رواية عانيت لأحبك الفصل التاسع والعشرون 29 بقلم فاطمة محمود
رواية عانيت لأحبك الفصل التاسع والعشرون 29 بقلم فاطمة محمود
البارت التاسع والعشرون
” رواية عانيت لأحُبك ”
” البارت التاسع وعشرون ”
” الكاتبة فاطمه محمود ”
يعزّ عليّ حينَ أديرُ عيني
أفتشُ في مكانكَ لا أراك
زينب بتكون في المطبخ بتحضر الفطار وبتدخل
سلمي المطبخ
سلمي : ماما انا خارجه
زينب : استني افطري
سلمي : لاا متاخره
زينب : طيب خلي فارس يوصلك
سلمي : فارس شكله لسه نايم ونا كدا هتاخر
فارس بيدخل المطبخ : انا اهو يلاا اوصلك
زينب : انت كمان مش هتفطر
فارس : مستعجل يا ماما
زينب : طيب يا حبايبي خدو بالكم من نفسكم
فارس و سلمي : حاضر يا ماما
فارس و سلمي خراجوا من المطبخ وبينزلوا
وبيركبوا العربية وبيمشوا وبعد وقت بيوصلوا
قدام الكليه وبتكون واقفه نور و شهد سلمي
بتنزل
فارس : صباح الخير
نور و شهد : صباح النور
فارس بص علي نور : نور
سلمي : يلاا ندخل
نور : ندخل اي انت مش عندك احاسيس خطيبي
عاوز يتكلم معايا
سلمي : طيب روحي ومتتاخريش ياختي ورانا امتحان
نور : حاضر
شهد و سلمي بيدخلوا الكليه ونور بتركب العربيه
وبتبص لفارس
فارس : عامله ايه
نور : انت اللي عامل ايه
فارس : كويس لما شفتك
نور بابتسامة : وحشتيني
فارس بحب : ونتي كمان وحشتيني بس حقك عليا
اليومين اللي فاتوا متكلمتش معاكي بسبب اللي حصل
نور مسكت ايدو : متقولش كدا وبعدين انت كنت
مخنوق ومدايق واهم حاجه بنسبالي انك تكون
كويس وقدام عيوني
فارس باس ايد نور بحب : كل مره بتثبتلي اني
اخترت صح وعمري ما هنساه وقفتك معايا
نور بابتسامة : احنا واحد يا حبيبي
فارس : طيب يلاا يا قلب حبيبك انزلي عشان
متتاخريش ونا كمان ورايا شغل
نور : حاضر
نور نزلت وبصت لفارس قبل ما تدخل الكليه
وفارس ابتسملها وبعدين دخلت الكليه وفارس
مشي بالعربية علي الشركة وبعد وقت كان وصل
ونزل من العربية ودخل الشركة وفضل يمشي لحد
ما وصل مكتبه وندا وقفت
ندا : صباح الخير يا بشمهندس فارس
فارس : صباح النور يا ندا ممكن تجبيلي قهوتي
ندا : حاضر يا فندم
فارس بيدخل مكتبه
……………………………………….
سيف بيكون قاعد وجرس الباب بيرن
بيفتح الباب وبيكون يوسف
سيف بيبصله وبيسكت
يوسف : صباح الخير
سيف : صباح الخير
يوسف : طيب مفيش اتفضل
سيف : اتفضل
يوسف بيدخل وبيقعد علي الكنبه : قولت اسيبك
يومين وبعدين هيرجع بس شايف غير كدا خالص
بطلت تيجي الشغل وحابس نفسك في الشقه ولا
بشوفك ولا بتيجي
سيف بصله : انتو مش شايفين اني وحش اجي ليه
عشان كل واحد فيكم يقولي كلمتين يقلوا كرامتي
يوسف بصله بتركيز : انا بجد مصدوم فيك يا سيف
انت شايفنا كدا بنقولك كلمتين وبس شايف اننا بنقل
منك
سيف : ايوا
يوسف : انا عارفك انك لما بتبقا مدايق بتقول اي كلام
وخلاص وانك عمرك ما تقولي الكلام دا من قلبك ونا
مش هزعل منك
سيف بصله كتير وبعدين يوسف قرب منو
يوسف : مالك يا سيف
سيف : كل اللي حصل وبتسالني
يوسف : ونت مدايق ليه مش انت قولت انا شفتهم
سوا واتخانقت ونهيت علاقتك بـ آيه و مالك
سيف : مش عارف برغم الفديو اللي شفته بس انا
مدايق اوي من نفسي ليه عملت معايا كدا
يوسف باستغراب : فديو ايه
سيف مسك الفون وفتحه وشغل الفديو وحط الفون
قدام يوسف اللي بص علي الفون وبعدين بصله
يوسف : هو انت بجد مصدق انك ظابط
سيف : يعني ايه
يوسف : يعني المفروض تبقا عارف اي حد ممكن
يعمل فديوهات زي كدا واكتر كمان ونت بتشوف
حاجات زي كدا كتير
سيف : خليني امشي مع كلامك مين هيستفاد
من حاجه زي كدا
يوسف : مش عارف بس اكيد حد عاوز يوقع
ما بينكم وبعدين يا سيف مالك مستحيل يعمل
كدا وحتي آيه بنت محترمه انا اعرفها ونت عارفها
اكتر مني
سيف : حط نفسك مكاني يا يوسف لو شوفت
حبيبتك في موقف زي كدا اكيد رد فعلك هيكون
وحش وخصوصا لما يتبعتلك فديو بالشكل دا
يوسف : انا حاسس بيك والله بس يا سيف اكيد
مش كل حاجه بنشوفها بتبقا صح ونت كل مره
يحصل موقفك كدا بتتخانق البنت اهم حاجه
عندها ثقه حبيبها لو كانت بين مليون راجل
سيف : عندك حق
يوسف : طيب قوم يلاا ياعم غير هدومك كدا
عشان نروح الشغل
سيف : يعني يوم ما تهون عليا تقولي يلاا علي الشغل
يوسف بضحك : انت ليك غيره ولا هو لي غيرك
سيف بضحك : لاا
سيف قام راح اوضته وبعد وقت خرج ونزلوا
وراحوا الشغل هو ويوسف
……………………………………….
في المستشفي
مالك خرج من العمليات ودخل مكتبه
وبعدين خرج وكان في طريقه للاوضه
إللي فيها آيه
عمر : علي فين
مالك بصله : هشوف آيه
عمر بخبث : طيب ارتاح انت طالع من العميله
اربع ساعات مريم تشوفها
مالك : لاا انا اللي هشوفها وبعدين ليا وقت طويل
ما شفتهاش
عمر : وقت طويل ايه دا انت سهران معاها امبارح
مالك : عمر انت بتراقبني
عمر بضحك : ابدا يا حبيبي بس شوفتك طالع
من عندها امبارح يعني
مالك بابتسامة : طيب امشي من وشي السعادي
عمر بضحك : حاضر
مالك بيمشي وبعدين بيدخل الأوضه اللي فيها
آيه وبيلاقيها مش موجود
مالك بقلق : آيه .. آيه انتي فين
مالك بيكون خارج من الأوضاع بيشوف آيه خارجه
من الحمام مالك بصلها بارتياح
آيه بصتله باستغراب من شكله : انت كويس
مالك : انت اللي كويسه
آيه : كويسه قدامك اهو
مالك : طيب الحمدلله
آيه قعدت علي السرير و فضلت ساكته
مالك : طيب نفطر بقا
آيه : مش عاوزه
مالك : ليه بس
آيه : مش عاوزه يا مالك
مالك : لاا احنا كدا بندلع بقا
آيه بابتسامة : لاا ابدا بس مليش نفس
مالك : ايوا كدا اضحكي خلي الشمس تطلع
آيه بابتسامة : حاضر
مالك بابتسامة : يعني نفطر
آيه : لاا
مالك : يعني يرضيكي اني ما اكلتيش وطالع
من عمليات ساعات وادوخ واقع من طولي
آيه : طيب افطر انت
مالك : مبعرفش اكل لوحدي
آيه : افطر انت وصاحبك
مالك : صاحبي مع الحته بتاعته الدكتور مريم
آيه بابتسامة : طيب
مالك بابتسامة : يعني نفطر سوا
آيه بابتسامة : ماشي
مالك : طيب يلاا بقا
آيه : يلاا فين
مالك : هنفطر في كافتريه المستشفى
آيه : بس انا مش عاوزه اخرج
مالك : يعني بالله مجالكيش اكتئاب من الاوضه
آيه : بصراحه زهقانه اوي من القعده فيها
مالك بحماس : يبقا نسمع الكلام بقا
آيه بابتسامة : ايه الحماس دا كله
مالك بضحك : ما دا مالك اللي انت متعرفهوش
آيه بضحك : شكلنا هنتفاج كتير
مالك بضحك: حاجه زي كدا
آيه ابتسمت ومالك قام
مالك : يلاا بقي
آيه : ماشي
مالك : محتاجه اساعدك
آيه : لاا انا تمام
آيه بتقوم وبتخرج هي ومالك من الاوضه وبيروحوا
كافتريه المستشفى وعمر بيشفهم
عمر بابتسامة : ايه اللي انا شايفه دا
مريم بتشوفه واقف وبتقرب منو : انت بتكلم نفسك
ولا ايه يا عمر
عمر بصلها : بصي هناك كدا
مريم بتبص وبتشوف مالك و آيه : طلعت كدا بسهوله
دا لما كنت بقنعها تاكل جابت اخري معاها
عمر بضحك : الاقناع دا بتاع مالك مش بتاعك
يا حبيبتي
مريم بابتسامة : اهم حاجه انها طلعت بدل ما الاكتئاب
اللي كانت في
عمر : عندك حق
مريم : عموري انا جعانه
عمر بصلها : ايه
مريم : بقولك جعانه
عمر : انتي يا بنتي مش من ساعتين اكلتي
مريم : في ايه يا عمر قل أعوذ برب الفلق يا اخي
عمر : ما احنا كدا مش هتلاقي مقاس فستانك
مريم بغيظ : ايه يعني هتغير رايك ولا ايه
عمر : بفكر كدا
مريم : لاا والله عموما انت اللي خسران
مريم كانت هتمشي عمر مسك ايديها
عمر بضحك : رايحه فين
مريم : مالكش دعوه
عمر بضحك : مش جعانه
مريم : اه
عمر : طيب يلاا تعالي ناكل اي حاجه
مريم : اشطاا
عمر بضحك : من شويه كنتي زعلانه
مريم : ونا ازعل منك يا عموري وبعدين انت
متقدرش تشوف غيري
عمر بضحك : يا واد يا واثق انت من نفسك
مريم بضحك : عيب
……………………………………….
عند مالك و آيه
مالك : مش بتاكلي ليه
آيه : اكلت
مالك : فين دا مفيش اي حاجه اكلتيها
آيه : انا شبعت يا مالك
مالك : ممكن افهم مالك
آيه: مفيش
مالك : انتي مدايقه من اللي حصل
آيه : اكيد مدايقه بس كل حاجه نصيب
مالك سكت وبعدين بصلها : بتحبي سيف اوي كدا
آيه فضلت بصتله ومرديتش
مالك : لو في حاجه مدايقاكي وحابه تحكي انا هسمعك
آيه فضلت ساكته وقت كتير وبعدين اتكلمت : انا مدايقه
من اللي حصل مكنتش اتخيل أن سيف يقولي الكلام دا
قلبي وجعني وحاسه اني مكسوره ومفيش اي حاجه اعيش
عشانها عاوزه ابعد عن الناس دي كلها وابقا لوحدي لان بجد انا اتوجعت اوي
آيه خلصت كلامها ونزلت دمعه من عينها
مالك : انا اسف انك دمعتي بسببي عشان قولتلك
احكي
آيه ابتسمت بين دموعها : لاا انت مش السبب فيهم
انا بس اتاثرت شويه وصعبت عليا نفسي
مسحت دموعها وابتسمت : نتمشي شويه
مالك بابتسامة : اكيد
آيه قامت وفضلت تتمشي هي ومالك
……………………………………….
في الشركة
بتدخل ندا مكتب فارس
ندا : الاوراق دي محتاجه امضيتك يا فارس بيه
فارس : ماشي يا ندا سبيهم هنا ونا همضي عليهم
ندا : حاضر يا فندم محتاج اي حاجه تاني
فارس : لاا تمام
ندا : بعد ازنك يا فندم
فارس : اتفضلي
فارس رجع يكمل شغله وبعدين الباب خبط وفارس
إذن بالدخول ودخل مراد
فارس بابتسامة : اهلا اهلا بالعريس
مراد بضحك : عريس ايه ما خلاص بقا
فارس بضحك : اقعد طيب
مراد قعد : عامله ايه آيه
فارس : الحمدلله بخير انت وملك عاملين ايه
مراد : الحمدلله تمام
فارس : دا انا كنت قايل ل ندا تشوف مدير حسابات
شاطر عشان انت مطول بس شرفتنا بدري اوي
مراد بضحك : قولت اجي اشوف الدنيا كفايه كدا
فارس بضحك : هي الدنيا كانت من غيرك ناقصه برضو
بس اهم حاجه ملك متنكدش عليك
مراد بضحك : لاا متقلقش مسيطر انا برضو
فارس بضحك : طيب فرحني بقا قريب عاوز ابقا خالو
مراد : أن شاء الله يا حبيبي
فارس : ربنا يهنيكم ببعض يا حبيبي
مراد : تسلملي يا غالي عقبالك كدا
فارس : أن شاء الله
مراد : مضيت علي الاوراق
فارس : الاوراق اللي جبتهالي ندا
مراد : ايوا
فارس : لسه جابتهم قبل ما تدخل استني همضي
عليهم
مراد : طيب راجعهم الاول
فارس : انت مش راجعتهم
مراد : ايوا راجعتهم اكتر من مره بس لازم تشوفهم
انت كمان
فارس : انت عبيط يا مراد اراجع وراك انت
مراد بهزار : واثق فيا اوي كدا مش ممكن
امضيك علي حاجه تخص الشركه
فارس بابتسامة : يابني انت اخويا عمرك ما تاذيني
مراد بابتسامة : طيب يلاا عشان اكمل شغلي
فارس : حاضر
فارس بيمسك الاوراق وبيمضي عليهم وبعدين
بياخدهم مراد وبيخرج
……………………………………….
عند البنات كانوا خرجوا
شهد : انا خلاص مش مصدقه اخيرا خلصنا
نور : اه والله الواحد تعب بجد
سلمي : طيب انا همشي بقا
شهد : مش هنمشي سوا
سلمي : انا هروح المستشفى لتوتا
نور : نروح سوا واهو تطمن علي توتا
شهد : طيب يلاا بينا
سلمي : يلاا
البنات بيوقفو تاكس وبيركبوا
……………………………………….
سيف بيكون قاعد في مكتبه والفون بيرن ومبيردش
الفون بيرن تاني بيمسك الفون وبيرد هو وماسك الملف
سيف : الو
عمر : المقدم سيف
سيف : ايوا مين
عمر : انا عمر صاحب مالك
سيف بيسيب الملف : طيب وحضرتك عاوز ايه مني
عمر : بص هو فارس جي المستشفى بعد ما مشي
من عندك وكانت حالته وحشه
سيف : سوال بس يعني انت يهمك في ايه
دي حاجه خصوصيه
عمر : عارف ومعاك حق بس انا مقدرش اشوف
صاحبي بيتهم بحاجه معملهاش واسكت
سيف : طيب ماشي انا مطلوب مني ايه دلوقتي
عمر : انك تيجي ونتكلم شويه ونشوف مين ورا الفديو دا
سيف : طيب انا هخلص شغل واجي
عمر : تمام في انتظارك
سيف بيقفل الفون وبيفضل يفكر معقول انا مش واثق
في صاحب عمري وعمر واثق في مالك اللي ملهمش
سنه مع بعض فضل يفكر بس كبرياء مانعه يعترف بأنه
غلطان
سيف : متفكرش كتير يا سيف انت صح
رجع يكمل شغله بس تفكيره كله في كلام عمر
……………………………………….
زينب : محمد انا فكرت وقولت هعمل اكل لبنتي
بدل اكل المستشفى دا
محمد : اكل ايه يا زينب البنت تعبانه مش هينفع
تاكل حاجه برا المستشفى
زينب : برا المستشفى ايه يا محمد انا هعملها
الاكل في البيت وبعدين اكل البيت احسن من
بتاع المستشفى
محمد : يوليه افهمي هما يومين وبعدين هتخرج
من المستشفى
زينب : محدش هيحس ببنتي غيري كفايه اللي حصل
معاها هيبقا كمان اكل مش بتحبو
محمد طبطب علي ايدها : طيب خلاص متزعلش نفسك
اعملي اللي انتي عاوزه يا حبيبتي
زينب بفرحه : يعني اعمل
محمد بابتسامة : اه بس اعملي حاجات خفيفه
زينب قامت : حاضر حاضر
وبعدين دخلت المطبخ تعمل اكل لـ آيه
……………………………………….
عند مالك و آيه
مالك بابتسامة : ايه عجبتك المستشفى
آيه بضحك : يعني
مالك بضحك : زهقتي من القعده معانا خلاص
يا بشمهندسه
آيه بضحك : انا زهقت من الاوضه والله مش
منكم ابدا
مالك بضحك : هي يتزهق منها بصراحه
آيه بضحك : عشان تشوف المعاناة اللي عيشاها بس
آيه فضلت تضحك ومالك باصصلها بابتسامة
ممرضه قربت منهم : دكتور مالك محتاجينك
مالك : حاضر جاي
الممرضه مشيت و مالك بص لـ آيه
مالك : طيب هشوف في ايه وهرجعلك
آيه : انا اسفه شكلي بعطلك عن شغلك
مالك : ياستي انا معنديش مانع انك تعطليني
بلاش اسفك دا
آيه : حاضر
مالك : هخلص وارجع
آيه ابتسمت لمالك ومالك مشي آيه فضلت واقفه شويه
وبعدين قعدت مصطفى كان بيتكلم في الفون وخلص
المكالمه شاف آيه قعده ابتسم بخبث
مصطفي : عيب نسيب القمر لوحده برضو
راح عند آيه وقعد معاها آيه بصتله باستغراب
مصطفى : اعرفك بنفسي انا دكتور مصطفى
آيه : اهلا بيك
مصطفى : عامله ايه
آيه : الحمدلله
مصطفي : شكلك مش فكراني
آيه : لاا بصراحه
مصطفى بخبث : انا اللي كنت هغيرلك علي الجرح
بس دكتور مالك رفض كان معاكي خطيبك وقتها
هو خطيبك مبيجيش يشوفك ليه
آيه : دي حاجه متخصكش
مصطفي : امم ماشي عن ازنك
مصطفي قام وكان هيمشي لقي مالك في وشه
مالك : انت بتعمل هنا ايه
مصطفي : كنت بتكلم معاها بدل ما قاعده لوحدها
مالك : طيب تقدر تتفضل
مصطفى بص لـ آيه وقرب من مالك
مصطفي بهمس : انا لو مكان مش هسيب القمر دا
دقيقة يابختك ياعم
مالك اتعصب وحاول يمسك نفسه عشان وجود آيه
ومصطفى ضحك ومشي
مالك : هو قالك حاجه دايقتك
آيه : لاا ابدا
مالك : بتكدبي عليا ليه
آيه : و اكدب ليه
مالك بضيق : عشان باختصار مصطفى دا كلامه
مستفز وبيدايق
آيه : مش مهم بقا انا عاوزه ارجع الاوضه
مالك : حاضر
آيه ومالك بيمشوا وبيكونو ماشين في المستشفى
مالك : انت كويسه يا آيه
آيه بابتسامة : اه كويسه
فجاه آيه بتقف و مالك بيبصلها
مالك : وقفتي ليه .. آيه
آيه مبتردش ومالك بيبص علي مكان ما باصه آيه
وبيشوف سيف بيتكلم مع ممرضه
مالك مسك ايد آيه : امشي معايا يا آيه
آيه ضغطت علي ايد مالك وفضل كلام سيف يتردد
في دماغها
آيه بدموع : مالك انا عاوزه امشي من هنا عشان
خاطري ونبي مش عاوزه اقعد تاني هنا
مالك : عشان خاطري انتي اهدي الاول وهعملك كل
اللي انتي عاوزه
مالك فضل يتكلم معاها ويهديها و آيه مش في دماغها
غير كلام سيف وبعدين صرخت : كفااايه
فضلت تنزل دموعها وبعدين اغمي عليها
ومالك مسكها
مالك : آيه فوقي .. آيه
سيف فضل يبص علي شكل آيه ومالك وهو مصدوم
معقول كل اللي هي فيه هو السبب فضل باصص عليهم
وهو مش عارف يتحرك
البنات كانوا رايحين الاوضه اللي فيها آيه وشافوها
وهي واقعه في الاوض وماسكها مالك سلمي جريت
عليها بسرعه والبنات مشيو وراها
سلمي بخوف : آيه حبيبتي فوقي
مالك : انا هشيلها وادخلها الاوضه
سلمي بخوف : هو حصلها ايه
مالك : بعدين يا سلمي
مالك بيدخل الاوضه و سلمي بتفضل واقفه والبنات
بيقربوا منها
نور : اهدي يا سلمي آيه لسه تعبانه واكيد اغمي
عليها عشان كدا
شهد : تعالي يلاا نطمن عليها
سلمي شافت سيف واقف وقربت منو بعصبية : انت
السبب في كل اللي بيحصل اختي بسببك وصلت للحاله
اللي هي فيها دلوقتي والله اختي لو جرالها حاجه انا
هقتلك يا سيف
سلمي مشيت ودخلت الاوضه والبنات دخلوا وراها
و آيه كانت فاقده الوعي ومالك قاعد علي الكرسي
سلمي بقلق : هي بقيت كويسه
مالك : ايوا بس محتاجه ترتاح شويه
سلمي : طيب هي مفاقتش ليه
مالك : آيه اتعرضت لضغط نفسي عشان كدا
هتفوق بعد وقت
شهد : خلاص يا سلمي مالك طمنا اهو اهدي بقا
نور : مالك انت شكلك مرهق اوي روح ارتاح شويه
مالك : لاا انا كويس
فضلوا البنات و مالك قاعدين مع آيه
……………………………………….
عمر راح عند الاستقبال وسأل ممرضه
عمر : في شاب جي وسأل عليا
الممرضه : اه دكتور كان اسمه سيف
عمر : ايوا هو فين بقا
الممرضه : انا وصفتله مكتبك وهو طلع
عمر : طيب
عمر بيمشي في طريقه لمكتبه وبعد وقت بيوصل
وبيكون هيدخل بيشوف شاب واقف بيروح عنده
عمر : انت كويس
سيف بصله وهز رأسه باه
عمر : طيب انت محتاج حاجه
سيف : انا جاي لدكتور عمر
عمر : انت سيف
سيف : ايوا
عمر : ونا عمر اتفضل معايا مكتبي اهو
سيف : ممكن مره تانيه عاوز امشي دلوقتي
عمر : مفيش مشاكل بس انت كويس
سيف : كويس
سيف مشي وعمر فضل يبصله وبعدين دخل مكتبه
……………………………………….
محمد و زينب بيكونو وصلوا قدام المستشفى وبينزلوا وبيدخلوا وبعد وقت بيكونو قدام اوضه آيه وبيشوفوا
البنات ومالك موجودين
زينب بقلق : هو في ايه و آيه مالها
نور قامت و قربت من زينب : متقلقيش يا زوزا
آيه بخير
زينب : بخير ازاي ونا مش شايفها فايقه قدامي
محمد : ايه اللي حصل يا مالك
مالك : آيه كانت كويسه وخرجتها عشان تطلع من
اللي هي في بس لما رجعنا اغمي عليها
سلمي : مقولتش أن اللي حصل بسبب سيف ليه
محمد : سيف هو مش كفايه اللي حصل جاي
هنا كمان
مالك : يا عمي سيف
محمد قاطعه : لو سمحت يا مالك انا مش عاوز اتكلم
عن اي حاجه تخصه كفايه لحد كدا
مالك : طيب اتفضلوا عن ازنكم
مالك خرج و محمد فضل يهدي في زينب
وبعد وقت كبير آيه بتفوق وبتفضل تفتح
وتغمض في عيونها
زينب : آيه انتي كويسه
آيه : ماما انا عاوزه امشي من هنا
سلمي : هنخرج يا حبيبتي بس تبقي كويسه الاول
نور : سلامتك يا توتا
آيه : الله يسلمك
شهد : وحشتينا يا توتا
آيه بابتسامة : ونتو كمان
فارس بيدخل وبيشوف آيه تعبانه بيقرب منها
وبيحضنها : توتا حبيبتي
آيه : فارس
فارس بعد عنها وبصلها : ايوا يا قلب فارس
آيه : كويس انك جيت انا عاوزه أخرج من هنا
فارس : حاضر يا حبيبتي
محمد : سيبها دلوقتي يا فارس هي تعبانه شويه
فارس بيشيل آيه : هي طول ما قاعده هنا هتفضل
تعبانه يا بابا
فارس بيخرج والبنات ومحمد وزينب معاه
مالك بيشوف فارس و هو شايل آيه بيزعل اوي
أنه مش هيشوفها قدامه تاني آيه بتبصله وبتبتسم
ومالك بيبتسملها وبعدين بيطلعوا من المستشفى
وفارس بينزل آيه وبتركب في عربيه محمد
فارس : بابا انت روح البيت ونا هوصل شهد ونور
محمد : حاضر
محمد بيركب و زينب وسلمي آيه وبيمشوا
وفارس بيركب عربيته وجمبه نور وشهد ورا
وبعد بيوصل شهد وبعدين بيوصلوا قدام العماره
نور
نور : تصبح على خير
فارس : ونتي من اهله يا نوري
نور بصتله : فارس ممكن اسالك سؤال
فارس : قولي يا حبيبتي
نور : هو ممكن اللي بيحصل دا يأثر علي
علاقتنا
فارس : انتي مجنونه يا نور معقوله افكارك توصلك
اني ابعد عنك
نور : دا اللي في دماغي طول الوقت
فارس : طيب ريحي دماغك دي وبطلي تفكير
انتي ليا وبس مش هسيبك لغيري طمني قلبك
نور بابتسامة : حبيبي اللي ماليش غيرو
فارس بضحك : طيب يلاا انزلي الوقت اتاخر
نور نزلت وبصتله : باي
فارس : باي
نور بتطلع وفارس بيفضل يبصلها وبعدين بيمشي
- لقراءة باقي فصول الرواية أضغط على (رواية عانيت لأحبك)
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)