دلوقتي ،، وقفل معاها وعشق، ورنا وهدى اطمنوا وحمدوا ربنا انه بخير
هدي: عشق،.انا عايزه اعرف ايه اللي حصل بينك وبين قاسم
رنا : اه ياعشق،. ليه ابيه قاسم بيتعامل كده،. هو عرف انك اتخطبتي،
عشق اتنهدت،. وحكت ليهم اللي حصل،. وكلهم زعلوا على اللي قاسم وعشق وصلوا ليه، وعشق استأذنت تنزل تطمن علي جيجي، ورنا نزلت معاها،، وهدى قعدت تعيط كتير على حال ابنها،. وانها السبب في كل اللي هو فيه،. وعرفت من رنا بعد ما طلعت، أنه جيجي مضروبه،. وشكو انه اكيد قاسم،.
قاسم وحسام وصلوا المستشفى وكل واحد فيهم مش بيكلم التاني
قاسم دخل الاوضه : السلام عليكم،،
هدي قامت بسرعه : حبيبي، انت كويس
قاسم نام على السرير بتعب،واتنهد.،، اااااه،. اه يا أمي كويس،
هدي قربت من قاسم بزعل: وانت بعد التنهيده دي تبقي كويس ازاي،،، ، طب طمني ايه اللي حصل لجيجي، ومين عمل فيها كده
قاسم قام. وبص لحسام،
حسام دخل،. وقرب من رنا،، واخدها في حضنه،، : رنا،، انا اسف. اسف بجد على كل كلمه،. أنا عارف اني غلطت،. وليكي حق تزعلي مني،. بس دي كانت غيره وحب،. أنا بحبك ومستحملتش الكلام اللي قريته ده،،.، وقرب من هدى
انا بعتذرلك يا امي، وعايزك تسامحيني،. غصب عني، بحبها، والشيطان…..
هدي قاطعته : مسمحاك وعاذراك يا حبيبي، وده يخليك بعد كده تتعلم، بس انتو عرفتوا الحقيقه؟
قاسم :ايوه يا أمي، جيجي هي اللي ورا كل ده
رنا شهقت بصدمه : جيجي،. طب ازاي
قاسم حكي كل حاجه،،.
وفجأه دخلت فريده عليهم ومعاها البوليس
فريده : اهو يا حضرة الظابط،،. هو ده اللي عمل في بنتي، كده،. واقسم بالله ياقاسم ياعزيزي ما هسيبك،. وهدفعك تمن اللي عملته في بنتي كتيير قوي،
قاسم قام وقف وحسام وقف قدامه وسلم على الظابط
حسام: انا الظابط حسام المغازي، لو تسمح حضرتك نتكلم على انفراد
الظابط؛ طبعا يافندم،. حضرتك غني عن التعريف
حسام: شكرا ليك ياحضرة الظابط
فريده واقفه هتموت؛ ايوه بقه انتو هتظبطوها مع بعض، بس انا مش هسكت،. والله لهوديه في داهيه
حسام؛ مش قاسم اللي عمل كده في بنتك،
ونكمل بكره يابنات
دمتم سالمين
بقلم شيمو الخطيب
❤❤❤❤
الحلقه ٣٢
من (غمرتني عشق)
💕اللهم اغفر لنا وارحمنا، واحسن خاتمتنا وقنا عذاب القبر وعذاب النار يارب العالمين💕
بسم الله الرحمن الرحيم
بسمه شافت البوليس داخلين أوضة قاسم،. وفي دربكة جامده،. جريت على عشق في مكتبها وقالت
بسمه : عشق،،. بت يا عشق. الحقي ده البوليس قالب الدنيا على قاسم،. وشكله يا حبيبي، هيروح في الرجلين
عشق قامت بسرعه : ليه يابسمه، وايه اللي حصل
بسمه: معرفش،. أنا كل اللي سمعته ان والدة المريضه اللي جت من شويه طلعت ومعاها ظابط،، وحالفه لتودي قاسم في داهيه
عشق جريت من قدامها بسرعه
بسمه : عشق، بت يا عشق،. الله يخربيت كده،، ده الدكتور محمد هينفخنا،،. يقطع الحب وسنينه، وجريت بسمه ورا عشق
عشق دخلت الاوضه،،، ووقفت جنب رنا : فيه ايه يا رنا،، ايه اللي حصل
رنا بخنقه وهمس: عايزين ياخدوا ابيه قاسم ياعشق. لكن ان شاء الله ربنا هيحلها من عنده،، ويقف جنبنا
حسام اخد الظابط،، وقاسم وطلعوا اتكلمو بره الاوضه
هدي بتكلم فريده : فريده،، ممكن تهدي ونحل الموضوع ودي،، كده مينفعش
فريده بنرفزه : اقسم بالله ابدا،. أنا لازم افضحه واعرفه قيمته،،. ابنك مفكر أن محدش يقدر عليه،. بيتشطر على بنتي، وبيبهدلها بالشكل ده، ده انا كلمت محسن وزمانه جاي، خليه يشوف صرفه معاه،. أنا هدفعه تمن ضربه ليها ده غالي قوي، يا هدى، وبكره هفرجك انا هعمل ايه
رنا بنرفزه: مهو يا طنط،، جيجي اللي غلطانه من الاول،. هي اللي كانت عايزه تدمر حياتي وتطلقني من جوزي،. لولا أن ابيه قاسم اكتشف، يعني هي اللي عملت في نفسها كده من الاول
فريده اتصدمت انهم عرفوا وقربت من رنا : انتي كذابه وعايزه تطلعي جيجي وحشه وخلاص،.اوعي تفتكري انكو هتقدروا علينا، لا،. (وبصت لهدي) وابنك ده،. أنا هعرف ازاي اندمه على اللي عمله،
وخرجت متغاظه وسابتهم
محمد داخل الاوضه : ايه اللي بيحصل ده،. ياريت تراعو اننا في مستشفى،. مش واقفين في الشارع،. وغلط جدا اللي بيحصل ( وطلع بره لقاسم) :، اظن يا استاذ قاسم ان ده مينفعش يحصل في مستشفى،، وده بصراحه عامل ازعاج للمرضى.، تقدروا حضراتكو تحلو مشاكلكو العائليه بره المستشفى
قاسم نفخ بخنقه: احنا اسفين يا دكتور، اكيد انت عندك حق،
حسام : احنا اسفين يا دكتور محمد،، احنا فعلا هنمشي من هنا حالا،
واخد قاسم والظابط ومشيو وفريده ورنا نزلوا وراهم
هدي قعدت تعيط، وحاسه ان الدنيا جايه عليها،. و مبقتش قادره تتحمل اكتر من كده،، عشق واقفه جنبها،. وكان نفسها تنزل تتطمن على قاسم،. لكن اللي منعها وجود محمد،. وقفت تبص لمحمد،. وقربت من هدى
عشق: اهدي يا مدام هدى،،. إن شاء الله خير
هدي بصت لمحمد وعشق وهزت راسها : ان شاء الله ربنا مش هيسيبنا،، واحنا اسفين ليكو بجد،، واسفين على المشكله اللي عملناها،
محمد : حصل خير يامدام هدى، لو حضرتك حابه تطلعي لحازم بيه،. تقدري تتفضلي، الحاله استقرت والحمد لله
هدي بلهفه : ايوه هطلع،، ياريت يا دكتور
محمد بص لعشق: عشق،،.اطلعي مع هدى هانم،. وخليكي معاها لحد متنزل،. وياريت بلاش نقول لحازم بيه اي حاجه ممكن تدايقه، لأن ده هيأثر على حالته النفسيه،
عشق: حاضر، (وبصت لهدي ومسكت اديها وطلعوا ووقفت عشق بره وهدى بس اللي دخلت
————- بقلم شيمو الخطيب
امجد نزل الاستراحه،. ودخل،. وكانت فاديه، بتصلي، دخل وقعد في الانتريه بتعب ورجع راسه لورا وغمض عنيه
خلصت فاديه صلاه، وخرجت من اوضتها، وجريت على امجد
فاديه بقلق؛ امجد.،، مالك،، انت كويس، طمني عليك
امجد فتح عنيه : اه الحمد لله كويس يافاديه،، متقلقيش يا حبيبتي
فاديه بقلق : بس شكلك بيقول غير كده،، كنت فين،. وراجع ليه مدايق وتعبان بالشكل ده
امجد اتنهد؛ كنت مع قاسم العزيزي
فاديه بصدمه : قاسم،. طب ليه،. وعملت معاه ايه
امجد حكالها كل حاجه،،
فاديه : لا حول ولا قوة الا بالله،، والله منا عارفه اقول ايه،، زي مايكون القدر بيجمعهم،. بس للاسف يا أمجد مبقاش ينفع، محمد مايستاهلش مننا كده،،.
امجد بحيره : مش عارف يا فاديه اعمل ايه،. مش عايز أظلم حد، لكن للأسف عشان الموضوع يتحل،. لازم حد يتظلم، وده صعب اني اقدر احكم فيه.،. أنا بجد لأول مره احس اني مش عارف احل مشكله،، كل مره ربنا بيقدرني وبحلها. لكن دلوقتي مش قادر اجي على حد
فاديه قربت منه وطبطبت على ضهره : سيبها لله يا أمجد وهو اللي هيحلها من عنده،،
امجد :ونعم بالله يافاديه،، وفجأه تليفونه رن وكانت عشق
عشق؛ بابا،. انت فين
امجد بقلق؛ ايه ياعشق مال صوتك
عشق؛ لا متقلقش، بس كان فيه مشكله مع قاسم،. و البوليس اخده من هنا
امجد وقف بخضه : ايه، بوليس، طب ليه كل ده
عشق؛ اطلع بس وهفهمك،. مش انت في البيت
امجد؛ ايوه ايوه،. أنا طالعلك حالا
فاديه بخوف : فيه ايه يا أمجد طمني،. بوليس ايه اللي بتتكلم عنه
امجد اخد مفاتيحه وخارج : ده مشكله مع قاسم يا فاديه ،،. هشوف الموضوع واكلمك،، وخرج وقفل الباب
فاديه : يادي قاسم،، والله منا عارفه اعمل ايه، هه،، ربنا يصلح حاله،. ويفك ضيقته يارب
———– بقلم شيمو الخطيب
امجد طلع بسرعه، ووصل لمحمد
امجد؛ ايه يا محمد، ايه اللي حصل لقاسم
محمد : اهدي يا أمجد بيه،، خير ان شاء الله، بس هو مين اللي قالك
امجد : عشق كلمتني وقالتلي…… ومكملش
محمد ابتسم بخنقه: هه،. ايه يا أمجد بيه،. كمل،، عشق قلتلك ايه
امجد: انا اسف يا محمد،، انا بجد مش عارف اقولك ايه
محمد :متقولش حاجه يا أمجد بيه،. أنا اكيد اللي هقول في الاخر،. على العموم قاسم تقريبا راح القسم مع حسام بيه والظابط اللي كان موجود،،. وان شاء الله خير،، استأذن انا عشان اكمل شغلي ومشي،،
امجد واقف وبص لقى عشق وهدى نازلين،، : قرب منهم،،، ها ياعشق طمنيني،. حازم بيه عامل ايه دلوقتي
عشق ماشيه جنب هدي: بخير يابابا الحمد لله،، بقه احسن كتير،. وان شاء الله على الصبح هيتنقل اوضه عاديه
هدي اتفاجئت بكلمة بابا،، وقالت: عشق،. أنا مش فاهمه حاجه،، هو امجد بيه، يقربلك،.
امجد؛ تعالي بس يا مدام هدى استريحي في الاوضه وانا هحكيلك على كل حاجه.،.
وفعلا هدى دخلت،. وقعدت على السرير، وامجد وعشق، قاعدين قدامها،،
امجد : بصي يا مدام هدى، انا هحكيلك كل اللي حصل،،. وبدأ يحكي،. وهدي عيطت من كلامه ومن اللي حصل لعشق،
هدي: بصت لعشق،،، انا اسفه يابنتي على اللي عملناه فيكي،. اوعي تزعلي ياعشق، انا بصراحه مندمتش في حياتي قد ما ندمت على اني بعدتك عن قاسم،، لكن هقول ايه،، ده نصيب،. وربنا يسعدك ياعشق يارب،.
عشق اتنهدت وسكتت،. و استأذنت وخرجت من الاوضه
——— بقلم شيمو الخطيب
في القسم
قاسم قاعد وحسام بيتكلم مع الظابط، وحكاله كل حاجه، وقاله ان قاسم عمل كده لان جيجي كانت هتدمر حياة اخته، وحياته هو شخصيا
الظابط: حسام بيه،، انا مقدر الموقف جدا، بس انت عارف الإجراءات وعارف أن القانون مبيفرقش، وبصراحه والدة المجني عليها بتتهم قاسم بيه بالتعدي على بنتها، ومش راضيه تتنازل، فأنا هحاول مع المجني عليها، لأن هي اللي في ايديها الحل، لو اتنازلت وعملت صلح، يبقى كده مفيش قضيه، واكيد مش انا اللي هشرح لحضرتك الوضع، واكيد حضرتك كمان مقدر حاجه زي دي
حسام بخنقه : خلاص يا حضرة الظابط انا هستاذنك اتكلم انا مع قاسم، ممكن
الظابط : طبعا ممكن يافندم، وخرج وسابهم في المكتب
حسام لسه هيتكلم،، كان قاسم تليفونه رن،،
قاسم بابتسامه : حبيب قلبي اللي ناسيني
مؤمن : حبيب هارتي يا كبير، ايه يا معلم اللي حصل، انا سمعت ان حازم بيه تعبان، قولت لا، واجب يا واد يا مؤمن تكلم كبير المنطقه كلها قاسم بيه العزيزي
قاسم ضحك : والله يا مؤمن انت جاي في وقتك بالظبط، اخوك في القسم، ومقبوض عليه وابويا في المستشفى، واختي كانت على وشك الطلاق، وانا وخسرت قلبي وحياتي كلها، والغريب بقه ان في كل ده، واول ما شوفت اسمك ابتسمت، عمرك شوفت كده
مؤمن مصدوم من كلامه : وانت في القسم مقبوض عليك ليه ياقاسم،،
قاسم : مشكله صغيره وهتعدي ان شاءالله
مؤمن : قسم ايه بالظبط وانا هتصل على نادر واجيلك حالا
قاسم بابتسامة: لا يا مؤمن متتعبش نفسك،،. حسام معايا هنا،. وهتعدي ان شاء الله
مؤمن بنرفزه : هو ايه اللي متعبش نفسي، متنجز يابني وقول انت في قسم ايه
قاسم قال لمؤمن العنوان،. وقفل معاه وابتسم وسرح
حسام: قاسم،،، ياقاسم،، ايه ياعم رحت فين
قاسم: ها،، لا مفيش،. بس بجد مؤمن ونادر دول من اجدع الناس اللي قابلتهم،،
حسام بزعل: انت لسه زعلان مني ياقاسم،،. أنا عارف انه مش وقته، بس مش قادر اتحمل نظرتك ليا ،،. قاسم افهمني، انا بجد مش عايز اخسرك، ولا هقدر ابعد عن رنا،. أنا كنت راجع اصالحها،، كنت راجع اعتذرلها عن اللي عملته،. ولما هديت وقعدت مع نفسي، عرفت اني كنت غلط،،
قاسم قاعد وباصص بعيد وساكت
حسام سكت خالص،. وبعد عن قاسم واتصل على رنا، وعرف منها اسم علاء بالكامل،،
حسام: قاسم،،. أنا مضطر اسيبك هنا،،. وانا هنبه على الظابط متدخلش الحجز،،
انا هعمل مشوار مهم،، وارجع على طول
قاسم مسك حسام من دراعه : أجله يا حسام لما اجي معاك،،. أنا عارف انك متهور ومش هترحمه
حسام ابتسم ان صاحبه خايف عليه،، : متقلقش ياقاسم،،. أنا لازم اخد حق مراتي وحقي انا شخصيا،،(وقال وهو ماشي) هكلمك اطمن عليك،، خرج حسام،. ودخل الظابط وبعدها،، دخل نادر ومؤمن
قاسم قاعد ومغمض عنيه، وفجأه سمع الظابط بيقول : اهلا وسهلا بحضرة المقدم
قاسم قام بسرعه ومؤمن راح ناحيته :
مؤمن: طمني ياقاسم ايه اللي حصل،،
قاسم بص لمؤمن بامتنان، وسلم عليه وحضنه،، متقلقش يا مؤمن مشكله عائليه وهتتحل
نادر قعد مع الظابط والظابط حكاله اللي حصل
نادر طيب شكرا ليك جدا يا حضرة الظابط،،. وبص لقاسم وراح ناحيته
قاسم قام وسلم على نادر بحراره،، وحضنه جامد،،
نادر: ليه ياقاسم،، ليه تعمل كده،، كنت فاكر انك اعقل من كده،،
قاسم قعد وحكي لمؤمن ونادر اللي حصل
مؤمن : يانهار ابوك…. لا مؤاخذه،، بقه ياراجل كنت هتموت البت،، وتودي نفسك في داهيه،،. طب كان أسهل طلقها، لكن كده ياقاسم صعب ، تضرب بنت لدرجة انها تتنقل المستشفى، بصراحه ده افتري منك ياقاسم
قاسم بخنقه: لا يا مؤمن ده مش افتري،، ده كره وغل وضغط وتراكمات قديمه، وحاجات كتير انا مريت بيها أثرت فيا بالسلب ، منكرش اني غلط،، لكن انا بني آدم وليا قوة تحمل،، تعبت يا مؤمن ومبقتش عايز حاجه من الدنيا،. أنا كرهت نفسي. يا مؤمن،. ونفسي، اخلص من حياتي كلها،، انت مش متخيل انا جوايا ايه،، ولا انا هقدر اوصفلك،، لأن مفيش كلام يوصف النار اللي انا حاسس بيها دلوقتي، لكن هيفيد بايه،، خلاص،،. مبقاش ينفع اني اصلح حاجه،، تصدق بالله،، انا مش عايز اطلع من القضيه دي،. أنا عايز اتسجن،. وعارف انها مش اقل من ٥ سنين. بس هيبقو اهدي ٥ سنين في حياتي. هحس ان اعصاااابييي هااااديه ومفيش حاجه تدايقني،، ولا أشكال تخنقني
نادر زعلان جدا على حالة قاسم،. ومؤمن كمان زعل، لأن نادر حكاله في السكه اللي حصل بينه وبين قاسم،،
مؤمن بضحك وحب يروق عليه: طب ينفع كده ياكبير، يرضيك متشوفنيش لمدة ٥ سنين،، ده حتى حرام
قاسم ضحك بوجع : هههه،، لا انت هتطلع اجدع مني وهتيجي تزورني
مؤمن : لا ياعم يفتح الله،، وامشي في الشارع يقولوا عليا اللي صاحبه سوابق،، ده انت شبهه لوحدك،
قاسم ضحك ومؤمن قال: ايوه يا راجل فكها،،. وكل محنه بعدها منحه،، واكيد فرج ربنا قريب،. وعوضه هيكون كبير قوي ياقاسم،، قوم ياراجل كده وفك معايا، وتعالي نشدلنا حجرين شيشه على القهوه، على مانادر يخلص القضيه ويجي
نادر بصدمه : حجرين شيشه،، انت مجنون ياض انت،، وبعدين قضية ايه اللي هخلصها ،، انت محسسني انها طبخه وهتخلص في ساعتها،،. بالله عليك يا مؤمن أركن انت على جنب دلوقتي خلينا نشوف شغلنا
مؤمن بص لقاسم: شوفت،، شوفت بيعاملني ازاي، قال يعني عشان حتة مقدم لا راح ولا جه هيتنطط علينا،، يابني انت اصلا من غيري،،،،،…..
نادر قاطعه بنرفزه: مؤمممن،، انت تسكت خالص والا هأمر بحبسك هنا وهنسيبك ونمشي، اسكت بقه خلينا نشوف حل
قاسم: هههههه، البس يامعلم. نرفزت حضرة المقدم نادر بذات نفسيته
مؤمن ضحك :،، اموت فيه وهو متنرفز،. على العموم خلاص يانادر،،. كمل يا حضرة المقدم
نادر : أعوذ بالله،، ناس مبتجيش الا بالعين الحمرا،، (وبص لقاسم)، واد ياقاسم انت كمان،،، انا هروح واحاول اوصل لحل مع أهل مراتك،،. لان ده الحل القانوني الوحيد، في حلول تانيه غير قانونيه، بس طبعا انا مبحبش الجأ ليها،.
فأنا هحاول اشوف طريقه مع أهل مراتك،. وان شاء الله خير،،، بس صحيح هو حسام فين
————- بقلم شيمو الخطيب
في المستشفى
عشق خرجت من أوضة حازم،، وماشيه بتمر على المرضى،
محمد: عشق،، انا عايز اتكلم معاكي شويه،، ممكن ولا لا
عشق : ممكن يا محمد،،. تحب دلوقتي،،
محمد: لا، هخلص اللي ورايا عشان نتكلم براحتنا،
عشق: اتنهدت،،، حاضر يا محمد،،. اول ماتخلص، كلمني،،
محمد: تمام قوي، اسيبك انا تشوفي شغلك، وسابها واقفه ومشي، وهي بتفكر،، ياترى، هيكلمها في ايه، هي مش متحمله اي كلمه،، مش عايزه تسمع كلمة ابعدي عن قاسم، لأنها مش هتقدر،. ونفخت جامد ومشيت بخنقه،
رنا طلعت ودخلت الاوضه لهدي ورمت نفسها على السرير،،
رنا : جيجي، حالتها وحشه يامامي،، انا مش عارفه ازاي ابيه قاسم يعمل فيها كده،، انا بجد تعبت اول ما شوفت منظرها،، حتى قولت لزينب تفضل جنبها ما تسيبهاش،،
هدي: والله يابنتي انا مش عارفه ايه اللي بيحصلنا، انا تعبت،، عارفه احسن حاجه ايه،، نقوم نتوضي ونصلي يمكن ربنا يفك الضيقه
رنا اتنهدت : ااااه،، فعلا يا مامي عندك حق،، انا هقوم اتوضي، ولسه هتقوم كان محسن داخل زي القطر
محسن بنرفزه: انا عايزك تبلغي ابنك ياهدي هانم، اني مش هسكت،،. أنا لازم انتقم منه واخد حق بنتي،. واقسم بالله لادفعه التمن غالي قوي، ومش بنت محسن القناوي اللي يتعمل فيها كده
هدي: طب اهدي بس يامحسن بيه وهنتفاهم
محسن: مبقاش فيه بينا تفاهم،، خلاص،، ابنك دمر كل حاجه،، وانا هعرف ازاي اخد حقي منه،،. أنا هسجنه وهفضحه،،. وهخلي الناس كلها تعرف ان قاسم العزيزي، انسان غير سوي، همجي،، مينفعش التعامل معاه،،، وسابهم وخرج
هدي: لا حول ولا قوة الا بالله،، افرجها من عندك يارب
رنا بخوف : مامي ، هو ممكن ابيه قاسم يتسجن فعلا
هدي: الله اعلم يابنتي، ربنا يستر،، المهم هو جوزك فين
رنا بخنقه : معرفش، هو كلمني واخد رقم علاء زميلنا اللي اتفق مع جيجي. وقفل، وانا مش هتصل بيه ابدا
هدي بخنقه: رناااا، بقولك ايه، بلاش عِند،، مش من اول مشكله هتخسري جوزك،، حسام بيحبك وانتي عارفه كده،،. اعقلي واطمني على جوزك
رنا : مامي، بليز سيبيني براحتي، ارجوكي، ممكن
هدي بخنقه : ممكن يا رنا انتي حره،، وسابتها ودخلت تتوضي
———— بقلم شيمو الخطيب
في القسم
نادر للظابط: بص ياحضرة الظابط انا هخرج انا وقاسم،. وده على ضمانتي الشخصيه، هنعمل محاوله التصالح وهنرجع على طول،. وصدقني انا المسؤول عنه
الظابط : اتفضل يا حضرة المقدم،، انا عمري ما اقدر اقول لحضرتك لا
نادر : الف شكر ليك يا حضرة الظابط،، (وبص لقاسم) يلا ياقاسم
قاسم ومؤمن خرجوا وركبوا العربيه،، قاسم سند راسه على الكرسي ورا
نادر بيبصله في المرايا: ايه ياقاسم،،. اكيد زمانك تعبان ومرهق
قاسم: لا انا مش تعبان يا نادر،، انا مخنوووق،، انت ليه خرجتني يا نادر،، صدقني انا مش عايز حاجه من حد،، متتعبش نفسك،، سيبني أواجه المشكله
نادر فرمل العربيه وبزعيق: بقولك ايه،، انت لازم تفوق،،. لازم تكون أقوى، ايه اليأس اللي انت فيه ده،،. ايه يعني حبيبتك اتخطبت،،. ايه يعني ان النصيب مجمعكوش،. مش نهاية الدنيا يعني، فوق ياقاسم،. انت قاسم العزيزي، اللي مصر كلها بتحلف بذكائه،،
قاسم مصدوم : نادر،، انت كنت عارف ان عشق اتخطبت،،،
نادر بص لمؤمن، وسكتوا……..
———- بقلم شيمو الخطيب
عند حسام
حسام وصل الفيلا عند علاء، وكان اهله مش موجودين،. وهو في اوضته،، بيشرب حشيش وخمره ومش في وعيه،. وفاتح موبايله على صور رنا في الجامعه،،
حسام اقتحم الفيلا،. ودخل بسرعه،. ومحدش قدر يوقفه
سأل البنت اللي شغاله هناك عنه،. وقالت انه موجود في اوضته
حسام زقها من قدامه، وطالع بكل غل وخنقه،. وفتح كذا اوضه ومكانش موجود،. لحد موصل لاوضته
علاء اتفاجئ بدخول حسام،، ولسه هيقوم،. كان حسام شده من هدومه،. ونزل فيه ضرب،، لكمه ورا التانيه
حسام : بقه انت يا ابن…. عايز تخليني اطلق مراتي،. وضربه لكمه تانيه،، انت ازاي تسمح لنفسك انك تبص لحاجه ملك حسام المغازي،. (وضربه في وشه اكتر)،. رنا دي خط أحمر،. دي ملك لحسام وبس،
انت فاهم،، ومسكه باديه الاتنين وقفه بعد ما قوة علاء انهارت،،،،، وقال،،، ده انا هوريك النجوم في عز الضهر،، انا هعرفك ازاي تجرؤ على حاجه ملكي انا،، وضربه براسه،،.
علاء وقع، وحاول يقوم لكن مقدرش،،. لكن طلع من جيبه مطوه ومسكها في ايده
حسام، وقفه، وغضبه عاميه : قوم،،. قوم تعالي انا هخليك تقول ابوس ايدك ارحمني،، وبرده مش هرحمك،،
علاء وقف، وفجأه ضرب حسام في جنبه بالمطوه،……
ونكمل بكره يابنات
دمتم سالمين

 

 

 

الحلقه ٣٣ والاخيره
من (غمرتني عشق)
♥️ بسم الله الذي لا يضر مع اسمه شيء في الأرض ولا في السماء وهو السميع العليم❤️
ايمن اتصل على قاسم
ايمن: السلام عليكم،، ازيك يا قاسم بيه،، والف سلامه على حازم بيه ربنا يطمنكو عليه يارب
قاسم رد بتعب: وعليكم السلام،، انا تمام يا ايمن الحمدلله،، الله يسلمك،، المهم طمني الشغل عامل ايه،، انا عايزك تسد يا ايمن،، انا عارف انه تعب عليك لكن انا واثق انك قدها،،
ايمن: ولا يهمك يا قاسم بيه،، دي شركتي،. وانا اخدمك بعنيا ،، ربنا يعدي الازمه دي على خير وترجعوا بالسلامه يارب
قاسم: يارب يا ايمن،، لو احتاجت اي حاجه كلمني، ولو في اي مشكله ابقى اتصل على حسام، ايمن،، الشركه امانه في رقبتك،، اوعي تخذلني يا ايمن
ايمن: ربنا يرجعكوا بالسلامه يا قاسم بيه،، وأن شاء الله الشركه هتبقى زي ما حضرتك موجود واحسن كمان،، ربنا يقوم حازم بيه بالسلامه
قاسم: يارب يا ايمن،، وتسلم على تعبك معانا
ايمن: دي شركتي يا قاسم بيه.،. ومش هسمح اني اتخاذل في شغلي ابدا،
قاسم؛ وانا عارف انك قدها يا ايمن،، ربنا يعينك يارب
ايمن: يارب يا قاسم بيه،. تؤمرني بحاجه تانيه
قاسم: لا تسلم يا ايمن،، مع الف سلامه
ايمن : مع السلامه،، وقفلوا مع بعض
قاسم بص لنادر وساكت،، والسكوت هو سيد الموقف،، ما بين نادر ومؤمن وقاسم
قاسم بعدها اتكلم بخنقه وباصص من الشباك وساند راسه ورا : ليه مقولتليش يا نادر،، انا بجد مش عارف ليه بيتعمل فيا كده،، ليه أقرب الناس هما اللي بيوجعوني ، ابويا،. وامي،، وعشق،، وحسام،، واخرهم انت،، ليه يانادر،. كنت عرفني،، ، على الاقل ماتصدمش بالطريقه دي،، صدقني كنت هستوعب الموقف،، لكن متسيبنيش على عمايا بالشكل ده،، ياريتك كنت قولتلي يا نادر، ياريت
نادر بخنقه: قاسم، انا ممكن دلوقتي اقولك اني عرفت بعد ما قابلتك، بس انا مش هتحمل كدبه زي دي، انا اه كنت عارف، لكن حط نفسك مكاني، انا شوفت حب وفرحه في عنيك مشوفتهمش قبل كده، عايزني ازاي اقولك انها اتخطبت
قاسم اتكلم بنرفزه: كان اهون عليا من الموقف اللي انا اتحطيت فيه، عارف يعني ايه تتصدم ان حبيبتك اللي دمرت الدنيا كلها عشانها وخسرت ناس كتير عشانها بقت لواحد غيرك،،، عمرك يانادر مهتحس باحساسي،، لانك مجربتوش، مهما قولتو انكو حاسين بيا، عمركو برده مهتوصلوا للي انا حاسه،، انا جوايا نااار مش عارف اطفيها ،، نار كل ماتهدي انتو بتولعوها اكتر، وخايف احرق الكل معايا، نادر انا فعلا بتحرق من جوايا، وكلكو السبب، ايوه كلكو السبب، انتو اللي عملتو فيا كده، كل واحد بيقولي خايف عليك وعارف مصلحتك،، ومافيش حد فيكو فاهم ولا عارف اي حاجه،، لكن هيفيد بايه كل كلامي ده،، خلاص،،. اللي حصل حصل،،. والحمد لله على كل حال
مؤمن : اهدي ياقاسم ،، واحمد ربنا،، وأن شاء الله ربنا هيعوضك بالاحسن،،. سيبها لله ياصاحبي وهو هيدبرها
قاسم بخنقه : ونعم بالله يامؤمن،،، ونعم بالله
نادر بيسوق وهو ساكت ومتكلمش ولا كلمه،، ووصل للمستشفى ونزلوا كلهم، ودخلوا
نادر بخنقه: عرفني أوضة مراتك فين ياقاسم،،
قاسم : حاضر يانادر،، بس بلاش مراتك دي، لأنها بتخنقني
نادر بصله وسكت،،. وقاسم وصل عن اوضه جيجي، وكان محسن قاعد بره،
محسن اول ما شاف قاسم قام ومسكه من هدومه وقال: انا مش هرحمك يا قاسم ياعزيزي.،، بقه انت تعمل في بنتي كده،. اقسم بالله معديها وهدفعك التمن غالي قوي
قاسم نزل ايده بعنف. وقال: انا لو بأيدي كنت قتلتها يا محسن يا قناوي ،، لكن لسه ليها عمر،،،
نادر بصوت عالي: قاسم،،، اهدي،،. ايه اللي انت بتقوله ده،،، انت لازم تمسك أعصابك اكتر من كده،،(وبص لمؤمن) مؤمن خده وابعده بعيد عن هنا،،. وانت يا محسن بيه،،. ممكن تدخلني لبنت حضرتك عشان نخلص من المشكله دي
محسن بنرفزه : وحضرتك مين ان شاء الله
نادر بصوت عالي : انا المقدم نادر المنياوي . من المخابرات العامه،، أنجز بقه ودخلني لبنتك
محسن بخوف: حاضر اتفضل يا سيادة المقدم
دخل نادر واتكلم مع جيجي وكانت حالتها نوعا ما مستقره،، والدكتور كان هيكتبلها على خروج
نادر بهدوء: مدام جيجي،، ممكن تحكيلي اللي حصل بالظبط
جيجي بصت بخوف و حكت كل حاجه،،،
نادر؛ تمام قوي،. يعني قاسم ضربك لمجرد انه شك انك ورا موضوع رنا اخته،، صح ولا لا
جيجي:ايوه ،، هو ده اللي حصل،. وانا ماليش دعوه بالموضوع
نادر: امممم،. يعني انتي مكلمتيش علاء زميلكو في الجامعه،، وخلتيه هو اللي يبعت الرسايل لحسام، صح
جيجي اتصدمت وبلبخه : ها،،. علاء،. لا علاء مين
نادر : امممم، بصي يا جيجي،،. قاسم،، انا هقدر اطلعه من القضيه دي،،. واطلعك انتي خسرانه،، (لسه فريده هتتكلم) ، (نادر شاور بايده انها تسكت وكمل كلامه)
يعني انتي في كل الأحوال يا جيجي خسرانه، بس انا بقه لو طلعت قاسم،. حسام مش هيسيب حقه ولا حق مراته،، فايه رايك، تنازل قصاد تنازل وتطلعي انتي منها احسن،،،،مع العلم،،. حسام قبض على علاء واعترافه ادانه ليكي(هو حابب يهز ثقتها في نفسها) ،،
انا اللي عايزك تعرفيه،،سواء اتنازلتي او لا،. قاسم خارج خارج،، فخليها ودي احسن
محسن بغيظ: ولما هو خارج خارج ياسيادة المقدم،، حضرتك جاي تحقق مع بنتي ليه،، ويكون في علمك بنتي مش هتتنازل، وهنشوف قاسم هيخرج ازاي
نادر ضحك: هههه، لا لو على خروج قاسم سهل قوي،. وبطرق كتييير، احنا ظباط كلنا في بعض، وسهل قوي ننيم الموضوع،،. لكن بنتك بقه، محدش فينا هيرحمها، واعتراف علاء قصاد اعترافها، ده غير أن فيه طبعا مكالمات ورسايل سهل قوي نوصلها،،. أنا بحل ودي وعايز مصلحة الكل،، لاني ماليش علاقه بالمشاكل اللي بينكو، هترضوا باللي بقوله كان بها،، مش هترضوا،. امشي في اجراءاتي انا،، وانت الجاني علي بنتك،، قولت ايه يامحسن بيه،، وقبل اي رد، عايز افكرك ان اللي هي غلطت فيه وفي مراته ده، ظابط،،. ومن اكفأ ظباط الشرطه،، ركز في كلامي وفكر، وانا مستني ردك بره
نادر خارج وسايبه، وجيجي ندهت
جيجي بتعب: لو سمحت ياحضرة الظابط
نادر لف ليها : وابتسم،،، مقدم. ،، مقدم نادر المنياوي
جيجي؛ احم انا اسفه،، بس انا عايزه اتنازل عن المحضر
نادر ابتسم : ايوووه،. كده عين العقل
فريده ومحسن اتصدموا من بنتهم وسكتوا
نادر: انا هبعت للظابط أمير المسؤول عن القضيه.، واخليه يثبت التنازل فيه، عن اذنكوا
————– بقلم شيمو الخطيب
عند حسام
علاء ضرب حسام في جنبه بالمطوه،. ووقع من كتر ضرب حسام فيه
حسام واقف وقوته بتقل،، وحط ايده في جنبه،. واتألم جامد لكن حاول يقاوم، مش هينفع يسيبه يهرب
علاء بيحاول يقوم ويخرج من الفيلا قبل ما حسام يمسكه او حد يجي
حسام لحقه ومسكه بغل : تعالي هنا انت رايح فين، وحياة امي ما انا سايبك لو على موتي، وضربه بكل غل، وعلاء مش قادر ووشه كله دم،. و بيحاول يضرب حسام لكن الرؤيه عنده مشوشه
حسام جره لحد تحت وهو بينزف،، وسط ذهول كل الشغالين ومحدش قدر يقرب من حسام
علاء بتعب: عثمااان،، ابعده عني،. اتصرف يا عثمان،،. اعمل اي حاجه
حسام بصلهم بشر: اوعوا حد فيكو يتحرك،، هيبقى اخر يوم في عمره،، وخرج بيه بره،. ورماه جنبه في العربيه وخبطه في رأسه، وغاب علاء عن الوعي
طلع حسام على القسم وبدأت قوته تنهار، ووصل فعلا، ونزل طلب من العسكري يجيب علاء ويفوقه، ووصل للظابط أمير
أمير بصدمه : حساااام!!! ، ايه اللي عمل فيك كده،.
حسام بينهار: اميير، انا، انا جبت علااااء، قاسم في….. ووقع قدامه واغمى عليه
أمير بخضه: حسام ،،. بسرعه يا امين شيل معايا،.
امين العسكري شال حسام،. وطلعوا بيه على عربية أمير
امير: امين،. خليك مع المتهم اللي جوه، وبلغ الظابط هشام باللي حصل، وانا هطمن على الظابط حسام وارجع على طول،.
امين؛ تحت امرك يا فندم
وركب أمير العربيه وطلع بسرعه على مستشفى الأمل، وده طبعا لان اهله موجودين هناك،،.،
———- بقلم شيمو الخطيب
نادر خرج من أوضة جيجي،. ومؤمن وقاسم قاعدين بره،،
مؤمن قام بسرعه: ها يانادر، طمني، وصلت لايه
نادر: الحمد لله متقلقوش، المدام هتتنازل يا قاسم،،،
قاسم قاعد ومش همه اي حاجه،. وعنيه بتدور في كل مكان،. ومخنوق من نفسه انه لسه بيدور عليها
نادر قعد جنبه: ايه،. مش ناوي تفوق بقه،.
عشق جايه من آخر الطرقه ولقت قاسم قاعد، ولا إرادي جريت عليه، بسرعه
عشق وقفت قدامه بتنهج : قاسم، طمني عملت ايه. خرجت منها خلاص ولا لسه، طمني الله يخليك
نادر ومؤمن اتأكدوا ان هي دي عشق من نظرة عنيها والحب والقلق والخوف اللي باينين فيهم
قاسم بصلها وعنيه اتعلقت بعنيها وساكت خالص
عشق بدموع: عشان خاطري ياقاسم،، متوجعش قلبي اكتر من كده،، رد عليا
قاسم مسكها من كتفها باديه الاتنين : ليه ياعشق،، ليه تعملي فيا كده،، ليه بعتيني ياعشق،. أنا بحبك وعمري ما حبيت حد قدك،،. ليه تتخلى عني بالسهوله دي،،.
عشق بعياط: سيبني ياقاسم،، انا كمان عمري، ماحبيت حد قدك،، عمري ما اتخيل نفسي غير معاك،، كل ده حصل غصب عني،. وانت اللي بدأت يا قاسم، انا كنت بموت يوم جوازك،، كل حاجه فيا انهارت اول ما عرفت انك خلاص اتجوزت،، عايزني اعمل ايه،
قاسم بغيظ: تثقي فيا يا عشق، تكوني واثقه اني بحبك واني مقدرش ابقى لواحده تانيه غيرك
عشق: قاسم،. صدقني الكلام ده في الخيال،، الحقيقه والواقع غير كده خالص،، ازاي هبقي واثقه في حبك وانا وانت بعيد عن بعض،، ازاي هبقي واثقه في حبك وانت في حضن واحده تانيه غيري،. صدقني الاحساس صعب قوي،
قاسم نفخ بضيق: يعني ايه،،. يعني خلاص. كل الحب ده ضاع،،. يعني انتي ضيعتي مني يا عشق،،.
عشق لسه هتتكلم بسمه جت
بسمه؛ احم، انا اسفه، عشق،،. د محمد عايزك في المكتب
عشق بصتلها بدموع : حاضر يا بسمه انا جايه حالا
قاسم بص لعشق بوجع،. وعشق لسه هتتحرك
قاسم مسك دراعها وبيضغط عليه: عشق،،. انتي هتقعدي معاه في المكتب لوحدكو،، وبيبصلها بغيظ كبير
عشق، نزلت ايده: المكتب مفتوح يا قاسم،. و متنساش انه….
قاسم وشه احمر وشاط اكتر: انتي بتاعتي ياعشق،. ولو تقصدي انه خطيبك،. فده مش هيحصل، انتي فاهمه ولا لا
مؤمن مسك ايد قاسم : قاسم اهدي ياقاسم مش كده
اتفضلي انتي يا انسه عشق دلوقتي.
عشق بصت لقاسم بدموع، ومشيت
نادر؛ ايه ياقاسم،، متهدي شويه،،، انت لازم تتحكم في تصرفاتك دي شويه، انا هكلم الظابط أمير، عشان يجي ياخد أقوال مدام جيجي، وانت لازم تفكر قبل ماتتكلم اي كلمه
نادر طلع تليفونه واتصل : الو،، ايوه يا أمير
أمير بقلق: سيادة المقدم،، انا معايا حسام،. ومصاب في جنبه وبينزف كتير،. أنا جاي لحضرتك في السكه،،.
نادر وقف بخضه: انت بتقول اييييه، طيب تعالي بسرعه انا في المستشفى،
قاسم ومؤمن انتبهوا،
قاسم قلبه دق بسرعه : ايه يا نادر في ايه
نادر: حسام،،. حسام ياقاسم مصاب، وأمير جايبه وجاي،،
قاسم نفخ بضيق :،، انا كنت عارف انه متهور، قولتله يستنى، غبي،. غبي،. وقام بسرعه، وجرى على باب المستشفى وكان أمير بيركن
كلهم جريو عليه والاستقبال جابو الترولي، ونقلوا عليه حسام، وقاسم جنبه هيموت على صاحبه،، ووصلوه،، ونزل دكتور غير دكتور محمد كشف عليه
قاسم بص لأمير : فهمني يا حضرة الظابط ايه اللي حصل
امير: والله معرفش، هو مشي، ولسه راجع من شويه، وكان معاه المتهم التاني،، بس تقريبا اتضرب بمطوه او حاجه، انا بصراحه شوفته كده اخدته وجيت علي هنا بسرعه
نادر: طيب نهدي بس، واكيد هنفهم كل حاجه دلوقتي،
مؤمن قرب من قاسم : اهدي ياقاسم ان شاء الله خير،، حسام هيقوم بالسلامه ان شاء الله
قاسم بقلق: يارب يا مؤمن، يارب
الدكتور طلع : محتاج نقل دم حالا، للأسف نزف كتير، ولازم نعمل تحليل بسرعه نعرف فصيلته.،، بعد اذنكوا
وطلع على مكتب د محمد
——— بقلم شيمو الخطيب
في مكتب محمد
عشق دخلت: السلام عليكم،. ها يا محمد خير،. بسمه قالتلي انك عايزني،
محمد: اقعدي ياعشق،.
عشق قعدت قدامه
محمد: عشق،. أنا بصراحه كل اللي بيحصل ده مش عاجبني، انا لازم احط النقط على الحروف،
عشق : محمد عشان خاطري متضغطش على اعصابي، انا مش قادره استحمل اكتر من كده،.
محمد بنرفزه: وهو انا يعني ياعشق اللي قادر استحمل، ومين اللي ضاغط على أعصاب مين ياعشق، انتي مش حاسه باللي بيحصل ولا ايه
عشق لسه هترد كان الدكتور دخل
محمد: خير يا دكتور في ايه
الدكتور: انا اسف طبعا يا دكتور لدخولي المكتب بالشكل ده، بس الظابط حسام موجود تحت ومصاب وف حاله وحشه جدا
عشق بصدمه : مييين!!!! ،. حسااام،. وسابتهم وجريت
عشق نزلت تحت ودخلت الاوضه،. ولقت حسام نايم وفاقد الوعي، وعملوا التحليل وعرفوا الفصيله
وطلبوا اي حد يتبرع،. وطبعا عملوا التحليل لنادر ومؤمن وقاسم،. حتى عشق عملت تحليل، وقاسم اللي كان متفق معاه ونفس فصيلته
عشق قربت من حسام، وبتعيط، وقاسم متابع تحركاتها بغيظ
قاسم: ايه، زعلانه عشانه
عشق بصت لقاسم بدموع : طبعا،، حسام ده اكتر من أخ،، ربنا يقومه بالسلامه
قاسم كتم غيظه و قعد وعشق حطت الابره في ايده وابتدت تسحب منه دم
قاسم عنيه متعلقه بيها،،. وقال: عشق،،
عشق من غير متبصله : نعم يا قاسم،،
قاسم مسك اديها: انا بحبك ياعشق،
عشق اتنهدت بوجع وبصت لقاسم وسكتت
قاسم بحب ؛ بقولك بحبك،، بحبك ياعشق
عشق بخنقه: اقول ايه ياقاسم،، انا مش عارفه افكر،. أنا بجد تعبانه،، تعبانه قوي، حاسه اني متكتفه،، حاسه ان كل كلمه محسوبه عليا.
قاسم بزعل: عندك حق،، فعلا متقوليش حاجه،، انا اللي غبي،، في كل الظروف اللي بمر بيها دي، وبقولك بحبك،، صح،، صاحبي بيموت،، وابويا تعبان. وانا على وشك اتسجن،، وكل اللي بفكر فيه هو حبك،،. فعلا غبي
عشق عنيها دمعت: قاسم حسام هيقوم بالسلامه،. والحمد لله الخبطه ما اصابتش الكليه،، حازم بيه بقه تمام واتنقل اوضه عاديه،، وانت واكيد هتخرج من محنتك،، اما لو عني انا فأنا… أنا….
قاسم بلهفه: هااا، انتي ايه ياعشق
عشق بصت بصه فيها كل معاني الحب والعشق : انا بعشقك ياقاسم،(ونزلت وشها في الأرض) بس غصب عني والله، غصب عني، وعيطت جامد
قاسم ابتسم بفرحه. لاعترافها ورفع وشها ومسكه باديه الاتنين وقال :؛ اوعي تعيطي وانا معاكي ابدا،. عشق عايزك تبقى متأكده انك ملك لقاسم العزيزي وبس، وده سواء رضيتي او رفضتي، انتي ملك ليا انا وبس،،، وزي ماقولتلك قبل كده، ما فيش قوة على الأرض هتبعدني عنك إلا الموت،،
عشق حطت اديها على بقه: اوعي تجيب سيرة الموت ياقاسم،، انا عمري ما اتخيل حياتي من غيرك،، لكن صدقني صعب،، مقدرش اجرح محمد،، لأنه عمره مآذاني، مقدرش….
قاسم ساب وشها بخنقه: انتي تسكتي خالص،، وهو عشان عمره ماذاكي ، تضحي بيا انا ياعشق،
عشق : لا بس،،،،، وكان مؤمن دخل
مؤمن بضحك: انا عارف اني رخم وجيت في وقت مش مناسب، بس انا دايما كده، احب ادخل في الأوقات المهمه،،
عشق وقاسم بصو و ضحكوا
مؤمن: ها يا انسه عشق، حالة حسام ايه بالظبط، (وطبعا مؤمن دخل لان محمد كان بيمر في المستشفى ومحبش يعمل مشكله)
عشق: حسام تمام الحمد لله، متقلقش يا بشمهندس
مؤمن : الحمد لله، ربنا يطمنا عليه يارب،.
قاسم وعشق : يااااارب
———-بقلم شيمو الخطيب
في الاوضه عند حازم
حازم اتنقل الاوضه ونام على السرير، وحالته نوعا ما مستقره،،. خرجت الممرضه من الاوضه،. وهدى ورنا جنبه،،.
هدي بحب : حازم،،. عامل ايه ياحبيبي، حمدلله على سلامتك
رنا؛ حمدلله على سلامتك يا بابي،.
حازم بابتسامه وكلام تقيل نوعا ما: ا، الل، الله، يسلمك، يسلمكوا ،. هو، قا، قاسم، فين
هدي ضحكت بفرحه ودموع، ورنا كمان،
هدي: حازم انت بتتكلم،،. الف حمد وشكر لك يارب،، الف حمد وشكر لك يارب،،
رنا بفرحه: الحمد لله يا بابي،، الف حمدلله على السلامه ياحبيبي،
هدي: قاسم في مشوار يا حبيبي، و زمانه راجع، متقلقش انت، واطمن (وبصت لرنا بحزن)
الممرضه دخلت: مدام رنا، هو مش جوز حضرتك الظابط حسام
رنا قلبها دق بسرعه واتكلمت بخوف: ايوه،، خير فيه حاجه
الممرضه: هو موجود تحت، لكن للأسف مصاب في جنبه، وبيتنقله دم، من اخو حضرتك قاسم بيه،،
رنا بصريخ: ايييه،، حسااام،، وجريت ونزلت على تحت
هدي قعدت: يارب استرها،
حازم: انز، انزلي؛ اطم، اطمني، يا هدي
هدي: قلقانه وحيرانه وراحه جايه في الاوضه
والله منا عارفه اعمل ايه،، طب انزل واسيبك؟ لا، لا يا حازم انا مش هسيبك، انا هتابعهم بالتليفون، وهصلي وادعيله يمكن ربنا ينجده يارب،، استرها معانا يارب،.
رنا نزلت بسرعه وبتدور، ولمحت قاسم
دخلت الاوضه بسرعه وبتعيط: ابيه،، حسام، فين،، حد يطمني يا ناس بالله عليكو
عشق: متقلقيش يارنا، حسام كويس والله،، احنا عقمنا الجرح، وهو محتاج نقل دم بس، واخدنا من قاسم والدم متعلقله،، متقلقيش والله ان شاء الله خير
رنا بعياط: طب اشوفه،، انا مش هطمن الا لما اشوفه، عشان خاطري ياعشق،، انتي اكيد حاسه بيا وبقلقي، عشان خاطري ياعشق،
عشق حاضر ياستي، تعالي معايا،،. وبصت لمؤمن وقاسم واستأذنت
رنا دخلت لحسام وكان محمد جنبه، وبيتابع الحاله
رنا قربت منه ونامت على صدره: حسام،، اوعي تسيبني ياحسام،، انا مقدرش اعيش من غيرك،، قوم طمني عليك عشان خاطري،. عايزه اسمع صوتك
حسام فتح عنيه وابتسم، ومسح على راسها وقال بتعب: طب قوليلي ياسمسم وانا اقوم، ههه، اااه
رنا ضحكت بفرحه: ههههه انت حياتي كلها يا سمسم، بحبك قوي ياحسام،، قوم بقه وبلاش دلع
حسام بتعب: سامحيني يارنا،، اوعي تزعلي من….
رنا قاطعته: انا عمري ما اقدر ازعل منك يا حبيبي، انسى خلاص ياحسام،، انا بعد اللحظه دي مش عايزه غيرك،،. مش محتاجه حد في الدنيا غيرك انت وبس، اوعي تسيبني يا حسام،، وحطت راسها على صدره وهو ضمها بأيد واحده،، وعشق ومحمد بصوا لبعض،
عشق بابتسامه: حمدلله على السلامه يا حسام، كده تخضنا عليك ياسمسم، ههههه
حسام بوجع : اااه حتى انتي كمان ياعشق،، هههه ااه.،
رنا بحب : الف سلامه عليك ياحبيبي، ربنا ينتقم منه اللي كان السبب، بقه جيجي كانت عايزه تبعدنا،، اهو ربنا خد حقي منها،،
عشق:رنا،، احنا مش بأيدينا حاجه غير اننا ندعلها ربنا يهديها لنفسها، جيجي الغل ملي قلبها وعمي عنيها، ربنا يحفظنا جميعا
رنا: عندك حق يا عشق،، ربنا يهدينا جميعا يارب، (وبصت لحسام) ويقومك ليا بالسلامه ياحبيبي
حسام ابتسم لرنا وضمها وبص لعشق وقال: هو مين اللي اتبرع بالدم ياعشق،
عشق بابتسامه: تتوقع مين،،
حسام؛ مش عارف،،مين بجد
عشق ابتسمت لحسام: ده قاسم ياسيدي اللي اتبرع بالدم،، فصيلته نفس فصيلتك
حسام ضحك؛ اه فعلا انا كنت بقول كده من الاول،، فصيله قذره، هههه اااه،
عشق ضحكت :هههه مهو لو لسانك ده يقصر شويه،. مكنتش هتتوجع،
قاسم ومؤمن ونادر داخلين
مؤمن: فعلا هو طول عمره لسانه طويل،
كلهم ضحكوا وحسام قال: هو انت يا بشمهندس شوفت طولة لساني قبل كده عشان تحكم
مؤمن: لا الا طولة اللسان، ده انا احس بيها لو على بعد أميال، وانت باين عليك فعلا لسانك طويل يا حضرة الظابط
نادر بضحك؛ زيك بالظبط،، عشان كده حاسس بيه
مؤمن ضحك وهرش في راسه: هو كده دايما، مخلي جبهتي في الأرض، ههههه وضحكوا كلهم
نادر بص لحسام: حمدلله على السلامه يا بطل، بس بالسهوله دي عيل زي ده يصيبك يا حسام
حسام افتكر واتخنق: انا كنت عايز اقطع من لحمه،، لكن كان شارب. ومتنيل وانا كنت معمى، لكن الحمد لله انها جت على قد كده
قاسم واقف جنب عشق، والاتنين ضربات قلبهم مسموعه، ومحمد لاحظ توترهم وخرج، وهما مش بيبصوا لبعض، لكن مجرد قربهم من بعض موترهم اكتر
حسام بص ليهم وقال: قاسم،، انا اسف ياصاحبي، اوعي تزعل مني
قاسم ابتسم: حسام،، انا لأول مره احس انك غالي عندي ومقدرش استغني عنك،. انت مهم قوي في حياتي يا حسام،اه انت ندل وجبان، بس مش عارف ليه مش قادر ازعل منك
مؤمن؛ والله يابني انا مش عارف بعد كرم أخلاقك ده نتعامل معاك ازاي، انا لو منك، كنت صلبته في ميدان عام
حسام ضحك بألم : ااه،،. ههه، اه،، حرام عليك يا مؤمن، خليك محضر خير
نادر بزهق: عشان خاطري بلاش سيرة المحاضر، انا زهقت،
وضحكوا كلهم وخرجت عشق من الاوضه، وبدأ حسام يتحسن، وطلب انه يطلع يطمن على حازم بيه
طلعوا فعلا كلهم، ودخلوا الاوضه،.ونادر ومؤمن استأذنوا ومشيو ، وطبعا الظابط أمير كمل تقفيل المحضر مع جيجي، ومضاهم على المحضر ومشي هو كمان، ومحسن وفريده رجعوا بجيجي، لفيلا القناوي
حسام داخل وقاسم سانده،، ورنا ماسكه ايده من الناحيه التانيه
حازم شافهم حاول يتعدل: حم، حمدلله على السلامه، يا،ب، بني
قاسم وحسام فرحوا انه اتكلم :
حسام: الله يسلمك ياحازم بيه، الف حمدلله على سلامتك انت، والله صوتك كان واحشني،
حازم ابتسم وبص لقاسم بدموع
قاسم: حمدلله على سلامتكو انتو الاتنين، وقعد حسام على السرير التاني، وخرج بره الاوضه،.
وعدي اليوم وكل واحد بيفكر في اللي حصل،
عشق نزلت، وقاعده في اوضتها،
فاديه دخلت عليها : مش هتتعشي ياعشق،
عشق : لا يا ماما، انا يا دوب هصلي وانام، بس هستأذنك هطلع، ادي لرنا حاجه وارجع على طول
فاديه بعدم فهم: حاجه ايه ياعشق
عشق: دي هدوم عشان تغير بقالها يومين بنفس الاسدال، هااا ممكن ياماما ولا ده عيب هو كمان
فاديه قربت من عشق: يابنتي انا معملتش كده عشان……
عشق قاطعتها: ماما،، خلاص، ياريت بلاش كلام في الموضوع ده، انا بجد تعبت
عشق خرجت، وامجد جاي فرحان لكن مش عارفين ليه
امجد: حبيبة قلب ابوها،. وحشتيني
عشق باستغراب: ايه يابابا، مالك كده،، ايه اللي حصل لكل ده
امجد؛ ولا حاجه ياحبيبتي، فرحان اني شوفتك،، ده غير أن عمر ابني كلمني وطمني عليه
فاديه: صحيح يا أمجد، انا عمري ما سألتك هو ابنك عارف بجوازك ولا لا
امجد: طبعا عارف، ولا يفرق معاه، عمر رسم لنفسه طريقه ومبقاش محتاج مني حاجه يافاديه، فماتفرقش معاه إذا كنت متجوز او لا، المهم انتي رايحه فين ياعشق
عشق: انا طالعه فوق هوصل حاجه لرنا وهنزل على طول
امجد: ماشي ياحبيبتي، متتاخريش
فاديه: طب متستني اطلع معاكي
امجد مسك اديها؛ لا يافاديه اقعدي انا عايزك،،
عشق سابتهم و طلعت ودخلت الاوضه
عشق: السلام عليكم
كلهم : وعليكم السلام،
هدي؛ تعالي ياعشق ياحبيبتي،
عشق كانت بالاسدال وشكلها يجنن، وقاسم مشالش عينه من عليها، وده وترها جدا
عشق: رنا، انا جيبتلك الهدوم دي عشان تغيري، ولو تحبي، تنزلي تاخدي شاور تحت المكان تحت امرك، وانتي برده يا مدام هدى، ده إسدال جديد، حضرتك تقدري تغيري،،،، وبصت لقاسم،،،، ولو حد محتاج يغير او ياخد شاور البيت تحت أمره،
هدي: تسلمي يابنتي يارب
وراحت عشق ناحية حازم
حضرتك عامل ايه ياحازم بيه دلوقتي، الف حمدلله على السلامه ربنا يعافيك يارب
هدي ابتسمت: عشق يا حازم هي اللي كانت مهتميه بحالتك، ربنا يجازيها كل خير
حازم : انا، عرفت،، د محمد قا، قالي، رب ربنا، يصلح، حا، حالها، وينولها اللي بالها يارب
عشق بدموع: شكرا ليك ياحازم بيه، وربنا يكمل شفاك على خير يا رب
حازم بصلها وابتسم وبص لقاسم، لكن قاسم في دنيا تانيه خالص
رنا فتحت الهدوم وكان دريس جديد وحجابه
رنا: واااااو،، تحفه ياعشق، وكمان بالحجاب بتاعه
عشق: بصراحه يا رنا شكلك بالحجاب احلى كتير، وانا حبيت اشجعك عليه، صدقيني هترتاحي فيه قوي، وأعتقد حسام عمره مهيرفض
حسام بص لعشق بشكر وامتنان،. ورنا فرحت وحضنت عشق، وقالت؛ وانا كان نفسي البسه فعلا، وخلاص من انهارده مش هخرج غير بيه، وشعري هيبقى ملك لسمسم وبس،
حسام بهزار :؛ لا حول ولا قوة الا بالله ليه الفضايح دي بقه،. خدي الحجاب ياعشق، دي شكلها هتفضحني،
كلهم ضحكوا،. وقاسم إعجابه بعشق بيزيد اكتر واكتر
عشق : احم،. طب استأذن انا ولو احتاجتوا اي حاجه، كلموني
رنا قربت من عشق: عشق، انا بجد بشكرك على كل حاجه عملتيها معانا
عشق بحب : متشكرنيش يارنا، انتي اختي، وبصت على حسام،، ومرات اخويا
حسام بضحك : حبيبتي يا اختي والله
قاسم خبطه بضهر ايده، وبصله بضيق
عشق فرحت جدا من رد فعل قاسم، ورنا قالت: ايه يا ابيه بالراحه عليه، ده تعبان،
قاسم بخنقه: خساره فيه الدم اللي ادتهوله والله
حسام بضحك: انا مستغرب، لقوا عندك دم ازاي يا جدع، ده انت معدوم الدم والاحساس
قاسم قام عليه وحسام غطا وشه بالغطا:
قاسم:طب اتعامل معاك ازاي، انا المفروض كنت سيبتك تمو…. ومكملش
حسام شال الغطا : كمل ياعزيزي، انا عارف عايز تموتني
رنا : بعد الشر عليك يا حبيبي، ابيه قاسم طيب ومش قصده كده، وبعدين محدش فينا يقدر يستغني عنك، مش كده يا ابيه
قاسم: اتنهد؛ والله انتو تخنقوا، وسابهم وخرج بره الاوضه
عشق ضحكت، واستأذنت وخرجت
قاسم نده على عشق : عشق، انتي هتنزلي دلوقتي ولا لسه وراكي شغل هنا
عشق: اكيد هنزل انا بالاسدال ياقاسم
قاسم بعشق: وحشني اسمي من شفايفك قوي ياعشق
عشق كحت واتكسفت جامد : قاسم، ان، انا لا، لازم انزل حالا ولسه هتمشي
قاسم: عشق، انا قريت الورقه اللي كانت في اوضتك،، انا حافظ كل كلمه فيها، من كتر مقاريتها حفظتها، انا بعشقك ياعشق،
عشق بصتله بحب كبيييير،وسكتت
قاسم: صحيح يا عشق، لقيتي مسمي لعشقي ليكي
عشق بصتله بحب وابتسمت : يااااه يا قاسم انت لسه فاكر
قاسم قرب منها: انا عمري ما انسى اي لحظه قضتها معاكي ياعشق
عشق بصتله بحب كبير، : احم،، طيب يا قاسم،، انا مضطره انزل دلوقتي
قاسم : بس انا مش عايز اسيبك ياعشق
عشق بدأت تنهار من قربه ليها،، ونفسها تترمي في حضنه، وفجأه سابته وجريت نزلت على تحت، وقاسم وقف يبصلها وهو مبتسم وفرحان انه اخيرا لقاها
————- بقلم شيمو الخطيب
وبعد ٣ ايام
حازم قعد يوم واحد في المستشفى حكي فيه اللي حصل من جيجي، وانه كان عارف بكل الاعيبها، وازداد كره الكل ليها ، وخرج بعدها ورجع الفيلا، ومعاه قاسم وحسام ورنا وهدى
حسام رجع شغله، وأدب علاء في القسم،. واتعمله محضر تعدي على ظابط أثناء تأدية عمله،. وحسام طبعا مرحمهوش، وعمل محضر صح،. ياخد فيه مش اقل من سنتين او اكتر
جيجي رجعت مع والدتها، وحبست نفسها في اوضتها ومبقتش بتكلم حد ولا بتخرج وانعزلت انعزال تام، واتهمت والدها والدتها انهم السبب في اللي هي فيه، وأنهم باعوها، و رموها لقاسم وهما عارفين انه هينتقم، وكل ده عشان مصلحتهم هما، ومحسن قرر انه لازم يعرضها على دكتور نفساني، لأن حالتها بدأت تسوء
طارق وسحر عايشين مع بعض مستقرين وفي احسن حال وقرروا انهم هيروحوا لفاديه وفعلا عرضوا الفكره على ام طارق، وظبطوا حالهم وسافروا
عشق علاقتها بمحمد عاديه، لكن هي مش قادره تستحمل ده، وقررت انها هتروح الكليه انهارده وترجع تكلمه وتقوله ان مش هيا اللي هتسعده وانه يستاهل حد احسن منها
قاسم كل تفكيره في عشق، ونفسه يخطفها من وسط الكل، ويبعد بعيد عنهم، وينفرد بيها هي وبس ويعوض كل الحرمان اللي حس بيه، ده غير انه بيتابع شغله وناجح فيه جدا رغم الظروف اللي بيمر بيها
——– بقلم شيمو الخطيب
نرجع للوقت الحالي
عشق قامت من النوم وفاديه بلغتها ان سحر وطارق جايين انهارده وفرحت جدا انهم هيجوا
عشق: حلو قوي يا ماما، والله وحشوني جدا، انا هروح الكليه وهاجي بدري ان شاء الله
فاديه : ربنا يسعدك يابنتي يارب
عشق : يا رب يا ست الكل، يلا سلام انا بقه،، وباستها من خدها ولسه هتمشي
امجد: حبيبة قلبي،،. هو محمد هيقابلك انهارده
عشق باستغراب : ليه يابابا هو فيه حاجه
فاديه بصت لامجد بلوم : لا يا حبيبتي، ده بابا بيسأل بس، عايز يطمن انك هتيجي معاه
عشق بعدم فهم: مش عارفه والله، بس هو مقاليش ،، على العموم انا هحضر محاضراتي واجي على طول، عشان الحق اقعد مع طارق وسحر، يلا سلام بقه اخرتوني، وسابتهم ومشيت
فاديه بصت لامجد بعد خروج عشق: ايه يا أمجد، مش قولنا هنعملها مفاجأه
أمجد : نسيت يافاديه،، وقرب منها بحب،، سامحني بقه ياجميل،
فاديه ضحكت واتكسفت وسابته ودخلت الاوضه، وامجد بصلها بحب،. وحمد ربنا على عيلته الصغيره
محمد قابل عشق بره،،
محمد: عشق، انا هعدي عليكي بعد الضهر كده، في مشوار مهم عايزين نعمله
عشق باستغراب اكتر : هو ايه حكايتكو انهارده،، ماشي ما علينا، بس مشوار ايه ده يامحمد
محمد: لما نروح هتعرفي،
عشق: اه بس انا كنت…..
محمد قاطعها: عارف انك عايزه تكلميني، نروح مشوارنا بس، وبعدين نبقى نتكلم براحتنا
عشق بتعجب: حاضر،، ربنا يستر
محمد :ههههه يابنتي خير والله، وصدقيني هتفرحي قوي
عشق : يااارب يا محمد،،. يلا بقه اسيبك انا عشان متأخرش، وهستناك ان شاء الله
وسابته ومشيت،. ووصلت الجامعه فعلا وخلصت محاضرتها ومدخلتش التانيه واستنت محمد لما جه
محمد وصل وركبها ومشيو بالعربيه
عشق : ايه يا محمد احنا رايحين فين
محمد: رايحين حته هتعجبك قوي
عشق مستغربه، وكل ما تقرب قلبها يدق اكتر، ومسكت دراع محمد
عشق بتوتر: محمد، فهمني بجد، احنا رايحين فين
محمد بضحك : هو انتي بتشبهي على المكان ولا ايه ياعشق
عشق بلعت ريقها، :ده،، ده، ده طريق فيلا العزيزي
محمد ابتسم : اه ياستي ممكن تسكتي بقه
ووصلوا، ونزل محمد وعشق لسه في قاعده في العربيه ومش فاهمه حاجه
محمد لف وفتحلها، ونزلت
عشق واقفه مذهوله وقلبها بيدق: انا بجد عايزه افهم،، احنا هنا ليه
محمد : تعالي بس وهتفهمي
ومشي محمد ووراه عشق، واول مدخلت الفيلا اتفاجئت بالمنظر، كانت كلها ورود، وبلالين، وبصت لقت العيله كلها موجوده، وترابيزه في نص الجنينه قاعد عليها حازم والمأذون وامجد، ودورت بعنيها لقت قاسم، وكان لابس بدله وقمة في الوسامه، وقرب منها بحب وقدم ليها دفتر المأذون، وقال بابتسامه سحرت قلب عشق : امضي يا مدام قاسم حازم العزيزي
عشق بتضحك بفرحه ودموع وبصت على محمد اللي شجعها تمضي، وبصت لفاديه وحسام وامجد والكل ابتسم، وفرحوا لفرحتها
عشق مش مصدقه وباصه لقاسم وعنيها بتنزل دموع وبس، كان موجود مؤمن ونادر كمان، وقرب الكل منهم، ومؤمن قال : لا شكل العروسه مش موافقه،(وخبط قاسم علي كتفه) هاردلك يا قاسم، متعوضه يا كبير
عشق ضحكت وقالت بفرحه : لا لا، انا موافقه، ومضت على الدفتر، وبصمت كمان، وقاسم رمي الدفتر في ايد حسام، وحضنها ولف بيها كتيييير في وسط تصقيف وتصفير من كل العيله، وهي ضمت قاسم وكلبشت فيه اكتر. واكتر وكأنها مش عايزه تطلع من حضنه، واشتغلت أغنيه واخيرا،، لمحمد حليم، وكانت اختيار حسام
واخيرا، ربنا عوض صبريي بيكييي
ده انا ياما كتير في حياتي تعبت قبلييكي
وجيتي انتي حبيبتي وشوفت الفرحه على اديكيي
وخلاص الليله اهي فرحة عمري بتكمل بيكي ( وهنا قاسم حضن عشق وضمها لقلبه، ورقص معاها سلو)
الله يخليكي ليا،، ، ويباركلي حبيبتي فيكي
والله كتير عليا،،، كل اللي انا فيه وياكي
لو يرجعلي عمري،، اللي قبلك راح
انا هختار اعيشه معاكي،، عشان اطمن وارتااااح
(وهِنا حسام حضن رنا، ورقص معاها هي كمان، وانضم ليهم سحر وطارق)
انا جنبك شوفت حبيبتي معاكي في احلامي
اللي انا عشت احلم بيها ليالي وليالي
انا شايف فيكي حبيبتي وأم عيالي
انا جنبك مكتفي جدا بيكي ، وراضي بحاااالي
انتي نعمه في حياتي،، انتي حياتي من الاساس
انتي اخر طموحاتي،، انتي غير كل الناس
انتي حته من الجنه،، وهديه أغلى من الماس
انتي ملكة في جمالها،، انتي تاج يتشال على راااس
مؤمن ونادر شافو الكل بيرقص ومؤمن طلب من نادر يرقصوا مع بعض، وفعلا عملوا كده بس كان مؤمن مكان البنت، والكل اتريق عليه
قاسم ضامم عشق لحضنه وهيا مستكينه وحاسه بالأمان والدفا اللي افتقدته وهو بعيد عنها، وحاسين بكل كلمه في الاغنيه وعايشين معاها احلى احساس
قاسم بص على مؤمن ونادر وقرب منهم وقال :شكلك وحش قوي ياصاحبي
مؤمن: مش مهم، اهم حاجه تعمل اللي يسعدك، سيبك من كلام الناس،
نادر بضحك :دايما مقلل من قيمتنا يا مؤمن، الله يحرقك ياشيخ
مؤمن بدلع: بعد الشر عليا يا نادورتي، بقه ده يوم تقولي فيه الله يحرقك
حسام ضحك وطارق وكلهم
حسام: لا ده انت تتصور ويتبعت الفيديو للمدام، وهي تقول كلمتها
مؤمن بسرعه ساب نادر: لا ياعم، الا المدام،،
كلهم ضحكوا، والكل سلم على قاسم وعشق، وفرحوا ليهم جدا،
قاسم ضامم عشق ليه وقال : عشق،،
عشق خرجت من حضنه وقالت بتوهان : امممممم
قاسم ابتسم: انا بحبك قوي ياعشق، وقرب منها وباس جبهتها، ونزل على خدها باسها بوسه رقيقه، توهت عشق، ونقلتها دنيا تانيه خالص
امجد وفاديه قربوا من عشق وحضنوها جامد، وهي كانت في قمة سعادتها، وهدى ورنا سلموا على قاسم وعشق ، وقاسم راح ووطي على حازم وباسه وحضنه، وقال
انا بجد بشكرك من كل قلبي على السعاده اللي حققتهالي بعد ربنا، وانا اسف جدا علي كل حاجه حصلت مني،
حازم دمع، وقال: انا اللي اسف يابني، لاني فكرت ان المال اهم من الأولاد، فكرت ان الأصل بيبقي في الفلوس وبس، ونسيت ان الاصل أساسه التربيه، والبيت الطيب، ربنا يفرحك بعروستك ويسعدكوا، واشوف احفادي مالين عليا الفيلا ياحبيبي،، وبصراحه اللي.يستحق الشكر هو الدكتور محمد،،. راجل بمعنى الكلمه
قاسم حضنه تاني وسلم على امجد وراح لمحمد وعشق وراه؛
قاسم :محمد، انت من ارجل الناس اللي قابلتها في حياتي، انا بجد بشكرك جدا على وقفتك معايا
عشق وهي في حضن قاسم : انا بجد مش فاهمه حاجه، حد يفهمني ياناس
قاسم ضحك وضمها لحضنه اكتر، ومحمد ابتسم، وقال،، انا عمري ياعشق ما كنت أقبل اننا نتجوز وانتي بتحبي شخص تاني، وعشان بحبك، انا كل اللي يهمني هيا سعادتك وبس، ربنا يسعدكوا يا رب، (وعنيه دمعت)
قاسم بابتسامة غيظ: بص يا دكتور،، انت طبعا كلامك كله زي الفل،، بس بلاش كلمة بحبك دي،،. صدقني ولعت فيا،. ولولا اني عارف انك متقصدش، مش عارف كنت عملت معاك ايه،
عشق ومحمد ضحكوا ومحمد قال : حقك طبعا ياقاسم وانا اسف لو الكلمة ضايقتك
قاسم ابتسم وقال: متعتذرش يا دكتور،، ربنا يسعدك ويعوضك باللي تملي حياتك
محمد : يا رب يا قاسم ويسعدك ا انتو كمان يارب،،
عشق بضحك : برده مفهمتش ايه اللي حصل بالظبط متفهموني بقه
محمد: انا هحكيلك ياعشق
فلاش باك
حازم في العنايه،، ومحمد بيتابع الحاله
محمد: حازم بيه، انا همشي دلوقتي وهبعتلك، عشق، هي اللي هتابع الحاله
حازم الاسم لفت نظره : هيا عشق دي ممرضه يا دكتور
محمد ابتسم بفهم : اه يا حازم بيه، وهيا عشق الالفي اللي في دماغك، بس دلوقتي اتغيرت خالص وبقت خطيبتي
حازم زعل جدا ومحمد حس بده، وبعد ما كان هيمشي رجع تاني
محمد: حازم بيه، انت ليه رفضت عشق،
حازم بص بحزن و حكي لمحمد كل اللي حصل بصعوبه لكن محمد سمعه،
محمد: ياااه، كل ده قاسم عمله عشان خاطر عشق
حازم: بيحبها قوي، واللي اعرفه انها كمان بتحبه، لو انت حاسس يابني انها فعلا بتحبه، متزعلش مني مينفعش انك تتجوزها، حب قاسم وعشق حب اسطوري، لايمكن حد يقلله ابدا
محمد بتفهم: فعلا عندك حق يا حازم بيه، خلاص، انا عشان فعلا بحب عشق قررت اني أسعدها باي طريقه، ولازم نفاجئهم
ويوم خروج حازم محمد وقف قاسم وقال : قاسم بيه، ممكن اتكلم معاك انت وحسام بيه شويه
قاسم بقلق على حالة والده : خير يا دكتور، هو بابا فيه حاجه ولا ايه
. محمد : لا طبعا، والدك زي الفل والحمد لله، انا بس عايز اتكلم مع حضرتك بخصوص موضوع عشق،
قاسم اتنهد وغمض عنيه
محمد: متقلقش صدقني الموضوع هيفرحك قوي
حسام : خلاص تعالي يا قاسم في مكتب دكتور محمد نفهم هو عايز يقول ايه بالظبط
وفعلا دخلوا المكتب وقاسم قعد
محمد؛ قاسم؛؛ انا قررت اني اسيب عشق، بصراحه كده انا عارف ومتأكد انها بتحبك،. وانا عمري مهسمح لنفسي اني اخدها غصب، أخلاقي عمرها مكانت كده، فأنا عايز نتفق على جوازكو ونعملها مفاجئه ليها
قاسم وحسام بصوا لبعض ومذهولين من الكلام،. وقاسم وقف وقال : هو انت بتتكلم بجد، لا، لا،. انت اكيد بتهزر
محمد ابتسم : لا والله ابدا،،. أنا بتكلم جد،. وجد جدا كمان، وعلى فكره والد حضرتك اللي اقنعني
قاسم بعدم تصديق: بابا، طب ازاي،
محمد حكي كل اللي حصل في العنايه،. وقاسم فرح جدا من تصرف والده وقام وحضن محمد وشكره جدا ،. وطبعا قاسم بعدها كلم امجد،. والكل فرح ان اخيرا المشكله اتحلت، واتفقوا انهم يفاجئوا عشق بالطريقه دي،. ومحمد قال هو اللي هيجيبها من الجامعه،. وقاسم اتصل على نادر ومؤمن وبلغهم وفرحوا جدا
وفعلا الكل اتفق ازاي هيفاجئوا عشق،
———–
عوده للوقت الحالي
عشق بعد ماسمعت : ياااه، بقه انا كل ده يحصل من ورايا،.
فاديه جايه من وراها : مبرروك ياعشق،،. الف مبروك ياحبيبتي،. وطلعت صورة قاسم وادتها لعشق
عشق بصت لقاسم بحب،. ومحمد انسحب في اللحظه دي،
عشق: الله يبارك فيكي ياماما،، وحضنتها جامد
قاسم سلم على فاديه وحضنها،. وقال باستغراب : هي الصوره دي وصلتكوا ازاي
عشق بحب : دي اللي كانت مصبراني على بعدك ياقاسم،. اخدتها من رنا قبل ما اسيب الفيلا، وضمت الصوره لقلبها وباستها
قاسم بحب؛ طب بذمتك ده ينفع. ، بقه تضمي الصوره لحضنك، وصاحب الصوره واقف قدامك وملك ليكي،، وحضن عشق جامد،. ولف بيها تاني،. والكل فرح ليهم جدا،. و اخيرا طلعوا على عشهم السعيد
———- بقلم شيمو الخطيب
وبعد مرور ٦ شهور
عشق نايمه في حضن قاسم، وقاسم رايح في النوم
عشق : ااااه، الحقني يا قاسم، ااااه
قاسم قام مفزوع بسرعه : ايه، ايه ياعشق،، مالك ياحبيبتي
عشق بتمثل العياط: شكلي بولد يا قاسم، الحقني بسرعه
قاسم قام من مكانه : طيب قومي بسرعه هنروح المست….. ومكملش
قاسم بص بغيظ لعشق، وهي هتموووت من الضحك،
عشق بضحك ودلع :ههههههه، حبيبي يا قاسومتي،، بقه فيه واحده بتولد في الخامس،، متفوق كده يا قلبي انا هههههه
قاسم ضحك وهجم عليها ونيمها على السرير : بقه بتضحكي عليا ياعشق يابنت ام عشق، ماشي انا هوريكي
عشق بتضحك وفرحانه، وقاسم فاجأها انه باسها بكل حب واشتياق وهيا بادلته الاحساس،
قاسم حضنها بقوه، وخرجها من حضنه وقال
قاسم : عشق،،، انتي غمرتيينيي عشق،،
وعاشوا الاتنين في سعاده، واخيرا ربنا عوض صبرهم خير،. وده لان فعلا الصبر مفتاح الفرج
وبكده تكون نهاية قصتنا، اتمنى تكون عجبتكو، وقدرت اوصل بيها فكره معينه، على وعد أن شاء الله بروايه جديده
ياريت بقه لو القصه عجبتكوا، دعوه حلوه ليا، ولكم بالمثل،
دمتم سالمين
بقلم شيمو الخطيب

 

 

• لقراءة باقي فصول الرواية أضغط على (رواية غمرتني عشق)