رواية عشقت مشوه الفصل الرابع 4 بقلم إسراء إبراهيم

رواية عشقت مشوه الفصل الرابع 4 بقلم إسراء إبراهيم

البارت الرابع

وحاولت تلهي نفسها في أي حاجة بس إيدها كانت مش مركزة وهي بترتب الاطباق لدرجة إن واحدة من البنات قالت لها بسخرية
إيه يا ست فرح هو بدر بيه فعلا پيخوف اوي كدة
فرح شدت نفسها وردت بحزم
لأ محدش خوفني وخليكي في حالك
البنات اتبسطوا إنهم لقوا فرصة يضايقوها وواحدة منهم قالت
ما هو أكيد لازم تكون بتترعش مش كانت عند بدر بيه اللي بيقوله عليه ملبوس
فرح وقفت قدامهم وعيونها فيها ڼار لأول مرة
اسمعوا اللي فوق دا اسمه بدر بيه لو أي واحدة فيكم نطقت بكلمة عليه تاني هعرف أرد عليكم لانه مفيهوش اي حاجة من الاشاعات دي هو بس بيحب يقعد لوحده فهمتو
سكتوا وكل واحدة رجعت لشغلها
وفرح وقتها سابتهم وقعدت على الكرسي في ركن المطبخ و مسكت وشها بإيديها وحاولت تهدى نفسها بس صورة بدر وهي قريب منها جدا فضلت قدام عينيها
همست لنفسها
إيه اللي جرالك يا فرح إيه اللي خلاكي أول مرة تحسي بدقات قلبك خارجة من مكانها كدة
اتنهدت وهي بتفتكر نظرته
حتى وهو متعصب عينه كانت غير اللي كنت متوقعاه أنا أنا شوفت فيها حاجة كسرتني من جوايا
رفعت راسها للسقف وقالت پخوف ممزوج بالشوق
يا رب استر أنا مش عاوزة أتعلق انا خاېفة احبه
و قلبها كان بيرد عليها بدقاته السريعة وكأنه بيقولها
فات الأوان يا فرح
بعد فترة كان بدر اتعود علي فرح وبقي قريب منها وبيرتاح ليها وبقت علاقتهم اقوي من الاول فكانت قاعدة في أوضتها بتفكر لما دخلت صفية عليها
صفية بابتسامة
انتي عملتي فيه إيه يا فرح ده بقي كل يوم يسألني عليكي
فرح ابتسمت بخجل وقالت
أنا معملتش حاجة بس
يمكن هو بقي يصدقني وقرر يبدا من جديد ويبطل يلوم نفسه
صفية بابتسامة
طيب هو طلب قهوة وعاوزك توديهاله
وفعلا عملت القهوة فكانت طلعاله بالصينية و بدر كان واقف جنب الشباك و أول ما دخلت قالها بلهفة
اتأخرتي ليه
فرح ردت بهدوء
احم مفيش بس كنت بفكر في موضوع كدة يا بدر بيه
بدر لف وبصلها
احنا مش اتفقنا بدر بس يا فرح ها قوليلي موضوع إيه
قالت بخجل وهي بتقرب
إني عاوزاك تنزلو تبقى طبيعي وتعيش وسط الناس يا بدر
بدر اتجمد مكانه وقال بسرعة
لأ انا مستحيل اعمل كدة يا فرح
فرح قربت أكتر و عينيها بتلمع
ليه لأ أنا جمبك متخافش
بدر ضغط علي شفايفه وقال بصوت مبحوح
مش يمكن ييجي وقت وتزهقي مني
فرح ردت بسرعة وبصوت كله صدق
مستحيل طبعا
سكتت لحظة كأنها استوعبت اللي قالته وبسرعة ضحكت وقالت
ها هتنزل بقي
بدر اتنفس بعمق وبص في عينيها وقال بحسم
هنزل عشانك
ابتسمت فرح بفرحة كبيرة وقلبها كان بيرقص لانه بقي واثق فيها ودي اهم حاجة عندها
تاني يوم بدر نزل معاها فعلا و صفية كانت واقفة في الصالة و أول ما شافته اټصدمت
بدر إنت فعلا
بدر
ابتسم و قعد على السفرة لأول مرة وفرح وقفت جمبه وهي مش مصدقة انه فعلا نفذ رغبتها
بدر باستغراب
هو انتي مش
هتقعدي
فرح اتوترت وقالت
بلاش يا بدر أنا مش عاوزة حد يتكلم عني كفاية اللي بيتقال من البنات في المطبخ من وقت ما ابتديت أطلعلك فوق
بدر كشړ و قلبه اتقبض وسألها
بيقولو إيه
فرح بصت في الأرض
بيقولو إني ضحكت على ماما صفية وخليتها خاتم في صباعي عشان تخليني أطلعلك وإني يعني احم ضحكت
عليك
بدر قبض على إيديه پغضب وعينيه ولعت ڼار و فجأة مسك إيد فرح بقوة وسحبها معاه على المطبخ والبنات أول ما شافوه اتجمدوا مكانهم لانهم عمرهم ما شافوه من قريب كده وبدر بصلهم بحدة وصوته كان زي الرعد
أي واحدة فيكم تفتح بوقها بكلمة على فرح هتتطرد من هنا وتمشي من غير ما تبص وراها
سكتو كلهم و عيونهم كلها خوف وبدر كمل وهو بيسحب فرح جنبه
فرح اللي يمسها يمسني ومش هسمح لاي حد يفكر ېهينها فاااهمين
البنات بصوا لبعض وبدأو يهزو راسهم بسرعة وبدر سحب فرح وخرج بيها وهو لسه ماسك إيدها وهي قلبها كان هينفجر من الفرحة والخۏف في نفس الوقت و أول ما خرجوا برا بدر وقف وبصلها
بدر بصوت واطي بس مليان قوة
أنا انهاردة اتولدت من جديد على إيدك يا فرح انا عمري ما كنت اتخيل اني اىجع تاني بدر الصياد
فرح اتسمرت مكانها و عينيها ڠرقت دموع وقالت وهي مبتسمة بفخر
وأنا فخورة بيك إنك واجهت ومهمكش شكلك ولا كلامهم عنك
بدر قرب منها أكتر وقال بحزم
طول ما إنتي جنبي مش هيفرق معايا حاجة يا فرح انا عاوزك تتأكدي من ده
فرح حست بدقات قلبها بتعلى وابتسمت من غير ما تقدر تخفي شعورها وقلبها كان متلخبط ودقات قلبها مش طبيعية واللي انقذها صوت صفية لما فجأة نادت عليها من بعيد بس بدر كان لسه وراها ولحقها بصوته
فرح استني
فرح وقفت مكانها و قلبها وقع من الرهبة وببطئ لفت ليه وبدر كان واقف وملامحه مشدودة
بدر بابتسامة جذابة
ممكن أسألك سؤال
فرح بلعت ريقها وقالت بتوتر
طبعا يا بدر اسأل
بدر ثبت عينه في عينها وقال بتردد
هو انتي ممكن ترضي بواحد
زيي
فرح رفعت حواجبها كأن الكلمة جرحتها وقالت بحدة طفولية
يعني إيه واحد زيك! إنت ناقصك إيه بالعكس إنت أحسن وأوسم راجل قابلته في حياتي
بدر اتفاجئ من ردها ووشه اتغير للحظة و فرح فكملت وهي بتنطق بصدق
وبعدين أنا مش ببص للشكل يا بدر أنا يكفيني إحساس الأمان اللي بعيشه وأنا جمب الشخص اللي هرتبط بيه وده أهم عندي من أي حاجة
سكت بدر ثواني وبعدين قرب خطوة كمان لحد ما بقى قريب منها جدا لدرجة إنها حست بأنفاسه وسألها بهمس
وانتي بتحسي معايا بإيه يا فرح
فرح اتوترت وعينيها نزلت للأرض وبعدين رفعتها ليه بسرعة وهي بتهمس بخجل
قصدك محستش بإيه ناحيتك يا بدر أنا مفيش إحساس حلو محستوش وأنا معاك
الكلمة خرجت منها من غير قصد كأنها اعترفت من غير ما تفكر سكتت بعدها واتلخبطت وبصت بعيد عشان تهرب من نظرته بس بدر كان مركز معاها بكل كيانه وابتسامة خفيفة ظهرت على وشه لأول مرة من غير ما يخبيها وقال بصوت دافي
تتجوزيني يا فرح
فرح اتجمدت مكانها وعينيها ربشت كذا مرة من المفاجأة
إيه! إنت إنت بتتكلم جد
بدر بابتسامة
أيوه بتكلم جد
فرح بتردد
بس إنت متعرفش حاجة عني عن حياتي قبل ما أجي هنا وظروفي
بدر قاطعها بسرعة وصوته مليان صدق
مش فارق معايا اللي فارق معايا إني عايزك إنتي فرح اللي عرفتها هنا فرح اللي قلبت حياتي وخلتني اتولدت من جديد
فرح حطت إيديها على وشها بخجل كأنها بتهدي دقات قلبها وقالت بخجل وابتسامة صغيرة
موافقة
ابتسامة بدر وسعت أكتر وملامحه لأول مرة بتهدى كأن الدنيا كلها وقفت عند اللحظة دي بالنسباله
و بصلها
بنظرة كلها صدق وقال
أنا عمري ما توقعت ألاقي اللي يخليني أحب حياتي من تاني حصل ما لقيتك إنتي يا فرحتي

تمت…

• لقراءة باقي فصول الرواية اضغط على (رواية عشقت مشوه)