رواية شمس ضلامي الفصل الثالث 3 بقلم ليلي

رواية شمس ضلامي الفصل الثالث 3 بقلم ليلي

البارت الثالث

(غنكتب ليكوم داكشي لي لقيت فالمذكرة ديالها )
……..
طلبت هاد المدكرة باش نعاود ليك قصتي وتاخديها عبرة نتا ولا نتي لي كتقرايها ..
قصتي بدات ملي رجعني بابا من كندا..لبلاد لي سيفطني نقرا فيه الطب بالضبط تخصص القلب والشرايين..
رجعني للمغرب بحكم انه فضل نقرا هنا تحت عينو بحجة انه خايف نتأتر بتقافة الاجانب ونخرج الطريق حيت كنت بنت محتشمة وعارفا ديني وعارفا حدودي واخا مكنتش محجبة كان لباسي مستور وديما لايحة الدرة على راسي..
2
مهم هاد القضية ديال ندخل المغرب مدخلاتش ليا لراسي خاصة انني كنت متعلقة بزاف بقرايتي واحلامي كاملة لي كانت كلها فكندا هه لا متمشيوش بعيد ماشي الزواج ولا تقولو انني كنت فشي علاقة..
لا كان اكبر احلامي نحل كابيني كبير يكون خاص بيا فكندا نعالج فيه الفقراء بلا تمن ندير لخير ونأسس راسي تما..
كنت عارفا راسي مغاندير والو فالمغرب واخا الاب ديالي كان من الطبقة البرجوازية وعدو مكانة عالية لكن فرق كبير بين المغرب وبرا
بقيت يام كتيرة وانا سادة عليا فبيتي مكيدخل عندي حد خاصة بابا كانت ماما فقط لي كتدخل تصبرني وتخرج..
مكنتش كنعس بسبب الارق لي كنعاني منو دكشي لاش فكل ليلة كنت كنوقف فلبالكون دبيتي ونبقا نشوف فلبحر ونسمع مواجو ونخلي البرد يتخلل بين خصلات شعري كان هدشي كيريحني شوية ولكن هدشي مبقاش كافيني..وليت كنهبط نتمشا حداه كل ليلة تحت ضو الگمرة مرة نخشي رجلي فلما مرة نجلس فرملة تا كيأدن الفجر ونطلع نتوضا نصلي..واحد نهار قررت نهضر مع بابا ونحاول معاه يخليني نرجع نكمل قرايتي فكندا..ولكن رفض رفض قاطع..
تعصبت بزاف ديك ليلة…طلعت غضبانة لبيتي لحت علا راسي شال وخرجت كنجري كيلعادة نهضر مع لگمرة ونبكي عليها..جلست كنشوف فلبحر ونبكي غضبانة من بابا
(لي شافني يقول مات ليا شيحد)….
يتبع

• لقراءة باقي فصول الرواية اضغط على (رواية شمس ضلامي)