رواية عانيت لأحبك الفصل السادس والعشرون 26 بقلم فاطمة محمود

رواية عانيت لأحبك الفصل السادس والعشرون 26 بقلم فاطمة محمود

 

 

البارت السادس والعشرون

 

” رواية عانيت لأحُبك ”
” البارت السادس وعشرون ”
” الكاتبة فاطمه محمود ”
هنعيط ، ونحب و ، مش هنتحب ، و نمشيها بالحب ✨..
صباح جديد
سلمي بتكون خارجه من اوضتها وبيكونو
كلهم متجمعين علي السفره
سلمي : صباح الخير
آيه بضحك : صباحوو امتحانات
سلمي : متوترنيش ونبي
فارس : ليه يا باشا انت قدها
سلمي : انت لو تشوف شكل المراقب اللي بيبقا
واقف ينسيك اي حاجه
فارس بضحك : ياماا قابلنا كدا
آيه بضحك : اهدي انتي ومتركزيش معاه
سلمي : والله انا كل ما عيوني تيجي عليه الاقيه
باصص عليا
زينب : تلاقيكي عشان متوتره
سلمي : ربنا يعديها علي خير يلاا انا همشي
عشان متاخرش
زينب : استني افطري الاول
سلمي : فطرت يا ماما
محمد : استني يوصلك فارس
سلمي : بصراحه يا بابا يوسف كلمني وقالي انه هيوصلني
محمد : ماشي يا حبيبتي
سلمي : سلام
سلمي خرجت من شقتهم ونزلت ويوسف كان
واقف بالعربيه وركبت جمبه
سلمي : صباح الخير
يوسف : صباح الورد
سلمي : هي نور فين
يوسف : مع سيف
سلمي : ليه
يوسف : طلبت انه يوصلها وقالتلي روح انت لسلمي
سلمي : اوك
يوسف وسلمي وصلوو قدام الكليه وسلمي نزلت
يوسف : سلمي

 

 

سلمي : نعم
يوسف : اوعي تتوتري
سلمي بابتسامة : حاضر .. سلام
يوسف : سلام
………………………………………
في شقه مراد وملك
ملك بتكون نايمه في حضن مراد وتفتح عيونها
بتلاقي مراد بيبصلها
ملك : صباح الخير
مراد باس خدها : صباح الورد
ملك بتداري وشها بكسوف
مراد بضحك : لسه بتكسفي مني
ملك : بس يا مراد
مراد رفع وشها وملك بصتله : طيب ليه بداري
وشك يا قلب مراد
ملك : بصراحه يعني مش متعوده اني اقوم تبقا
في حضنك ومكسوفه شويه
مراد : لاا اتعودي انتي مش هتنامي غير في حضني
عارف انها حياه جديده وكل البنات بتبقا كدا بس
هتتعوديعلي كدا وبعدين انتي اصلا اللي هتطلبي مني
اني احضنك علي طول
ملك : انت متجوز يا مراد من ورايا ولا ايه
مراد بضحك : اجوز ايه يا مجنونه هو انا كنت عارف
اتجوزك عشان اجوز غيرك
ملك : امال ايه الفلسفه اللي انت قايلها من شويه
كانك متجوز
مراد : يا روحي احنا الشباب بنبقا عارفين الحاجات دي
ملك : دا انا اقتلك لو فكرت تعملها يا مراد
مراد : اطمني انا اصلا مش عارف ابعد عنك أو
اشوف غيرك
ملك حضنت مراد بقوه : بحبك
مراد حضنها : ونا بموت فيكي
فضلوا حاضنين بعض وقت كبير
ملك : مراد
مراد : امم
ملك : انا جعانه
مراد : طيب تعالي نحضر الفطار
ملك : انا مش قادره اقوم
مراد : ونا مش عاوز اقوم من حضنك
جرس الباب رن ومراد قام
مراد : قومي البسي حاجه ونا هشوف مين
ملك : حاضر
مراد خرج وملك قامت ودخلت الحمام واخدت هدوم
مراد كان خرج وفتح الباب وكانت نجلاء
مراد : ماما اتفضلي
نجلاء دخلت وكانت في أيدها صنيه وحطيتها
علي السفرة : الف مبروك يا حبيبي
مراد : الله يبارك فيكي يا ماما
نجلاء: انا قولت اجبلكم الفطار عشان تفطرو
مراد : جيتي في وقتك والله
نجلاء : فين ملك
مراد : جوا يا حبيبتي .. ملك يا ملك
ملك خرجت وسلمت علي نجلاء
نجلاء: الف مبروك يا حبيبتي
ملك : الله يبارك فيكي يا نوجا
نجلاء : خد بالك منها يا مراد دي بنتي قبل ما تكون
ابني
ملك : ربنا يخليك يا نوجا تسلميلي
مراد : في قلبي وعنيا
نجلاء : طيب استاذن انا يا ولاد
ملك : اقعدي يا نوجا والله ما ينفع تمشي كدا
مراد : تقعدي فين دي معاها راجل يا حبيبتي
ونتي كمان معاكي راجل روح يا نوجا يلاا
نجلاء : شوف الواد اللي ما شاف تربيه
ملك ضحكت
مراد بضحك : عريس يا نوجا
نجلاء : ربنا يسعدكم يا حبايبي
مراد وملك : امين يارب
نجلاء خرجت وقفلت الباب ومراد قرب من ملك
وباسها من خدها
مراد : ماما جابت فطار
ملك : بجد نوجا دي عسل والله
مراد : طيب يلاا نفطر
مراد وملك قعدو يفطر من جو كلها حب
………………………………………
في الكليه البنات كانوا قاعدين في الكافيه
وشهد بتاكل سندوتشات
نور : في ايه يابت متهدي علي نفسك شويه
شهد : بقولك ايه انا نازله من غير فطار فاسكتي
عشان ماتتكليش معاهم
سلمي بضحك : ومفطرتيش ليه قبل ما تنزلي
شهد : الست نوجا كانت مشغوله في فطار ابنها
وانا كنت هتاخر ع الكليه
نور : فطر ابنها ازاي
شهد : حضرت الفطار لناس برا بيتنا وانا بنتها
مفكرت فيا
سلمي بضحك : ناس برا بيتكم اللي هو مراد
وملك
شهد : مش عارفه ايه تحضر ليهم الفطار امال هو
اتجوز ليه ولاا احنا اللي هندلعهم
نور بضحك : عريس بقا
شهد : اهو الكلمه دي اللي هيمسك فيها علطول
سلمي : انتي مش فكرتي هنا اهو خلاص
شهد : فطرت ايه هو دا فطار
نور : كل دا ومش فطار
شهد : انتي هتعديلي ولا ايه يابت
نور : اعد ايه بس اتلهي
سلمي : بنات انا بفكر البس الفستان دا يوم الفرح
نور : وريني كدا
نور مسكت الفون وبصيت لسلمي : انتي غلطي في
الفستان صح
سلمي : غلطت ايه يابنتي هو الي انتي شايفها دا
شهد : مش لما تتنيلي وتخلصي الامتحانات دي
اللي مش عاوزه تخلص يبقا تفكري في جواز
سلمي : يا زفته ما احنا خلاص امتحان تاني وهنخلص
شهد : احلفي
سلمي بضحك : والله انتي مش معانا في الحياه ولا ايه
شهد : انا المذاكره خليت دماغي تلف مبقتش عارفه
فضل ايه
نور : سيبك من الامتحان دلوقتي انتي يوسف شاف
الفستان دا
سلمي : لاا قولت اعملها مفاجاه
شهد بصيت في الفون : دا انتي اللي هتتفاجي في الفرح
وهيطلقك
سلمي : حرام عليكي يا شهد دا انا مش مصدقه امتي
اتجوزه
نور بضحك : طيب غيري ام الفستان دا عشان تصدقي
سلمي : ليه يا بنات والله حلو
نور : اقولك اسألي يوسف هو هيرد عليكي
شهد : نور معاها حق الفستان مش مناسب
سلمي : طيب هيبقا اساله
………………………………………
في الشركه في مكتب فارس بيكون قاعد
بيشتغل وبتدخل السكرتيرة
ندا : في شخص عاوز يقابلك يا فندم
فارس : مين يا ندا
ندا : مقالش يا فندم
فارس : طيب خليه يتفضل
ندا بتخرج وبتدخل بنت بلبس قصير وضيق
مايا : ازيك يا استاذ فارس
فارس : اهلا بحضرتك
مايا : انا اسمي مايا وكنت مسافره ورجعت واشتريت
فيلا ونا شوفت من شغلك وبصراحه عجبني فكنت
عاوزه تعملي ديكورات الفيلا
فارس : شكر ليكي يا فندم ومبسوط انها عجبتك
وانا هوريكي كام حاجه كدا ونتي تشوفي ايه
هيعجبك ونا معاكي ولو حابه حاجه جديده انا
ممكن اعمل وحضرتك تشوفي

 

 

مايا : اوك يا فارس بيه عسانا الشغل جديد
اكيد هيبقى احلا من اللي شوفته
فارس : اكيد يا فندم
مايا : طيب اشوفك مره تانيه باي
فارس : مع السلامه
البنت خرجت وفارس كلم ندا وبعد شويه دخلت المكتب
ندا : حضرتك طلبتني يا فارس بيه
فارس : ندا انا عاوز شخص يكون كويس في شغله
وجد لشغل مدير الحسابات
ندا : حضرتك مش دا يبقا شغل مراد بيه
فارس بابتسامة : اه ما انتي متعرفيش مراد اتجوز
واكيد هياخد وقت علي ما يرجع الشركه فمش عاوز
الشغل يتأثر فعاوز شخص مناسب لحد ما يرجع مراد
ندا : الف مبروك يا فندم
فارس : الله يبارك فيكي عقبالك
ندا : تسلم يا فارس بيه .. حضرتك تأمر بحاجه تاني
فارس : لاا اتفضلي
………………………………………
في المستشفى
مالك بيكون خارج من مكتبه وبيشوف مصطفى
ومالك مبيهتمش وبيكمل طريقه وبيقف لما مصطفى
بيتكلم
مصطفي : حبيبتك عامله ايه
مالك بصله : نعم
مصطفي : ايه مسمعتش
مالك : لاا سمعت بس انا معنديش حبيبه
مصطفي : عاوز تقنعني البنت اللي كانت مع الشاب
مش بتحبها
مالك : انا مش مطر اقنعك تبقا مين انت اصلا
مصطفي ببرود : بس مكنتش اعرف ان زوقك حلو
البنت زي القمر
مالك مسكه من هدومه : احترم نفسك
مصطفي شال ايد مالك : مدايق اني بتغزل في حبيبتي
مالك : قولتلك مش حبيبتي انت مبتفهمش
مصطفي : العصبية مش هتغير حاجه يا دكتور .. بعد ازنك
مصطفي مشي وعمر قرب من مالك
عمر : في ايه يا مالك
مالك حكاله اللي قاله مصطفي
عمر : ياعم اهدي هو بيحاول يعصبك متشغلش بالك بي
مالك : انت شايف كدا يعني
عمر : ايوا شايف كدا
مالك : انت متخيل لو قال الكلام دا قدام سيف او آيه
هيحصل ايه
عمر : يابني متفكرش كتير واكيد مش هيحصل كدا
مالك : طيب انا هروح اكمل شغلي
عمر : ماشي
مالك بيمشي وعمر بيفضل واقف ومريم بتقرب منو
مريم : واقف ليه
عمر : كنت بتكلم مع مالك
مريم : خلصت شغل ولا ايه
عمر : لاا .. تعالي يلاا
مريم : يلاا
………………………………………
عند يوسف بيكون في مكتبه وسيف بيدخل
يوسف بصله : في ايه
سيف: ما تيجي نخرج
يوسف : وشغلك يا حبيبي
سيف : يا يوسف الشغل مش بيخلص
يوسف : طيب خلاص نخرج كلنا سوا
سيف : انا عاوز اخرج انا والبت مش اخرج معاكم
يوسف : ما هو مفيش خروج غير كدا كلنا سوا يا بلاش
سيف : حكم المفتري علي الضعيف
يوسف : ايه
سيف : موافق يلا بينا
يوسف : يلاا
يوسف وسيف خرجوا وكل واحد ركب عربيته
في عربيه يوسف بيرن علي سلمي
يوسف : ايه خلصتي
سلمي : اه خارجين من الكليه انا والبنات
يوسف : خليكي في الكليه طيب
سلمي : ليه
يوسف : هاجي اخدك
سلمي بابتسامة : جو رومانسي وهتخرجني يعني
يوسف بضحك : لاا يا حبيبتي جو صحاب
سلمي : البنات والشباب يعني
يوسف : اه هنخرج مره تانيه لوحدنا
سلمي : ماشي متتاخرش
يوسف : حاضر
………………………………………
آيه بتكون قاعده مع زينب والفون بيرن
آيه : عن ازنك يا ماما
زينب : اتفضلي يا حبيبتي
آيه بتدخل اوضتها وبترد علي سيف
آيه : ازيك يا سيف
سيف : وحشتيني
آيه بابتسامة : ونت كمان
سيف : طيب يلاا تجهزي كدا هاجي اخدك
آيه : فين
سيف : هنخرج كلنا سوا
آيه : حاضر
آيه بتقفل مع سيف وبتخرج لزينب
آيه : ماما البنات والشباب هيخرجوا سوا وسيف كلمني
زينب : ماشي يا حبيبتي مش هيبقى معاكم فارس
آيه : اكيد يا ماما
زينب : طيب روحو وانبسطو
آيه : ماشي يا زوزا
بعد وقت بتكون جهزت آيه وبتنزل وسيف بيكون
واقف بالعربيه و آيه بتركب
سيف : ايه القمر دا
آيه بابتسامة : بجد
سيف : طبعا
آيه بتبتسم وبعد وقت بيوصلوا عند المطعم وبينزلوا
وسيف بيمسك ايد آيه وبيدخلوا وبيشوفوا الشباب
والبنات قاعدين سوا
مالك بيشوفهم وبيبص علي ايديهم
سيف : سامو عليكم
فارس : اهلا
سيف : القعده وحشه من غيري مش كدا
يوسف : لاا كانت حلوه من غيرك وحشه من غير آيه
آيه بابتسامة : تسلملي يا يوسف
سيف : طيب اهدي ياعم يوسف هاا
يوسف بضحك : ما انا هادي
نور : طيب احنا جعانين اطلبوا اكل
سيف : عاوزه تاكلي ايه يا توتا
آيه : اللي البنات هيطلبوا
سيف : هو الاهتمام مينفعش معاكم
تقوليلي اللي هيطلبوا البنات
نور : اه يا حبيبي احنا سوا اطلع منها انت بقا
ومتبقاش رومانسي
آيه بضحك : بس يا نور الله متقوليش لسيف كدا
سلمي : دي بدافع عنه
سيف : مش خطيبها حبيبها لازم تدافع عني
فارس : دي اختي ياعم الحنين متنساش خف
نحنحه شويه بقا
يوسف بضحك : لو مسكتش فارس هيعلقك
سيف بضحك : هو يقدر يعمل حاجه دا انا جوزها
المستقبلي ولا ايه يا توتا
آيه بضحك بصت لفارس : انت يا فارس يا حبيبي
تعمل اللي عاوزه في جوزي المستقبلي
نور بضحك : اهي باعتك في دقيقه
سيف بضحك : عجباك كدا شمتي فينا الناس
آيه بضحك : هو انا اقدر
سلمي بضحك : لاا من جهه تقدري فا انتي قدرتي اهو
مالك بابتسامة : خليكي محضر خير يا سلمي
آيه بتضرب كف مالك : والله ما حد جاي معايا غيرك
مالك بابتسامة : انا في الخدمه
آيه بابتسامة : هو دا العشم برضو
سيف بص علي آيه بأنها تسكت ومتهزرش مع مالك
و آيه بتشوف نظراته وبتسكت وبيطلبوا اكل وبياكلو
وبيفضلوا يهزارو
سيف : ما تيجو نروح لمراد نباركله ونرخم عليه
شهد بضحك : هو انت لو رحتله هيفتحلك اصلا دا قافل
تلفونها من امبارح وقالي قبل ما يطلع شقته لو لمحتك
هرميكي من فوق
نور بضحك : ما هو معاه حق انتي غلسه برضو
سلمي بضحك : لاا جدع أنه عمل كدا

 

 

آيه بضحك : متنسوش يا جماعه دا طلع عينه في
الجوازه لاا وبعدين يبقا شهد كدا حرام
يوسف بضحك : مش عارف ليه انتو شايفين شهد
كدا ليه دي سكر
شهد : انا كنت مستنيه المحامي بتاعي يتكلم
فارس بضحك : لاا ومش اي محامي دا المنشاوي
مالك بضحك : ونا اقول شهد ساكته ليه
شهد بضحك : هو انا يقيت محفوظه كدا
سيف بضحك : اوي اوي .. المهم يا جماعه هنروح
كلنا سوا
شهد : ربنا معاكم بقا
نور : هتروحي معانا
شهد : مش ناقصه تهزيق خليني بكرامتي
فارس : يعني هي اول مره
شهد : هو انا مهزا اوي كدا
آيه بضحك : قطع لسان اللي يقول كدا يا شوشو عليكي
شهد بضحك : بتحاولي تقنعيني انتي
آيه بضحك : بصراحه ايوا
شهد : ماشي هروح
يوسف : طيب ينفع نروح وانهارده اول يوم جواز
يعني مشغول ونتو عارفين كدا
سيف : هيكون مشغول في ايه يعني اتجوز وخلاص
وليله امبارح كفايه عليه
فارس : واهو تطمن علي الواد
يوسف : والله لو حد عمل كدا لما اتجوز ويجيلي
لكون قاتله انا مهصدق اهو بقولكم
بعد ما يوسف خلص كلامه بص علي سلمي
اللي بصتله بإحراج وكسوف
مالك : ايه يا حبيبي انت وهو ايه اللي بتقوله دا
في بنوتات هنا
آيه : احنا هنمشي ونتو خدو راحتكم علي الآخر
سيف بضحك : رايحه فين اقعدي بس
فارس بضحك : انا بقول اننا نمشي احسن
يوسف بضحك : عندك حق
مالك : طيب حد يكلم مراد الاول
فارس : لاا هنروح مفاجاه
يوسف : يلاا يا بنات
الشباب والبنات خرجوا من المطعم وكل واحد
ركب عربيته بعد وقت كانو وصلو ونزلو من
العربيات وطلع العماره ورنو جرس الباب
سيف : هو الواد دا مبيفتحش ليه
فارس : انا هرن عليه اشوفه
فارس رن علي مراد وتليفونه مقفول
فارس : الفون مقفول
مالك : مش قولتلكم نكلمه الاول اهو تلفونه مقفول
فارس : حد يكلم ملك يا بنات
شهد رنيت عليها والفون كان مقفول
شهد بصتلهم
سيف : متقوليش مقفول
شهد : للأسف اه
يوسف بضحك : دول متفقين بقا .. بس اهو اخدنا
فكره والله
سيف باستغراب : فكره ايه
يوسف بضحك : قفل الفون
مالك بضحك : هو احنا في ايه ولا في ايه
يخرب بيتكم
فارس : طيب يلا بينا
سيف : استني بس
سيف فضل يرن جرس الشقه
مراد كان نايم وملك نايمه في حضن ومراد فاق بضيق
وملك بصتله
ملك : هو في ايه
مراد بضيق : مش عارف مين اللي معندش دم
وجاي في وقت زي دا
ملك : طيب قوم شوف مين
مراد قام وخرج وفتح الباب وشاف الشباب والبنات
فضل باصص عليهم
مراد : انتو جيتو شقه غلط
سيف : لاا شقه صح مش انت العريس
مراد : يا اخي اهو قولت خلي عندك دم وامشي
فارس بضحك : نمشي ايه احنا قعدنا مع بعض الاول
البنات والشباب دخلوا وقعدو في الريسبشن
سيف قرب من مراد : طمنا كله تمام
مراد بصله بغيظ : بس ياض
سيف بضحك : يبقا كدا اطمنا
مراد : بنات ادخلوا جوا عندك ملك عشان
قعده السفاله دي
البنات قاموا وراحو لملك اللي كانت خارجه من الحمام
البنات : الف مبروك يا عروسه
ملك بابتسامة : الله يبارك فيكي عقبالكم
سلمي : قوليلي بقا الجواز حلو ولا اغير راي
ملك بابتسامة : حلو جدا
شهد : دا مراد عرف يظبط الدنيا اهو
آيه : بس يابت متكسفيهاش
نور : قوليلي بقا احساسك ايه
ملك بضحك : لما تجوزو كل حاجه هتعرفوها
آيه : بس اول مره اشوف عروسه بتحلو بعد
الجواز كدا
شهد : هي اجوزت اي حد دا اخويا ولازم تبقا حلوه
ملك بحب : وحبيبي كمان
سلمي : يا ولاا مكنتش اعرف انك رومانسيه كدا
ملك بضحك : طيب تعالو نخرج
ملك والبنات خرجوا عند الشباب والبنات قعدوا
وملك سلمت علي الشباب وبعدين قعدت جمب
البنات
ملك : تحبو تشربوا ايه
يوسف : اي حاجه
ملك قامت وراحت المطبخ وبعد شويه
جابت عصير وقضو وقت في هزار وضحك
وبعد وقت طويل الشباب والبنات مشيو
………………………………………
شهد بتكون قاعده في اوضتها ونجلاء بتدخل
نجلاء بفرحه : كويس انك لسه منمتيش
شهد : خير يا ماما ايه سر السعاده دي
نجلاء بابتسامة : مبسوطه عشانك
شهد : عشان دا انا فاقده اني اعدي السنادي
وبعدين انا مخلصتش اصلا
نجلاء : يابت موضوع تاني
شهد : متقولي يا نوجا
نجلاء : في شاب ابن ناس ومحترم وحياته كويسه
ميترفضش يعني
شهد : اه وانا مالي مش فاهمه
نجلاء : هو شافك في فرح مراد واكيد عجبتيه
عشان اتقدملك
شهد فضلت ساكته شويه وبصت لنجلاء : بس انا
مش موافقه
نجلاء : مش موافقه ليه بقولك شاب كويس ربنا
بيديلك فرصه متضيعهاش
شهد : ماما انا مش هوافق وبعدين انا مخلصتش
جامعه
نجلاء : وهتفضلي كدا يعني ما صحابك كلهم
مخطوبين اهو وقدك متتخطبيش انتي ليه
شهد : يا ماما انا حره
نجلاء : ماشي يا شهد
نجلاء بتخرج وشهد بتقوم تقفل الباب وبترجع
تقعد علي السرير وبتفتح الفون وتشوف صوره
سيف ودموعها بتنزل
شهد بدموع : ونتي يعني مستنيه ايه هو خاطب
وبيحب خطيبته عمره ما هيبصلك ومتنسيش
آيه صحبتك واختك اكيد مش هتفكري في حبيبها
بالطريقه دي .. بس مش بايدي كل ما اشوفه مع آيه
بحاول اتجاهله بس قلبي بيوجعني
………………………………………
عند مراد وملك
الفون بتاع ملك بيرن
مراد بضيق : مش قولتلك اقفلي الفون دا
ملك بتبعد عن مراد : طيب ابعد ارد
ملك بتمسك الفون وبترد
ملك : ايوا يا ماما
سوزان : عامله ايه يا حبيبتي
ملك : بخير يا ماما
سوزان : الف مبروك يا روحي
مراد بيقرب من ملك وبيبوس كتفها
ملك بتبعد : الله يبارك فيكي يا ماما مجتيش ليه
انهارده
سوزان : قولت اسيبكم انهارده يا حبيبتي
مراد بيقرب من ملك وبيبوس كتفها تاني
ملك بهمس : مراد
ملك : تنوري في اي وقت يا ماما
سوزان بتبتسم علي بنتها : طيب مراد موجود
ملك : اه معاكي اهو
مراد بيمسك الفون : كدا يا حماتي انا زعلان منك
سوزان : ليه يا حبيبي بس
مراد : متجيش تشوفي ابنك برضو
سوزان : هجيلك يا حبيبي الايام جايه
مراد : يبقا هستناكي
سوزان : طيب اسيبكم مع بعض مع السلامه
مراد : سلاام
ملك : قفلت ليه كنت عاوزه اتكلم معاها شويه
مراد : دي طلعت بتفهم وفهمت اننا مش فاضين
والست قفلت ونتي حضرتك عاوزه تتكلمي
ملك : ما انا متكلمتش معاها من يوم الفرح
مراد قرب منها وحضنها : وماله مقلناش حاجه
بس حسي بجوزي اليومين دول
ملك بضحك : اكتر من كدا
مراد باس خدها : اعمل ايه فيكي بقيتي ادمان
بنسبالي
ملك بابتسامة : ادمان
مراد : اهم دول اكتر حاجه مبعرفش اسيطر
علي نفسي قدامهم
ملك : هما ايه
مراد : دول
مراد قرب من شفايفها وباسها بوسه طويله
………………………………………
صباح جديد
في بيت يوسف بيكونو متجمعين علي السفره
هناء : سيف ومالك منزلوش ليه
يوسف : الباب رد عليكي يا نونا
في نفس اللحظه الجري بيرن وبتقوم تفتح نور
وبيدخلوا الشباب وبيقعدو علي السفره
نور : انا حياتي مش مظبوطه قد ما نونا تسال
عليكم ونتو ترنو الجرس كدا
مالك بضحك : اكيد صدفه
سيف بضحك : صدفه ايه يا جدع دي حصلت
اكتر من مره
هناء : اقعدو افطروا يلاا
سيف : لاا يا نونا انا لازم امشي هوصل آيه الكليه
نور : امال احنا مالنا يجماعه محدش بيعبرنا كدا ليه
سيف بضحك : فارس مشغول بقا
نور بضحك : بتدافع عنه
سيف بضحك : اوعي تنكدي علي الراجل

 

 

نور بضحك : ركز في اللي معاك انت بس
سيف : ماشي انا هوصلها وبعدين هاجي الشغل
يا يوسف
يوسف : خد وقتك
مالك : طيب يا جماعه استاذن انا كمان
هناء : افطر يا حبيبي الاول
مالك : متاخر يا نونا
يوسف : خمس دقايق مش هتحصل حاجه
مالك : مش هينفع همشي انا بقا
سيف ومالك بيخرجو وبينزلوا وكل واحد
بيركب عربيته
………………………………………
بتكون واقفه ملك في المطبخ خلصت الفطار
وبتخرج بيه وبتدخل الاوضه وبتحط الصينيه
علي التربيزه وبتقعد علي السريره وبتقرب من مراد
ملك : مراد
مراد بنوم : في ايه يا ملك
ملك : كفايه نوم يا حبيبي قوم افطر
مراد : حاضر
مراد بيقوم بيدخل الحمام وبعد وقت بيخرج
وبيقعد جمب ملك وبيحضنها
ملك : مش هتفطر
مراد بيمسك ايديها وبيبوسها : اكليني بايدك دي
ملك بابتسامة : بس كدا
ملك بتاكل مراد وبتبصله : ايه رايك
مراد : امم مش بطال
ملك : لاا والله دا انا قومت من النوم عشان اعملك
فطار
مراد بضحك : بهزر تحفه الفطار كفايه من ايد حبيبتي
ملك بابتسامة : اكلك يعني
مراد : امم انا هكلك دلوقتي
مراد اكل ملك وفضلوا ياكلو بعض بحب
………………………………………
سيف بيكون وصل قدام العماره وبعد شويه آيه
بتخرج من بوابه العماره وبتركب وسيف بيمشي
آيه : صباح الخير
سيف : صباح الجمال
آيه : متتاخرش في الشغل انهارده يا سيف
سيف : حاضر عشان اجي اخدك كمان
آيه : انهارده هنروح المستشفى سوا كمان عشان
تشيل الغرز
سيف : ماشي يا حبيبتي هحاول وبعدين يبقا
اخرج خروجه كمان
آيه : اهو يبقا احتفال باخر يوم لاني ما صدقت
سيف بصلها : لاا دا احنا نحتقل بالجواز بقا اتفقنا
بعد الامتحانات
آيه بضحك : مستعجل اوي انت
سيف بضحك : انا جبت اخري من جوا الخطوبه دا
عاوز اخش دنيا
آيه : ماشي يبقا اتكلم مع بابا
سيف : تمام
بعد وقت سيف كانوا وصل قدام الكليه و آيه نزلت
وبعدين سيف مشي علي شغله
………………………………………
في الشركه
فارس بيدخل الشركه وبعدين بيكون هيدخل مكتبه
بيلاقي مايا قاعده مع ندا
فارس : صباح الخير
ندا : صباح النور يا فندم
مايا بتقوم تقف قصاد فارس : جيت ولقيتك مش
موجود
فارس : معلش اتاخرت شويه اتفضلي .. ندا قهوتي
ندا : حاضر يا فندم
مايا بتدخل وفارس بيدخل وبيقفل الباب
فارس بيقعد علي الكرسي بتاعه ومايا بتقعد
فارس : اخترتي حاجه
مايا : اه بصراحه كل حاجه ابهرتني بس في
تصميم عجبني اوي فاخترته
فارس : تمام يا استاذه مايا
مايا : ممكن تقولي مايا عادي من غير اللقاب
فارس : ماشي يا مايا
مايا : وانا ينفع اقوالك يا فارس لو مش عندك مانع
فارس : اكيد
ندا بتدخل وبتحط قهوة فارس
فارس : ندا شوفي مايا تشرب ايه
ماما : ممكن قهوة
ندا : تمام بعد ازنكم
ندا بتخرج وفون فارس بيرن وبتكون نور
بيفصله وبيرجع يتكلم مع مايا عن الشغل
ونور بترن تاني
فارس : معلش خمس دقايق ارد بس
مايا : اتفضل
فارس بيرد علي نور
نور : مبتردش ليه
فارس : ما عندي شغل يا نور ونتي عارفه كدا
نور : يعني لو رديت عليا الشغل هيقف
فارس : يا حبيبتي افهمي انا دلوقتي مشغول
بلاش شغل العيال دا دلوقتي
مايا : فارس انت هتطول في الفون
نور بصدمه : ايه اللي انا سمعته دا
فارس : نور انتي م فاهمه حاجه بلاش تطلعي افكار
مش موجود
نور : طيب فهمني ايه دا
فارس : هكلمك بعدين وهقولك
فارس رجع قعد : اسف اني اتاخرت شويه
مايا : ولا يهمك .. هي مين نور
فارس : خطيبتي
مايا : انت خاطب
فارس : ايوا .. نرجع نكمل شغل
مايا : اتفضل
………………………………………
عند آيه كانت خلصت وخرجت من الكليه ورنيت
علي سيف مردش عليها فضلت واقفه شويه
ورنيت تاني عليه كتير بس مردش
آيه : مبتردش ليه يا سيف
بعدين وقفت تاكسي وبعد وقت وصلت قدام
المستشفي نزلت ودخلت وشافت دكتوره واقفه
وقربت منها
آيه : لو سمحتي
مريم : اتفضلي يا قمر
آيه : دكتور مالك فين
مريم : والله دكتور مالك في العمليات انتي عاوزه ليه
آيه : كنت جايه اشيل الغرز
مريم : طيب تعالي في مكتبي نقعد سوا علي ما يخلص
آيه : ماشي لو مش هعطلك عن شغلك
مريم : لاا اتفضلي .. اسماء لما الدكتور مالك يخرج
يبقا بلغيني
اسماء : حاضر يا دكتور
آيه و مريم بيمشو وبيرحوا مكتب مريم
مريم : انتي اسمك ايه
آيه : آيه
مريم : انا مريم زميله مالك
آيه : تعرفي معرفه يعني
مريم : اه بنتكلم يعني شويه
آيه : اه ماشي
مريم : هو انتي نفس البنت اللي جيتي وكان معاكي
شاب المره اللي فاتت
آيه : ايوا دا يبقا خطيبي اللي كان معايا ويبقا صاحب
مالك
مريم : امال مش معاكي ليه المرادي
آيه : مشغول شويه
مريم : ليه هو بيشتغل ايه
آيه بصتلها بغيره : ظابط
مريم حسيت بغيرتها وضحكت : شكل الجميل بيغير اوي
آيه بابتسامة : شويه
مريم : ربنا يخليكم لبعض
آيه : يارب .. عقبالك
مريم رفعت ايديها بضحك
آيه بضحك : مش واخده بالي من الدبله
مريم : ولا يهمك
بعدين بتدخل الممرضه
اسماء : الدكتور مالك خرج من العمليات يا دكتور
مريم : ماشي اتفضلي انتي يا اسماء
الممرضه بتخرج ومريم بتبص علي آيه : يلاا تعالي
آيه : ماشي
مريم و آيه بيخرجو وبيروحو مكتب مالك
مريم : في شخص عاوزك يا دكتور مالك
مالك : مين
مريم : ادخلي يا آيه
آيه بتدخل ومريم بتخرج
آيه : ازيك يا دكتور
مالك : دكتور ايه انا مالك احنا مش أصحاب برضو
آيه بابتسامة : اكيد طبعا
مالك : جايه لوحدك ولا ايه
آيه : صحبك حضرت الظابط بكلمه مبيردش عليا
مالك بضحك : اكيد مشغول .. يلاا عشان اشيل الغرز
آيه بخوف : يلاا
مالك بابتسامة : متخافيش انا دكتور شاطر مش
هتحسي بحاجه
آيه بابتسامة : ماشي
مالك بيبدا يفك الغرز لـ آيه وبعد وقت بيخلص
مالك : ايه حسيت بحاجه
آيه بابتسامة : لاا ابدا .. طيب همشي انا شكرا يا مالك
مالك : علي دا واجبي استني اوصلك طيب
آيه : لاا انا مش عاوزه اتعبك معايا
مالك : ولا تعب ولا حاجه اتفضلي
آيه بتمسك الشنطه وبتكون هتخرج ورجليه اتكعبلت
في الكرسي وكانت هتقع مالك مسكها والمسكه كانت
زي الحضن مالك فضل يبص علي ملامحها و تاه فيها
اللي اول مره يشوفها من قريب وفجاه الباب اتفتح
سيف بابتسامة : اسف والله يروحقلبي الـ ..
سيف اول ما شافهم سكت و ابتسامته اختفيت
آيه و مالك بعدو عن بعض بسرعه
آيه : سيف
سيف : ايه اللي انا كنت شايفه دا
مالك : سيف انت فاهم غلط اللي شفتو
سيف قاطعه : مكنتش اعرف انك رخيصه كدا لاا ومع
مين مع صاحب عمري
آيه بصتله بصدمه

 

 

• لقراءة باقي فصول الرواية أضغط على (رواية عانيت لأحبك)