رواية مغامرات عائلية الفصل التاسع والعشرون 29 بقلم همس كاتبة

رواية مغامرات عائلية الفصل التاسع والعشرون 29 بقلم همس كاتبة

 

 

البارت التاسع والعشرون

 

وقفت حبيبة مجرد سماعها الاسم و قادها الفصول الى ان تستمع اكثر
اوس بحدة : مالها عايزة ايه ؟
زياد : قالت عايزة تكلمك بموضوع مهم جدا
اوس بغضب : قولتلك مليون مرة مفيش حاجة بينا .. انا مش عايز اي حاجة تربطني بيها
زياد : بس هيا معملتش حاجة غلط يا اوس عشان تأذيها كدة … و بعدين انت خلاص هتستقر هنا مش هيجرا حاجة لو كلمتها و وضحتلها وجهة نظرك
اوس بحدة : مش هكلمها يا زياد .. و ما تتكلمش بحاجة زي دي هنا عشان حبيبة ممكن تزعل
تراجعت للخلف ببطىء و على وجهها علامات الصدمة … دلفت اوضتها وجدت غادة و فريدة بانتظارها
حبيبة : مالكم في ايه ؟
فريدة بشرود : مخنوقين
اتجهت حبيبة و جلست بجانبهن و وضعت وساده في حضنها
حبيبة بضيق : كويس هنضم ليكم
****************************
فارس بحدة : حلا
حلا باستغراب : ايوة .. مالك يا فارس في ايه ؟
امسكها من يدها بقوة و اتجه الى غرفته
حلا بحدة : ايه الي بتعمله ده ؟ سيب ايدي
نفض يدها بقوة و قال بغضب : انتي رجعتي تكلمي الاكس بتاعك ؟
حلا : فارس احترم نفسك انا معنديش اكس اصلا
فارس : و الله ؟ و ايه التفسير المنطقي للفويس ده ؟
قام بتشغيل رسالة صوتية وصلته من عماد
حلا بحدة : فارس احترم نفسك و ما تكبرش الحكاية .. البني ادم ده زبالة و بيجري ورايا من زمان و لو بعتلك باقي الكلام الي قولته كنت هتفهم اني بهزقه
فارس : يعني تعرفيه ؟ ايه الي بينك و بينه بقا ؟ اشمعنا كلمتيه بعد ما اتخطبنا على طول ها ؟
حلا بغضب : فارس اخرس … انا صحيح اعرفه من زمان عشان اتقدملي و رفضته و ده قبل ما ارتبط بيك اصلا … و انا كلمته امبارح عشان كان بيهدد بنت بصورها و انت عارفني مش بسكت لاي حد ياذي البنات
فارس : و ليه ما قولتيلي ؟ ليه تكلميه بنفسك ؟ انا مش كيس جوافة و لا عندي قرون عشان تكلمي واحد و انتي خطيبتي
حلا بحدة : لاخر مرة هقولك احترم نفسك .. انا مش بلعب و لا بتسلى .. ده حق بنت و جبتهولها … و لو مش واثق بيا تقدر تسيبني و كأنه محصلش حاجة
فارس بجنون : انتي كل ما تحصل مشكله بينا تقولي نسيب بعض ؟! للدرجادي علاقتنا تافهة بالنسبالك ؟ بتتخلي عني بابسط موقف ؟
حلا بوجع : لما احس انك مش واثق بيا اه عادي نسيب بعض .. و لما احس انك هتسكت لما كرامتي تتهان قدامك برضو معنديش مشكلة نسيب بعض .. اخسر علاقة حب و لا اخسر مبادئي و احترامي لنفسي .. مفيش علاقة بتكمل من غير ثقة يا فارس .. حتى لو كنت بحبك مش هقبل تجرحني و تدوس عليا
القت كلماتها و خرجت باتجاه اوضتها بينما فارس كور يده بغضب و خبطها بالطاولة
دلفت الاوضة وجدت حبيبة و فريدة و غادة جالسات سويا كل واحدة تنظر امامها بسرحان
جلست بجانبهن و سندت رأسها على يدها … دلفت دينا و نظرت لهن باستغراب
دينا : مالكم مبوزين كدة ليه ؟
فريدة بشرود : انا حاسة ان تميم مش بيحبني
حبيبة : انا شاكة ان اوس بيخوني
غادة : انا خايفة زياد يسيبني
حلا : فارس مش بيثق بيا
دينا بلخبطة : طب وحدة وحدة عليا .. هو ايه الي حصل بالزبط ؟ في ايه ؟
فريدة : تميم متغير عليا .. معادتش يهتم بيا زي الاول .. من ساعة ما رجعنا و هو مشغول عني
دينا : اممم انا لاحظت كدة برضو .. و انتي يا حبيبة مالك ؟
حبيبة : سمعت اوس بيتكلم على وحدة قال مش عايز حاجة تربطه بيها و خايف انا اعرف و ازعل
دينا بشهقة : معقولة اوس يعمل كدة ؟!
حبيبة : منا مرعوبة من ساعة ما سمعت .. انا خايفة اوي
دينا : و انتي يا غادة ايه الي حصل ؟
غادة : زياد وعدني مش هيكلم بنات تاني .. بس النهاردة في وحدة كلمته و هو سابني عشان يرد عليها تخيلي
دينا بصدمة : يخربيته .. ديل الكلب عمره ما هيتعدل … و انتي يا حلا مالك ؟
حلا : فارس بيشك بيا .. قال انا بكلم واحد قال .. و اتهمني ان عماد الاكس بتاعي
دينا بذهول : يا انهار اسود … انتو ايه الي حصلكم يا بنات ؟ ده حسد و لا ايه ؟
حبيبة ببكاء : معقولة اوس يخوني يا بنات ؟
حلا : قولتلك كلهم زبالة ما صدقتنيش … طبيعي واحد مسافر من ست سنين اكيد عرف غيرك و اتبسط و عاش حياته و بعدين لما قال يا جواز قال ارجع لقريبتي احسن
حبيبة ببكاء : لااااا اوس مش هيعمل بيا كدة
دينا بحدة : بس منك ليها اتلمو .. و انتي كفاية عياط ده انتي دراما كوين يا بت
حبيبة : حطي نفسك مكاني .. انا قلبي هيوقف من الخوف … خايفة اوس يخوني
دينا بنفاذ صبر : طيب واجهيه .. اسأليه ان كان عمل كدة و لا لا
فريدة : طب انا اعمل ايه مع تميم ؟ دا احنا فاضل على فرحنا اسبوعين .. خايفة يزهق مني بعد الجواز و يعاملني بالاسلوب ده على طول
دينا بتفكير : و الله ممكن
غادة : انا بقا عايزة حل .. عايزة اتاكد ان زياد عمره ما هيكلم بنات و لا هيسيبني .. انا مخضوضة اوي
دينا بحيرة : و الله مش عارفة اقولك ايه
حلا : طب و انا ؟ هعمل ايه مع فارس ؟ ده اتهمني اني بكلم واحد .. افسخ الخطوبة ؟ و لا اديله علقة موت ؟
دينا بعبوس : على فكرة انتو كل مشاكلكم عادية .. مشاكل مرتبطين .. بس انا مشكلتي اكبر من كدة بكتير
حبيبة : و ايه مشكلتك ان شاء الله ؟
دينا بزفير : انا تعبت .. كل الي حواليا بيلمحولي ان في حاجة بيني و بين يزن .. اقسم بالله ما في حاجة بينا اصلا .. بس انا حاسة بحاجات جوايا .. هو مهتم بيا شوية و الكارثة اني انا بهتم بيه كمان من غير ما احس .. انا مش عايزة افكر بالحكاية دي .. بس الكل بيضغط عليا .. حتى ماما سألتني عليه .. قولولي اعمل ايه ؟
حلا ببرود : اتجوزيه و سكتي الكل .. و اهو تبقي كسبتي ضابط
دينا : اتلمي يا حلا .. انا جاتلي فكرة يا بنات
حبيبة : ايه هيا ؟
دينا بحماس : احنا نعمل اضراب .. نعلن الحرب على الرجالة و نسففهم التراب .. ايه رأيكم
حلا باعجاب : اشطا .. الفكرة تحفة
حبيبة بضيق : ما بلاش غباء انتي و هيا .. انا نفسيتي تعبت اصلا مش حمل بهدلة
فريدة : لا لازم يحسو بقيمتنا يا حبيبة .. دول مطنشينا خالص و مش عاملين اعتبار لمشاعرنا .. و انا عروسة و انتي هتحصليني قريب .. يعني لازم يهتمو بينا اكتر
غادة : فريدة كلامها صح .. الرجالة مش بتيجي غير بالعين الحمرا
دينا : ايوة كدة .. نقرا الفاتحة بقا على نية التوفيق
*******************
في المساء
اجتمع جميع افراد العائلة على طاولة العشاء عدا البنات
عبدالله باستغراب : اومال فين البنات ؟
كارما : اهم نازلين يا جدو
نزلن وراء بعض في طابور منتظم و كل واحدة وجهها خالي من التعابير
مصطفى : مالهم دول ماشين زي العساكر كدة ليع ؟
سعاد باستغراب : مالكم يا بنات
حبيبة بضيق : مفيش يماما
كانت ستجلس بجانب اوس قاطعتها فريدة
فريدة : احم احم
اتجهت غادة و جلست بالقرب منه .. بينما حبيبة جلست بعيدا عنه و كذلك فريدة جلست بعيدا عن تميم و جلست دينا بجانب فارس بينما حلا بجانب زياد
اوس باستغراب : في ايه مالكم ؟ حبيبة مالك ؟
حبيبة ببرود : مفيش تعبانة شويه
اوس بلهفة : الف سلامة عليكي .. طب امشي اخدك على الدكتور
حبيبة بتهرب : لا مفيش داعي
عبدالله بنظرات ثاقبة : هو ايه الي بيحصل بالزبط ؟ فريدة انتي كمان مش على بعضك في ايه ؟
فريدة ببرود : مفيش يا جدو بس اتوترت شوية من تحضيرات الفرح
تميم باستغراب : ليه في حاجة ناقصاكي ؟
فريدة : لا سلامتك
خديجة : غادة مالك يا بنتي ؟ وشك اصفر كدة ليه
غادة : مفيش يماما بس تعبانة شوية
دينا : ممكن كفاية تحقيقات و تسيبونا ناكل قبل ما ننام ؟
زياد : تنامو ايه الساعة لسا 6 ؟!
دينا : اهو مزاجنا يا زياد
عبد الله : مفيش نوم دلوقتي .. بعد ما نشرب الشاي بالجنينة تقدرو تنامو
حسين : انتو مالكم يا بنات ؟ كلكم تعبانين مرة وحدة ؟
دينا : ايوة .. اصل في فيروس نتن جدا منتشر بالجو الفترة دي
تميم : فيروس ايه ده ان شاء الله ؟ انا كدكتور مسمعتش عنه ليه ؟
فريدة بحدة : عن اذنكم .. هطلع ارتاح شوية
حبيبة : استني انا جاية معاكي
غادة : و انا كمان
حلا : خدوني معاكم
دينا : امشو يلا
سحر : ايه الجنان ده ؟ انت لسا مأكلتوش حاجة
نطقن بصوت واحد : مش جعانين يا طنط
و ذهبن بسرعة للطابق العلوي
عبدالله باستغراب : هما مالهم ؟
اوس : مش عارف .. هقوم اكلم حبيبة
كارما : استنا انا هطلع اشوفهم
و تركتهم و ذهبت للاعلى
تميم : يا جماعة فريدة ضاربة بوز و مش طايقة تبص بوشي
فارس : انا و حلا اتخانقنا
زياد : امم و انا غادة كانت هتتخانق معايا بس انا سيبتها و جريت
خولة : طيب و دينا مالها بقا ؟
عبد الله بحزم : شوفو زعلتوهم بايه و راضوهم بسرعة .. مش عايز اشوف وحدة فيهم زعلانة بعد النهاردة .. و الا هتتعاقبو كلكم نفر نفر
تميم بسرعة : لا ابوس ايدك .. انا هطلع اصالح فريدة
زياد : و انا هخلي غادة تهزقني يمكن تهدا شوية
فارس : انا بصراحة زعلت حلا و زودتها .. فهروح اجيبلها شوية اكل يمكن ترضى
اوس : طب و انا اعمل ايه ؟ ده انا اتمرمطت لغاية ما حبيبة سامحتني الموة الي فاتت
عبدالله : اعمل اي حاجة و خلص نفسك .. مش هسمح لوحدة من حفيداتي تكون زعلانة و انا عايش .. و بالمرة شوفو دينا مالها و راضوها
وقف الشباب جميعم و اتجهو للطابق العلوي
***************************
فريدة : شغلي مزيكا يا دينا و تعالو نرقص
دينا : عندك حق يلا .. بقولكو ايه مش من اول كلمة تصالحوهم .. سيبوهم يتجننو لبكرا .. اهو نوريهم كيد الستات على اصوله
بدأت البنات بالرقص و كل واحدة فيهن تتمايل بانوثتها و تستعرض كل دلالها
كارما : يخربيتك يا حبيبة عندك وسط يجنن .. علميني الحركة دي عشان خاطري
حبيبة : مش بعرف اعلم رقص و الله
دينا بتحذير : عارفة يا فريدة لو رقصتي زي
المجانين بفرحك هعمل بيكي ايه ؟ .. اقسم بالله لاجيبك من شعرك وسط الناس كلهم
فريدة : لا انتي عارفاني مش بحب الا الرقص الهادي
حبيبة : ايوة .. ركزي على النص الفوقاني يا فريدة و ما تتحركيش من تحت كتير
غادة : و اوعي تهزي حتى لو اتحمستي خليكي شيك و ايليچنت … مش عايزين فضايح
فريدة و هي تتمايل : كدة حلو ؟
حبيبة : اممم .. بس ادلعي اكتر بالرقص .. ده فرحك و انتي الملكة بيه .. يعني كل تركيزك يكون على نفسك و ما تفكريش بحد
حلا ببرود : على فكرة كلكم مسهوكين .. ايه الرقص ده .. انا لو منك ارقص بالعصاية .. ده احنا اصلنا صعايدة يا بنات
حبيبة : طيب و فيها ايه ؟ البنات هنا كمان ناعمين و بيدلعو عادي جدا .. مش كله شايل عصاية و بيرقص بيها و بعدين احنا بنات في بعض و مفيش رجالة يشوفونا
دينا : يوووه .. كفاية بقا سيبونا نعرف نرقص من غير رغي كتير
حبيبة : عندها حق نركز بقا
توقف الشباب الاربعة امام اوضة البنات و هم يستمعون لصوت الموسيقى
زياد بذهول : دول و لا فارق معاهم حد
تميم : عاملين اجواء و متفقين علينا
اوس باستغراب : حبيبة مستحيل تكون طبيعية .. معقولة حلا سخنتها عليا ؟
فارس : و الله حلا تسخن بلد بحالها .. بس هما ليه مبسوطين كدة ؟
فتح زياد جزء بسيط من الباب و ادلى برأسه ليرى ما يفعلن
زياد بذهول : يا دين النبي
نزل فارس و جلس على الارض و نظر للداخل
فارس بسرحان : يااالهوييييي
تميم : في اييييه .. هبص انا كمان
نظر لفتحة الباب من فوق زياد و قال : يا ليلة سودةةةةة
اوس باستغراب : في ايه انت و هو … عيب الحركات دي
قالو بصوت واحد : هشششش
اوس : و الله ؟
فتح الباب مرة واحدة و وقع الشباب فوق بعضهم .. فانكمشن البنات على بعضهن بفزع
دينا بصراخ : اعاااااا انت بتعملو ايييه هنا ؟
فارس باحراج : مفيش كنا عايزين نطمن عليكم
اوس بحدة : امشي انت و هو من قدامي يلا
ازاحت حبيبة نظرها عنه للجهة الاخرى و هو رفع حاجبه باستغراب
تميم : طيب واضح انكم كويسين .. هنمشي احنا و بس نوحشكم ابقو كلمونا
فريدة : مش هنكلمكم .. يلا غورو من هنا
حلا باندفاع : انا هوريكم
و نزلت بسرعة للاسفل و تبعتها باقي البنات
فتحت باب اوضة مكتب جدها باندفاع
عبدالله : في ايه يا حلا ؟ ازاي تدخلي من غير ما تخبطي
حلا : انا اسفة يا جدو … بس حضرتك لازم تعاقب الشباب
عبدالله : ليه ؟
فريدة : كانو واقفين على باب اوضتنا و بيبصو علينا و احنا بنرقص
عبد الله بصدمة : معقوووولة ؟!
دينا : اه و الله يا جدو .. و قالو كلام سافل و قليل الادب
حبيبة بتوتر : بس اوس ما عملش كدة يا جدو .. بالعكس هو اتعصب عليهم
غادة بغضب : انتي مهزقة يا بت ؟ بتدافعي عنه بعد كل الي عمله
عبد الله : عمل ايه ؟
دينا : فتح الباب علينا و احنا بنرقص
نظر عبد الله للفراغ و هز رأسه بتقرير
عبد الله بغضب : اطلعو برا و دخلو الشباب
حلا بابتسامة خبيثة : حاضر
و خرجن سويا .. الى ان نظرت حلا لفارس بلؤم و قالت : اتفضلو جدو عايزكم
وقفو على باب اوضة المكتب اربعتهم
تميم بتوتر : انا شكلي مش هتجوز بسنتي السودة دي
اوس : وديني لو جدو قال حاجة كدة و لا كدة لانفخكو انتو التلاتة
فارس : يا بنت المجنونة يا حلا .. جابتلي مصيبة و هربت
زياد : يا منجي من المهالك نجينا .. ربنا يستر
دلف تميم اولهم و هم وراءه
عبد الله بغضب : واضح انكم لسا ما اتربتوش و عايزين حد يعلمكم الادب .. ازاي تبصو لبنات عيلتكم و هم قاعدين مع بعض براحتهم ؟ معندكوش اخلاق مثلا ؟ معندكوش غيرة على عرضكم ؟ فين النخوة و الشهامة الي اتربيتو عليها ؟
فارس بندم : و الله يجدو لحظة ضعف .. و اصلا كل واحد كان بيبص على الحتة بتاعته و مش مركز بالباقي
عبد الله : بجد عذر اقبح من ذنب .. دي سفالة و قلة ادب .. حلا لسا ما بقتش مراتك عشان تبص عليها حتى
فارس : بس دي خطيبتي يا جدووو
اوس : انا من ناحيتي ما شوفتش حد اصلا .. ده انا الي كشفتهم حتى
زياد : عشان واطي و بياع عشرة
عبد الله : و عزة جلالة الله ما هتنفدو من العقوبة المرادي .. ده عرض مش لعبة بايدك انت و هو .. كلكو مذنبين و هتنزلو الغيط تشتغلو بجد المرادي .. و انا بنفسي الي هشيكلم شغل تقيل يكسر ضهرك انت و هو .. يمكن بعدها تحسو يعني ايه كلمة عرض و حرمة بيت
تميم : مش على اساس حضرتك جد مودرن و اوبن مايندد ؟ ايه الي حصل ؟
عبدالله : بالحاجات العادية الي فيها هزار و تغير جو .. بس الشرف هيفضل مبدأ عندنا .. مش بنستخبى ورا الكلمات دي عشان نبيع عرضنا بالرخيص
زياد : هو حضرتك قفشتنا بشقة دعا..رة و احنا مش عارفين ؟
عبدالله بغضب : اخرس يا ولد .. انا جدك الي واقف قدامك مش صاحبك عشان تقلل ادبك كدة .. بكرا الصبح هتنزلو الغيط تشتغلو زي الكلاب .. شكلها العيشة برا نستك اصلك يا زياد
زياد : طب ما تميم عايش هنا و بص هو كمان
عبد الله : لاخر مرة هقولك اخرس .. و ديني لو ما اتلميتو لكون نازل فيكم ضرب زي الحمير .. غورو من وشي جاتكم القرف
خرجو واحد تلو الاخر و هم مذهولين
اوس : مستحيل حبيبة تعمل بيا كدة .. هو انا عملتلها ايه ؟
تميم : فريدة قلبها مات يا جماعة و انتقمت مني اشد انتقام .. هو انا عملت ايه غلط ؟
زياد : معقولة غادة تعمل بيا كدة عشان قولتلها هرجع اتخانق معاكي على رواق ؟
فارس : انا الي عندي لئيمة و ما بتسكتش .. دي بهدلتني
سحر بضحك : مالكم يا عيال ؟ ليه كل واحد ماشي و بيكلم نفسه كدة ؟
تميم : اتعاقبنا تاني يا ماما
سحر بانفعال : يوووووووه احنا مش هنخلص بقا ؟ انا زهقت منكم
ذهبت من امامهم بينما كل واحد فيهم يريد ان يضرب رأسه بالحائط من شدة الصدمة
*************************
اجتمع كل افراد العائلة لشرب الشاي في الحديقة
كانت البنات يجلسن في زاوية واحدة .. و الشباب جميعم سارحين بالارض
مصطفى بضحك : مالهم دول ؟ هيا القيامة هتقوم و لا ايه ؟
كارما : تقول ماتلهم حد و بياخدو عزاه
خديجة باستغراب : مالكم يا شباب ؟ في ايه يا بنات ؟
سعاد : ليه عاملين حزب و كل واحدة فيكم مقموصة كدة ؟ و انتو يا شباب عملتولهم ايه عشان يزعلو كدة
سحر : ده اكيد عمل .. اكيد في حد بيكرهنا و مش عايزنا نرتاح
خولة : ده اكيد اكيد عمل اسود تافف فيه كلب جربان .. مش معقول الي بيحصل في البيت ده
سعاد : لا انا هكلم الشيخة زهرة تقرا علينا و تفكه .. البيت متكهرب من ساعة ما وصلناه
خديجة : اكيد الست شمورة هيا الي عملته دي بتعمل اعمال مش بتتفك بسهولة و بتخرب البيوت .. ياما خربت بيوت ناس كانو زي الفلة
عدنان : ايه الخزعبلات دي انتي و هيا ؟ انتو الي معرفتوش تربو عيالكم .. لو تلموهم مش هيجرالنا كل ده
عبد الله : اشربو الشاي و كل واحد يروح على اوضته .. انا مش طايق ابص بوش حد فيكم
*************************
في صباح اليوم التالي
في الغيط
تميم بضيق : اهو رجعنا للجلابيات و الغيط و قرف التراب ده
اوس : انا لازم اكلم حبيبة و افهم في ايه بالزبط
زياد : ههه لما تشوف حلمة ودنك يا حنين .. جدك علم علينا للمرة العشرومية .. بس المرادي اجمد بكتير
فارس : ربنا يسامحك يا حلا يا بنت سعاد عبد الحق … ليه تعملي بيا كدة ؟ دي جزات حبي ليكي ؟
عبد الله : اتلمو و اتلهو بشغلكم .. بطلو رغي عشان الي جاي انيل من الي فات
اتى يزن من بعيد و قال : صباح الخير .. حضرتك ليه طلبتني يا عبد الله بيه ؟
عبد الله : امسك دي يبني
امسك يزن الجلابية و قال : ايه ده يا حج ؟
عبد الله : البسها انت بس و تعالا اقولك
يزن باستغراب : البسها ليه ؟
عبد الله : عشان هتتعاقب معاهم يلا ………. يتبع
مغامرات عائلية

 

• لقراءة باقي فصول الرواية أضغط على (رواية مغامرات عائلية)