رواية شمس ضلامي الفصل الاول 1 بقلم ليلي

رواية شمس ضلامي الفصل الاول 1 بقلم ليلي

البارت الاول

اليوم غانعاودليكم قصة ماشي قصتي..هي قصة احدى المريضات لي عدنا هنا فسبيطار لي انا خدامة فيه..
اه سبيطار دلحماق..
كنت انا لي مكلفة ندي ليها لماكلة والدوا ديالها..فالصراحة كانت بنت زوينة بزاف واخا دابلة كليا ولكن حروف الزين ماخطاوهاش عويناتها زرق وشعرها كحل طويل لي من نهار جات وهي طالقاه كانت لي قرب ليها باش يجمعو لها كتنفر منو بعدما تقوليه
(لا غايتقلق مني هو كيعجبو يشوفني طالقاه*..)
تاحد ماكان عارف شكون كانت كتقصد..مكنتش لا انا لا غيري كنفهموها كانت هادئة بزاف ديما مكمشة فلقنت دالبيت ديالها بكسوة المرضى البيضة وبين يديها منيكتها لي كحلة بلوسخ..وشعرها الطويل طايح عليها ومليوح فلارض..
مكانتش كتهضر مع تاحد عمرنا قدرنا نسمعو صوتها كنت كنمشي وكنجلس معاها كنبقا نهضر بوحدي تاكنعيا ونخرج وعمري لقيت شي تفاعل ولا تجاوب..
5
حتا لداك نهار لي دخلت ليها مكلتها كيف لعادة كانت جالسة فبلاصتها ديال ديما..قنت لبيت..بين يديها مونيكتها كتشوفيها بنضرة جامعة بزاااف..
حزن.. كآبة.. حسرة.. شوق.. حنين…وبزااف د الاحاسيس..
بقيت كنشوفيها مدة حطيت ليها ماكلتها تاكل حيت كانت كتبغي تاكل راسها..ضرت
وقبل منخرج وقفني صوت عدب صوت حنين صوت غالب عليه غنة البكية صوت مبحوح..
+
(دفتر وستيلو)..
ضرت كنشوفيها باستغراب وفرح وقلت ليها: كفاش واش بغيتي دفتر وستيلو؟
حنات راسها ونطقات بصوت ضعيف بزز باش سمعتو:اه..عافاك
بتاسمت فوجها وقلت: واخة اختي أ….؟!
ضارت عطاتني بالضهر وقالت:شمس ضلامي
مفهمتش شنو قصدات بشمس ضلامي..
حنا مكناش عارفين عليها والو لاسميتها لاهويتها لا حتا شكون تكون
…يتبع….

• لقراءة باقي فصول الرواية اضغط على (رواية شمس ضلامي)