رواية شمس ضلامي الفصل التاسع عشر 19 بقلم ليلي

رواية شمس ضلامي الفصل التاسع عشر 19 بقلم ليلي

 

البارت التاسع عشر

 

طاحت الضلمة وتحل لباب كانت فاطمة هازة بلاطو فيه لعشا والدوا حطاتو وجلسات نضت بشوية دقت وشربت الدوا مكانش عندي لخاطر لشي ماكلة
فاطمة:هاني اندي هادشي ونجي نتجمع معاك شوية باش نمشي صافي؟
مجاوبتهاش خرجات وخلات لباب محلول حنيت راسي معنقة بنتي وعاودت هزيتو لقيتو متكي على لباب مربع يديه كيضحك باستهزاء وسخرية
هو:وافين صفا..هههه ياك حبيبك انا ماشي شي واحد غريب علاش مكتجاوبينيش تا انا ها؟…عههههه ولا مزال قضية الاغتصاب ديال قبيلة فراسك…هههههه نساي نساي احبيبة ايوا قولي لياا ااششممسس ضلاااميي علاش ماتعشيتييش هههه باش اترضعي ليا لمونيكة اه اوبس بنتناا..
بقيت فيكس كنشوفيه النفس تقطعات فيا مبقيتش قادة على هاد الهلوسة بزاف عليا مقداش مقداش علاش نتجازا هكا علاش هو اكتر واحد يقدر يقتلني بمجرد نضرة فيه علاش هو بالضبط..بديت كنحس بقلبي كيخبط..زيرت علا بنتي والدموع كايسيحو..خفت ااه خفت..خفت بزاف من دكرياتي خفت من الماضي نعاود نعيشو خفت من راسي..وكيندير حتا منخافش منو وهو لي وصلني لهادشي كامل مبقيتش قادة على شي أدى أو الم اخر صافي..صعيب نوصف ليكم شعوري صعيب بزاف..خدلان..خيبة امل.. خوف.. حنين..شوق.. انهيار..انكسار.. وجع.. موت بطيء..فقدان.. نار حامية..وما اكتر..كلشي تجمع عليا كلشي خدلان تخدلت بزااف..خيبة امل ههه فيه وفراسي وفهاد الدنيا..خوف خوف من الماضي ومن كلشي حتا من راسي..حنين وشوق مشتاقة لراسي توحشت بزاف دليام اه مانكرش توحشت يامي الزينة معاه لي تمنيتها متساليييش..انهيار اناا نهاريت شحال هدا..

انكسار قلبي تهرس حتا ولا رمل يديه لبرد ويحيبو..وجع هو احساس كنحس بيه فوسط قلبي كنحس بقلبي مزير لاقصى درجة بحال شي يد مزيرا عليه وباغا تخرجو من بلاصتو..موت بطيء ههه راني كنموووت..وووووو..الخ بزاف بزاف وهدشي كامل مجموع فلحضة وحدة فآن واحد..وزيادة على هدشي كامل لي فقلبي كاين الضوبل ديالو فعقلي حيت كاع داكشي كيهيئو لي عقلي فلواقع وكنشوفو بعيني..
ااااخخخ الياااام هاااااخخ فين هي يام كنت كنبكي وكنتشرط فين نقرا لمفرب لاكندا..ودبا!!
بقيت مسمرة كنشوفيه لكن سرعان مادخلات فاطمة حتا ولا هو دخان وتلاشا فالهوا..
فاطمة:ديما كانجي كنلقاك هكا! بديتي فلهلوسات ياك هووووف نتي ماشي مسطية ياربي نتي بعقلك..متخافيش غانعالجو كلشي كلشي نشاءلله..
بقات كتهضر بوحدها شي ساعة

فاطمة:غانمشي دبا نوضي من لارض نعسي بلاصتك يلاه يلاه
نوضاتني تكيت وغطاتني وخرجات غمضت عيني ولكن نعاسي طاير بقيت غارقة وسط افكار كتيرة ودكريات اكتر..حتا سمعت الفجر كايأدن حسيت باحساس فشكل بقيت كانردد معاه حتا نعست لكن ياريت مانعست عشت مع كوابيس بنهار وبليل..

صبح صباح جديد فقت عرقانة بسباب الكوابيس لي مافارقاتنيش توحشت يامات كت مريضة بالارق مكرهتهاش ترجع عل اقل مانشوفوش حتا فمنامي
وهكا دازو يام ويام كتيييييرة بالضبط خمس شهور فسبيطار لحماق لالا مبريتش هه عاد زدت تكفست اكتر و اكتر الصداع ديال المرضى طيف الماضي لي ديما تابعني نضرات الموضفين لي كلها شهوة مبقيتش قادة نصبر مبقيتش بزاف عليا بزاااف..
اليوم يوم خاص قبل 15 يوم من هاد النهار طلبت من فاطمة تجيب ليا مدكرة لي شاداها دبا بين
يدي..

خههه فخباركم معصب بزااااف معرفتش علاش واش حيت مابغانيش نمشي بغاني نبقا باش يزيد يعدبني كتر ولا يكون ندم عليا ولا شنو؟ ههه اه يقدر معصب حيت شوهتو وفضحت فعايلو هو ومعشر الدكورا لي بحالو
وفجنبو كانت ماما..بابا..مرتو هازة ولدهم بين يديها..امال.. فتيحة..امينة..مول البيت لي سكنا فيه..مراد..الدري ليكان معاه نهار غتاصبني..القحبات لي كانو معاه ديك ليلة..با براهيم..الدراري الصغار لي كانو كيعايروني فلبحر والبنت ودوك 2 دراري لي بغاو يعاونوني فديك ليلة..مدير السبيطار..الممرضة ديال سبيطار لول لي كانت تكرفسات عليا..مول طموبيل لي ضربني..دكورا لي غتاصبوني..الطبيبة لي دارتني طريق باش تحصل مدير السبيطار…وكاع الناس
(من غير فاطمة) لي شفت فهاد لمدة كلهم لابسين لباس واحد لي هو لبيض بحالي لكن كانو مروشين بالدم هداك دمي اه هداك دمي لي سيلوه..تصرفاتهم غريبة كيضحكو بالجهد وهوما مربعين يديهم والدموع كيسيلو من عينيهم بلون اسود لطالما كان كيرعبني هاد المشهد لا ماشي من شكلهم لكن من الدكريات لي كانو كيفكروني فيها كلهم اداوني من غير فاطمة لي طول هاد 5 شهر دارت كل ما فجهدها باش تحيي الميت باش ترجع الروح فوحدة لي تدفنات
عمري نسالها خيرها الا قريتي مذكرتي كنقوليك اللع يكثر خيرك انا راه ممسطيااش انا بعقلي ولاكن شي حاجة فوق طاقتي …فاطمة غاتبقا ديما فوسط قلبي لقيت فيها الخير لي ملقيتو فحد وكيف كتقول عتابراتني ختها الصغيرة بغيت نقوليها سمحيلي سمحيلي غاتفقدي دبا ختك التانية سمحيلي بزاف..)
11
اااااخخخ احب قلبي ااااخخخخ شوف فين وصلتينا شوووف كنت غانكون دبا معاك بلاصة مرتك وكنلعبو مع بنتنا بلمونيكة لي شريتي ليها وغانكون حملت ياد بخوها وغاتمشي تشري ليه كورة كيف واعدتيني كنتي غاتكون خدمتي علا ولادنا وغانكونو شرينا دارنا ومشينا تصالحنا مع بابا

بغيت نقولك قدام كاع هاد الناس لي معانا فلبيت بغيت نقولك قدام هاد الشخص لي شاد كتاب قصتنا عمرييي نساااامحك عمريييي نسسسسمممح لييك ولو على زغبة من راسي نتفتيها ليا ولو نساامحك انا ربي عمرووو يسمح ليييك ربي لي خصرتي ليا علاقتي معاه لي قطعتي يدي من يدو بغيتك وعشقتك..
ااه كنت كنسمع بلي الحب كيساوي التسامح ولكن ماخليتيش ليا نتا فين نشوف الحب..
فخبارك رغم كلشي معرفتش علاش محقدتش عليك ولله حيت كون كت حاقدة عليك كت غانساك وكت انقسح قلبي ومغانكونش جالسة هنا وقدامي حبل مشنقتي..
بغيت نقولك تاني بلي.. بغيتك اه بغيتك كتر من لقياس لدرجة تعمييت تعمييت ولله هادشي لي خلاك تلعب بيا ولكن عاارفااا ربي مغاينساانييش عارفا ربيي غايخرج فيك او فمرتك او ولدك كلشي دمعة بدمعة كون اكيييد فحياتي وحتا مماتي
1
اناا مامسااامحااكش مامسامحاكش بمرة اه شمس ضلامك مامسامحاكش شمس ضلامك غاتغيييب اليوم غاتخليك بوحدك فضلااامك
هه اه غاتخليك فضلامك لي كنتي فيه قبل ماتبان هي غاتمشييي بمرة غاتمحا من هاد الدنيا
مي كون اكييييد عمرها تنسا ليك كون اكيد طيفها غايولي تابعك ديما كون اكيد غانحضر كوابيسك كون اكيد روحي مغاتخليكش عايش هاني كون اكيييد موتي غايكون بسبابك عمرك اتهنا عمررك..
شمس ضلامك غاااابت غاااابت ومابقا غير ضلام فضلااام
فالصراحة مكرهتش نزيد معاك شوية د التواني مسخيتش ولكن خاصني نمشي وقتي هدا وقتي وصل تاريخ حبنا تاريخ عشقنا لي لدابا مزال عاقلا على كل حاجة وتاريخها بتوانيها ودقايقها غايسجل حتا هاد التاريخ..تاريخ فراقنا تاريخ موتي (كيما كنا كنقولو مغاتفرقنا غالموت)
وانتاحراااات شمس ضلامو🥀😭

(هنا بلسان الفرملية وعند قبرها واقفة )
هو:
نووضيي راه نهار مشيتي وحياتي ضلاام نووووضي سمحيلييا نوووضي خلينا نرجعووو كيكنا نووضي نصلحوو كلشييي نوووضي نولدو وليدات ونربيوهم ياك كنتي باغا بنيتة نوضييي..كانبغيييييييييييك كانبغيييييييك..من نهاار مشيتي وحياتي ضلااام فضلاااام نوضيييي عنقيني وخشينيي فحضنك لي مكانرتااح غير فييه..كنت حماااار كنت حماااار تعماو لي عيني وتبعت شهواتي عاارف رااسيي درت شي حوايج مكايتغرفوووش عاارف ولكن غير رجعيييي لياا غييير رجعييي ليا نعدبت وتجازيت بمااا فيييه لكفاااية وكان اصعب عداب هو فراااقك بالموووت.. اااااااخ اشمس ضلاامي ااااخ انور ليلي مشييتيييي وخليتيني

منيتو هدا؟ لا واش منيتو؟ كيفاش مشات وخلاتو ااشمن مشاات وخلاتو..عرفتو بلي هو هو سبااااب موت ختي من ورا ماسطاها لله ياخد فيه لحق
خرجت بخطى تقال جهتو:كيفاش مشات وخلاتك كيفاش نتا لي مشيتي نتا
هز راسو مصدوم فيا
هو :كفاش شكون نتي
كان وجهو حالتو تشفي لعدو عينيه زرکين مضروب فوجهو دمايات كايسيلو وتراب لاسق على الدم..
جلست حدا راس قبرها محاملاهش نشوفيه مكرهتش نوض ندفنو حداها:انا هي لي حضرات لعدابها..انا هي لي حضرات لكوابيسها لي كانو كيجيوها ليل ونهار..انا هي لي درتها بنتي وختي ونتاحرات بسباب واحد بغاتوو..انا هي لي حضرات لديك شميسة حتا غابت لديك الشميعة حتا دابت وطفات..انا طبيبتها فسبيطااار لحماق لي وصلتيييه ليها وفوق هادشي نتاحرات بسبابك
هو:نتاحرااات!!!!لالالا ماشي انا انا كنبغيها انا لعبو لي بعقلي انا كنبغيها هي شمس ضلامي ونا ضلامها هي مشات وخلاتني مشات لا ميمكنش انا زامل انا بغل لا ميمكنش نتاحرات!
1

عصبني قاطعتو:ااااشمن مشات وخلاااتك ااشمن نتا ملي دوزتي عليها لمرار غتاصبتيها دللتيها خليتيها لصحابك قتلتييي وللللدك خنتيها سكرتي عليها لحتيها فالزنقة تزوجتيي عليهاا ومشيتييي وخليتيهااا ودبا جاي كاتلووومها ها؟
حنا راسو:هي مشات مشات بمرة ماشي بحال
وقفت معصبة:ربيي جازاااااك ومزال ومزال غاتشووف فحياتك كتر ربي مغاينساااش ربي مغايخليش روح المرحومة معدبة غاتزييييد تعدب.. مزال قداامك بزااااف بزاااف هادي غير البدااية ربي كبييير ونا تايقة فيه غايجازيي كل واحد.. بنت فعز شبابها مسطية على حبل مشنقتها بسبااب حب واحد بحاالك ضلم ضضثشكبييير ضلماتها دنيا بزااف بزااف ولله
شافيا
هو: باش عرفتي
ضحكني برب:مااشي مهم ولكن لي دازت منو متمناهش لعدوك
صدمني ملي طاح علا رجلي كايبكي:رديها ليا اختي رديها لياا عمريييي نفررط فيهاا عمرييي هي حياتيي عمري نخليها غير رديها ليا كنطلبك كنطلبك جيبوهاا لياا مانعييشش وراها غانتبعها جيبوها ليا ردييها ليا عفااك رديها ليا..
3
بقيت واقفة مسمرة بلله ماعرفت مندير ماعرفت مانسبق ولا مانوخر لهاد درجة ندم كنشوفيه كيبوس فرجلي وكيطلبني نردها ليه استغفر الله معرفت منقول ولله..حيدت رجلي وتحنيت عندو رغم انني كرهتو وحقدت عليه وكون لقيت نخنقو بيدي
انا:هي مشات ونتا سبابها اخر مقالتو هو انها مامسامحاكش وهكدا عمرك اتهنا عمرك والاعمار بيد لله منقدروش نردو لي مشا وهي ولو كانت مزال حية مكانتش اترجع لك حيت ملي حنات راسها ورجعات لقاتك مزوج مزوج فهمتي
نضت غادة ولكن تفكرت شي حاجة ديالو عندي..ضرت عندو حليت الصاك وجبدت منو مونيكتها والمدكرة حطيتهم ليه فحجرو

-غانرحمك واخا متستاهلش هادو شي حوايج منها كانو اغلى ماعندها وحدة كانت البنت لي قتلتي ولخرا كانت حياتها بمرها وحلاوتها..شد هاد لمدكرة كنفضل تعطيها لبنتك منها تعرف تاريخ باها لي فالاصل ماشي باها ومنها تعلم بزاف وبزاف وما هاد لمونيكة…فيها ريحتها بالنسبة لمدكرة فيها كلشي كلشي
هز راسو بعينيه دامعين وقالي وهو مقهوور:كانبغييها اختي كانبغيها

-كانت كاتبغيك كانت وعمرها حقدات عليك للاسف..فاات لفوت
ضرت غادة بحالي كلي كنترعد معصبة والدموع تاينزلو لي من عيني هادشي مكافيش مزال ومزال لعداب قدامو..ضرت ورايا كان كايزحف لجهة لخرا من القبر قاد بلاصتو ونعس..ماوليتش دزت عند ختي حطيت ديك لقرعة فوق واحد من القبور وخرجت وهادشي كامل كايضور فبالي
وصلت لدار..دااازت ليام داز شهر ونص بالحساب سمعت الدقان فلباب ملي حليت مكان حد كانت غير مونيكة المرحومة وفوقها مدكرتها..جاتني عجب هزيتهم دخلتهم وجلست قلبت لمونيكة وحطيتها هزيت لمدكرة طاحت منها ورقة حليتها وبديت كنقرا
########
بغيتها ولله عشقتها..ولكن لعبو بيا لعبووو بيا تبعت الزهو والخسران وخرجت طريق وخرجت عليها حتا سطيتها لا وماتت منتاحرة بسبابي هادشي كامل مقدرتش نعيش من وراه عداب الضمير والشوق ليها والكره لي كانكن لراسي وبزاف دلحوايج قهروني بصح ربي مانسانيش عدبني بما فيه الكفاية القحبة لي عايرت حبيبتي بيها طلعات كاتسحر ليا طامعة فيا ضحكات عليا مع صحابي ولدات بنت من الزنقة ولبقاتها ليا ردات داري دار الدعارة خدمات معاها بنتها لي عاد عندها شي شهور مسكينة..

• لقراءة باقي فصول الرواية اضغط على (رواية شمس ضلامي)