رواية شمس ضلامي الفصل التاسع 9 بقلم ليلي

رواية شمس ضلامي الفصل التاسع 9 بقلم ليلي

 

البارت التاسع

 

وليت حتا من ليغيكل لاجاوني كنخرج عندو مهامنيش راسي قد ماهامني هو..قد ما هاماني فرحتو لي كتفرحني انا كتر..
ملي عرفني مكنعسش ولينا كنبقاو حتا ورا لفجر..عمرنا تحركنا لشي بلاصة بنهار لاء كان الليل ليلنا كنخرجو فيه كنضحكو كنلعبو هه كان حمق هه منساش ملي كيهزني ويبقا يضور بيا..
منسااش ملي كنبكي وهو كيمسح لي دموعي..منساش ملي كيشبك يديه مع يدي وملي يشوف فيا شي واحد يجرني ويخشيني فصدرو..وملي نعيا يهزني فضهرو بحال بنتو ههه..منساش شحال خدم ودمر باش ملي نخرجو يشري ليا الصوفة لي كتعجبني..
منساش ملمس يديه وهو كيدوزها علا شعري..
منساش غيرتو عليا..خوفو عليا..حنانتو عليا..هه! وحبو ليا..
هو لي بدورو كان وفي ليا كان مخلص ليا حق الاخلاص عمرو جرحني ولا بكاني كان رمز فرحتي. .
حبي ليه كان كبير بزاف..كان كيتضرب بيه المتل لدرجة عمر شي حد زعم عليا حيت عارفيني ليه بوحدو.. اااخخ الحب اااخخخخ 💔
1
حتا ليلة لي تلاقينا كيف لعادة..ولأول مرة يدوي ليا علا الزواج ههه فرحتي مقدرتش نوصفها مقدرتش..
كيفاش الدري لي كنبغيه مضحكش عليا عمرو قاسني ولا قرب ليا قريب غانتجمع معاه فدار وحدة شي حاجة لي كانت بزاااااف♥
9
فرحت بزاف عنقتو بستو بهدلتو كون لقيت نشرب داك لبحر كامل بالفرحة ههه مكانتش قاداني لا السما لا لارض بالفرحة..وهو كدلك لي زادت فرحتو ملي فرحت..
مشييت وعلمت واليديا..ههه!!
رفضو بحجة قراايتي وخاصة ملي عرفوه ماعندو لا اصل لامفصل بكييت وتدهورات حالتي بزاف
لقراية نسيتها بمرة مبقيتش كنمشي ليها كاع كل ليلة نبكي عند رجلين بابا باش يوافق كل ليلة ولكن كان مقسح قلبو تجاهي اصلا كان اكبر همو هو نشرفو قدام الناس بقرايتي مهاموش مشاعري وانني انسان تانا بمشاعر واحاسيس..❤
1

مهموش نموت انا كاع المهم عندو فقط هو انني منجيبش ليه لعار..سد عليا فبيتي باش منعاودش نخرج ونجيب ليه شي كرش هه كيف كان كيقول هو..
ماما لي كانت عارفة قيمة الحب حيت هي كدلك فرقوها علا حبيبها وزوجوها غيرو لي هو بابا..دكشي لاش كانت كتحل عليا بليل وكتخليني نمشي عندو
2
بقينا هكاك شحال حتا لنهار لي تلاقينا كيلعادة باش يصدمني بقرارو لي هو نهربو بجوج ونتزوجو..
مكانش عدي شي حل اخر او نقولو مكانت كتباليا تا حاجة من غيرو الحب عماني مفكرت فوالو من غير نكون معاه مكنتش كنشوف حياتي بلا بيه..رجعت لدار لقيت ماما كيلعادة كتسناني شفتها مقدرتش نحبس راسي تلاحيت عليها عنقتها والدموع هوادة من عيني..قلت ليها شنو قاليا حيت من لول مخبيت عليها والو..
ولكن رفضات مقدراتش تفرقني حاولات تخفف عليا وقالت ليا غانشوفو شي حل ودكشي لي كان..
طلعت لبيتي وهي كدلك..حتا كنسمع لغوات ديالها هي وبابا..عرفت انها هضرات معاه وموافقش..ضارت بيا الدنيا مقدرتش نتحمل حيت عارفاهم دبا غايسدو عليا بمرة..
عيطت عليه وقالي بلي غايجي يتسناني ورا الدار ودكشي لي كان.. هزيت تيليفوني وشي دهبب كانت شراتولي ماما وشي فلوس قليلة لحتهم فواحد ساكاضو خليت لماما رسالة طلبت منهم فيها السماحة لبست حوايجي لي ماهزيت منهم تا شرويطة ولحت فضهري الصاك لي فيه باش غانعيشو مؤقتا..
خرجت لقيتو كيتسناني بموطور ديالو متكي عليه تلاحيت عنقتو وهو كدلك كانت تعنيقة كافية تحيد منها كاع الستريس والطاقة السلبية..
ركب وركبت وراه وانطلقنا نحو المجهول وهنا بدات قصتي الحقيقية❤

دازت تلت سوايع وكتر وحنا غادين كت معنقاه وكنحاول نسي راسي بلي خليت ميمتي..وفينما نستوعب انني مع حبيبي (هه!!) كنفرح ونسا همي…
الصباح بدا كيطلع وبديت كنحس بلموطور كيمشي ويجي..خفت بزاف زيرت عليه ونا معنقاه حاطة راسي على ضهرو وقلبي كيخبط مبقاتش لهضرة كتطلع ليا من غير انني كنطلبو يوقف..ودكشي لي كان وقف والسبب كان هو انه عيا بزاف..جلسنا شحال ساكتين كيشوفيا ونشوفيه كل واحد فبالو افكار كتيييرة..
فلخر وكيلعادة ترميت فحضنو باش نسا همي ونلقا راحتي..بقينا هكاك شحال من بعد نضنا وكملنا الطريق وهو كيتحلف فيا باش يعلمني نسوك لبحال هاد المواقف..
بقينا غادين فجو ت الضحك ناسيين الدنيا هه مواعيينش بشنو مخبيا لينا الدنيا..
واخيرا وصلنا هبطت من لموطور كنقز حيت صافي طبت بيه..مكان همي والو لافين انباتو لافين انمشيو..كنت فرحانة بزاف حيت انا معاه..
فحين هو كان مهموم ضار كيشوفيا وهو حاط يدو علا خصرو
وقال(تبتي لارض شوية خلي عندك السوفل باش نقلبو فين انتكوفرو هاد الليلة ونتي غاكتفرنسي بحالا مخاصنا تا خير)
هه فالصراحة ضحكاتني هضرتو شفت فيه وقلت(ههه راه بصح مخاصني تاخير ونا مع المشرمل ديالي معندي مناش نخاف)
كنت عرفا هضرتي اتفرحو وتخفف عليه ودكشي لي كان تنهد تنهيدة حارة عرفتو هاز ليا لهم..مهزش عينو من لارض وقال(ياما بت فزناقي فرشت لكراطن وتغطيت بلبرد ياما عشت كتر ولكن دبا راك معايا اشمس ضلامي معرفتش ولله معرفتش) 🍷

 

• لقراءة باقي فصول الرواية اضغط على (رواية شمس ضلامي)