رواية شمس ضلامي الفصل الرابع 4 بقلم ليلي

رواية شمس ضلامي الفصل الرابع 4 بقلم ليلي

 

البارت الرابع

 

 

خاصة كان بقالي غير عماين ونتخرج..بعدما قريت 3 سنين ورا لباك..بقيت مدة جالسة جامعة رجلي عندي وخاشية راسي بيناتهم حتا كنحس بشي حد جلس حدايا..
هزيت راسي مخلوعة..
لقيتو واحد دري يكون فاواخر العشرينات مع الليل مبانوش لي ملامحو مزيان لكن فورمتو الرياضية وكتافو لعراض وجلستو الرجولية وريحتو لي عطاتو هبة خاصة مخفاوش عليا…ديك الساعة رجلي فشلو عليا مقديتش تانهرب..
بعدت شوية كنقاد فشالي..وقفت كنشوفيه ورعدة شداني خفت بزاف يكون شي شفار ولا سكايري يدير فيا شي حاجة فداك ليل مكاين حتا لي يعتقني..
بقيت كندخل ونخرج فلهضرة لخلعة مخلات ليا مانقول لكن سكتني ملي قاليا *جلسي*
معرفتش مالي ولكن لقيت فنبرة صوتو نوع من الجدية والامان..
جلست بعيدة عليه ونا كلي كنترعد..بقا ساهي قدامو مدة عاد ضار شافيا ونطق:
(مخايفاش علا راسك فهاد ليل جالسة هنا..وماشي غير هاد الليلة بل كل ليلة)
+
مفهمت والوو كفاش زعما وش كيتجسس عليا ولا كيتبعني ولا شنو بغا عندي بالضبط..
كاع هاد الاسئلة كانو كيضورو ليا فراسي
وكمل هضرتو:متقوليش فراسك كنتبعك ولا باغي عندك شي حاجة..انا بلاصتي هنا من نهار عقلت علا راسي قبل ماتجي نتي(سكت وكمل) كت كنشوفك من بعيد كنت خايف يوصلك شي حد فهاد لقنت ومكين لي يعتقك.. ليوم شفت حالتك معجباتنيش بنتيلي من قبيلة متحركتيش خفت تكون عدك شي حاجة وجيت مي ملي سمعت شهقاتك رتاحيت شوية..
كنت كنسمع لهضرتو وصوتو لي كانت فيه بحة خاصة..حسيت باحساس فشكل ملي عرفتو خايف عليا..هزيت عيني فيه وضحكت
قلت ليه: (رتاحيتي ملي عرفتيني كنبكي ماحشوماش عليك)
..شافيا وقال(مابقيتيش خايفة مني ها؟)..
حشمت حنيت راسي وقلت مع راسي
(كفاش نخاف من واحد كيخاف عليا…………)❤
يتبع

 

• لقراءة باقي فصول الرواية اضغط على (رواية شمس ضلامي)