رواية شمس ضلامي الفصل الخامس 5 بقلم ليلي

رواية شمس ضلامي الفصل الخامس 5 بقلم ليلي

 

البارت الخامس

 

 

⚜البارت الخامس⚜
لكن ولد لحرام سمعني هه شفت فيه بنص عين وسهيييت فابتسامتو..قبل مايضور ويجبد واحد لكيتار ويشير ليا باش نقرب ليه..
خفت ولكن شي حاجة فيا كدفعني نمشي..شافني هكاك وناض هو جلس حدايا لدرجة كتفي تلاسق مع كتفو..بعدت عليه وراسي فلارض حتا نطق: (شنو تبغي تسمعي)
تحمست وجاوبتو: (ممم ليلي طويل)
مانساش ديك ضحيكة لي ضحك قبل مايشوف فيا ويقول: (مم انا غانضرب لكيتار ونتي غني صافي)
عجبني الحال صراحة لكن فآخر لحضة راجعت راسي..خنزرت فيه ونضت بلا كلمة..حتا جرني بيدو جيت جالسة فلارض هز راسو كيشوف قدامو بلما يشوف فيا وقال:(مزال مأدن لفجر ونتي مزال مخويتي دكشي لي عندك لداخل تقدري تبقاي انا نمشي)
ناض ومشا بلما يضور..فصراحة تقلقت من راسي هو مدار ليا والو انا لي فيا الفز شوية..بقيت جالسة حتا تكوانسيت..عرفتها ليغيكل هادي هكا كدير ليا..صافي معقلتش علا راسي طحت كنتركل حتا خفاف عليا الوجع شوية عاد قدرت نمشي لدار..بدلت عليا لبست بيحامة سخونة درت فوطة صحية وتكيت ونا عارفا سيمانة تابعاني غافلفراش حيت كتهلكني..ودكشي لي كان بقات فيا سيمانة طاحت عليا الكآبة بكترت الجلاس فالدار والحريق لي كيهلكني عينيا طابو بالدموع..
من ورا مافاتتني دوشت توضيت وصليت صلاتي.. كانت فرحتي كبيرة حيت غانقدر نعاود نهبط للبحر التاني معرفتش وش هدا هو السبب الوحيد ولا حيت غانعاود نشوفو تاني
*وصل الليل*
لحت درة علا راسي وخرجت كنتحرك جنب لبحر عجبني لما لي كيضرب فرجلي وكيهرني بقيت كنقز تما حتا كنحس بشي حد كيشوف فيا هزيت راسي لقيتو هو..
حسيت بقلبي نبض بقوة ومعدتي تزيرات مقديتش نحبس ابتسامتي ..فحين هو قلب وجهو وقال: (سحابلي مبقيتيش اترجعي بسبابي)
ضار غادي محسيتش براسي امتا مشيت عندو….
يتبع .

 

• لقراءة باقي فصول الرواية اضغط على (رواية شمس ضلامي)