رواية ظل اسراء الفصل الأول 1 بقلم Swara Swaraa

رواية ظل اسراء الفصل الأول 1 بقلم Swara Swaraa

 

البارت الأول

 

: اسراء يا اسراء استني عندك يا اسراء يا بنتي
وقفت بنفاذ صبر وانا بتنهد من الست اللي بتلاحقني كل شويه وفاكراني بنتها
هدير بهدوء : يا خالتي قولتلك اكتر من مره اسمي هدير وانا مش بنتك
جنات ببكاء : لا لا انتي بنتي يا اسراء متوجعيش قلبي عليكي انا ماما انا ماما حبيبتك اللي بتحبيها مستحيل تنسيني بصيلي بصيلي كويس
هدير بصتلها بشفقه : اه يا خالتي فاهماكي فاهماكي
: ايه ده يا امي هربتي من البيت تاني!!..ايه ده جاتلك تاني برضو ان. انا اسفه بجد والله حقك عليا هي بس كانت متعلقه باختي اسراء جدا الله يرحمها وانتي شبهها اوي
هدير بهدوء وهي بتومئ براسها : ربنا يرحمها
البنت بتاخد امها اللي بتفضل بتحاول تمسك في هدير بس بنتها بتسحبها
الاء بهمس : كفايه يا ماما فضايح بالله عليكي
: اسراء اسراء اسراء
هدير بهدوء : ربنا يسترها الست دي شكلي هسيب المكان بسببها بس انا مش لاقيه احسن منه
بتدخل مطعم شعبي تطلب اكل
حماده بابتسامه : نورتي المكان يا اسراء بقالك كتير مش جيتي!!… فول عليه حتتين طعميه و اكتر الشطه زي العاده صح؟؟ … المرادي متدفعيش عشان بقالك كتير مش بتيجي… انا عارف انك بطلتي تيجي عشان السندوتش بقي بعشره جنيه…. وبيضحك كانه بيعرفها من سنين
هدير بعصبيه : ايييه عماله تتكلم تتكلم تتكلم سيبلي فرصه اتكلم طيب هريتني بالكلام!!.. اولا البنت اللي اسمها اسراء دي ما.. تت تانيا بقى انا اسمي هدير ثالثا بقى انا مش عايزه اكل ولا حاجه خلاااااص!!
طلعت من المطعم وحسيت نفسي افورتها ومكنش المفروض اقوله انها ما.. تت بس هما عصبوني
هدير بتعجب وسرحان: ايه المنطقه الغريبه دي واهلها انا كان مالي ومال الهم !!
وهي معديه بتخبط في واحده
هدير : انا اسفه مخدتش بالي
حبيبه : مفيش مشكـ.. اسراء!! …. وبتفتح بوقها مترين قدام…. وبتحضنها بقوه
حبيبه ببكاء : مكنتش مصدقه انك مو.. تي طلع عندي حق وطنط جنات برضو وحشتيني كنتي فين؟؟
هدير بضيق وهي بتخرجها من حضنها : وهوبا رجعنا لفقره اسراء
حبيبه : اسراء بطلي غلاسه خلاص يا بنتي حقك رجعلك بالله عليكي بطلي توجعينا اكتر من كده
اسراء بنفاذ صبر : بصي يا اختي انا مش اسراء بس انا مش همشي من هنا غير لما افهم مين اسراء دي خلاص كفايه!!.. وازاي ما*تت؟ وعايزه اشوف صوره اسراء اكيد مش هتكون شبهي اوي لدرجادي اللي الكل يقولي اسراء!!
حبيبه بغضب : اسراء خلاص بطلي هزار حرام عليكي انتي مش عارفه ايه اللي حصلنا في غيابك ولا شعورنا !!.. قدامي حالا لطنط جنات
هدير بهدوء : طب وريني صوره اسراء كده وانا همشي معاكي
حبيبه بغضب : اسراء كفـ…
هدير بمحايله : وريني صورتها ووالله امشي معاكي للحته اللي انتي عايزاها
حبيبه بعصبيه : انتي بتعملي كده ليه اصلا؟!
هدير بهدوء : وعد بس وريني
حبيبه وهي بتفتح تلفونها اللي حاطه صورتها هي واسراء على الشاشه : اهي يا ستي خلاص ارتحتي؟؟.. اهي صورتنا لسه على الشاشه ومغيرتهاش
هدير بتبص على الصوره بصدمه : دي انا ازاي ودي مش انا ؟!!
حبيبه وهي بتسحب هدير : يلا بسرعه لطنط جنات قداميييي!!
هدير وهي بتحاول تشرحلها : طب استني طيب
ايه المصيبه اللي وقعت نفسي فيها دي يا ربي!!
الاكونت فيه مشكله فهكملها هنا

 

• لقراءة باقي فصول الرواية أضغط على (رواية ظل اسراء)