رواية شاهين وجيسيكا – أنا السيء الفصل الثالث والعشرون 23 بقلم سوما العربي

البارت الثالث والعشرون

كام يوم بس ونبقى زيهم راس براس وبدأت اتعامل على الاساس ده… بس عارفة ايه اللي حصل… ابوكى سرق الفلوس وراح اتجوز… ايوه سرق فلوس المحل وعملية عمتى وكله كله… قال ان فى واحدة بنت ليل لافت عليه ودبسته هى وشويه بلطجية شغالين معاها في جوازه وهى الى حرضته على السرقه… ساعتها ماكنش همنا كلامه كنا مهمومين فى دنيا تانيه. عمتى الى خلاص بټموت لازم تعمل العمليه… والمحل الى فى كذا واحد تاني عايزين يشتروه… بس بعدها سبنا موضوع المحل وبقى كل همنا نجمع فلوس العمليه لان عمتى كانت خلاص قدامها ايام زى ما الدكاتره قالوا.
أظلمت عيناه هو يكمل بۏجع وشرود أسبوع… اسبوع ياجيسيكا هو السبب فى شخصية شاهين الى معاكى دلوقتي.. كنا بنجرى هنا وهناك نشتغل اى شغلانه نلم بيها اى فلوس نجمع بيها فلوس العملية.. عارفة ايه اللي حصل… صحاب المحلات الكبار جابونا نشتغل شايلين ومرمطون عندهم انا وجدى… كانوا بيحطوا علينا… اهانه وذل.. جدى كان بيتزق قدامى وانا اتسحل فى الشيل والحط تحت المطر.
اغمض عيناه يحاول الا يتذكر وهو يقوللدرجه اننا اشتغلنا فى البيوت يعنى زى البوابين كده اجيب طلبات امسح سلالم… اتبهدلنا واتذلينا واتضربنا كمان وعارفه في الاخر بعد كل ده… مالحقناش عمتى…
كنا راجعين والفلوس في ايدينا تحت المطر مبلوله بنجرى بيها … دخلنا المستشفى لاقيناها ماټت.. ماټت وهى لسه عيله ماكملتش 20 سنه.
رغما عنه سقطت الدموع من عينيه وهى معه يكمل الى حصل ده كان حاجز كبير بينا وبين امك الى حتى ماحاولناش نعرف عنها حاجة من كتر
الكره والقهره الى فى قلوبنا.
بعد أن انتهى من حديثه رفعت عيونها لعيونه وجدت الدمع يملاؤها.. مسحت عيونه

ووجنتيه بعيونها بقوه وقالتشاهين بيه الحوفى مابيعيطش… هو اقوى من كل حاجه زى ما كان اقوى من الظروف الى عاش فيها واتغلب عليها… ممنوع حد غيرى يشوف الدموع دى تانى فاهم. حتى ممنوع تبقى ضعيف… الضعف مش ليك يا شاهين.
كان يستمع لها مبهور بها يبتسم بحب وفور ان انتهت من كلماتها ضمھا له بقوه يقولاوعى تكونى فاكره انى اتجوزتك عشان شبه عمتى يمنى… لا… ولا عشان حاسس بالذنب ناحيتك وأنى ظلمتك طول عمرك وانتى مالكيش ذنب لأ… كان ممكن اعوضك واديكى نصيبك وتتجوزى جوازه مرتاحه وكده هبات مرتاح البال… ولعلمك انا حاولت اعمل كده… بس ماقدرتش… الى بينك وبينك مش حب أبدا ولا حتى العشق الى بيقولو عليه.. انا نفسي مش عارف ايه اللي بينا بس هو اكبر من كده.. أكبر بكتير اوى وصعب اصلا نعرف نسميه اسم معين وصعب كمان حد يقدر يفهمه.
ابتسمت له بمشاكسه تقول ده ايه العمق ده يا شاهينوو.
ابتسم يغمز لها بعينيه يقول عشان تعرفى بس… ولا يعنى لازم اكون في كليه عشان اعرف احس.
جيسيكا لا هو انت فى زيك.
شاهين لا فى… انتى.
ضمھا اليه يكملانتى حته منى… كأنك متقشره من عليا… نفس كل حاجه.
اعترضت هى بمرح وقالت لالا لا لو سمحت.. ده أنا عسل ودمى خفيف وحبوبه.. مش زيك كشړ وتنك وماحدش طايقك.
رفع حاجبه يضمها له اكثر قائلا هممممم.. مش مهم ماحدش طايقانى… مش هممنى حد فيهم غيرك.. وانتى طايقانى صح
جيسيكا بتلاعب همممم مش اوى يعني بس اهو.. متقبلاك.
شاهين يابت.. طب ده انتى هتموتى عليا والصراحه انا عازرك بردوا.
لكزته بقوه تقولاتلم يا شاهين وقوم نام فى اوضتك يالا قووم.
شاهين مالى في القصر هنا عارفين ده اشهار برضو.
جيسيكا لا مش… قاطعها وهو يقف يستند بركبيته على الفراش يقول بت انتى انا من الصبح بحاول اغلب شيطانى وانام لكن انتى مش ساكته.. عايزانى اصحى… هصحالك والله
سحب تيشرته وسحب نفسه معه من على الفراش يتقدم منها يضمها له ويقبل جبهتها بحب يقولتصبحى على خير.
بعدها غادر الغرفه يشعر أنه اخف من الريشه بعدما افرغ صدره بما كان يثقله لسنوات.. أوضح لما حدث معها ذلك حتى ولو لم يكن مبرر.. ممتن لها جدا انها لم تجادل وتتذمر تشكو ان لا حجه له بما حكى بأن يحدث معها ذلك وهى طفله.
شعر انه اجتاز حاجز صعب بينهم… قربها منه حتى باتت ضلع من ضلوعه.
فى نفس المساء
وقفت غرام فى شرفة غرفتها ببيت والدها لا تعلم ماذا تفعل بعدما اتصل بها مروان يخبرها انه بالاسفل ولن يتزحزح من مكانه الا بعدما يتحدث مع والديها ويطلبها للزواج منهم.
اخذت نفس عالى براحه وهى تنظر مره ثانيه ولم تجد سيارته… حمدت الله فيبدو انه قد غادر.
دقائق ودلفت والدتها بوجه مشرق تتطلب منها ان ترتدى شيئا وتخرج للضيوف.
خرجت وهى ترتدى فستان هادئ من الاوف وايت مع حجاب مناسب تسير بلا اهتمام ولكن صدمت وهى تراه يجلس يحمل طفلها على ساقيه يداعبه باهتمام ويعطيه بعض الحلوى.
تسمرت قدميها بالارض وهر تجد والدها يقولتعالى يا حبيبتي…ده استاذ مروان الحبشى.. بيقول شافك فى فرح سمر وجميله وعايز يتقدملك.. ايه رأيك.
نظرت بغيظ تجاه مروان الذى يلاعب
لها حاجبيه خفية عن والدها الذى قالهروح استعجل القهوه.
تركهم وحدهم دقيقه التفتت فيها له پغضب وقالتمش كنت مشيت… ايه اللي رجعك… وايه شغل العيال ده.
مروان مامشيتش لأ انا بس مالقتش ركنه غير بعيد.. وبعدين شغل عيال ايه ده انا داخل البيت من بابه.
لم تجد فرصة للحديث وهى تجد والدها واخيها انضموا إليهم من جديد وهو يداعب صغيرها الذى اعتاد عليه سريعا.. لا تعلم هل مايحدث حقيقى وهو متقبل وحابب وجود طفلها ام انها مجرد
مجامله وتمثيل كى يصل إليها وبعدها يتحول لزوج الام الشرير فلا احد يتحمل طفل ليس من صلبه كثيرا… سيلاعبه قليلا ومع مرور الأيام سيضيق صدره بالتأكيد وقد رأت حولها الكثير من هذه الحالات.
مرت دقائق وهى تصدم الكل بردها وهى تجيب بقوهبس انا بقا مش موافقة ولا عمرى هوافق.
تقدمت امها تقول ليه بس يا بنتى.
غرام انا مش هتجوز اصلا يا ماما.. انا اخدت حظى من الدنيا خلاص وعايشه لابنى وده آخر كلام عندى… بعد اذنكوا.
ثم غادرت سريعا بعد أن انتشلت ابنها منه بقوه عاقده العزم انها لن تتزوج وتبلى طفلها المسكين بحياة بائسه مع زوج ام لا يتحمله الا يكفيه انه سيكبر وسط اسرة مفككه بسبب والده الانانى الفاسد فتذهب هى الأخرى وتترزوج وتحول حياته للچحيم وربما تحمل بطفل اخر ويستحيل عندها الطلاق مره ثانيه.
واصل دغدغته لحواسها يقول هو مش ده إلى كان نفسنا فيه انا وانتى من زمان ايه الى جد بقا يا حبيبتى… بقولك ايه.. ماتيجي ننسى الى فات ووووو.
لم يكمل حديثه بالكلام إنما اكمله بالفعل وهو لا يمهل لها فرصه

يبتسم بثقه وهو يراها تستجيب معه.
وفى الصباح
استيقظت بكسل تنظر حولها ولم تجده.
وقفت وهى مقرره ان تبدأ بالفعل حياه جديده… تشعر
بأن حديث اسيل كام صڤعة قوية لها… فمنذ الأمس وهى تقارن نفسها .. حياتها.. أفكارها.. تصرفاتها… قوه ايمانها.. باسيل.. رفيقتها وقرينتها فى كل شئ… وكيف انتهى المطاف والنصيب بكل منهم.
هى تزوجت بعد ڤضيحة وفطرت قلب امها بينما اسيل تزوجت معززه مكرمة من زوج تتمناه كل فتاه بل وهو من سعى خلفها أيضا
تنهدت بقوه تحاول ان تصفى زهنها وتصلح ما يمكن إصلاحه.
فلتحاول فتح صفحة جديدة مع احمد وإقامة حياة على الاقل تكون لائقه تصلح للسير بها.
غسلت وجهها وادت فرضها لأول مرة بعد انقطاع طويل.
واتجهت للصاله بحثا عنه وكى تعد طعام الإفطار لكليهما.
بحثت عنه بالصالة لم تجده فاتجهت الى احدى الغرف المغلقه ولكن.
تسمرت قدميها وهى تستمع لقهقهاته العاليه في الهاتف يحدث فتاه ما.
وجدت نفسها تتلقى نفس الصفعه التى وجهتها لأخرى وكأن الزمن انقلب عليها هى… انقلب عليها بعدما تقدمت كى تفتح صفحه جديده مع حقېر يتنقل من واحدة لأخرى ولا يبالى لأحد.
واقفه على الباب تستمع لا تستطيع ماذا ستفعل.. هل تصيح وتهلل وتقلب الدنيا رأس على عقب.. ام تصبر تربيه على مهل.
_____
فى نفس الصباح بقصر امجد ابو حديده استيقظت نيروز من نومها فى الفراش بغرفة نومهم مستغربه جدا.
تتذكر انها جلست فى بهو القصر تنتظر عودته بعدما عزمت على أنها ذلك الخلاف والبدئ في صفحه جديده خصوصا بعد ذلك الحديث المعذب الذى تحدث به.
لم تخبر احد من صديقاتها شئ.. متبعه مبدأ ان لا تخبر المقربين منك كل اسرارك… نيروز لا تخبر احد عنها الا القليل او الذى لن يضر ان عرفوه.. متبعه دائما مبدأ صديق اليوم عدو الغد.. لذا لم تستشر هاجر او حبيبه او اسيل او جيسيكا. احتفظت بخصوصيتها لنفسها.
ولكن كيف اتت الى هنا…. ثوانى وبدات تستوعب… يبدو أن امجد قد حملها وهى غافيه واتى بها لهنا.
لكن اين هو.. هل نام لجوارها ام ماذا… هل ذهب لعمله بعد يومين من زفافهم فقط.
نفضت كل شئ عن رأسها.. يكفيها انه سيعود اليوم بالتأكيد كما فعل ليلا ولن تسمح للخصام ان يعود مجددا.
_____
بقصر الحوفى
كانت جيسيكا تهبط الدرج سريعا لتناول الفطور قبل أن تذهب لجامعتها.
وجدت سمر تتقدم من خلفها وتقف أمامها تعيق تحركها فامتعض وجهها وقالتيا صباح الشكل على الصبح.. والنبى وسعى من خلقتى ماتقفليليش اليوم.
سمرايه.. شوفتى بتضايقك اوى كده.
ابتسمت جيسيكا وقالت تؤ.. خالص…انا اقصد انك معطله طريق نزولى…. لكن انا شوفتك ماتضايقنيش.. انا اتضايق من حد متغاظه منه وانا مش متغاظه منك يا سمر.
نظرت لها سمر التى اتت تكيدها فردت الضربه لها هى بقوه من نظره الثقه والقوة بعيون تلك الصغيرة تخبرها انها لا تراها من الأساس كأنها هواء.
فى حين أكملت جيسيكا ضرباتها المتتالية تقول ولاااا اقولك يا ابله سمر
سمرابله! ابله ايه ياحبيبتى
جيسيكا اصل انا مؤدبه وأحب احترم الى اكبر منى… خصوصا لما يبقى الفرق فوق ال.. ولا 12…12 سنه صح
اما عند شاهين
فكان يقف على الدرج منذ البداية يستمع بترقب وزهول لقصف الجبهة الذى تقوم به زوجته الصغيره… يستمع لكل ردودها وهو يرفع حاجبيه بزهول واعجاب عليها… يعلم كم هى قويه… واكثر ما يهشقه بها انها رغم قوتها محتاجه له.. لامانه وحمايته بحبه لها.
نزل الدرج بعدهم سعيد بحديثها عنه.
جيسيكا ماتحورش يا شاهين.
شاهين مش بحور عليكى.. خالص على فكره…انا بحور عليهم هما.
زوت مابين حاجبيها وقالتيعنى ايه
سرد لها كل ما قاله جده وطلبه منه فقالت هىيا سلام.. باين اوى انه حوار.. انا ذنبى ايه.. هو انا هعيش عمرى كله في عڈاب… مش مكتوبلى ارتاح مثلا زى باقى الناس.
توقف بسيارته فجأة يضمها له قائلا مش هيحصل ابدا… لا انا ولا انتى هنتعذب تانى… هما كل واحد فيهم عاش طفولته ومراهقته وشبابه… إلا أنا وانتى…
وسبحان الله نصيبنا نكون لبعض… فعشان كده الى جاى كله بتاعى انا وانتى وبس.. تولع عيلة الحوفى كلها.. ونعيش انا وانتى وبس… مش مهم اى حد تاني.. بس.. انا اخدت جدى على اد عقله يومين.. هو غلبان بردو وشقى كتير… لكن أسمعى بقا.. انا مش هصبر اكتر من الشهر بتاع الامتحانات.
اكمل بمرح قائلا انتى شايفه اهو.. الكل باصصلك فيا… الحقى يابنت الناس اتجوزينى قبل ما واحدة كده ولا كدة تخطفنى منك.
لكزته فى مرفقه قائلهياسلام.. انت بتستغل الفرص.. بس ماما قالت بعد ما اخلص دراسة.
شاهين يابنتى اشترى منى وسيبك من امك هتخرب عليكى.
جيسيكا شاهين مش بنهزر دلوقتي.
شاهينمش بهزر انا كمان.. احنا هنتجوز بعد امتحاناتك اكتر من كده مش نافع… انتى لسه قدامك ولا ست سنين.. مافيش عقل يقول كده.
همت للحديث فقالفرحنا بعد شهر.. خلصانه… وبصى قدامك وانتى حلوه كده.. 100 مره قولت مانلبسش احمر برا البيت… انا هفضل واقف برا تصورى الورق الى

محتاجاه وتخرجى..
غمز لها مكملاهنتغدى برا.
هللت بيديها فاقترب قائلا احمم.. ماتيجى نخليها عشا… واحجزلك احسن سويت انا حاسس انك مش بتنامى كويس.. شكلك مش جايه على هوا القصر… انا اعرف فندق ممتاز فيه سويت مريح اوى.. اوى اوى بالفتسان الأحمر الى انتى لابساه ده.
رفعت حاجبها قائله بشړشكلك كنت بتريح كتير فى السويت ده يا شاهينووو.
اتسعت عينيه وقالانا ابدا والله مظلوم… ده أنا كنت بحجزه لامجد.. طول عمره قذر اعمل ايه.
جيسيكا وهى تهز رأسها ايوه انا عارفه.. انت مالكش فى حاجة.. بتبيع مسك وطواقى بيضا وفى الاجازات بتعمل عيش ولحمه لمجاذيب السيدة.
قاد سيارته وهو يقول بورع وإيمان بالظبط.. ربنا يجعله فى ميزان حسناتى.
____
اما عند هاجر
فكان سالم يقف يغلى من الڠضب منها وهو يراها تقف مع العامل فى
شقتهم تطلب منه ان يصنع لها مايريده بستائر البيت. تصف الالوان والرسمه.. تتعامل بتلقائيه والرجل مرحب. بذلك.
يريدها أن تخبره هو وهو يخبر الرجل وهكذا.. ان تتصرف على اساس ان لديها رجل… ايام علة هذه الحالة وهى تتعامل مع كل الصنايعيه بلسانها وتلقائيتها المعهودة.. حتى العمال الذين يقومون بطلاء الحوائط.
هى ترى أنها على حق ولا داعى لهذه المتاهه بأن تخبره ثم يخبرهم فيحدث شئ غير المتوقع فيحدثونه ثم يحدثها ثم….. متاهه متاهه كبيره ترى أنها فى غنى عنها فى حين انه يرى ان ماتفعله ينقص من رجولته ويجب ان يكون هو حلقة الوصل بينها وبين اى رجل والا تتعامل زوجته مع الرجال… حاله كحال معظم الشباب وهاجر معارضة.
اما عند وحيد وحبيبه كانت الامور تسير بشكل اهدئ واكثر تفاهما.
وحيد يترك لها حريه اختيار وانتقاء كل شئ.. يسعى لإصلاح ما افسده وهى تحاول أن تنسى فهو الرجل الوحيد الذى احبته.
اما عند نيروز
فقد وقفت امام سفره مليئه باشهى انواع الطعام. ترتدى فستان ذهبى بقصة صدر منخفضه لا يكاد يصل لمنتصف فخذيها وقد صففت شعرها على شكل كيرلى ترتدى حذاء ذات كعب عالى.. تنتظر قدوم امجد من الخارج الذى وما أن دلف وراها نسى كل شئ واتجه إليها يبتسم قائلا ايه الجمال ده يا روزا.
ابتسمت نيروز تهز رأسها باسى عما فعلته تتأكد يوميا ان امجد طيب القلب لدرجه كبيره وينسى الزعل سريعا عكسها تماما فمجرد أن رآها هكذا نسى كل شيء واتجه اليها.
لم تشعر بنفسها الا وهى تحتضه بقوه
تهمس له بأسف انا اسفه… انت طيب اوى.. صحيح غلاط وكلك ذنوب بس طيب اوى يا امجد.
ضمھا امجد له يحمد الله وهو يغمض عينيه مبتسما وأخيرا فهمه شخص آخر غير صديقه الوحيد شاهين.. أخيرا عرف شخص آخر انه على رغم من ذنوبه التى يغرق بها الا انه لديه قلب طيب ومؤمن لكنه غافل…. يحتاج من ينير بصيرته ويشجعه على الطاعه… والاهم ان هذا الشخص ليس شخصا عاديا.. إنما هي اهم من لديه بالحياة… حبيبته التى تعب كثيرا حتى رضت عنه واصبحت له.
تقدم معها وهى تقوده كأنها امه وهو يسير خلفها مقاد بحماس… تجلسه على رأس المائدة تضع له شوربه ساخنة ليبدأ بها وجبته الدسمة التى اعدتها له بحب شديد مصره على ان تطعمه بيدها بكل حنان الدنيا.
خلص البارت
بحبكوا جدا
الفصل الواحد وثلاثين
فى قصر الحوفى بعد مرور أسبوعين
جلست جيسيكا وهى تضع لنفسها الطعام الذى تحرص على ان تصنعه هى.
كذلك تقدمت سمر تجلس أمامها بغيظ وجيسيكا لا تفعل شئ فقط تغرس الخبز بالبيض تتناوله بهدوء خبيث تعلم ان الأخرى تتابعها بغيظ فى حين انتهز الحوفى فرصة عدم نزول شاهين حتى الان كى يخبر جيسيكا بما يريد منك مدة.
الحوفى جيسيكا.. كان فى موضوع لازم تعرفيه.
دارت نظراتها بسرعه بين الحوفى وسمر التى تبتسم باستمتاع وشماته مدركه انهم يستغلوا فرصة عدم وجود شاهين الان وقالتموضوع ايه
الحوفى طبعا انتى عارفه ان من زمااان… سنين والكل عارف ان شاهين لسمر وسمر لشاهين.
كان شاهين يهبط الدرج پغضب شديد وهو يستمع لجده يستغل فرصة غيابه كى ينفرد بصغيرته ويخبرها بما يريد ولكن هدأت خطواته يبتسم پصدمه لها تقولايوه بس دلوقتي شاهين ليا وبس.
توقف عن الهبوط وهو مطمئن عليها وسط ساحة المعركة وفى نفس الوقت يريد ان يستمتع وهو يستمع لباقى ردها وهى لم تخيب توقعاته حين أكملت وقالت دلوقتي شاهين ليا وحقى لوحدي وانا مش هفرط فى ربع الحق ده… انا عايزاه ليا لوحدي.
قالت ما قالت تنظر امامها بثقه تكمل طعامها وهى تنظر بجانب عينها لسمر المتشنجه ملامحها فقال الحوفى هو حقك ماحدش قال حاجة بس ده ظرف وهيعدى ماحدش هياخد منك جوزك وانا جدك وبطلب منك ده.
وضعت الشوكه من يدها تقولهو ماحدش هياخده لانى مش هسيب حد ياخده وماعلش يعنى ماتزعلش منى انت لسه جدى من كام يوم مالكش عندى العشم الى يخليك تطلب مني طلب زى ده… وعلى فكرة هو حتى لو انت جدى من زمان ومربينى ده اصلا

أساسا وجبك… يعنى واجب عليك مش حاجه تخليك ليك الحق اسلفكوا جوزى يومين.
قابلها الحوفى بالصمت بعد رده الفعل هذه التى لم يتوقعها منها وسمر تغلى مت الغيظ ولكن لا تستطيع التحدث فلو تحدثت سينكشف امرها.
كذلك كان محمود وجميله صامتين يتابعون تلك الشرسة وهى تدافع عن حقها.
كان الصمت يخيم على المكان فعاود شاهين إكمال خطواته على الدرج يظهر امامه كأنه يتبختر بارتياح بعد حديث صغيرته او بمعنى اصح امرأته عنه يذهب بعيدا عن كرسيه المعتاد الذى بجوار جده وتكون فى بالمقابل.. إنما استدار يقف يسحب كرسى له وهو يقبل اعلى حجابها يقول لها وحدهاصباح الخير.
رفع الكل حاجبه بزهول واستغراب… مستغربين من شخصيه شاهين…فقد اعتادوه دائما متعصب… صلب.. مكفهر الملامح.. لا يبتسم الا ببرود او بتعالى.
لكنه الان شخص اخر.. ربما تبدل… بالتأكيد تبدل.. كأنهم يرون طفل صغير يتيم عادت له امه من المۏت.
من بينهم كان الحوفى صامت محتار… محتار ما بين حفيدة وذراعه اليمين الذى قاسى معه كثيرا… لكنه رجل… يستطيع أن يتزوج مره واثنان وثلاثة ولكن سمر قد تقدم بها السن وهى مرهونه له ولجواره… لكن هو لم يرفض من البداية تلك العلاقه وهو يعرف انها له فلا ذنب لسمر بكل ذلك.
تلك كانت وجهة نظر الحوفى الذى كان شاهين ينظر له بقوه يعلم انه استغل غيابه لينفرد بجيسيكا.
كان الجد يفهم نظرات حفيدة فقالايه.. بتبصلى كده ليه
شاهين يعنى مش عارف!
الحوفىالى اعرفه ان لما جدك يقول كلمه ويتفق معاك على اتفاق تنفذه.
شاهين لما يبقى الاتفاق ده هيضرنى ويضر الى يخصونى يبقى اكيد مش هنفذه.
الحوفى ماحدش جه جنب الى يخصوك… ده كله اتفاق
بينا.. لكن انت كاتب كتابك على جيسيكا يعنى موضوعك معاها منتهى.
شاهين مين يقدر يستحمل وضع زى ده… كفاية تنازلات وضغوطات بقا… انتو فاكرين شاهين ده ايه… وحش ولا اله ولا الراجل الخارق… شاهين بنى ادم بيتعب وبيحب.. بيحس وبيتوجع.. انا مش انسان الى.
تدخل محمود يقولوسمر كمان بنى ادمه واترهنت ليك وجنبك طول العمر وانت الى ساعدت على كده لأنك ماوقفتش كل ده…. كل السنين الى فاتت دى كنت عادى ومش معترض… ماينفعش فجأة كده تيجي تقول لأ سمر كخ ومش عاوز… ده جواز مش لعب عيال.
هب شاهين من مقعده يقول بصرامهمش شاهين الحوفى الى يتشبه بالعيال الصغيرين يا محمود.. اعرف انت بتكلم مين والزم حدودك كويس… واعرف انت بتتكلم مع مين وبتقول ايه.
جميله هى الأخرى متدخلهماتفتكرش انك هتتوه الموضوع لما تزعق لنا… انت عليك غلط وغلط كبير كمان… من زمن الزمن والكل عارف وانت اولهم انك يوم ماتتجوز هتتجوز سمر. واختى مش وحشه وانت عارف دايما كان بيتقدم لها ناس وجدك يرفض لأنها هتتجوزك وانت عارف وعمرك ماقولت لا انا شايفها اختى… كده يبقى ظلم ولا مش ظلم والى عملته كان غلط ولا مش غلط.
شاهين
تمام…. طب الكل يسمع بقا… اه الى عملته ظلم وغلط… و اه كنت موافق على جوازى من سمر وعارف ومش معترض.
نظر لجيسيكا يوقفها لجواره ويضمها له يكمللكن لما هى ظهرت في حياتي كل حاجه اتغيرت.. ماكنش ينفع اسيبها واتجوز الجوازه الصح عشان أفضل شاهين بيه الحوفى كبير العيله… تولع العيله بالى فيها واولعوا كلكوا معاها بس سيبوهالى… كفايا تعب… بكفايه تنازلات وضغط عشان العيله دى.. انا ظالم ومفترى وفيا العبر… ابعدو بقا جناحتكوا عنى يا شويه ملايكه… واه قبل ما امشى… من هنا ورايح مافيش كبير عيله ومافيش عيله الحوفى… حتى انت ياجدى بالنسبة لي مافيش.. انت فكرت فى الكل الا فيا… فكرت فيهم كلهم مع انك عارف انهم اخدوا كل حاجه من صغرهم بس انا وهى الوحيدين الى اتبهدلنا واتيتمنا وشقينا… وربك من حكمته خلى نصيبنا مع بعض… تقوم انت تيجى علينا تانى… يعنى يتداس علينا زمان ويتداس علينا دلوقتي عشان عييييله الحوووفى…. تووووولع عيلة الحوفى طول ماهى مش بتفكر غير فى نفسها. ماحدش فكر في الى عمل العيله دى وخلاها كده… من هنا ورايح المجموعة هتتحل وهنفرد بشركاتى والقصر ده تلته ملكى وليا ورث فيه يعني يعتبر بتاعى ده غير نصيب مراتى… عايزين تعيشوا معانا باحترام وصمت فيه اهلا وسهلا مش عايزين… يكون احسن… اولعوا… اولعوا كلكوا.
سحبها معه وهو يغادر بقوه ولكن توقف قائلا اه صحيح يا جماعه.. انا فرحى اخر الأسبوع الجاى… اه هو انا ماقولتكلكوش… حتى كنت عاملها مفاجأة لجيسى.
قبل اعلى رأسها وقال انا بجهز لفرحنا من مده بس ساكت لحد ماتخلص امتحانات… ابقوا تعالوا… تنورنا.
سحبها وخرج يعم الصمت المكان غير مستوعبين مايحدث والجد
يدرك الان حقيقية واحدة… لقد ضغط كثيرا على شاهين حتى طفح به الكيل واڼفجر بوجه الكل حتى هو.
وعلى الجهة الأخرى بسيارة شاهين كان يقود وهو يأخذها بحضنه وهى تضم نفسها له.. لم يشرح شئ ولم يتحدث وهى لا تحتاج

لا لشرح ولا لحديث… كل منهم يفهم تلك الطلاسم المعقدة لمشاعرهم وما يحدث حولهم كأنهم جسد واحد بعقل وقلب واحد.. لا هو ولاهى محتاج ليفسر للآخر انه ليس بسئ… كل منهم يفهم ما لا يترجم لكلام ابدا… هناك أشياء لا تشرح ولا يستوعبها اى حديث.
مرت الايام على سلمى وهى لا تستطيع الصبر اكثر من ذلك.. أصبحت لا تطيق ذلك الأحمد ابدا تعيش كل تلك الأيام على اعصابها خوفا من أن تكون قد حملت منه… وهاهى الان تقف فى المرحاض معها اختبار الحمل مرتعبه تنتظر النتيجه.. ثانيه واثنان ثم زفرت بارتياح وهى ترى النتيجة السلبيه للاختبار.
فى نفس الوقت كان هو يدق الباب عليها بضيق يريد الدخول للاستحمام وقد تأخرت بالداخل كثيرآ.
دق عليها بقوة يقول ماتخلصى بقا ايه الارف ده.. ساعة جوا.
فتح أخيرا الباب وخرجت هى منه تقول بابتسامة تحدى وقوة طلقنى.
اتسعت عينيه من المفاجئه ومن قوة حديثها وقالايه ده
مالك في ايه.. هى هبت منك على الصبح.. وسعى من وشى عايز استحمى عشان انزل شغلى.
هم بان يزيحها من طريقة بيده ولكنها لكزته بقوه بذراعه فارتد خطوة للخلف باعين مزهوله وهو يسمعها تكمللا تكون فاكرنى البت غرام الهبله… لااا.. اصحى معايا كده ياباشا… انا من الاخر كده مقطعة البطاقة ومابقاش عندى حاجة اخسرها ولا أخاف عليها خصوصا بعد الى عملتوه فيا انت وال
طليقتك.
وقف من مكانه يصفعها بقوه يقولمافيش غيرك يابنت الكلب يا بتاعة الشقق…تيجي انتى ايه فى غرام… كانت محترمع وست بيت وصينانى… لكن انا الى استاهل لما سبت واحدة محترمه وبنت اصول وام ابنى الى صبرت عليا وجريت ورا واحدة زيك….. وكمان مش عاجب الى خلفوكى وعايزه تتطلقى يا حيلت امك… ده أنا سترت عليكى من الڤضيحة.. يابت ده انتى كلها كام يوم ويسموكى صديقة الطلبه.
هوت صفعه قويه على وجهه جعلت الډم يجرى بعروقه.. ثم ھجم عليها كأنه لا يرى يكيل لها الضربات تباعا فى كل مكان يركلها بقدميه فى اسفل بطنها والعمود الفقرى.
بعد مرور ساعتين
جلست ام سلمى لجوارها في إحدى غرف العناية المركزة تبكى پقهر وصمت تتذكر حديث الطبيبللأسف الى ضربها كان بيضربها بغل وۏحشية اتسبلها فى كسر فى عظام الحوض وماثر على العمود الفقري.
ام سلمى پصدمه تبتلع ريقها بصعوبهيع.. يعنى ايه يابنى.. بنتى مش هتمشى تانى.
تنهدت الطبيب وقاللأ أن شاء الله خير ياحاجه… يسترعى انتباهها يقول احنا حررنا مجضر بالواقعه… هو هرب لكن احنا ميلغين عنه كل الكماين وأقسام الشرطة مش عايزك تقلقى… حق بنتك هيرجع إن شاء الله.
هزت رأسها باسى والدموع تنهمر من عينيها فتركها وغادر فى نفس الوقت الذي تستفيق فيه سلمى كانت امها تقول ليه كده… عملتى فى روحك كده ليه… اخرتها نايمه على سرير فى مستشفى مضړوبة ومتكسره والالى اتجوزتيه بڤضيحة وقهرتى قلب امك عليكى هرب بعد ما دشدش عضمك ولا حد من اهله سأل حتى…. ليه.. ليه دايما مش راضيه بحالك ولا بنصيبك من كل حاجه… دايما عايزه تبقى أجمل مع انك مخلوقة جميله… اتقدملك جدعان ياما وانتى تملى رافضة رافضه وانا مش فاهمة… اتارينى مش فاهمة وماعرفتش اربى… تبصى لجوز واحدة تانية ليه… تخربى على واحده بيتها وتقهرى قلبها ليه وياريت هى وبس لااا ده كمان فى عيل صغير اتشرد وانتى كنتى عارفه ولا همكيش…. بس الغلط مش عليكى… انا الى عليا غلط بردو لما سبتك بس انا كنت فكراكى كبيره وعاقله وتعرفى ربنا…. لكن الغلط مردود… ومن هنا ورايح فى معامله تانية ودنيا تانيه.
صممت ترجع رأسها للوراء حزينه على ما وصلت اليه ابنتها وسلمى تستمع لها وقد ادركت بعد فوات الأوان فضاحت تصرفاتها وأفعالها وكل شئ.
بعد انتهاء امتحان جيسيكا خرجت من الجامعة وجدت شاهين ينتظرها بسيارته.
جيسيكا ياخويا والنبى قولت بس تعمل ايه فى ناديه بقا… مفتريه.
شاهين بغيظ وحقدانتى هتقوليلى… حماتى بقا.
جيسيكا لعلمك بقا انا مش بتاعت تعليم أساسا ودايما بطالب بعدم تعليم المرأة.. انا ياما قولت لماما سترينى وجوزينى وبلاها طب وتشريج وچثث.
توقف بسيارته فجأة وقالچثث!
جيسيكا اه… مالك خۏفت كده ايه يا شاهينووو.. لا عايزاك تجمد كده وتتشطر عشان تجبلى چثه حلوه.
شاهين انا اجبلك چثه
جيسيكا ايوه… مش لازم يبقى عندى چثه
عشان العملى… اطلب من مين يعني غير جوزى… ابو شاهين الجامد.. فزى ما قولتلك بقا.. اتشتطر كده واجمد وهاتلى چثه حلوه.
عاود قيادة سيارته وجذبها يضمها له بقلة حيله يقول عارفة يا جيسى… على ايدك انتى انا شوفت العحب… انا اسمع دايما الناس تقول اتجدعن

كده واتشطر وهاتلنا بيبى.. مش اتجدعن واتشطر وهاتلى چثه.
ضحكت بقوه فقال بتنهيدهااااه يا بختك المهبب يا شاهين.
قالت من بين ضحكاتهم خلاص مابقيناش عاجبين ياسى شاهين.
ضمھا له اكثر يقول وانا اقدر بردو… ده أنا ھموت عليكى.
ابتسمت قائلهبجد.
ابتسم هو
الآخر وقال بجد.
انتبهت للطريق وقالت بس احنا رايحين فين.. ده مش طريق البيت.
شاهين انا بعد الى حصل واتقال منى ومنهم النهاردة فكرت وقررت…. مش هفضل رابط نفسى وحياتى بالحوفى وقصر الحوفى حتى لو كان معظمه ملكى… انا عايز اعيش مرتاح مبسوط معاكى بعيد عن الكل وانتى كمان تبقى على راحتك.
فرحت كثيرا وأخذت تصفق قائله بجد يا شاهين.
شاهين بجد… انا الى كنت رابط نفسي بحاجات مش هتبسطنى بالعكس هتخلى عليا التزامات اكتر… خلاص انا تقريبا كل حاجه فيا اتغيرت… الحاجات الى كنت فاكر انها مصدر سعادتى مابقتش احس بيها كده دلوقتي.. حاسسها منعانى عن السعادة الى بجد… طول عمرى حابب فكرة كبير العيله.. بصراحة كانت بتعوضنى عن الى شوفته زمان والى حكيتهولك… بس انا دلوقتي مش عايز أبقى كده… عايز نعيش انا وانتى ننبسط.. كمان مش عايز حد يشوف شاهين الجديد الى بيبقى معاكى عشان انتى قربتى تضيعى الهيبه خالص وكده مش نافع خالص.
ضمته لها اكثر وقالت مبتسمه بجد كده احسن والله.. انت كنت لازم نفسك بحاجات مالهاش لازمه فى حين ان الكل عايش حياته وشاهين هو الى يشيل بقا.
نظر لها بمكر وخبث قائلا ماهو شاهين هيشيل بردوا… بس هيشيل حاجات كده مربات.. حلويات.. عسليات.
ضحكت تهز رأسها تقولدماغك قذره ماشاءالله.
ضمھا له بذراعه وهو يكمل القيادة يضحك بقوه معها الى ان وصلوا الى وجهتهم… توقف امام مبنى عالى يطل على النيل مباشرة.
صعدت معه سريعا الى ان وصلت للطابق الخامس.
فتح الباب وهى دلفت سريعا تدخل كل غرفة فيها تنظر لها بانبهار وسعادة قائله الله.. حلوه اووى… ولايقه عليا لعلمك.
رفع حاجبه قائلا لايقه عليكى ازاى يعنى.
جيسيكا ايوه زى مابقولك كده… عصريه ومريحه.. مودرن… مش كلاسيك وجو النجف والانتيكات بتاعت قصر الحوفى ده.
شاهين يعنى عجبتك.
جيسيكا جدددا… بس استنى كدة.. هو انا وانت هنعيش هنا لوحدنا.
شاهين لا هجيب محمود ابن عمك يقعد محرم في النص.. اه طبعا هنعيش لوحدنا.. انتى عبيطه.
جيسيكا لا مش عبيطه.. انت الى فاكرنى عبيطه… بقولك ايه يا اخويا ده هو يادوب كتب كتاب… مش سداح مداح هيا.
شاهين هو انا ماقولتلكيش.
جيسيكا لا ماقولتليش.
شاهينمش انا حجزت فرحنا بعد اسبوع.
جيسيكا نعم
شاهين ايه مش اخر امتحان ليكى الأربع الجاى.. احنا فرحنا الجمعه… مبروك عليكى انا.
ثم قبل رأسا وغادر يأتى باشيائها التى جمعها بالسيارة وتركها خلفه مصدومه من قراراته المنفردة هذه.
صعد لها يحمل باقى ملابسها وكتب الجامعه يفتح الباب فجأة وهى تخرج من المرحاض بعد حمام منعش وهى تحمد الله انها قد ارتدت ثيابها بالداخل.. لكنه ظل مبهور بها وبخصلاتها المبلله يقترب بتخدر يقول وليه بعد اسبوع.. مانخليها النهاردة.. خير البر عاجله.
وقفت تتمسك بقوتها تزجره بقوه شاااااهين.. اقف عندك… وخلص عشان نلبس ونروح فرح حبيبه.
شاهين يعنى مش عيب لما وحيد الاصغر منى يدخل دنيا وانا لأ
جيسيكا ماعلش كلها اسبوع.
زفر بغيظ وقال ماااشى.. ماااشى.. انا عارف انا ايه اللي كان وقعنى الوقعه السوده دى… ما سمر كانت جاهزة.
جيسيكا بتقول حاجة يا شاهين.
شاهين بقول اخترتى فستان ولا اختار معاكى.
ثم خرج وهو يتمتم قائلا والله وبقيت تخاف وتغير كلامك يابو شاهين… ياخسارة على الرجاله.
____
بالسيدة زينب وقف سالم أمام سيارته يقولانا لا هزعق ولا هشتم ولا اتعصب.. بكل هدووووء كده.. ايه.. إلى انتى. لابساه ده.
كان بؤبؤ عينيها يتحرك بارتباك
سالم ماتجادليش.. الكلمة الى اقولها تتنفذ وبس… تقولى حاضر.. حاضر وبس.
دبت قدميها في الأرض تقول دى مش طريقه أبدا.
احتدت عيينيه يقول پغضب مكبوت اتهزى يابت كمان اتهزى… ده فستان ده.. إلى لازق عليكى كانه جلدك.. وكمان بتتهزى فى الشارع.. انا هغمض عين وافتحها وف
ثوانى الاقيكى قدامى بفستان تانى… يالااا.
فى افخم قاعات القاهرة
كانت تقف لجواره بتذمر يتهز ساقها من شدة الغيظ لا يعحبها ما ترتديه… تنظر له بسخط لا تحب تحكماته هذه.
الټفت لها يقول بتحذيرهتبطلى هز فى ليلتك دى ولا لأ.
توقفت عما تفعل بصمت وڠضب فقالماله الى انتى لابساه… ماهو محتشم وواسع وحلو بردو عليكى.. مش فاهم فى ايه… بصى على عمر

ومراته… ماشاء الله تبارك الله لابسه اسود فى اسود وبتسمع الكلام ومافيش اى مشاكل… ماحدش مسحوب ومتبرى من لسانه غيرك يا اخرة صبرى وسبب غلبى.
هاجر انا يا سالم… طيب يا سيدى شكرا.
رغما عنه ابتسم وقالخلاص بقا اضحكى… هتفضلى مكشره كده.
هاجر طبعا هضحك مانا عملت الى انت عايزه فاضل بس أنى اضحك اهو.. هههه.. شوفت.
سالم طب والله ده احلى عليكى.. ومخليكى قمر كده.
ذهب ڠضبها ادراج الرياح ابتسمت ببلاهه له قائله بجد.. عجبك عليا.
وجدت من تقف خلفها تقول بسخطاه عجبوا عليكى ياختى.
التفتوا خلفهم وجدوا نيروز وامجد فاحتضنتها بقوه ونيروز تقوللا والنبى..مافيش بنا لا سلام ولا كلام.. بقى كل ده مافيش واحدة فيكوا تسأل عنى. اخص على الصحاب اخص.
هاجر ماعلش ڠصب عننا والله… كل واحده فينا مشغوله عشان فرحها.
نيروز ولا حتى جيسيكا بشوفها.
هاجر اهى جت هناك اهى… خطيبها ده كبير عليها اووى بجد. وفرق السن واضح… بصى وهما ماشيين جنب بعض… كأنه ابوها.
تدخل سالم وهو يلاحظ امتعاض وجه امجد هو الآخر فهم نفس السن والفرق وقال لتلك التى لا تستطيع التحكم بلسانهاهما حابين بعض ومرتاحين… مالناش دعوة.
تقدمت جيسيكا بفستانها الرمادى تقف معهم فى حين وقف شاهين مع امجد وسالم وبعدها انضم لهم عمر واسيل ذهبت تقف مع الفتيات.
دقائق وانطفئت الاضواء وارتفع صوت الموسيقى والكل عيونه على مدخل القاعه.
دلفت حبيبه

لقراءة باقي فصول الرواية أضغط على (رواية شاهين وجيسيكا – أنا السيء)

البارت الثالث والعشرون

اترك تعليقاً إلغاء الرد