رواية تزوجت ملتزمه الفصل الثاني 2 بقلم آمنة الصادق

رواية تزوجت ملتزمه الفصل الثاني 2 بقلم آمنة الصادق

 

 

البارت الثاني

 

#تزوجت ملتزمه✨❤️{2}
#للكاتبه امنه الصادق {ميمشكة ❤️}
سلمي :- انا لقيت بت سمحه شديد و ملتزمه كمان
يأمن:- شنو مُ شنو ملتزمه
سلمي :- اي مالك اتفاجات في لسه بنات ملتزمات في الزمن دا ي ولدي. م تتفاجي … و كمان دكتورة 🙂
يأمن:- امي بس البنات اللي ملتزمات في الزمن دا م حلوات علي قدر كدا
سلمي :- اول شي السماحه م بالمظاهر السماحه ب الروح ي ولدي عمرو المظهر م كان سماحه و بزول ي ولدي و تاني شي هي م شاء الله ملاك بس
يأمن:- اميييي
سلمي :- عليك الله ي ولدي م تكسرني عافيه منك انت شوفها اول و بعد قرر و صدقني بت م شاء الله ح تصونك م زي بنات الزمن دا اسالني انا ي ولدي و عايزة اشوف احفادك قبل اموت و م معروف الحياة من الموت ي ولدي 🥺🥺 عافيه منك ي ولدي وافق ولا عندك وحدة
يأمن:- لا م عندي
سلمي :- طيب ي ولدي 🥹
يأمن :- خلاص ي امي خلاص م مشكلة اعملو اللي بتشوفو مناسب
سلمي :- لا لا كمان ي ولدي م بجبرك شوفها
يأمن:- موش قلتي شفتيها ف خلاص
سلمي :- متاكد
يأمن:- اي ي امي ولا عايزني اغير راي
سلمي :- لا لا خلاص بكلم ابوك و بشوف اللي بحصل شنو و بكلمك
يأمن:- تمام .. انا ماشي انوم خلاص
🍁🍁🍁🍁🍁🍁🍁🍁🍁
سلمي :- محمد اتكلمت مع يأمن في الموضوع و وافق
محمد :- بلااااي اقنعتي كيف الود دا 🤔
سلمي :- دا سر المهنة 😎
🍁سر المهنه قال و هي قربت تدردق ليه 😅😂م علينا بيهم خلونا نكمل قصتنا 😁😅🍁
محمد :- تمام جبتي رقم ابو البت صاح
سلمي :- معقولة انا امك ي عمار افتح موضوع من غير اتمو 😎
محمد :- لا طبعا ارح اديني الرقم
محمد :- الووو حاج حامد
حامد :- ايوااا نعم منو معاي
محمد :- انا محمد راجل سلمي اخت سلوي جارتكم
حامد :- ايوااا نعم
محمد :- يمكن تكون عارف بموضوع عايزين نناسبك بتكون فاضي متين نجيكم للتعارف
حامد:- والله لو الجمعه الجايه بتناسبكم انا فاضي
محمد:- خلاص تمام ي حاج بنكون عندكم ان شاء الله يوم الجمعه
حامد :- تشرفونا
#حامد:-🍁🍁🍁
سميه ي سميه
سميه :- نعم
حامد:- محمد راجل سلمي اخت سلوي جارتنا اتصل لي هسه
سميه :- اهااا
حامد:- جاين يوم الجمعه تعارف و كدا
سميه :- كويس
🚶🚶
يقين ي يقين
يقين :- نعم ي امي
سميه :- الناس ديل جاين يوم الجمعه دي
يقين :- ان شاء الله ي امي ان شاء الله
سميه :- عندك فترة اسبوع كامل تستخيري ي بتي يعني لما الاسبوع دا يتم تديني قرارك فهمتي
يقين :- حاضر ي امي حاضر
ومشيت و م كنت عارفه اعمل شنو خايفه م يكون صادق و يخليني اقرا زي خالتي راجلها م خلاها تكمل الجامعة بعد العرس مع انو قبلها قال ليها بخليك و انا روحي في الطب دا بموت لو م خلاني اتمو و بعد تفكير عميق قررت استخير لانو غير الله مافي شي بساعدني و ياهو عديت فترة الاسبوع دي استخارة …
🍁🍁🍁🍁🍁🍁🍁
ياسر :- قلت لي شنو ي مان عروس و ملتزمة لا لا لا لا م قادر اصدق م انت اللي كنت بتضحك فيهم اللي غيرك شنو
يأمن:- م عارف ي مان بس امي م ادتني مجال اعارضها ياااخ و بعدين جيت تواسيني م تضحك فيني
ياسر :- ي زول م توافق
يأمن:- الراجل كلمه ي ولدي
ياسر :- شنو 😏😏
يأمن:- م تعاين لي كدا م حصل اديت وحدة كلمه انا اصلا
ياسر :- تمام ي مان اعمل اللي بريحك انا خليني اشوف لي وحدة مزة 😏
يأمن :- الله يديك 😏 م منك فايدة اصلا ماشي منك انا
ياسر :- اي اي امشي بقي م عندي فايدة هسه
يأمن 🍁🍁🍁🍁🍁
قعدت افكر في الفترة دي و م لقيت سبب و لا طريقة اغير بيها راي و تاني شي فرحة امي كانت حلوة في وشها و انا اصلا م عندي زولة و كدا كل اللي بعرفهم ديل م بدخلو راسي و بتاعت قروش وانا عارف و اتوكلت و لما تم الاسبوع مشيت معاهم
يقين🍁🍁🍁🍁🍁
اليوم الجمعه و استخرت و حلمت ب حلم مبشر و م رفضت و وكلت امري ل الله بعد كدا و هسه بجهز مع امي في الحاجات و جاتنا سلوي و بتها اسمها علياء ممتحنه يادب ظريفه كدا ووناسه المهم جو يشتغلو معانا شويه جهزنا كل شي و المغرب جا و جو الضيوف
حامد:- اتفضلو اتفضلو
محمد :- زاد الله فضل ياااخ
و يلاااا بعد الضيافه بدت الونسه المعتادة و اتخيلو حصل شنو 🙄👀
طلعو بعرفو بعض كانو اصحاب في المدرسه زمان و طوالي وافقو و كمان حددو وقت للعقد الجمعه الجايه و العرس بعد شهر
حامد :- طيب ي ولدي ممكن تشوفها النظرة الشرعيه
يأمن:- لا لا ي عم م بحتاج طالما امي قالت مناسبه و شافتها باقي عليها خلاص
{وانا بسري بقول دا شنو الكلام اللي بقولو فيه دا غايتووو 😏واصلا اذا شفتها ح اغير رأي}
حامد:- يعني من حقك تشوفها بس اذا مقتنع ف خلاص
محمد:- خلاص تمام بعد كدا لازم نمشي و نتلاقي ان شاء الله يوم الجمعه الجايه
حامد :- م تقعدو شويه يااااخ
محمد :- بنقعد كتير بعد الان ان شاء الله م تخاف
حامد:- ان شاء الله خلاص بسلامه
وعلي كدا موش
عديت الاسبوع عادى زي كل مرة من غير أحداث مهمه تزكر غير التحضيرات وخلاص
يأمن 🍁🍁🍁🍁🍁
عديت فترة الاسبوع دا في تحضريات و تعب و انا م شفتها ولا نويت اتكلم معاها اصلا ولا ناوي اتكلم
يقين 🍁🍁🍁🍁
اليوم الجمعه و ياهو في التجهيزات من الصباح جو خالاتي و عماتي و بعض الاهل عملنا كرامه صغيرة و ناس البيت مبسوطين
عندي بت عمتي كدا غياظة اسمها أسماء زولة. كريه كدا و حقودة م شغالة بيها بس الله يهديها نقول
اسماء :- قلتي لي ح تعرسي و بورتك تفك 🙄😏 م قلتي م عايزة اعرس و عرس شنو و بتاع عارفه الحركات دي بتاعت البايرات 🙄😏
ندي :- دا م كلام ليك في اليوم دا و العرس اصلا سنه الحياة
اسماء :- براها متفلهمة يختي عاملة م عايزة العرس و هي ميته فيهو 😏🙄
يقين :- علي قولك يختي ميته فيهو انا و الحمدلله بورتي فكت عقبالك يختي 😏🙄 {غاظتني طبعا و م لقيت نفسي الا رديت ليها }
اهاااا تاني م اشتغلت بيها تتكلم سااااي و تجيب الكلام ب فوق خليتها تنبح ساي زي الكلب. و دخلت اظبط نفسي{ م ميكب و كلام دا نقابي و عبايتي و عطري و الكلام دا نسيتو اني منقبه 🙄😂}

 

 

المهم شويتن بعد صليت كدا اسمع صوت الطلق و الزغاريت دي م تدي الدرب و شويتن تاني اسمعهم بقولو العريس جاي جاي العريس و انا هنا دقات قلبي زادت و اتوترت شديد و كل شويه صوت رجليه يقربو علي لحدي.. 🚶🚶

 

 

• لقراءة باقي فصول الرواية أضغط على (رواية تزوجت ملتزمه)