رواية سكر ناعم – يامن وسكر الفصل الثاني 2 بقلم زهرة الربيع

دخل عليهم لقاه شايلها وهو مش لابس التيشرت وهيه متعلقه في رقبتو بصلهم بزهول وقال….انتو..انتو بتعملو ايه

يامن ساب سكر وقعت على الارض ورفع اديه وهو بيقول..اوعى تفهم غلط

سكر اتخبطت جامد وقالت بالم…اااااه يا غبي

يامن نزل لمستواها بارتباك وقال..يا خير انا اسف اسف…

لسه هترد اتقدم عليهم عادل بغضب شديد وقال…ده انا الي اسف الي قطعت عليكم خلوتكم بقى احنا قالبين الدنيا على الهانم وهيه معاك هنا بتتشال

يامن بلع ريقه بارتباك وقال…اهدى يا عادل ارجوك ووطي صوتك هفهمك كل حاجه بس مستناش يسمعه وشدها من شعرها من فوق الخمار ونزل بيها وهو بيجرجرها بغضب

سكر بقت تصرخ بالم من مسكتو ومن رجلها الي مش قادره تدوس عليها وبتضربو على ايده وتقول..اااه سبني يا حيو،،ان سبني

بس عادل مكمل ومجرجرها وراه بغضب رهيب ومش بسمع لها ولا ليامن الي كان جاري وراه بيحاول يهديه

نزل وزقها بقوه على امها وقال..ربي بنتك كويس حتى هتجوزها

امها سندتها وقالت في ايه ايه اللي حصل لكل ده

سكر كانت بتبكي وبس ويامن نزل وقال بسرعه انت بتعمل ايه.. بتعمل ايه ..انت اتجننت قلت لك اهدى وهفهمك كل حاجه

بس عادل قال بغضب تفهمني ايه ما انا شوفت كل حاجه مش محتاج تفهمني..

يامن قال بغضب…انت مجنون شوفت ايه لكل ده

عادل قال بغضب…شوفت الهانم في حضنك …وحضرتك قالع وشايلها والله اعلم كنتو بتعملو ايه

الكل اتصدم من الي اتقال ويامن الغضب عماه وضرب عادي قلم قوي وقال…لا انت اتجننت رسمي بقى..انا شلتها علشان رجلها اتعورت دخلت الحمام واتزحلقت يعني محصلش حاجه علشان تعمل كده

عادل بصله بغضب شديد ومسكه من القميص وقال…انت بتضرب مين يلا ..وبعدين الهانم ايه اللي دخلها حمامك اصلا

يامن لسه هيرد اتقدم عليهم راجل في ال 50 ده والد يامن وقال بغضب ..ماشاء الله بتضربوا بعض قدامي

يامن اتنهد وقال… يا بابا مش شايفه بيتصرف ازاي كل اللي حصل انه

بس ابوه قاطعه وقال انا مش عايز اسمع اللي حصل منك …سكره هي اللي هتقولي دي بنت اختي وهتحكيلي كل حاجه

وفعلا سكر حكتله اللي حصل كلو… بص لعادل وقال.. طب يا ابني ما هو الموضوع بسيط يعني مش بالقصد

عادل قال بغضب..وانت صدقتهم..انا الغلطان اني سمعت كلامكم..انا من الاول مش عايزه اتجوز واحده زي دي شرشوحه عايشه طول عمرها في الارياف وسط البها،،يم

عمه قال بغضب.. عادل دي بنت عمتك احترم نفسك

عادل قال بغضب..وبنت عمتي ما تحترمنيش ليه ورايحه تقعد في دولاب الباشا وتاخد راحتها معاه وبعد كده عايزين تجوزوهالي انا.. ليه ما عنديش د،،م

يامن بصلو بغضب وقال ..انت عامل مشكله ليه عامل مشكله ليه انت شوفت ايه يعني علشان تعمل كده

عادل قال بغضب شديد…شوفتك من غير قميصك يا باشا طالع من الحمام مع الهانم اللي بقى لنا ساعه بندور عليها عايزني افهم ايه اكتر من كده اسمعوا كلكم انا مش هتجوز البنت دي لو اخر واحده في الدنيا

عمه قال بزهول انت مجنون ده الفرح الليله انت عايز تفضحنا الناس على وصول نقولهم ايه

قال بغضب قلهم احنا بدلنا العريس وجوزها ليامن باشا اللي ما عندوش مشكله معاها وقاعد يتسرمحلي معاها في الحمامات قال كده ومشي بغضب شديد

بقوا ينادوا عليه بس مش راضي يسمع لحد

ام سكر قعدت بزهول شديد وحطت ايدها على قلبها وبقت تقول ببكا ..يا مصبتي…يامصبتي البنت مستقبلها راح خلاص وبقت تبكي وسكر كمان كانت بتبكي وبتحاول تسكت امها

يامن اتننهد و قال بسرعه …متزعليش يا عمتي بنتك ما عملتش اي حاجه غلط هي خافت شويه واستخبت في الدولاب كل اللي حصل زي ما حكيت لك بالظبط ولو على الحفله اللي هتحصل بالليل انا هتجوز سكر حتى لو بعد كده هنطلق مش مشكله المهم اني مش هخلي حد يتكلم عليها ما تقلقيش

امها بصتله بابتسامه وامتنان وقالت بجد يا يامن بجد هتعمل كده يا حبيبي

يامن ابتسم وقال…طبعا يا عمتي عمري ما هسيبكم في موقف ده

ابوه بصله باستغراب وقال يا ابني بس انت خاطب بشرى

يامن اتنهد وقال…متقلقش يا بابا بشرى مسافره ومش هتحضر الفرح .. خلينا نمشي يوم النهارده من غير فضايح وانا هبقى اكملمها وافهمها

قال كده وطلع على اوضته وسكر بصت لهم بغيظ ودموع وقالت ..خلاص كده اعتبرتوني مصيبه كتر خير الي يشلها .. ربنا يسامحك يا ماما انتي السبب في الجوازه دي من الاول ربنا ياخدني بقى

وطلعت على اوضتها وهيه بتبكي امها قالت بزعيق… ايوه سبقي سبقي علسان محدش يحاسبك..استني عليا ده انا لسه هطلع عينك النهارده

بعد ساعات معدوده كانت سكر لبست وجهزت وبقت اسم على مسمى وكانو بنات العيله حواليها