رواية شمس ضلامي الفصل السادس 6 بقلم ليلي

رواية شمس ضلامي الفصل السادس 6 بقلم ليلي

 

البارت السادس

 

 

وقفت ورا ضهرو الهضرة تخربقات ليا حتا خرجات من فمي: (بقا عفاك متمشيش)
حشمت من راسي ملي ضار كيشوفيا..انا هنا غرقت بلحشمة وزدت تلفت وقلت : (حم ءءء لا دبا خفت نبقا بوحدي ياك حم لا عرفتي شنو انخليك باي)
ضرت غادة تاجرني من يدي مكنتش شادة توازني فجيت داخلة فيه!
عمر قلبي ضرب هكاك..كان كيخبط فالتسعين هه اشمن تسعين ميا وتمانين هزيت عيني مصدومة فيه وزدت تصدمت من جمال عينيه كان فيهم واحد لبريق خاص وضو القمرة معكوس فيهم زادهم جمال على جمال..زاد فشلني ملي نطق بحنية بلاما يحيد عينيه من عيني: (لا ماتمشيش)
لكلام لي يطلع ولا لهضرة لي تخرج مشات لساني تعقد..حتا طلقني ونحنح بانليا بحالا تحرج
وقال: (حم زعما بقاي معايا)..
ههه قلبي فرح وفرفر ومعرفااش علاش..
*اودي ياريت مشدنيش ومشيت لدارنا*
بتاسمت فوجهو فرحانة وداك لهم لي كنت هازة مشا
هههه كنضحك علا راسي ملي كنتفكر مدى سخافتي ملي كنت كنبكي علا القراية!!
تمشينا نسيت راسي نسيت شنو ضاير بيا نسيت كلشي..جلسنا فالرملة..تعرفنا علا بعضياتنا..بكيت ملي عاودليا على حياتو خاصة انه يتيم..كان ولد الشعب دري عادي…
الفرق كان شاسع بيني وبينو هو كيقلب علا باش يجيب طرف دلخبز ونا كنتشرط وش نقرا هنا ولا فكندا!!
ولكن هاد لفوارق مداو مجابو لعكس عاد زادو اكدو راحتي معاه..
خاصة ملي عاودت ليه علا حياتي وعنقني وضمني ليه وخشااني فصدرو ومسح دموعي..
حسيت بأمان فشكل معاه..كت مخشية فصدرو ناسية راسي كنبكي وكنشكي عليه وهو واخدني قد عقلي وكيمسح لي دموعي..داتني عيني ونا فحضنو ممسوقاش انني فاحضان شخص غريب..حتا حسيت بيه كيحرك فيا..كان الفجر كيأدن..
6
عاد تفافيت نضت من علا صدرو وقف ووقفني..
هز راسو وقاليا بجدية ومع هضرتو مشمكرة دبت انا 🤤💔
يتبع …

 

• لقراءة باقي فصول الرواية اضغط على (رواية شمس ضلامي)