رواية شمس ضلامي الفصل الثالث عشر 13 بقلم ليلي

رواية شمس ضلامي الفصل الثالث عشر 13 بقلم ليلي

 

البارت الثالث عشر

 

 

كان خاصو يبات ديك ليلة تما وقررت انا باش نبات معاه تكيت فواحد لباياص كان تما عاد خوا مع سديت عيني حتا جيت مليوحة فلارض نضت قافزة لقيت واحد لفرملية من داك النوع ديال الشعر صفر ولحجبان خط واحد بسيراج هي لي دفعاتني وكتهلل
لفرملية:وااانووضي ابنت لقحباا خرجييييي تقاودي عند بالك اوطييييل دياال باااك هداا راه عبادلله شادين نوبة تهزييي باش يتسرح بلاصتك شي قواد ااخر
انا مافهمت والو نضت وعيني علا حبيبي حتا سمعت لفرملية كضحك بديك الضحكة المقحبنة
هي:هههههههههه مالك خايفة علا صحيبك ههههه غاسيري هو غايبات هنا وغدا يتقود تاهوا بحالو(غمزاتني) تخافيش لباياص غانخليه ليك تنعسي فيه ملي يحملك ويخليك هههههههههههههه
هزيت عيني فلباب كانو مدخلين بنت صغيرة جنبها عامر دم..حنيت راسي خرجت وودني مصمكين كنسمع فناس كتبكي وتنوح علا فراق شي واحد لي داتو الموت..
بقيت غادة ومتكية على لحيط حتا جا عندي داك لفرملي ديال قبيلة وعينيه كيتساراو فيا بشهوة طلب مني نمشي معاه لطواليط نغسل وجهي ملي رفضت خرجني لقدام سبيطار شد ليا طاكسي ومشا كيدوي فتيليفون وعينو عليا ركبت وزدت وبالي مع حبيبي لي خليتو تما
وصلت الدار لقيت مراد قدام باب ليموبل شافني جا عندي ملي سولتو باش عرف بدا كيخرج ويدخل فلهضرة كت عيانة متسوقتش ليه
تكاني علا كتفو وطلعني حليت لباب دخلت ودخل معايا غير فتنا لعتبة سد لباب وضار لاحني فلارض تلاح فوقي كيقطع لي فحوايجي..

كندفع فيه علا جهدي ولكن كان ثور هايج فوقي عراني وخلاني بشورط قصير وديباردو وقف كيلهت جبد تيليفون كيصور فيا ونا كنغطي فلحمي لي زوقو ليا كامل بالدق.
.كمل لاح تيليفون وبدا كيقرب ليا خطوة خطوة ومع كل خطوة كنرجع بلور حتا كالاني لحيط..
تلاح علا عنقي كيبوس ويعض..ضورت عيني لقيت حدايا لكوكوت مترددتش هزيتها وعطيتها ليه لراس جا طايح شاد راسو بانليا تيليفون بغيت نهزو حتا شدني من رجلي ودفع تيليفون.
1
.ملقيت مندير ركلتو وخرجت كانت واحد جلابة ديالي معلقة فسطح هزيتها ونزلت فدروج كنجري نطيح ونوض ودموع فعيني لبست جلابتي فدروج وخرجت عطيت رجلي لريح تالسبيطار..
بقيت واقفا قدامو شحال تفكرت هضرة الفرملية حنيت راسي ودزت تكيت حداه فوق السيما ولبرد كيصوط تكمشت كنترعد خايفة من دياب الزناقي خايفة علا حبيبي خايفا من المستقبل..
سديت عيني حتا كنحس بشي حد دفل عليا هزيت راسي كان واحد لبوليسي شاف فيا
وقال(تفو كترتو مالك تلف عليك لبار ولا دار لقحاب حتا جايا هنا)
ماجيت فين نجاوبو حتا خرج واحد لفرملي كان كبير فلعمر قاليه بلي عندي شي حد فالسبيطار وما كان ايجمعني تانا فسطافيط..
طلع فيا وهبط ومشا اما لفرملي دخل بقيت جالسة مكمشة كان الصباح كيطلع..عاد حسيت بالجوع كرشي بدات كتزغرت..شميسة طلعات والناس ولات غادة جاية نضت دخلت لسبيطار عند حبيبي لقيتو كيحل فعينيه شافني وناض عندي مخلوع من حالتي
هو:مالك اش هاد لحالة شكون داار فيك هادشي دوي شكون قرب لييك شكوووون هاد زااامل لي حط يدووو علييييك
انا:ششششت صافي مماليش والو غير نعست قدام سبيطار وصاف
هو:وعلاش مامشيتيش لدار

انا:واصافي راه ضرني جوع نوض نخلصو ونخرجو
جرني من يدي وخرجنا ضربناها بجرية وهو جارني معرفا تاعلاش وقفت كنلهت وسولتو:مالك علاش كنجريو علاش مخلصناش
هو:وراك جاوبتي راسك حيت مخلصناش دكشي لاش هربنا حتا هداك سبيطار يتخلص علا زين ديك الليلة زيدي زيدي
مشينا لدار طلعنا كان لباب محلول وحس بنادم مكاينش هو مادا ما جاب غسلت حالتي ونا كنفكر فشنو كان ايطرا ليا لبارح..خرجنا نتغداو برا..مشينا لمرسى عرگناها حوت وضحك..شبعنا خلصنا ودزنا كنضورو
انا:حبي
هو:نعام ابنت قلبي نعام
انا: بيتي مني بنيتة ولا وليد
هو: ههه بنت وبغيتها تطلع كتشبه ليك
انا:والاءح انا بيت ولد باش يطلع راجل بحالك ملي متكونش نتا هو يكون معايا
هو:ونا ديما معاك اعمري
انا:ليخليك ليا وخلاص شوف ديك..
1
بقيت داوية بوحدي مكيجاوبني حد ضرت كنشوف فجنابي ملقيتوش كنقلب هنا وهنا مكاينش دموع تحجرو ليا فعيني كنعيط بسميتو والو وبنادم حاضيني حتا قفزت ملي تحطات واحد ليد على عنقي يلاه بغيت نغوت مي عرفتو من ريحتو ضرت عندو كاعية والدموع معمرين وجهي يلاه بغيت نعاير شفتو هاز مونيكة فيديه
قالي:وينو علا حبيبتي كتبكي صافي صافي هاني معاك ههه شوفي شنو جبت لبنتنا هادي غاتكبر وتبقا تلعب بيها ههه وهير ماتقلقيش ليا غانشري لولدنا كورة يلاه
بقيت كنشوفيه شحال دموعي تبدلو لفرح عنقتو على جهدي بحالا مبقيتش انشوفو مزال احساس كان غريب عليا قلبي كيضرب بزاف عنقتو مطلقتوش وتاهوا ممسوقش للناس..بعدت عليه هو باسلي جبهتي شد ليا يدي وزدنا كنضورو تاتعاشات لعشية رجعنا لبلاصة لي حاطين فيها لموطور ركبنا ورجعنا لدار غير وصلنا قدام لباب صونا ليه تيليفون
هو:حبيبتي طلعي هاني غانشوف مراد اش بغاني ونجي سدي عليك مزيان اشمس ضلامي صافي..❤
1

وقفت كنترعد فمي تسد ملقيت منقول ولا مندير حتا لقيتو مشا وخلاني واقفة مسمرة طلعت كنحس بمعدتي مقلوبة قلبي كيشطح كنمشي ونجي معارفا ماندير..
دازت مدة ونا هكاك سمعت لحس فالدروج شوية كنشوف لباب تفرع عليا بلاا سابق انذار جا قاصدني سرفقني..كانت صدمتي قوية اول مرة يهز يدو عليا اول مرة ولكن مكااانتش اخر مرة..سبني عايرني ماخلا لي ماقاليا ومخلانيش تانشرح ليه..عرفت بلي مراد لي عمر ليه راسو مزيااان ولكن كيفاش ياك هو ديما كيسمع مني انا قبل كوولشي…
بعدما شبع فيا عصا وهضرة خرج وخلاني بت كنتوجع وكنبكي اولا علا راسي لي ضلمني وتانيا عليه هو لي معارفاهش فينو خايفة ترا ليه شي حاجة وخاصة هو معصب وسايگ بليل عاد..
صبح الصباح عاد داني النعاس لكن مع غمضت عيني حسيت بشي حد كيفيق فيا قفزت شديت ليه يديه كنبوس فيها وكنطلبو يخليني نشرح ليه..جرني لصدرو وطلب السماحة وخا حسيت بيه محاملش راسو وقالها غابزز..
عاودت ليه كلشي عاد بانليا تيقني ناض جاعر بغا يخرج كت عارفاه باغي يمشي لمراد ولكن مخليتوش..شديتو كالميتو درت ليه قهوة شربها حتا تكالما مزيان مشيت تخشيت فيه لكن بعد مني وناض خرج لسطح..قلت ماشي مشكل غايكون غامزال مقلق مني ومعصب من جهة صاحبو..
شوية كنسمع تيليفونو كيصوني كان مراد هزيت تيليفون بغيت نديه ليه ولكن خفت ترا شي حاجة ونصدقو فلمشاكل جاوبت انا قبل منهضر قال هو
مراد:واافيين اساط ياك غاتمشيي معانا ليلة لديك لقسارة متقوليش تاني لواه مرتي ولا شي قلوة كيما تافقنا ياك..الوو الوو
قطعت تيليفون مسمرة اشمن قسارة كيفاش السيد لي كان ايغتاصب حبيبتو غايمشي يقسر معاه وسط البنات وسط الشراب!!! كويتها فقلبي وسكتت قلت مغايمشيش..💔

نضت وجدت لغدا كل شوية تقطر مني دمعة لحتو كيطيب دخلت توضيت صليت خرجت نعيط ليه ملقيتوش طليت عليه كان فزنقة مع واحد الرباعة ت الشماكرية هز راسو شافيا وجا دخل حطيت ليه كلينا وهدشي كامل بالسكات تاحد مكيهضر كمل غسل يدو مشا نعس تانا غسلت لماعن وجبدتها بنعسة مافقت تال ستة دلعشية فقت ملقيتوش هزيت مونيكة بنتي هه كنشوفيها وكنهضر معاها بيناما يجي..
جاني الجوع نضت عمرت اتاي حطيت خبيز و زيت وجلست كنتسناه تا يجي ناكلو بجوج دازت ساعة مجاش سخنت اتاي وكليت غابزز فاتت تسعود فاتت لعشرة وصلات لحضاش لخلعة شداتني خفت عليه وخفت يكون بصح دكشي لي قال مراد يعني مشا يقسر معاه..هزيت تيليفون نعيط لقيت والو صولد هزيت عشرة دراهم ونزلت حاضيا جنابي كانت مزال دنيا عامرة ديك لبلاصة كي نهارها كي ليلها ديما عامرة..
مشيت جبت روشارج ونا راجعة سمعت واحد الرباعة دلبنات داوين عليا ضرت شفت فيهم وكملت طريقي حتا عيطات ليا وحدة منهم جات عندي كاتمختر وتبعوها صحاباتها ضارو بيا
لولة(كتبان زعيمتهم):هاد زين كامل عدنا هنا
تانية:وداتو شمكار ياحسرة هاهاهاهاه
تالتة:راه غير صحيبها وساكنة معاه
لولة:لخوادرية سمعي درية لي دخلات هناا مكاتخرجش صحيحة ولكن تشي كتباني بنت الناس غشيمة ونية لي جا يديرها بيك معرفناش شنو لاحك هنا
تالتة:ولكن ردي بالك
تانية:هاد لبلاصة خايبة بزاف
لولة:ردي بالك من داك زويمل لي جابك هو ولقواد د مراد ردي بالك هه وشدي رجليك فداك لبرتوش راه يحكموك ولاد سيكتور (دارت ليها اشارة بغايدبحوك)
بقيت غير كنشوفيهم كنترعد قلت شكرا وضرت غادة دخلت الدار سديت عليا عيطت ليه مرة وجوج وتلاتة مكيجاوبش.
1

 

• لقراءة باقي فصول الرواية اضغط على (رواية شمس ضلامي)

.بقيت شوية وعاودت صونيت جاوباتني بنت هضرتها تقيلة من صوتها باينة سكرانة..😔💔