رواية شظايا الروح الفصل الأول 1 بقلم فريدة احمد
رواية شظايا الروح الفصل الأول 1 بقلم فريدة احمد
البارت الأول
ياموسي بيه. في بنت بره شكلها مش من البلد، بتقول انها.. انها بنتك ياموسي بيه
موسي ساب الاكل وبص لـ حورية بارتباك وبصله .. بتقول ايه يا بجم انت
: مش انا اللي بقول.. هي يابيه وكمان معاها واحدة ست و
في اللحظة دي دخلت بنت في العشرينات جميلة ولكن شكلها يبان عليه الجراءة. قالت …انا يا بابا.
وقربت ليه واترمت في حضنه
حورية اتجمدت والصدمة عمت الكل. كانو العيلة كلهم متجمعين غير صحاب موسي وزوجاتهم اللي كانو موجودين، الكل بقو في حالة زهول
اما موسي فبعدها عنه بسرعة ومسكها من دراعها وقال بغضب.. انتي مين يابت .. جبتي الكلام ده منين
بس اللي رد هنا مكانتش البنت
صوت جي من علي باب الفيلا…للاسف بوسي تبقي بنتك ياموسي
بص لمصدر الصوت واحدة ست في الاربيعينات قربت بخطوات واثقة، وقفت قدامه وقالت … صافي.اكيد فاكرني.
..
: كنتي فين يابت
بصتله بغضب لكن ردت ببرود… وانت مالك
قال بهدوء مصطنع… طيب انا مش عاوز اتغابي عليكي..
وبنبرة مميته… راجعة نص الليل في وقت زي ده. منيين؟
خافت ف،بلعت ريقها وقالت… راجعة من السنتر. ووبعدين نص الليل ايه احنا الساعة 11
قال.. وهو في دروس دلوقتي ياروح امك
لسانه سليط دايما معاها ف اتعصبت وقالت… طيب مبدئيا كده. انت ملكش حكم عليا. راجعة بدري راجعة متأخر. راجعه من درس، راجعه من كبارية.. ميخصكش.
مسك دراعها وبشر.. اتعدلي ياروح امك بدل ما اعدلك انا بطريقتي وهتزعلي
سحبت دراعها منه بعنف وزقته بغضب وقالت بقوة.. لا بقولك ايه اتعدل انت معايا وفوق لنفسك وقبل ما تفكر تتعامل معايا بطريقتك الهمجية دي افتكر انا مين. انا تمارا بنت موسي الصواف مش انا اللي تتعامل معايا بالطريقة دي،يعني تحترم نفسك معايا،فاهم.. وديني ياجواد لو ما احترمت نفسك معايا لـ اكون قايلة لـ بابا يشوف شغله معاك
فضل يسمعها وبعدين قال ببرود وسخرية… طب وانتي بتقولي لـ ابوكي ابقي سلميلي عليه
بصتله للحظات وهي شايفاه متهزش ، برغم انها مدللة ابوها الا إنها عارفة ان جواد بردو له مكانه كبيرة عند موسي
فبصتله بضيق ودخلت وهو دخل هو كمان وراها
دخلو الاتنين ليتفاجؤ بالمشهد قدامهم
بصت تمارا للست والبنت باستغراب وقربت من حورية وقالت.. مين دول يامامي
بس حورية مكانتش حتي سامعة، فقط كانت بس بتبص لـ موسي وتدور في وشه علي نفي.. علي تكذيب.. علي اي حاجة ، فقالت بنبرة مرتعشة
: انتطق ياموسي. البنت دي تبقي بنتك
بس موسي.. ساكت مش قادر ينطق
وصافي قالت… معذور ماهو انت كنت فاكر ان الحكاية بتنتهي بمجرد ما بتقطع ورقة الجواز في كل مرة اتجوزت فيها. كنت فاكر لما تطلق تخلص.. لأ..القدر كان شايلك مفاجأة.. انا حملت.. وخلفت، واظن انت كنت عارف اني حامل لاني جيتلك وعرفتك وقتها ولا نسيت
هنا حورية كانت هتقع لولا زهرة مسكتها، بصتله بترجي يكدب الست دي فقالت… رد ياموسي.. الكلام اللي بتقوله الست دي حقيقي
بعدها صرخت فيه وقالت… ردد عليااااا. انت عندك بنت ومخبي علياا رددد
زين قرب منها وقال… اهدي يا ماما
وبص ل ابوه وقال… الكلام ده حقيقي يا بابا
وكلهم بيبصوله ينفي الكلام اللي بيتقال
ولكن قبل ما موسي يرد
دخلت الشغالة من بره وهي بتقول بلهفة..الحق ياحمزة بيه.الحقي يازهرة هانم..زهرة هانم الصغيرة واقعة علي الارض في اوضتها مغمي عليها ومش بتفوق ابدا
كلهم اتخضو وجريو يشوفو زهرة في فيلا حمزة واللي بتكون في نفس المكان جمب فيلا موسي وحورية
دخلو الاوضة كانت بنت في العشرينات واقعة علي الارض فاقدة الوعي وشها شاحب
زهرة مالت عليها بدموع وهي بتقول.. زهرة فوقي ياحبيبتي. ايه اللي حصلك
وبقو يفوقو فيها بس للاسف مكانتش بتفوق
زين ابن موسي علطول مال شالها ونزل وكلهم نزلو وراه
وطلعو بيها علي المستشفي كلهم بما فيهم صافي وبنتها
وهناك بعد ماكشف عليها الدكتور بمجرد ما خرج.. سالوه بلهفة.. مالها يا دكتور
ليرد الدكتور ويقول… اطمنو هي كويسة..دي حالة إغماء طبيعية بتحصل اول الحمل
صدمة.صدمة لجمتهم كلهم ، حمزة بص للدكتور وقال… حامل ازاي لمؤاخذة. انت متاكد يادكتور انها حامل
رد الدكتور بتأكيد وقال… طبعا ده وضح قدامي في الكشف
وقدملهم الروشته اللي كانت في ايده وهو بيقول .. دي ادوية فيتامينات لازم تاخدها عشانها وعشان الجنين
بس كلهم كانت الصدمة لسه ملجماهم، هنا اللي كانت فاقت من صدمتها ليلي عمتها اللي اخدت منه الروشته والدكتور مشي
….
: حامل من مين
قالها ابوها بهدوء خطر وهي قاعدة في سرير المستشفي بعد ما دخلولها كلهم
لترد بهدوء وتقول… من زين
كلهم اتصدمو وبصو ل زين اللي اتجمد والغضب في عنيه
…..
يتبع….
- لقراءة باقي فصول الرواية أضغط على (رواية شظايا الروح)
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)