رواية عانيت لأحبك الفصل الرابع والعشرون 24 بقلم فاطمة محمود

رواية عانيت لأحبك الفصل الرابع والعشرون 24 بقلم فاطمة محمود

 

 

البارت الرابع والعشرون

 

” رواية عانيت لأحُبك ”
” البارت الرابع وعشرين ”
” الكاتبة فاطمه محمود ”
– يحبني كثيرًا وهذا ما أستطيع أن أواجه به بشاعة
الأيام هذا ما يجعلني أركن كل شيء جانبًا و أختار
الألتفات إليه 🫂💙
الكل اتصدمو من كلام سلمي
فارس بصدمه : انتي بتقولي ايه
سلمي : سيف اللي عمل كدا

 

 

زينب : عمل كدا ازاي دا بيحب آيه اوي مستحيل
يعمل كدا ايه اللي بتقوليه دا يا سلمي
سلمي : ماما هي دي الحقيقه
محمد قرب من آيه : انتي لازم تسيبه الواد دا
آيه بصتله بصدمه : بابا انت بتقول ايه
محمد : بقول اللي سمعتيه
آيه : بس انا مش هسيبه انا حره محدش لي دعوه بيا
محمد ضرب آيه قلم وآيه حطيت أيدها علي خدها وبصتله بدموع زينب قربت منها وحضنتها
زينب : ايه اللي انت عملته دا يا محمد
محمد : مش شايفها بتقول ايه هي حره يعني ملهاش أهل
فارس : بابا آيه مش قصدها كدا
محمد : ونا قولت اللي عندي هكلمه عشان اعرفه
سلمي : بابا حضرتك الموضوع ميتحلش كدا
محمد بغضب : امال بتحب ازاي هطمن ازاي لما بنتي تكون مع واحد زي دا لما هو دلوقتي عمل فيها كدا
آيه بدموع : ونا مش هسيب سيف يا بابا
آيه جريت علي اوضتها وسلمي راحت وراها
زينب : بلاش تعمل حاجه تجرح بيها بنتك يا محمد
محمد : يا زينب انا خايف عليها
فارس : ممكن تهدا يا بابا الاول عشان خاطري وسيبها علي راحتها
محمد : طيب وخبت ليه هتقول لمين لما هي بتخبي علينا
زينب : اهدي يا محمد انت عارف آيه كويس هي اكيد
خافت تقول انك تخليها تسيب سيف زي ما انت عملت دلوقتي
محمد : حتي لو المفروض متخبيش عليا حاجه زي كدا
زينب : ممكن تهدي انا هدخل اشوفها .. ملك اعملي لمون لخالك

 

ملك : حاضر
………………………………..
في اوضه آيه قاعده علي السرير وسلمي فتحت الباب ودخلت قعدت جمبها
سلمي : توتا انتي كويسه
آيه حضنت سلمي
آيه بدموع : سلمي انا بحب سيف مش هقدر اني ابعد عنه بجد
سلمي : اهدي يا حبيبتي مين قالك انك هتسيبي سيف
آيه بعدت عنها : بس بابا قال
سلمي قاطعتها : متقلقيش ماما اكيد هتقنع بابا
آيه : متاكده أنه هيقتنع بكلام ماما
سلمي : عيب عليكي دي زوزا .. توتا انا اسفه والله ما كانش قصدي اقول
آيه بابتسامة : انا عارفه انك دايما مبتخبيش لو حد اذاني .. وبعدين اكيد كانوا هيعرفو
سلمي باست آيه من خدها
آيه بابتسامة : عامل ايه يوسف
سلمي كانت هترد تليفونها رن وكان يوسف
سلمي بضحك : اهو جي علي السيره
آيه ضحكت وسلمي خرجت وراحت اوضتها ورديت
سلمي : الو
يوسف : عامله ايه آيه
سلمي بغيره : ونت معندكش غير آيه تسأل عليها
يوسف بابتسامة : يابت بطمن عليها
سلمي : علي العموم هي كويسه
يوسف بابتسامة : بتغيري ولا ايه
سلمي : ايوا
يوسف : من اختك

 

 

سلمي : اغير من مامتك يا حبيبي
يوسف بضحك :قلبي يا ناس
سلمي بضحك : قلبك بس
يوسف : انتي كل حاجه في حياتي
سلمي : ربنا يخليك ليا
يوسف : حد عرف باللي حصل
سلمي : ايوا
يوسف : طيب وايه كان رد فعلهم
سلمي : بابا كان عاوز آيه وسيف يسيبو بعض
يوسف : بتكلمي جد
سلمي : اه والله بس آيه رفضت وان شاء الله ماما تقنع بابا
وميسبوش بعض
يوسف : هو سيف غلطان وغلطان اوي كمان ونا اتخانقت معاه ومالك كمان اتخانق معاه
سلمي : طيب وسيف قال ايه
يوسف : ادايق وبعدين مشي
سلمي : يوسف هو سيف كان معاه حق في اللي عمله يعني لما شاف آيه واقفه مع زميلها ولا غلطان
يوسف : هو غلطان بس من ناحيه شافها مع واحد بصراحه معاه حق
سلمي : يعني افهم انت لو مكانه كنت عملت فيا كدا
يوسف : دا انا مخلكيش تمشي تاني عشان تقفيلي مع واحد
سلمي : هو انتو الرجاله معندكمش ذره تفاهم
يوسف : لاا يا حبيبتي بنتخانق علطول
سلمي : هو بجد يعني اشمعنا انتو لو مع بنت محدش يقدر يقولكم حاجه انما احنا لاا غلطانه
يوسف : لما انا اشوف حبيبتي واقفه مع شاب لازم اغير
لاني هي ملكي وبس
سلمي : بس هي مش غلطانه هو اللي وقف واتكلم معاها
دا حتي قالها بشرية قهوه سوا وهي رفضيت عشان هي بتحب سيف وبتخاف علي زعله
يوسف : انا عارف سيف هو بيحب آيه مبيعرفش يخبي
لما يغير عليها انا عارفو هو بيدايق لما بيعمل كدا ومشكلته متهور مبيفكرش هو بيعمل ايه هو بيحاول يتحكم في
نفسه بس مبيعرفش عشان دي طبيعته
سلمي : ربنا يهديهم علي بعض
……………………………………..
زينب دخلت اوضه آيه وقعدت قصادها
زينب : انتي كويسه دلوقتي يا حبيبتي

 

 

 

آيه : الحمدلله يا ماما
زينب : ليه مقولتيش يا آيه بتخبي عليا دا انا امك
آيه : يا ماما انا خفت اقول عشان بابا
زينب : يا حبيبتي لما انتي هتخافي مننا هتحكي لمين
آيه : ماما انا اسفه انا مش قصدي اخبي عليكي انتي وبابا
زينب : طيب ايه اللي حصل احكيلي
آيه حكت لمامتها كل اللي حصل
زينب : عارفه أنه غلطان بس يا حبيبتي فكر في علي
الأقل هو شافك مع واحد واقفه اكيد هيغير
آيه : ماشي يا ماما معنديش مانع أنه يغير بس علطول خناق دا ضرب زياد انتي مشوفتيش شكله في الكليه وبجد زعلت منو
زينب : طيب انا هجبلك الموضوع اسهل انتي عادي بنسبالك تشوفي سيف مع وحده
آيه بغيره : لاا طبعا
زينب بابتسامة : شوفتي اهو انتي رديتي علي نفسك
آيه : ماشي يا ماما بس بجد مش عارفه اتعامل معاه ولا هو فاهمني ولا انا فهما
زينب : يا حبيبتي بيحصل في اي علاقه بس حاولو تفهموا بعض انتو هتجوزو اكيد مش بعد الجواز هيحصل خناقات كدا
آيه : مش عارفه بجد ازاي هنتجوز واحنا كدا
زينب : انا عارفه أن سيف غلطان بس انتي عارفه انه بيحب وبيعمل كل دا عشان بيحبك والغيره دي بتيجي من باب المحبه
آيه : ماشي يا ماما
زينب : طيب يا حبيبتي هسيبك ترتاحي شويه
زينب خرجت وآيه قامت وخرجت وقفت في البلكونه تليفونها رن وكان سيف فضلت تبص علي الفون كتير
وبعدين قفلته
…………………………………
سيف كان قاعد في شقته وبيشرب سجاير بغضب
سيف : وبعدين يا سيف لحد امتي هتفضل كدا امتي هتتغيري وتبطل طريقتك دي ايه زنبها تتحمل واحد زيك
هتضيعها من ايدك بتصرفاتك دي يا غبي
فضل يشرب سجاير ورجع شعره لورا ومسك الفون ورن
علي آيه وتليفونها كان مقفول
سيف : عشان خاطري افتحي تليفونك
فضل يشرب سجاير كتير وجرس الباب رن قام وفتح
الباب وكان مالك
سيف بصله وسابه ورجع قعد علي الكنبه : عاوز تقول
حاجه تانيه يا مالك
مالك قفل الباب ودخل قعد جمبه علي الكنبه : اللي بتعمله
دا هيحل الموضوع يعني
سيف بزعل : انا تعبان اوي يا مالك محدش فاهمني
ابدا حاسس اني لوحدي مدايق من نفسي اوي مش
عارف اتحكم في نفسي بس والله غصب عني

 

 

مالك برغم حبه لـ آيه بس قلبه وجعه علي سيف
مالك بزعل : انا جمبك علطول يا سيف بس بلاش تعمل
في نفسك كدا
سيف : انا اللي زي يستاهل اكتر من كدا واحد متخلف
مبيفكرش انا بعمل ايه
مالك : متقولش علي نفسك كدا كل حاجه هتبقا كويسه
بس هي اكيد زعلانه منك اديها وقتها وهترجع تكلمك
سيف : اتمني دا يحصل
مالك : هيحصل أن شاء الله بس قومي يلاا خد شاور كدا
ونا هستناك هنا
سيف بضحك : ونت هتفضل قاعدلي هنا يا عم ولا ايه
مالك بضحك : عندك مانع ياض دا انا هبات معاك كمان
سيف بابتسامة : لا معنديش طبعا
سيف قام دخل اوضته ياخد شاور ومالك فضل قاعد وفتح الفون وفضل يقلب فيه وجرس الباب رن قام فتح وكان يوسف
يوسف : ايه اللي جابك هنا
مالك : جيت اشوف سيف
يوسف دخل وفضل يبص علي الشقه : ايه الكركبه دي
ربنا يكون في عون آيه والله
مالك بضحك : انت عارفو هو دا سيف
سيف خرج من اوضته : جايبين سيرتي ليه
يوسف : دا انا مبهور بشكل الشقه هو في ترتيب وجمال كدا
سيف : نبره صوتك فيها تريقه
يوسف : ايه دا يابني دي شكل شقه ساكن فيها واحد
سيف : ما ليك حق تتكلم ما انت عندك نونا ونور
يوسف : انت نسيت اني كنت أرتب وراك في سكن التدريب
سيف : طيب ما تقوم جدعنه منك ومنو ورتبو الشقه
يوسف : لاا أرتب ايه معاك ربنا يا حبيبي
مالك : انا ماشي يا جماعه عاوز حاجه يا سيف
سيف : شفتوا اهو كل واحد خلع
سيف : انا جعان
مالك بضحك : دا شكل واحد كان من شويه منهار بالله
سيف بضحك : في ايه ياعم جعان
مالك : طيب قوم كل اي حاجه
سيف : مفيش حاجه تتاكل هنا
يوسف : تعالوا نشوف نونا كانت بتحضر الاكل ونا جاي
سيف : وسايبني كدا يا اخي عامله ايه بقا
يوسف : محشي وبشاميل وفراخ وبانيه
مالك : انتو عازمين حد ولا ايه
يوسف : انا قولتلها كدا برضو قالتلي في ايه يا يوسف دا
لينا والكلاب اللي فوق
سيف : انتو مربين كلاب علي السطح ولا ايه
يوسف : لاا قصدي عليكم
مالك : الله يسامحك يا يوسف
يوسف : ايه مش جاين انا قولت لنونا كدا طيب يلا سلام
سيف : جاين معاك يلا
يوسف بضحك : مفيش بربع كرامه انا عارف
مالك بضحك : يلاا ياعم
الشباب نزلوا ودخلو الشقه وقعدو علي السفره مع
هناء ونور
هناء : ليه اتاخرتو كل دا
مالك : ابنك المحترم كان بيهزقنا فوق
نور بضحك : دا ليه
سيف بتمثيل الزعل : بيزلنا يا نونا ليه عشان مش
عارفين ناكل ولا نعمل اي حاجه لنفسنا
يوسف : انا هتصيع ياض
سيف : شايفه يانونا قد ايه انا بسكت لابنك
هناء : اخص عليك يا يوسف ليه كدا
يوسف بضحك : انتي صدقتي يا ماما انا بهزر
هناء : ولا يهمك يا حبيبي كول براحتك
نور بضحك : الواد دا بيعرف ياخد حقه والله
مالك بضحك : والله انا اتاثرت
هناء : اسكتوا وقولولي رأيكم في الاكل
يوسف : زي العسل يا ماما
مالك : مش محتاج كلام تحفه يا نونا
سيف : انتي عارفه راي كدا كدا
نور : ونا محدش هيقولي حاجه ولا ايه
سيف : انتي بتعرفي تعملي حاجه
نور : اه طبعا انا عملت الأكل دا مع ماما
يوسف : تسلم ايدك يا نوري
نور : قلبي يا جو
مالك بابتسامة : ونا اقول حلو بزياده ليه انهارده
نور : حبيبي يا ملوكه
سيف : لو سلمي سمعتك بتقولي قلبي كانت عملتك

 

كفته دلوقتي
نور : لاا دا انا حبيبتها سلمي
سيف بضحك : لاا ما هو في المواضيع دي مفيش حبايب
يوسف بضحك : خلاص ياض قولي براحتك يا حبيبتي
نور : اننن
سيف : اننن
هناء : بطلو بقا طفوليه وكلوا
نور بصيت لسيف : حاضر
………………………………………
في بيت محمد كانوا قاعدين في الريسبشن وساكتين
قاطعت الصمت زينب
زينب : يلا يا بنات نحضر الاكل
قاموا البنات وراحو المطبخ
البنات في المطبخ كانوا بيحضر الاكل
آيه قربت من زينب : ماما
زينب بصتلها : ايه يا حبيبتي
آيه : بابا قالك ايه
زينب سكتت وافتكرت كلام محمد
Flash back
زينب : يا محمد حاول تفهم بنتك بتحب سيف
محمد : ونا مش هسيب بنتي مع واحد زي دا
زينب : اي علاقه بتحصل فيها خناقات كدا انت مش
فاكر خناقتنا ولا ايه
محمد : بس بنتي مش هتجوز البني ادم دا دا ممكن
بعدين يجبهالي مقتوله
زينب : انت بتقول ايه يا محمد سيف مش وحش كدا
محمد : بس انا شايفو كدا لما يعمل في بنتي كدا يبقا
مش هيحافظ عليها ولا عمري هبقا مطمن عليها معاه
زينب : انا مش هدافه عن سيف بس هو بيحب بنتنا
والغيره من باب المحبه يا محمد
محمد : زينب متحاوليش تقنعيني انا مش هضيع بنتي
زينب : تضيع اي انت سايبها مع راجل سيف شاب كويس
ومحترم
محمد : انا عارف أنه محترم وكويس بس دا مش هينكر
أنه شاب مستهتر ومش عارف هو بيعمل ايه
زينب : يعني انا لو بعدت عنك كنت هتبقا مبسوط لما اتخانقت مع بابا لما كان عاوز يطلقني منك
محمد : انتي بتقولي ايه يا زينب
زينب : رد عليا يا محمد
محمد : لاا طبعا ونا مكنتش قصدي اللي حصل غصب
عني
زينب : ودا اللي حصل مع سيف فكر كويس يا محمد
عشان خاطري متكسرش قلوب فكر كويس
زينب سابت محمد وخرجت من الأوضه
Back to present
آيه : ماما
زينب : ايه
آيه : بابا قال ايه
زينب : متقلقيش يا حبيبتي خير ان شاء الله
آيه : يعني بابا مصمم علي قراره

 

 

زينب : صدقيني بابا مش هيزعلك اطمني
آيه : حاضر
آيه بتخرج من المطبخ ويتكون رايحه اوضتها وبتخبط
في رأسها مكان الجرح
آيه : اهه انا هفضل اتوجع كدا كتير
بتدخل اوضتها وبتاخد الدوا وبترجع المطبخ
كل دا وفارس كان واقف وشاف وجع اخته
بيدخل اوضته بيغير هدومه وبعدين بيخرج من الشقه
في المطبخ
زينب : يلاا يا بنات طلعوا الاكل علي السفرة
آيه وسلمي وملك طلعوا الاطباق وزينب وقفت
زينب : يارب متغلطش يا محمد
بعدين طلعت من المطبخ
زينب : سلمي اندهي بابا وفارس
سلمي : حاضر
بعد شويه رجعت سلمي مع محمد
زينب : فارس فين
محمد : قال انه رايح اوضته
سلمي : طيب هشوفه
سلمي راحت اوضه فارس وملقتوش
سلمي : مش موجود
زينب : هيكون راح فين
محمد : اهدي اكيد خرج معاه حاجه
زينب : طيب رن عليه اطمن
محمد رن علي فارس ومردش
زينب : مردش اكيد في حاجه حصلت مع ابني
محمد : في ايه يا زينب انتي بتفولي عليه ليه هو كويس
بس ممكن مشغول
آيه : اهدي يا ماما اقعدي وفارس اكيد هيرحع
سلمي : متقلقيش يا حبيبتي هو اكيد هيرجع يرن
زينب : طيب
……………………………………..
في شقه يوسف بيكونو خلصوا اكل وقاعدين
وتليفون سيف بيرن وبيقوم يرد ونور بتكون رايحه
اوضتها وبتسمعه
سيف : ايوا يا فارس
نور باستغراب : فارس
بتقف وتسمع كلام سيف مع فارس
فارس : عاوز اتكلم معاك
سيف : طيب ماشي اجيلك فين
فارس : انا تحت انزلي
سيف : طيب اطلع يابني يلاا
فارس : لاا انزلي
سيف : ماشي بس هنطلع سوا بعدين
فارس : تمام يلا مستنيك
سيف بيقفل وبينزل لفارس
نور : هو فارس ايه جايبه دلوقتي هيكون عاوز سيف في
ايه مثلا .. يانهار ليكون عشان آيه لاا لاا أن شاء الله خير
نور بتدخل اوضتها وبتطلع البلكونه وبتشوف فارس
واقف قدام العربيه
سيف بيكون نزل وبيشوف فارس واقف
سيف : بقا دا اسمه كلام يعني مش المفروض تطلع
فارس بصله : انت بجد ازاي بتتعامل كدا
سيف بضحك : كدا ازاي
فارس : انا مبهزرش يعني اختي راسها متعوره
وبتتوجع ونت قاعد بتهزر كدا
سيف : هي كويسه دلوقتي
فارس : دا هامك اوي يعني بعد اللي عملته فيها
سيف : فارس افهمني الاول
فارس بغضب : افهم ايه انك واحد متخلف ولا مجنون
عشان يعمل فيها كدا
سيف : لاا انا مش متخلف بس لما الاقيها واقفه مع واحد
فارس مسك سيف من هدومه بعصبية : انت اتجننت
ولا ايه يعني ايه واقفه مع واحد انت شايفها أنها مقضيها
كل يوم مع واحد يا حيوان
سيف : انا مقولتش كدا
فارس بعصبية : امال قولت ايه
نور اول ما شافت فارس مسك سيف من هدومه شهقت
وخرجت من الأوضه بسرعه ونزلت علي تحت وبعدين
جريت عليهم وقربت من فارس وحاولت تبعده عن سيف
نور : فارس ايه اللي بتعمله دا
فارس بعصبية : ابعدي عن وشي السعادي يا نور
نور : عشان خاطري سيبه
فارس بعصبية : بقولك ابعدي
سيف : نور ابعدي
نور : ابعد ايه دا هيموتك في ايده
فارس بعصبية : نورررر
نور : فارس مفيش حاجه هتتحل بالعصبية
فارس بزعيق : مالكش دعوه انتي
نور : فارس ونبي بلاش مشاكل
فارس بعصبية : هو سبب المشاكل هو سبب وجعها
انسان متخلف
نور مسكت ايد فارس اللي ماسكه سيف وبصيت
لفارس : سيبه يا فارس
فارس فضل باصص عليها بعدين سابه وبعد عنه
نور : اطلع يا سيف
سيف : لاا
نور : سيف مش وقته اطلع بلاش مشاكل فارس مش
في وعيه
سيف فضل باصص علي فارس وبعدين طلع
نور قربت من فارس اللي واقف : ايه اللي بتعمله دا
يا فارس
فارس بعصبية : عاوزاني اعمل ايه اختي موجوعه
بسببه وبتقابل مشاكل من بابا بسببه هو بيعمل ايه غير
أنه يتخانق
نور حطيت ايديها علي وش فارس : اهدي عشان خاطري
فارس فضل باصص علي نور : يعني انتي كنت عارفه
وساكته ومقولتليش اي حاجه
نور : فارس والله ما كنت عارفه اقولك ازاي
فارس بعصبية : تقوليلي اللي عمله مش تسكتي
وبعدين ما انتي اكيد هتداري عليه ما حضرته اخوكي
انما اختي تولع
نور : فارس افهمني انا بحب آيه والله بس زعلت من
سيف أنه عمل كدا فيها ومقدرتش اقولك
فارس بسخرية : ما واضح الحب
نور : فارس
فارس خبط بايده علي العربية بعصبية : بس

 

 

نور صرخت وبعدين مسكت ايدو : انت كويس
فارس شد ايدو بعصبية : اوعي
نور بدموع : فارس انت بتعمل كدا ليه
فارس بعصبية : عشان انتو السبب في وجع اختي
مش عارف اعملها اي حاجه لاول مره
نور قربت منو وحضنته بدموع : فارس عارفه انك
متعصب ومتدايق ونا كمان مدايقه والله بس بلاش
تعاملني بالطريقه دي عشان خاطري
فارس كان محتاج حضنها وكان هيضعف ليها بس افتكر
آيه بعد عنها : انا ماشي
نور : فارس
فارس وقف وبعدين ركب عربيته وبص علي نور اللي
بصاله بدموع ومشي
نور فضلت باص عليه لحد ما اختفي وبعدين مسحت
دموعها طلعت شقتهم ودخلت علي اوضتها علي طول
عشان محدش يشوف دموعها رنيت علي فارس بس
مردش عليها
……………………………………….
فارس كان بيسوق بسرعه كبيره ومش في باله غير نور
وهي بصاله بدموعها
كان بيسوق وفجاه ظهرت عربية وكانت هتخبط في بس
اتفادها و وقف العربية
صاحب العربية التانيه نزل بسرعه وقرب من فارس
صاحب العربية : حضرتك كويس
فارس : الحمدلله .. اسف مكنتش واخد بالي
صاحب العربية : اهم حاجه انك كويس .. محتاج حاجه
فارس : لاا شكرا
الشاب مشي وفارس نزل من العربية وطلع سيجاره
وفضل يشرب فيها ومسك الفون وقرر انه يرن علي نور
………………………………………
نور في اوضتها كانت عماله تعيط وتليفونها رن
مسحت دموعها بسرعه
نور بابتسامة : اكيد دا فارس
بصيت علي الفون وابتسمتها اختفيت رديت
نور : الو
شهد : ايه يابنتي مختفيه كدا
نور بدموع : مفيش
شهد : انتي بتعيطي يا نور
نور بدموع : انا مدايقه اوي يا شهد
شهد : بطلي عياط طيب احكيلي ايه اللي حصل
نور حكتلها اللي حصل لشهد
شهد : كل دا حصل مع آيه
نور : انتي متعرفيش
شهد : لاا مكلمتش سلمي ولا آيه
نور : مش عارفه ليه بيحصل كدا
شهد : متزعليش انتي فارس لما يهدي هيرجع يكلمك
نور بدموع : انا خايفه يكون حصله حاجه مشي وهو
متعصب
شهد : اهدي طيب انتي مرنتيش عليه
نور : رنيت ومردش
شهد : طيب هجرب ارن عليه واشوفه
نور : يبقا طمنيني ونبي
شهد : حاضر بس اهدي
نور : ماشي
شهد قفلت مع نور ورنيت علي فارس ومردش ورنيت
كتير وفي الاخر رد
فارس بهجوم : عاوزه ايه يا نور
شهد : اهدي يابني انا شهد
فارس : عاوزه ايه يا شهد
شهد : ممكن تهدي كدا الأول وفكر كويس قبل ايه حاجه
فارس : انا هادي
شهد : هادي دا انت بتكلمني بهجوم
فارس : افتكرتك نور
شهد : وهي ايه زنبها يا فارس ليه تعاملها كدا بلاش
نور نور بتحبك واتعذبت اوي وهي بعيده عنك بلاش
تعذيبها وهي معاك هي ملهاش زنب في اللي حصل
فارس : حاضر
شهد : انت برا البيت لسه
فارس : ايوا
شهد : طيب رن علي البت هتموت من القلق عليك
فارس : ماشي
بيقفل مع شهد وبيرن علي نور اللي رديت عليه
نور بسرعه : فارس كويس يا شهد صح
فارس : انا كويس متقلقيش
نور سكتت وتطمن قلبها انه حبيبها بخير
فارس : انا اسف
نور : بس انا مدايقه
فارس : مكنتش اقصد والله انا كل اللي في دماغي آيه
نور بدموع : ونا مش في دماغك خالص
فارس : متعيطيش يا نور
نور بدموع : لاا هعيط مالكش دعوه
فارس : لو كنتي قدامي كنت حضنتك
نور : ونا كنت هبعدك عني
فارس : لاا متقدريش
نور : لاا اقدر
فارس : نور
نور : نعم

 

فارس : انا بحبك اوي
نور بدموع : بس انا مش بحبك
فارس : عارف انك بتعشقيني
نور : ونت بتستغل حبي ليك يا فارس
فارس : انا بعمل كدا يا نور
نور : اه لما تسبني ونا عماله اتكلم معاك وماليش اي
زنب وتيجي تكلمني وارد عليك يبقا بتستغل حبي ليك
فارس : حقك عليا متزعليش مني انا كنت متعصب
نور : مش زعلانه بس متعاملنيش تاني كدا يا فارس
فارس : حاضر يا حبيبتي
نور : انت فين دلوقتي
فارس : قاعد برا
نور : مروحتش ليه
فارس : مدايق قولت افضل شويه هنا
نور : طيب روح اكيد قلقانين عليك
فارس : حاضر يا روحي
نور : ماشي انا هقفل يا فارس
فارس : ماشي يا حبيبتي
نور قفلت فارس قام ركب عربيته وروح البيت وفتح
الشقه لقيها مضلمه وعرف أنهم ناموا وحمد ربنا لانه
مكانش عارف هيقول ايه
دخل اوضته واخد شاور ونام
……………………………………..
صباح يوم جديد
بيكونوا متجمعين عيله محمد علي السفره
بيفطروا ما عدا فارس
محمد : هو فارس فين
زينب : في اوضته
محمد : قومي شوفيه يا سلمي
سلمي : حاضر يا بابا
سلمي بتقوم تروح اوضه فارس وهو بيكون خارج
من الاوضه
سلمي : ايه كل دا
فارس : جيت خلاص اهو
سلمي : بابا بيسال عليك
فارس حط ايدو علي كتف سلمي : طيب تعالي يلاا
فارس مشي هو وسلمي وقعدو علي السفره
فارس : صباح الخير
الكل : صباح النور
زينب كانت هتكلم محمد رفع ايدو بأنها تسكت
محمد : كنت فين يا فارس امبارح
فارس : احم مفيش صاحبي كلمني وخرجت
زينب : كنت قولتلنا يا حبيبي
فارس : اسف يا ماما جات كدا وخرجت بسرعه
زينب : طيب يا حبيبي افطر
فارس بدأ ياكل وبعدين بص علي آيه اللي قاعده ساكته
فارس : توتا مبتكليش ليه
آيه : لاا باكل يا فارس
محمد بص علي آيه شاف طبقها زي ما هو
محمد : ومش عاوزه تاكلي ليه
آيه : لاا انا باكل يا بابا
محمد : بتاكلي ازاي وطبقك زي ما هو
آيه : مفيش بس ماليش نفس
محمد : كلي يا آيه مش هتحصل حاجه لو بطلتي اكل
آيه : حاضر
جرس الباب رن وسلمي فتحت وكانت شهد
شهد : صباحو ورد
سلمي : صباح الخير
شهد دخلت جوا وسلمت عليهم
شهد : صباح الخير يا جماعه
الكل : صباح النور
محمد : عامل ايه احمد يا شهد
شهد : الحمدلله كويس يا عمو
زينب : اقعدي يا شهد افطري
شهد : فطرت والله يا زوزا
ملك : طيب انا همشي
محمد : استني يا ملك يوصلك فارس
ملك : مراد تحت يا خالو
محمد : خدي بالك من نفسك يا حبيبتي
ملك : حاضر يا خالو
ملك نزلت ولقيت مراد بالعربية
ملك : اتاخرت عليك
مراد بابتسامة : اوي
ملك : طيب يلا عشان متاخرش
مراد : مالك يا ملك
ملك : حصلت مشكله امبارح
مراد : مشكله ايه
ملك : بين آيه وسيف وبجد زعلت اوي عليهم
مراد : اكيد المشاكل العاديه
ملك : لاا دا خالو كان عاوز يفسخ الخطوبه
مراد : لاا دا يبقا موضوع كبير
ملك حكتله اللي حصل
مراد : امم بجد مش عارف اقول ايه
ملك : طيب يلا عشان الامتحان هيبدأ يا مراد
مراد : حاضر يا قلب مراد
بعد وقت مراد وصل قدام الكليه وملك نزلت ومشي
علي الشركه
………………………………………
عند البنات كانوا قاعدين في الاوضه
شهد : يعني يحصل كل دا ومحدش يقولي
سلمي : محدش كان عارف يفكر اصلا
شهد بصيت علي آيه اللي قاعده ساكته قامت وقعدت
جمبها وحضنتها
شهد : متزعليش يا توتا هو عمل كدا عشان بيحبك
آيه : بس مش علطول هيتخانق معايا كدا انا مش عارفه
اتعامل معاه مش عارفه كمان بابا هيعمل ايه ساكت ومقالش
اي حاجه بخصوص الموضوع
شهد : خير ان شاء الله يا حبيبتي .. يلا بينا يا سلمي
عشان منتاخرش
آيه : ليه رايحين فين
شهد : معانا امتحان .. ادعيلنا يا توتا
آيه : دماغي مبقتش فيا .. ربنا معاكم بالتوفيق
سلمي : يلاا سلام يا توتا
آيه : سلام يا حبيبتي
شهد وسلمي خرجوا و آيه فضلت قاعده وبعدين
قامت تذاكر شويه عشان بكرا معاها امتحان
………………………………………
في بيت يوسف
كانوا الشباب وهناء متجمعين
نور خرجت من اوضتها
نور : ماما انا خارجه
يوسف : رايحه الكليه
نور : ايوا معايا امتحان
هناء : يبقا طمنيني يا حبيبتي
سيف : في ايه يا نونا هي رايحه مهمه
نور : هو الامتحان مش مهمه دا انا متوتره بشكل
مش طبيعي
مالك : لاا يا حبيبتي اهدي عشان تعرفي تركزي
ومتنسيش حاجه
نور : بحاول والله يا مالك
يوسف : انتي قدها يا نوري
نور : أن شاء الله يا جو .. يلا بينا
الشباب ونور خرجوا ونزلوا
يوسف وسيف ونور ركبوا عربية يوسف
ومالك ركب عربيته
………………………………………
زينب كانت في المطبخ وبعدين خرجت وراحت
اوضتها ولقيت محمد قاعد علي الكنبه
زينب : محمد انت مروحتش الشركه
محمد : لاا
زينب قعدت جمبه : مالك يا حبيبي طيب
قاعد لوحدك ليه
محمد بصله : مش عارف
زينب : لسه مش عارف تفكر
محمد : دي مش اي حاجه عشان افكر فيها بسرعه
دا مستقبل بنتي
زينب : مستقبل بنتك مع سيف صدقني هو هيعرف
يحميها وياخد باله منها
محمد : لو علي الكلام بيقول كتير
زينب : عشان خاطري يا محمد وافق أنهم يفضلو سوا
محمد : سبيني افكر يا زينب
زينب : طيب انا بفكر اني اعمل عزومه كدا ايه رايك
محمد باستغراب : عزومه
زينب : اه ويكون موجود يوسف وسيف ومالك
ومامت يوسف ونور
محمد : يعني انتي بنتك في الحاله دي وعاوزه تعملي
عزومه لاا وكمان سيف انتي كدا بتخلي يغلط براحته
لما حضرتك تعزميه بعد اللي عمله
زينب :محمد انت ازاي بتفكر كدا بجد مبقتش عارفك
محمد : انا اللي مبقتش فاهمك ازاي انتي بتفكري كدا
زينب : يا حبيبي انا قولت أقرب آيه و سيف ويحاولو
يتكلموا شويه الجو متوتر ما بينهم
محمد : ماشي يا زينب اعملي اللي انتي عاوزه
زينب بابتسامة : احبك ونت بتسمع كلامي
محمد ضحك غصب عنه وبصله : ماشي يا ستي
زينب : اخيرا ضحكت دا انت كنت مخلي البيت كئيب
محمد : لاا والله
زينب بضحك : اه والله
……………………………………..
في الكليه
سلمي وشهد كانوا واقفين مستنين نور
شهد : وبعدين في البنت دي اتاخرت ليه
سلمي : تيجي ونا اولع فيها
نور كانت جات عليهم وهي بتجري : اسفه والله
شهد : ايه اللي اخرك يا نور
نور : والله قومت بدري ويوسف وصلني مش عارفه
ازاي اناخرت
سلمي : انا قولت احنا وشنا مش وش تعليم احنا
وشنا وش جواز
نور بضحك : لو علي الجواز الواد هيموت والله
سلمي بضحك : دا حبيبي كان المفروض اسمع كلامه
شهد بضحك : طيب يلاا ياختي انتي وهي
البنات دخلوا الامتحان
………………………………………
آيه كانت قاعده بتذاكر وقفلت الكتاب
آيه : وبعدين بقا انا مش عارفه اركز ليه
تليفونها رن وكان سيف
آيه : هو انت مش عاوز تسبني في حالي ليه

 

 

سيبني اذاكر طيب
زينب دخلت الاوضه : بتكلمي نفسك ولا ايه
آيه : لاا يا ماما
زينب : طيب مبترديش ليه علي تليفونك
آيه فصلت الفون : مش حد مهم
زينب : مش مهم ازاي وهو خطيبك
آيه : الله دا انتي عارفه بقا
زينب : مش بنتي وعارفاكي
آيه : ما انا مش هرد
زينب : يا حبيبتي كفايه كدا ردي علي الواد
آيه : انتي مش عارفه دماغي يبقا اكيد عارفه ردي
عليكي ايه
زينب : ما انا عارفه ان مفيش فايده فيكي
آيه : ماشي يا ماما
زينب بصوت واطي : كويس اني عملت كدا عشان
تشوفيه ويبقا وريني مش هتكلمي ازاي
آيه : بتقولي حاجه يا ماما
زينب : لاا مبقولش .. انتي خلصتي مذاكره
آيه : لاا ليه
زينب : طيب ذاكري وبعدين يبقا تعالي ساعديني
في الاكل
آيه : حاضر
……………………………………..
يوسف كان قاعد في المكتب وفاتح ملف
يوسف : سيف عرفت اي حاجه تاني
سيف مردش
يوسف : سيف
سيف : ايه
يوسف : سرحان في ايه يابني
سيف : لاا ابدا كنت بتسالي عن حاجه
يوسف : سيبك من دا وقولي مالك
سيف : امبارح فارس اتخانق معايا
يوسف : امبارح امتي
سيف : رن عليا وقالي انا قدام العماره نزلتله واتخانق
معايا .. بس عنده حق أنه يزعل علي اخته انا لو مكانه
كنت عملت اكتر من كدا
يوسف : طيب انت اتكلمت مع آيه
سيف :بكلمها مبتردش عليا
يوسف : طيب جرب معاها تاني
سيف : جربت كتير بس بجد تعبت
يوسف : معلش انت اه صاحبي بس البت معاها
حق برضو
سيف : انتو بتلموني علي غيرتي عليها يعني
يوسف : لاا بنلومك علي تهورك
سيف : اهو اللي حصل بقا
يوسف : ما اهو كل مره بتقول اللي حصل في الاخر
بينزل علي دماغك .. بس خير ان شاء الله
……………………………………..
زينب كانت واقفه في المطبخ ومسكت الفون
ورنيت علي هناء
زينب : عامله ايه يا حبيبتي
هناء : بخير لما سمعت صوتك يا غاليه
زينب : حبيبتي .. بقولك ايه
هناء : ايه يا زوزا
زينب : انا فكرت كدا وقولت منتجمع مع بعض
هناء : ياريت من يوم اللي حصل وسيف مدايق اوي
زينب : ما انا قولت برضو عشان آيه وسيف يتكلموا سوا
هناء : احسن حاجه عملتيها .. هي فين آيه
عاوزه اكلمها
آيه كانت دخلت المطبخ وشافت زينب بتتكلم
زينب : اهي يا هناء معاكي
آيه بصتله بعدم فهم
زينب بصتله تمسك الفون
آيه : الو
هناء : عامله ايه يا توتا
آيه : الحمدلله بخير يا نونا
هناء : ديماا يا حبيبتي
آيه : تسلملي .. انتي عامله ايه طمنيني عنك
هناء : الحمدلله يا حبيبتي .. اخبار المذاكره ايه
آيه : صعبه اوي والله يا نونا
هناء : النجاح أن شاء الله يا توتا .. عامله ايه انتي
والواد سيف
آيه بتنهيده : تمام
هناء : انا عارفه أن هو غلطان بس هو بيحبك ونا
اتخانقت معاه وعرفته غلطو
آيه : طيب هو كويس
هناء بضحك : طيب ما تطمني انتي عليه
آيه بابتسامة : ماشي يبقا اطمن
هناء : طيب يلا سلام اشوفك بليل
آيه : سلام يا نونا
آيه قفلت وبصيت لمامتها
آيه : هي نونا ليه بتقولي اشوفك بليل هما جاين
عندنا انهارده
زينب : اه والأكل دا عشانهم
آيه : ومين جاي
زينب : هناء ويوسف ومالك ونور
آيه : امم .. امال سيف مش جاي
زينب بخبث : بيقول معاه شغل عاوزه يكون موجود
كلمني ممكن يجي
آيه : لاا خليه في شغله احسن
زينب بابتسامة : ما انا بقول كدا برضو .. طيب يلا
ساعديني
آيه : حاضر يا ماما
آيه فضلت تعمل الاكل مع زينب وبعدين جات سلمي
وساعدتهم
………………………………………
قدام العماره كان وقف يوسف بالعربيه ونزلو كلهم
يوسف قرب من سيف : اهو فرصه تصالحها
سيف : انت شايف انها هتسامحني بسهوله كدا
يوسف : تفأل يابني
مالك : ايه هتفضلو واقفين كتير
هناء : يلاا عشان منتاخرش عليهم
بعدين طلعوا كلهم وفتحت ليهم زينب
هناء : ازيك يا زينب وحشاني
زينب : ونتي اكتر والله يا نونا اتفضلوا يا جماعه
كلهم بيدخلوا ماعدا سيف
سيف : انا اسف علي اللي حصل مكنتش اقصد كدا والله
زينب بابتسامة : عارفه أنه غصب عنك عشان انت بتحبها
سيف : ياريت كله فاهمني زيك كدا والله .. هي كويسه
زينب : هي كويسه وعاوزه تكلمك بس عنادها اللي مانعها
انا عارفه بنتي
سيف بابتسامة : بجد والله دا انا حسيت انها مش طايقاني
خلاص
زينب : طيب احنا هنفضل نتكلم علي الباب كتير ادخل يلاا
سيف دخل هو وزينب وسلم علي محمد وفارس
نور : البنات فين يا زوزا
زينب : في المطبخ يا نوري
نور بتروح للبنات المطبخ وبتسلم عليهم
نور : عامله ايه يا توتا
آيه : الحمدلله يا نوري
سلمي : طيب يلا بينا نطلع
آيه : اطلعوا انتو
نور : علفكره مش سيف بس اللي برا نونا كمان
عاوزه تشوفك
آيه : هو مش قال مش جاي
نور : لا جي يلا بينا
البنات بيخرجوا وببسلموا عليهم وبيقعدو
زينب : نورتونا
هناء : البيت منور بيكم
محمد : اخباركم ايه يا شباب
الشباب ردو علي محمد وفضلوا يتكلموا وزينب وهناء
بيتكلموا مع بعض والبنات سوا
آيه كانت قاعده مع البنات وساكته وعيونها جات في
عيون سيف وبعدين عيونها بسرعه
بعد وقت كانوا جهزوا السفره وكلهم قعدوا واكلوا
يوسف : بعد ازنك يا عمي بعد ما سلمي تخلص
الامتحانات عاوز نتجوز
محمد : مستعجل ليه يا يوسف
يوسف بابتسامة : خير البر عاجله يا عمي .. وليه التأخير
محمد بضحك : طيب نشوف رأيها الاول
سلمي : اللي تشوفه يا بابا
محمد : علي خير ان شاء الله
سيف : احم احم انا كمان عاوز نتجوز انا و آيه
آيه بصتله وبعدين بصيت لباباها
محمد : لاا انت و آيه مش هينفع تتجوزو

 

 

• لقراءة باقي فصول الرواية أضغط على (رواية عانيت لأحبك)