رواية صرخة سهر الفصل الثالث 3 بقلم مصطفى جابر

رواية صرخة سهر الفصل الثالث 3 بقلم مصطفى جابر

 

البارت الثالث

 

هيا بتدلعك كده ليه البت دي يا حسام ؟
حسام بزعيق: ملكيش دعوه وتجنبيها مش ناقصين مشاكل
سهر بأحراج طلعت فوق جري..
دخلت لاقت شمس بتبص لها بحزن: معلش يابنتي انا كنت في البلكونة وشوفت اللي حصل حقك عليا.
سهر مسحت دموعها: لا يطنط مفيش حاجه.
دخلت سهر الاوضة و حسام دخل الشقة لاقى امه بتبص له بغضب..
حسام باستغراب: في اي ليه النظرة دي.
شمس بعصبية: اي اللي انت هببته معا سهر ده … دا رد يترد بالذمه ! انت احرجتها.
حسام بهدؤء: عارف يا ماما انها زعلت
شمس بصدمة: متجننيش منك .. لما انت عارف انها هتزعل بتزعقلها ليه وتكلمها كده ؟
حسام بجمود: لانها المفروض عارفه ان رهف راميه نفسها عليا ومش بتطيقها فا عايزه تغيظها بأي طريقه تقوم هيا تسيب كل اللي حصل ده وتيجي تسألني اي حوس دا .
شمس بهدؤء: بس مهما يكن ردك كان غلط عليها ومينفعش تحرجها كان المفروض تجيبها وتكلمها بهدوء
: متلوميهوش يا طنط هو عنده حق عن اذنكم.
حسام باستغراب: اي ده علي فين العزم.
سهر بهدؤء: هطلع شقة اهلي.
حسام باستغراب: اللي ابوكي بايعها لعمك وطردك منها؟
سهر بهدؤء: عمي كان مزور الورق بتاعها.
شمس باستغراب: مزوره ازاي.
فلاااااااااش بااااااااااااااااااااااككككك.
سهر راحت للمحامي..
المحامي بابتسامة: سهر ازيك يابنت الغالي.
سهر بحزن: مش بخير يا عمي خالص.
المحامي بقلق: مالك يابنتي احكي انا صاحب ابوكي ده انتي زي سراج ابني
سهر بدموع: عمي خد شقة ابويا وقال ان ابويا بعهالي ورماني في الشارع فا عايزه اتأكد إذا كان الكلام ده بجد ولا لا
المحامي بصدمة: لا طبعا .. ابوكي مستحيل يعمل كدا هو اصلا مسجلها بأسمك من وانتي عيله صغيره
سهر بصدمة: ده بجد ؟ ابويا كاتبهالي بأسمي !
المحامي بهدؤء: اكيد عمك زور كل دا عشان ياخد الشقة طول عمره كلب فلوس بس متقلقيش انا هتصرف.
سهر مسحت دموعها بفرحه: بجد يعني عمى مش هياخد الشقة.
المحامي بابتسامة: لا طبعا سيبي الموضوع دا عليا أنا هرفع عليه قضية واطعن بالتزوير وبإذن الله حقك قريب هيرجعلك
بااااااااااااااااااااااككككك.
سهر : وبس كده كنت مستنيه عمي يرد عليا ويأكد
شمس بابتسامة: الف مبروك يا سهر والله كنت حاسة.
حسام بهدؤء: تمام الف مبروك بس هتفضلي بردو معانا هنا
سهر بغضب: اي لللي هفضل هنا انت فاكرني مسجونة عندك لحد هنا وشكرا كتير خيرك عن اذنكم.
خرجت و حسام مسك ايديها..
حسام: بصي انا اسف يا سهر عشان زعلتك انا كلامي دبش بس مينفعش تقعدي لوحدك في شقة.
سهر بهدؤء: انا مش لوحدي انا معايا ربنا ممكن تبعد ايدك.
بعد وهيا طلعت شقتها…
حكم من وراها: علي فين يا بنت الغالي.
سهر ببرود: علي شقتي طبعا يا عمي هو انت متعرفش اني عرفت خطتك وانك مزور الورق.
حكم بتوتر: ايه انتي بتخرفي يابت امشي من بيتي.
سهر بقوة: قصدك بيتي و قسما عظما لو ما بعدت عن طريقي يا عمي لهسجنك.
فتحت الباب ودخلت قفلت في وشه..
حكم بغل وزعيق: بقي كدا؟ تمام يا بنت اخويا قسما بالله لأخليكي تندمي.
حسام جه من وراه: فكر تعمل ليها حاجه وانا اللي هقف لك.
حكم بتوتر: هتعمل اي يعني دي بنت اخويا وانا حر فيها.
حسام حط ايده في جيبه: لا مش حر انت نصاب وانا قادر اسجنك دلوقتي حالا بس مزاجي بيقولي استني عليك شويه
حكم بخوف: وهتسجني بتهمة اي إن شاء الله ؟؟
حسام ببرود تام: بتهمة التزوير يا حبيبي كلنا عرفنا خطتك فا انزل بالذوق بدل ما تندم
حكم نزل بخوف و حسام بص علي باب سهر بابتسامة..
راح خبط..
سهر فتحت ببرود: خير في اي تاني
حسام بابتسامة: تعالي نفطر.
سهر بهدؤء: اولا انت جاري لا ابويا ولا اخويا وافطر او لا ميخصكش في حاجه خليك في حالك لو سمحت ويكون في حدود.
قفلت في وشه.
حسام عينه وسعت بصدمة…
سمع صوت ضحك وراه..
شمس بشماتة: احسن تستاهل علشان تبقي تفكر تزعلها بعد كده…بس اقولك البت دي عسل وانا ارتحتلها اكتر لما قعدت معانا هنا
حسام بغيظ: ولا يشغلني تغور انا نازل الشغل.
شمس بضحك: انزل يا حبيبي انزل.
نزل وهو علي اخره..
فتحت سهر الباب تاني وهيا خايفه: هاا مشي ؟
شمس بضحك: اه مشي يلا تعالي اقعدي معايا بقي
سهر بخوف: لو لاقاني قاعدة معاكي هيهزقني بجد فا علي اي هقعد انضف شقتي وارتبها احسن
شمس بحنان: طب خلاص انا هاجي اساعدك افتحي
دخلت هيا وسهر ينضفوا الشقة..
شمس باستغراب: هيا الصورة دي متعلقة كدا لي يا سهر.
سهر بابتسامة: دي صورة ماما.. سكتت باستغراب… بس ازاي عمي مشالهاش لحد دلوقتي.
شمس بأستغراب: وكمان محطوطه معوجه تعالي اسندك واطلعي اعدليها..
سهر طلعت تعدل صورة امها مش بتتعدل ولا بتتحرك..
سهر باستغراب: الصورة زي ماتكون لازقه في الحايطة.
شمس بضحك: خلاص انزلي نبقي نعدلوها بعدين .
بليل….
سهر كانت قاعده سرحانه في البلكونة سمعت صوته تحت: انتي يبنتي بقالي ساعه بنادي … انتي هتفضلي ضاربة بوز كدا كتير.
سهر بصت له بجمود وسكتت..
حسام بهزار: ما خلاص بقي ميبقاش قلبك اسود.
سهر بابتسامة: ماشي هعديهالك يا حسام اطلع يالله.
حسام بابتسامة: لا .. نزلي السبت كدا عشان احطلك فيها حاجه ك عربون صلح.
سهر باستغراب: حاجة اي ؟
حدفت له السبت بالحبل حط ليها شكولاتات كتير..
سهر بفرحه: الله كل دي شوكولاتات دي حلوة اوي ونوعي المفضله تسلملي يارب
حسام بفخر: اي خدمه دفعت فيهم دم قلبي يارب يطمر بس
سهر بغيظ: انت هتذليني بيهم … يالله اطلع
خدت الشوكولاته ودخلت جوا وهو ابتسم بحب…
بعد مرور اسبوع سهر نزلت تشتغل في عيادة مع دكتور وعلاقتها ب حسام بتقوى..
في يوم ما…
سهر جت بليل من شغلها لاقت حسام في وشها اتخضت: يخربيتك خضتني في اي.
حسام بغيظ: الهانم اتأخرت عن ميعاد رجوعها ساعه ونص لي ؟
سهر باستغراب: عادي يا حسام الحالات كانت كتيرة النهارده.
حسام بغضب: ميخصنيش كتيرة ولا لا ليكي ميعاد تروحي فيه يا سهر افرضي حد دايقك.
سهر واقفه مبتسمة..
حسام بغيظ: انتي بتضحكي علي ايه انتي قاصدة تستفزيني يا بت انتي.
سهر بابتسامة: اصلك خايف عليا.
حسام بتوتر٠: لا طبعا اخاف اي انا بس مش هلاقي حد يعملي شاي بنعناع زي بتاعك.
سهر بضحك : كان زمان كده في واحد بيقولي أنه احسن واحد يعمل شاي بالنعناع .. دلوقتي الواحد ده بقي مدمن الشاي بتاعي انا
حسام لسه هيرد …تليفونها رن ب رقم الدكتور..
سهر بابتسامة: الو يا دكتور..
الدكتور: روحتي ولا لسه.
سهر بهدؤء: ايوا روحت وبكرا ان شاءلله مش هتأخر علي حضرتك.
الدكتور بجدية: تمام انا قولت اطمن عليكي علشان روحتي متأخر .
شد حسام التليفون منها ورد..
حسام ببرود: اطمن يا دكتور مفيش قلق علي سهر سلام.
قفل في وشه وهو متغاظ..
سهر بصدمة: يخربيتك … اي اللي انت عملته دا يا حسام عيب كدا.
حسام بغيرة: والله ؟ عيب اني ارد عليه كدا ومش عيب انه يقولك بطمن بتاع اي يطمن دا اساسا.
سهر بعصبية: حسام مينفعش كده لو سمحت انت كدا بتضرني في شغلي عن اذنك.
طلعت وهو ضرب الكرسي بغضب…
بعد شويه..
شمس بهدؤء: وانت مالك يا حسام مضايق نفسك لي.
حسام بغضب: انا مش مضايق ولا زفت يا ماما بس هو بتاع اي علشان يتصل عليها.
شمس بخبث: انت شكلك بقيت بتغير عليها بجد .. كل مره اقول دي مجرد غيره عاديه لكن اللي أنا شيفاه ده فا أنا شكلك بتحبها بجد.
حسام بتوتر: احب مين بس … انا بس بخاف عليها دي امانة بردو.
شمس هتتكلم قاطعها صوت صويت سهر اللي ملا العماره..
حسام قلبه وقع وطلع جري والجيران استغربت واتخضوا..
حسام وبيرزع علي الباب: سهررر افتحي.
لارد..
كسر الباب ووقف مصدوم..
شمس دخلت وصرخت: سهررر.
جريو عليها لاقوها واقعه سايحه في دمها
حسام بصدمه:

 

 

• لقراءة باقي فصول الرواية أضغط على (رواية صرخة سهر)