رواية صرخة سهر الفصل الرابع 4 بقلم مصطفى جابر

رواية صرخة سهر الفصل الرابع 4 بقلم مصطفى جابر

 

 

البارت الرابع

 

 

انت شكلك بقيت بتغير عليها بجد .. كل مره اقول لنفسي دي مجرد غيره عاديه لكن باللي أنا شيفاه ده فا أنت شكلك وقعت وبتحبها
حسام بتوتر: احب مين بس مش بحبها لا
أمه بضحك : امال اي سبب غيرتك وخوفك عليها دول ؟
حسام بتوتر : السبب اني بخاف عليها انها أمانه عندنا ولازم اخاف عليها من اي راجل لاني مش عارف نواياهم تجاهها اي
شمس هتتكلم قاطعها صوت صويت سهر اللي ملا العماره..
حسام قلبه وقع وطلع جري والجيران استغربت واتخضوا..
حسام وبيرزع علي الباب: سهررر افتحي.
لارد..
كسر الباب ووقف مصدوم..
شمس دخلت وصرخت: سهررر.
جريو عليها لاقوها واقعه سايحه في دمها
حسام بصدمه بيجري يشيلها وبينزل علي تحت
حطها في العربية و امه خدتها علي رجليها وركب وبيسوق بسرعه جنونية..
شمس بدموع: بسرعه والنبي يا حسام دي بتموت.
حسام بخوف: مش هيحصل حاجه بإذن الله هيا قوية مش هتسيبنا.
بعد شويه..
وصل حسام وهو شايل سهر بين ايديه..
حسام بصوت عالي: دكتووورة بسرررعة.
المسعفين جابوا الترولي وخدوا سهر ودخلوها اوضة العمليات…
حسام قعد علي الكرسي و حط ايده علي وشه بحزن ودموعه مكتومه..
شمس حطت ايديها علي كتفه وهيا بتبكي: متقلقش يا بني ادعي ليها وهيا بإذن الله هتقوم لينا بالسلامه
حسام بضعف: انا بحبها اوي يا ماما من صغرنا وانا بعشقها ومكنش عندي الجراءة اقولها .. خايف اوي تروح مني خايف ملقهاش تاني هروح فيها.
شمس بحنان: متخفش يا حسام سيبها علي ربنا يا حبيبي.
الدكتورة بتخرج وعلي وشها علامات القلق..
حسام بخوف: هي كويسة صح.
الدكتورة: للاسف وضعها مش كويس دي واخده سكينه ونزفت كتير محتاجين نقل دم
حسام بخوف: خدي مني أنا وامي احنا جاهزين
الدكتورة: ماشي تعالو بسرعه.
بعد شويه الدكتور بيخرج
شمس جريت عليه: طمني يا دكتور
الدكتور بأبتسامه لا الحمد لله حالتها بقيت كويسه بس هتفضل في العنايه شويه .
شويه وبيخرج حسام وكان دايخ
أمه بأبتسامه : تعالي يحبيبي ارتاح شويه
لا لا أنا خارج برا شويه وانتي خليكي جمب سهر كمان
شمس باستغراب: رايح فين.
حسام تجاهلها ومشي…
دقايق وبيكون وصل عمارته و طلع لاقي البوليس وظباط اصحابه في شقه سهر بيحققوا في اللي حصل.
حسام بجدية: في اي دليل علي حد.
صاحبه خالد: للأسف لا … الظاهر انه حد كان مخطط لكل حاجه
حسام بغضب: اكيد مفيش غيره.
خالد باستغراب: هو مين دا.
حسام بتوعد: حكم عمها تعالوا معايا…
نزل بسرعه ووصلو بيت حكم … كسر الباب و دخل مسكه بغضب: هيا حصلت تحاول تخلص من بنت اخوك لحمك ودمك هيا دي الرجولة.
حكم باستغراب: انا معملتش حاجه ليها مجتش جنبها والله
حسام بغل ومسكه من قميصه: هنعرف اذا عملت ولا لا خالد خده ارميه في البوكس وطابق بصماته بالبصمات اللي في الشقه ووحياة امي لو انت اللي وراها فعلا لهتشوف جحيم عمرك من ايدي.
سابه وخرج وصل عند الباب حس بدوخه جه يسند لاقي اللي مدتله أيدها يسند عليها ..
رهف بخوف: مالك يحسام
حسام بعد: مفيش.
رهف بخوف: حسام انت دايخ تعالى معايا طيب نطمن عليك.
حسام بتعب: لا انا هروح اطمن علي سهر.
رهف بغيرة: يارب تموت.
كف قوي بينزل علي وشها من حسام…
حسام بغضب: انتي تخرسي خالص اياك يا رهف تجيبي سيرتها علي لسانك.
رهف بدموع: انت بتمد ايدك عليا عشان دي حسام انا بحبك..
حسام بهدؤء: وانا مبحبكيش يا رهف ربنا يزرقك باللي احسن مني.
مشي وهيا دموعها نزلت بتوعد ل سهر…
عند سهر..
بتفوق بضعف بتلاقي شمس جنبها وواخداها في حضنها
سهر بضعف وصوت ضعيف: م ماما.
شمس فتحت عنيها بخوف وفرحه: سهر حبيبتي مالك حاسه بتعب انادي لك الدكتور طيب.
سهر دموعها نزلت.
شمس بخضة: طب استني هناديلك الدكتور.
مسكت سهر ايديها: انا كويسة … لأول مرة محسش اني يتيمه بجد وأن في حد جمبي ومهتم بيا.
شمس ابتسمت وحضنتها: يابت انتي زي بنتي وحتة من عيني والله.
سهر بتعب: فين حسام معقولة زعلان مني.
: حسام عمره ما يقدر يزعل منك يا سهر عارفه ليه
سهر بأستغراب : ليه ؟
حسام بأبتسامه بيدخل عليها : اقولك أنا ليه…أنا بحبك يا سهر وعاوز أكمل نص ديني معاكي.
سهر بذهول: حسام انت بتقول اي انت واعي لكلامك.
حسام بحب: أنا واعي يا سهر …تقبلي تتجوزيني ؟
سهر دمعه نزلت منها بفرحه: موافقة.
شمس زغرطت بفرحه: دا يوم الهنا والمنى لولولوليييييي.
حسام بجدية: مين اللي عمل فيكي كدا يا سهر.
سهر بتوتر: م محدش مشوفتش وشه.
حسام بشك: يعني مش عمك حكم.
سهر بزعر: لا مش هو يا حسام.
حسام بهدؤء: متخفيش محدش يقدر يأذيكي طول مانا جنبك قولي مين عمل كدا يا سهر.
سهر بدموع: قولت معرفش مشوفتش خلاص لو سمحت.
حسام بخوف عليها: خلاص خلاص متعيطيش عشان جرحك سيبي لي الموضوع انا هتصرف فيه.
سهر غمضت عنيها بخوف: اسفه اني كدبت يا حسام حقك عليا..
عند نعيمة..
نعيمة بخوف: ايه قبضوا علي اخويا حكم لي.
طارق بهدؤء: حاول يخلص من سهر اصلها رجعت البيت وخدته منه غصب.
نعيمة ببخضة: يامصبتي بنتي طب هيا فين.
مسكها من شعرها: جرا اي يا ولية احنا مش قفلنا ام الموضوع دا.
نعيمة زقته: اوعي ايدك فين بنت اخويا.
طارق ببرود: ماتت.
نعيمة بصويت: ايييي لااااا يالهووووتييييي.
طارق بخضة: بسس بسس بهزر مماتتش ياستي اهي مرميه في المستشفى زي القرده.
نعيمة بتوسل: ارجوك يا طارق وديني ليها وحياة العيش والملح بينا.
طارق بهدؤء: اوديكي ليها دي واحدة مش تمام وتستاهل بصراحه هربت عشان تعيش مع واحد في الحرام ولما رماها رجعت وخدت بيت عمها والله اعلم هتعمل اي فكك يا نعيمة احسن لك.
مشي ببرود..
في القسم..
حكم بغضب: انا معملتش حاجه خرجوني من هنا.
العسكري: اسكت يا مسجون.
حكم بغضب: انا مش مسجون يا عسكري انا هوديكم كلكم في ستين داهيه.
العسكري لارد..
حكم بيتمشي في الزانزنه بغضب وغل..
دقايق والعسكري خده لمكتب حسام…
حسام ببرود: منورنا و الله يا حكم.
حكم بغل: انت عاوز مني اي انا هطلع من هنا وهخليهم ينقلوك اخر الدنيا.
حسام بسخرية: ياريت والله عشان هنا انا حران … الا قولي فين السكينه اللي عملت بيها كدا مع بنت اخوك.
حكم بدموع وخوف: انا معملتش حاجه انا بخاف..
حسام مقاطعا: اوعا تقول بتخاف ربنا اللي زيك ميعرفش ربنا اصلا.
حكم بدموع: عندك حق طمعي عماني بس انا فعلا مظلوم يا حسام بيه معملتش حاجه انا والله.
حسام بهدؤء: طيب تقدر تروح.
حكم باستغراب: اييي اروح طب والقضيه.
حسام بهدؤء: بنت اخوك قالت مشفتش وشه وانه كان حرامي ومش اتهمتك ب حاجة يا حكم ممكن تكون بتكدب عشان تحاول تحميك او اي حاجه بس كون واثق انها هتكون مراتي ومش هسمح لاي مخلوق يقرب منها.
حكم بصله بحزن ومشي…
تاني يوم..
حسام كان بيأكل سهر بحنان: خدي دي كمان يلا.
سهر بتعب: والله ما قادره يا حسام انا عاوزة انام.
حسام بحب: ماشي ياحبيبي ارتاحي انتي وانا جنبك تحبي اقرا لك رواية.
سهر بضحك: هو انتو كـ شباب بتقرو روايات زينا كده وبتتخيلو معانا اللحظات الجميله بين البطل والبطله ؟
حسام بحب: طبعا .. هو حد قالك أن الولاد مبيقرأوش ..أنا الروايات دي الحاجه الوحيده اللي بتخرجني من ضغط الحياة وبتخليني أعيش حكايات ده غير مشاعري المتفاعله معا كل حلقه في كل روايه
سهر بأبتسامه : ياااه كل ده أنا كنت فاكره أن مشاعركم متفهمش كلام الروايات
حسام بأستغراب : علي فكره اشطر كتاب الكتاب الولاد عندك مثلا ( عمرو عبدالحميد ده في الفانتازيا ملهوش مثيل … عندك أسامه المسلم ده في الرعب معندوش ياما ارحميني … وعندك مصطفي جابر في الدراما ملهوش منافس )
سهر بحب : عارف إن أنا بحب كل دول ؟
حسام بأبتسامه : عارف وهاخدك تشوفيهم في معرض القاهره الجاي
سهر بابتسامة شديده: ده بجد يا حسام ؟
حسام بضحك : بجد يا عيون حسام المهم قبل ما انسي
سهر باستغراب: تنسى ايه.
قام وقف وطلع علبه من جيبه وفتحها ظهر خاتم الماظ..
سهر بأنبهار: الله حلو اوي الخاتم دا ياتري هو لمين.
حسام بحب: هيكون لمين غير لحبيبتي ونور عيني وحتة من قلبي واللي هتشاركني حياتي الجاية كلها حبيبة قلبي سهر
مسك ايديها ولبسها الخاتم وباس ايديها بحب: خطيبتي حاليا.
سهر بمرح: ومراتك مستقبلا.
حسام بمرح: طب ماتكوني دلوقتي وتكسبي ثواب فيا دا انا غلبان.
سهر بتكبر: بعينك يا حسام.
الممرضة دخلت تغير المحلول وبصت لحسام ب اعجاب..
الممرضة بدلع: اخوكي ومامتك كانو خايفين عليكي موت ربنا يخليهم لك والله.
سهر بغيظ: افندم اخو مين.
الممرضة بتشاور بدلع: ده ان شاءلله ربنا يرزقه ببنت الحلال قريب لانه يستاهل.
سهر بغضب: دا خطيبي يا حلوة وامه اللي كانت هنا اهو الخاتم لو مش شايفه يعني ملكي انا.
الممرضة باحراج: أنا مش قصدي حاجه والله انا أسفه فكرته اخوكي ع
سهر بوجع فجأة: اااه.
حسام بخوف: مالك يا حبيبتي.
سهر بدلع: مفيش ياروحي تعالى جنبي كدا.
الممرضة بصت ليها بغيظ وخرجت و سهر طلعت ليها لسانها.
حسام بخبث: اممم يعني كنتي بتمثلي ها.
سهر زقته: اه.
حسام بخبث: ماشي بس عاوز اقولك اني حبيت الوضع ده ها..
سهر اتكسفت.
عند شمس..
الباب خبط فتحت ببرود: خير يا رهف.
رهف بحزن: عاوزة اتكلم معاكي يا طنط.
شمس بهدؤء: خشي تعالي
رهف دخلت وقعدت بهدؤء: انا عارفة انك مش بتحبيني بس انا بحبك والله وبحب حسام لكنه مش شايفني وكل تركيزه معا سهر واكيد انتي مش هتقبلي علي نفسك يتجوز سهر.
شمس بسخرية: وليه بقا ان شاءلله مقبلش انه يتجوزها مالها.
رهف بخبث وتمثيل: بنت مش تمام ومصممه تعيش في شقه لوحدها ده غير ان قبل الحادثه بساعه انا شوفتها بعيوني دول وهيا جايبه واحد ومطلعاه معاها الشقه واكيد حصل بينهم خلافات وهو اللي ضربها كده.
شمس بتمثيل الصدمة: لا والله احلفي اخص عليها بجد سهر قال وانا اللي كنت هجوزها ابني.
رهف بخبث: شوفتي بقي انا والله اولى بيه و هخليه اسعد راجل في الدنيا بس عاوزاكي تساعديني انه يشوفني و يحس بيا بدل ما هو مش شايف غيرها.
شمس ببرود: بقا كدا طب بصي يا رهف شايفه الباب دا يا حبيبتي.
رهف باستغراب: اه ماله.
شمس بغضب: تخرجي منه ومشوفش خلقة اهلك تاني لأني مش طايقاكي وابني خطب سهر وهيتجوزها قريب موتي بغيظك بقي
رهف بصدمة: هيتجوزها ؟
شمس ببرود: اه يختي هيتزوجها
رهف بغل: انا هفضحهم وانه كان بيروح ليها الشقه وفي بينهم بلاوي وهخلي سمعتها في الطين
شمس ببرود: وحسام هيسيبك صح ؟ فكري بس تعمليها وهو هيوديكي ورا الشمس وباين اوي مين اللي فاتحها مفروش.
رهف بغضب: قصدك اي يا مجنونه انتي.
شمس بغضب جرتها من شعرها: طب المجنونه بنفسها ا
هتوريكي هتعمل فيكي اي.
جرتها علي برا: غوري يالله من هنا بالذوق وعهد الله اتصل بالشرطه واقول حراميه كانت بتسرقني
قفلت في وشها الباب..
رهف بغضب وزعيق: بقي مفكراني هخاف كده وهسكت ؟ أنا وريتكم ….بتخرج برررا …الحقووو يا جماعه ام حسام بترميني برا عشان جاية اقولها ان لازم ابنك يصلح غلطته ويتجوزني لأني حامل في ابنه..
حسام وسهر بييجو بصدمه :
حلقه جديده اهي أتمني الاقي تقدير وتفاعل عالروايه … حلقه جديده اهي أتمني تكون عجبتكم

 

 

• لقراءة باقي فصول الرواية أضغط على (رواية صرخة سهر)