رواية ستبقى حبيبي الفصل السادس 6 بقلم راجية الجنة

رواية ستبقى حبيبي الفصل السادس 6 بقلم راجية الجنة

البارت السادس

الفصـــل الســــآدس

في صباح اليوم التالي استيقظت سيسيل متأخرة فاستيقظت قبيل الظهر بقليل وخرجت الي الصاله وجدت خالتها جالسه ع الاريكة تقلب في قنوات التي في
سيسيل بنوم : صباح الخير يا خالتو
حنان :صباح الفل يا حبيبه خالتو ايه نموسيتك كحلي انهاردة
سيسيل : نايمة بعد الفجر والله يا خالتو جو صحي ولا لسه
حنان : انا دخلت عليه الصبح لاقيته نايم وايده مربطة هو ايه اللي حصل
سيسيل : متعور بس الحمد لله جت بسيطة انا هدخل اتوضا ومعلش يا خالتو صحي يوسف علشان عنده تحقيق وكمان علشان صلاه الجمعه
حنان : بس ده نايم بعد الفجر
سيسيل : معلش يا خالتو علشان حتي يصلي الجمعه
حنان : طيب يا حبيبتي ادخلي انتي اتوضي يكون صحي وافطروا سوا عقبال ما خم النوم اللي جوة دي تصحي
سيسيل : اوك يا خالتو
دخلت سيسيل الي المرحاض لتتوضأ وتزيل اثار النوم بينما دخلت حنان الي يوسف غرفته وجدته مستغرقا في النوم اقتربت منه وربتت ع كتفه وحاولت ايقاظة
حنان : يوسف حبيبي يلا يا بابا قوم
يوسف بنوم : طيب طيب وغط في نوم عميق مرة اخري
حنان : يلا يا جو .. ولكن دون فائدة كان نائما نوم عمييييييييييييييق
خرجت حنان وجدت سيسيل انهت اغتسالها وبدأت في تحضير الفطور وايقظت ايات ايضا
سيسيل : ايه يا خالتو هو فين
حنان : نايم يا حبيبي خالص
سيسيل : الله يكون في عونه بصراحة وكمان نزف دم كتير
حنان : يا حبيبي يا ابني .. انا قولت بلاش الكليه الزفت دي صمم عليها وقالي لازم ابقي زي بابا
سيسيل : ياخالتو لو كل ام قالت مش عايزين كليات شرطة ولا حربيه ولا ولا يبقي البلد هتبوظ
حنان : ربنا معاهم يارب .. ويحميهم هو واللي زيه
سيسيل : امين يارب يا خالتو انا هدخل اصحيه
دخلت سيسيل الي يوسف غرفته وجدته نائما بعمق اقتربت منه وبدأت في ايقاظة
سيسيل : يوسف .. جو .. يلا يا جو قوم
يوسف بنوم : ها في ايه
سيسيل : قوم يا ابني الساعه 11
يوسف وهو يستيقظ : 11 ايه
سيسيل : 11 الصبح يلا يا ابني قوم
يوسف بتثاقل : طيب يا سولا خمسه بس وهحصلك وهنا رن هاتف يوسف التقطة يوسف وعندما رأي اسم اللواء خالد علي الشاشه نهض مسرعا من فراشه وبدأ في الرد وجاءه صوت خالد من الهاتف باعطاء التعليمات له ورد عليه يوسف قائلا :تمام يا فندم ساعه وهكون عند حضرتك مع السلامة يا فندم
سيسيل : لو مكنش التليفون مكنتش صحيت
يوسف مسرعا : معلش يا سيسيل اعمليلي بس قهوة عقبال ما اخد دش والبس
سيسيل : حضرتك ادخل خد دش وقبل ما تغير ناديني علشان اغيرلك ع الجرح.. ومفيش قهوة هعملك عصير علشان الدم اللي فقدته ماشي يا حضرة الظابط
يوسف : ماشي بس اخلصي
دخلت سيسيل الي المطبخ واحضرت الي يوسف العصير وغيرت له ع الجرح وجلس معهم ع طاوله الطعام
يوسف وهو ينظر الي كميه العصير : انا هشرب العصير ده كله
سيسيل : من اوله لاخرة متسبش نقطة انت فقدت دم كتير ومحتاج تعوض اللي فقدته ده
حنان : اسمع كلامها يا يوسف وبعد كده تخلي بالك من نفسك انا مش ناقصه وجع قلب
ايات : انتوا محسسني انه اتضرب بالنار ده حته تعويرة
سيسيل : تصدقي انك معندكيش دم بدل ما تقوليله سلامتك
ايات : سلامته ع ايه ده بيجي كل مرة متبهدل اخر بهدله
يوسف وهو ينظر الي ايات : ماهو احنا بنتبهدل علشان نحافظ علي امثالك
سيسيل : بجد الله يكون في عونكم
يوسف : يلا انا همشي بقي
سيسيل : يوسف الدوا ده يجي ويتاخد وانت نازل من اي صيدليه
يوسف : حاضر يا دكتورة يلا سلام عليكم
الجميع : وعليكم السلام
بعد خروج يوسف
حنان : انتي كده علي طول مش بتحاسيبي ع كلامك خلي عندك شعور افرضي كان جراله حاجة لا قدر الله
ايات بحزن : والله يا ماما كنت بهرج
حنان : يبقي تخلي بالك ع كلامك بعد كده
سيسيل : خلاص يا خالتو يعني هو يوسف لسه هيعرف ايات
حنان : قومي شيلي الفطار ووضبي البيت بدل ما انتي قاعده مالكيش لازمة كده
ايات : حاضر
دخلت ايات الي المطبخ بعد ان رفعت الاطباق ودخلت سيسيل لتحضر اكوابا من الشاي بالحليب واخذت كوبها ودخلت الي الشرفه ووجدت ادم
سيسيل بحب مع ابتسامة رقيقه :صباح الخير حمد الله ع السلامة يا ادم
ادم : صباح النور .. الله يسلمك يا سولا عامله ايه
سيسيل : تمام الحمد لله انت اخبارك ايه
ادم : تمام الحمد لله
سيسيل : انت لسه صاحي ولا ايه
ادم : اه بس مين قالك
سيسيل : يعني علشان لسه الشاي بحليب في ايدك
ادم : ههههههههههه يا اروبه اه والله لسه صاحي
سيسيل : ماهو الله يكون في عونك راجع وش الفجر لازمتها ايه المرمطه دي ما ترجع اسكندريه
ادم باستغراب : مين اللي قالك اني راجع الفجر
سيسيل بتردد : اصل كنت في البلكونه مستنيه يوسف
ادم باستفهام : ليه هو يوسف كان فين لحد الفجر
سيسيل : كان عنده مأموريه وراجع الفجر
ادم : وهو كويس
سيسيل : اه بس جرح بسيط
خرجت رودينا من الشرفه عندما سمعت جرح بسيط
رودينا بقلق : مين ده اللي جرحة بسيط
سيسيل بتردد: ده يوسف يا رودي
رودينا وتجمعت الدموع في عينيها : حصله ايه يا سولا
سيسيل : يا بنتي في ايه مفيش حاجة والله هو كويس وراح شغله كمان
رودينا بعصبيه : يعني ايه راح شغله وهو تعبان كده
ادم بحده : في ايه يا رودي ما بالراحة شويه
رودينا : ماشي يا ادم وتركتهم ودخلت
سيسيل : معلش يا ادم انت عارف خايفه ع يوسف
ادم : لازم تتعود ع كده يا سولا يوسف مكنش بيتخانق في الشارع
سيسيل : معلش هي بس قلقانه عليه .. انت عارف يوسف يبقي ايه لرودينا
ادم : عارف يا سيسيل ولولا تنشيف دماغها كانوا زمانهم مخطوبين بس مش كده لازم تتعود
سيسيل : معلش اصعب حاجة بجد انك تبقي خايف علي انسان بتحبه غصب عنها
ادم : علشان خاطرك بس .. انتي اول يوم ليكي في المستشفي .. عايزك ترفعي راسنا بقي
سيسيل : يارب ان شاء الله دعواتك بقي
ادم : ان شاء الله ربنا يوفقك .. انا هدخل اتوضا بقي يادوب الظهر قرب يأذن
سيسيل : تقبل الله
ادم : منا ومنك
اما رودينا عندما دخلت امسكت بهاتفها وبدأت في الاتصال بيوسف ولكنه لا يوجد رد
رودينا : كده يا يوسف ماشي
وبعد قليل وجدت هاتفها يرن وكان مكتوب اسم جو في خانه المتصل
يوسف : ايوه يا رودينا
رودينا بعصبيه : بمنتهي السهوله ايوة يا رودينا راجع امبارح متعور وانهارده في الشغل وانا اتحرق اولع مش مهم
يوسف بحده : رودينا انا في شغل ومش فاضي للمهاترات دي انا بتعرض لاكتر من كده وانتي عارفه كده كويس
رودينا : يعني انت بتزعقلي علشان خايفه عليك يعني
يوسف : يا رودي بس مش كده يا حبيبتي انتي عارفه طبيعه شغلي قوليلي اعمل ايه
رودينا : ماشي يا يوسف
يوسف : يبقي لسه زعلانه خلاص بقي بطلي رخامة
رودينا : هتيجي امتي
يوسف : هاجي قبل المغرب ان شاء الله بس ادعيلي اخلص التحقيق ده
رودينا : ان شاء الله
يوسف : يعني خلاص صافي يا لبن
رودينا بزعل : اه
يوسف : لاء حبيبي لسه زعلان فكيها بقي
رودينا : خلاص بقي
يوسف : ماشي هاجي انا بالليل اظبطك هقفل بقي علشان اذان الظهر
رودينا : اوك خلي بالك من نفسك
يوسف : وانتي كمان لا اله الا الله
رودينا : سيدنا محمد رسول الله
ظلت سيسيل واقفه في الشرفه تنتظر حبيبها لتراه بملابس الصلاه فهي تحب هذا الجلباب الابيض الذي يرتديه يوم الجمعه وشردت في ملامحة ووسامتة
ببشرته القمحيه وشعره الاسود وشاربه ولحيته الخفيفتان ولكن قطعت شرودها ايات
ايات : مالك واقفه مسهمه كده ليه
سيسيل بحب : قمر يا ناس
ايات : هو مين ده
سيسيل : ادم
ايات : ادم مين
سيسيل : ده ع اساس ان احنا نعرف 500 ادم مثلا
ايات : هو ادم جه
سيسيل بتنهيده : اااااااااااااه جة الفجر
ايات : انا واموت واعرف انتي بتعرفي منين انه جاي وبتحسي بيه ازاي
سيسيل وهي تنظر الي ايات : لما تحبي بجد هتعرفي
ايات : يارب اوعدنا .. طب ادخلي بقي اعملي معايا الغدا
سيسيل : طب يلا يا اختي
دخلت سيسيل وايات ليقوموا بتحضير الغداء وجاء يوسف وانضم اليهم علي وجبه الغداء ووقفوا بعد الغداء جميعا في الشرفه وكانت تقف رودينا مع ادم في الشرفه المقابله
ادم : ايه ياعم جو حته تعويره عاملك افلام هندي والناس مستنياك لحد الفجر
سيسيل : وفضلت قاعده انضف في الجرح واعمله عصير وحاجات غريبه كده ومفيش شكرا حتي
ادم : اخص اخص اخص كمان دكتورة سولا هي اللي قامت بالواجب ومفيش شكرا
يوسف : طب اخلع انت منها وهي تعمر
ادم : اطلع منها يا سولا
سيسيل : متوقعونيش بينكم اتصرفوا مع بعض
ادم : ماشي يا ست الناصحة ..عايزين ننزل طيب ما تيجو ننزل نقعد تحت .. ده هو حته يوم اللي انا جاي فيه
سيسيل بطفوليه : الله وحشني عزفك ع الجيتار يا ادم
ادم : لاء جيتار ايه .. انا وحشني لعب الدومينو مع جو قولت ايه يا جو
سيسيل : ومش هتعزفلي ع الجيتار
ادم بتفكير : امممممممممم هعزفلك بس بشرط نغني كلنا سوا
سيسيل : ماشي
يوسف : طيب هنروح في حته ولا هنقعد تحت بس
ادم : نتمشي شويه ع الكورنيش حتي عايز اشم هوا
يوسف : ماشي .. اصل بصراحة في ناس زعلانه مني يا دوما وانا مقدرش ع زعلهم
ادم : ياعم سيبك منهم دي بنات فاضيه انا لو منك معبرهمش
يوسف : تؤتؤتؤ ميهونوش عليا
كانت رودينا واقفه وقد صبغت وجنتها باللون الاحمر من شدة الخجل
سيسيل بهمس : بصراحة انا لو منها اكب عليك ازازة الميه دي كسفتها
يوسف : اسكتي انتي
ادم : ها هتنزلوا
الكل : اه ننزل
نزل الجميع الي الاسفل ثم ساروا قليلا ع الكورنيش
ايات : انا عايزة اكل درة
سيسيل ورودينا : نفسي في مرة اسمعك بتقولي كلمة غير الاكل
الجميع : ههههههههههههههههههههههههه
سيسيل : وياريته بيبان عليها عامله زي القطط تاكل وتنكر
ايات بمرح : بشقي يا بنتي بشقي
يوسف : بصراحة بتتعب يا جماعه قاعده في تكييف وكرسي وكمبيوتر وبتتعب جدا
الكل : ههههههههههههههههههه
ايات : اهو القر ده اللي جايبنا ورا ياعوذ بالله
بدأ الجميع في الضحك واتي لهم ادم بالايس كريم وكانوا يلهون به فوقعت الايس كريم الخاصه بسيسيل علي ادم اقتربت منه سيسسيل وبدأت في تنضيف ثيابه
سيسيل بحرج وهي تنظر الي عينيه : انا اسفه
ادم وهو ينظر لها متفحصا نظرتها : ايه يا بنتي حصل خير كنا بنهزر
يوسف : طب يلا علشان ادم يظبط اللي باظ ده
ذهب الجميع الي اسفل البنايات وصعد ادم وغير ثيابه المليئه بالايس كريم واتي بالدومينو والجيتار وبدأ يلعب وهو يوسف وكانت البنات تصفق تصفيق حار لهم
رودينا : ما كفايه بقي احنا زهقنا من الفرجة
يوسف : طب عايزة نعمل ايه
رودينا : اسكت انت .. العب شويه يا ادم ع الجيتار
ادم : تحبوا تسمعوا ايه
سيسيل : ممكن اطلب انا
ايات : متقوليش قصاد عيني انا زهقت من الاغنيه دي ليل نهار مشغلاها
سيسيل : لالالالا والله اغنيه تانيه بس نفسي اوي اسمعها من ادم واغنيها معاه
ادم وهو ينظر لها : عايزة تغني ايه يا سولا
سيسيل وهي تنظر الي عينيه : نفسي اقولك بتاعه عامر منيب
ادم : طب يلا كلنا مع بعض
بدأ ادم اللعب ع اوتار الجيتار .. ولكنه كان يلعب ع اوتار قلب سيسيل بكل لحن يخرج من الجيتار .. وبدأت سيسيل تغني مع عزف ادم وهي تنظر له وتري كل تفصيله في وجهه كانت تتأمله وكانت تقول كل كلمة كانها تقولها له وكانت تغني وتقول
نفسى اقولك على اللى بيا نفسى اقولك كلمة واحدة انت دارى بشوق عنيا ماتجوبش ثانية واحدة سبنى اقولك من الكلام حاجة توصف اللى بيا و لما اخلص
فيك غرام ابقى رد انت عليا انت مهما تقولى ايه مش هصدق غير عنياة انا بشوف احلام عمرى جوة عنيك لما عينى تنام برضة بحلم بيك حبيبى دوبت
خلاص بعد تانى محال عشت بيك احساس ابعد من الخيال ايوة دايب قلبى فيا والاهات فى الوصف صعبة ثانية واحدة تغيب عليا بحس فيها بيك بغربةايوة انا
محتاج لحضنك ضمنى حس اللى بيا نفسى اعيش العمر جنبك بس عمرى عليك شويةعايز اقولك على الحقيقة انت اجمل حاجة فيادة انا بشوف احلام عمرى
جوة عنيك لما عينى تنام برضة بحلم بيك حبيبى دوبت خلاص بعد تانى محال عشت بيك احساس ابعد من الخيال
كانت تغني ومع كل كلمة تخرج تنهيدة قويه من قلبها كانت تشعر بكل حرف يقال كانت تريد ان ترسل له رساله عن طريق هذه الاغنيه كانت تريد ان تصرخ
بكل قوتها وصوتها وتقول له احبك يا من سكن الروح واسر القلب والكيان ..احبك منذ ان رااتك عيناي وشعر بك قلبي .. لا اريد ان احيا في هذا العالم بدونك
احبك اتمني ان اقولها واعلنها للعالم اجمع.. فا انا بدونك لا اساوي شئ انت من جعل لي مكانه ..انت من شجعتني انت من علمني الحب وعلمني العشق كنت
اجهل معاني كثيره اصبحت متفوقه في اصول العشق حبيبي احبك ولا اريد ان اقولها لاحد قبلك او بعدك فانت من يستحق هذه الكلمة بل الكثير من الكلمات والاحاسيس والمشاعر
كانت شاردة مع كلمات الاغنيه وشاردة في هذه الاحاسيس التي بداخلها وتنظر الي عينيه ولا تغمض عيناها ابدا عنه شعر بها نظر لها سارت بجسده قشعريرة
من نظراتها ولكنه شرد في تلك العيون العسليه وتلك البشرة البرونزيه الصافية ولكن سريعا ما افاق من شرودة
ادم : طب يلا ولا ايه انا ورايا سفر الصبح انا هطلع انام
شعرت سيسيل به وبرعشته التي هزتها ورات في عيناه اجمل كلام ولكنه قطع تفكيرها عندما قام من مكانه وصعد الي البنايه الخاصه بهم بعد ان سلم عليهم جميعا
وصعد الجميع ودخلت سيسيل الي غرفتها وظلت واقفه في الشرفه شاردة في تلك العيون وتلك الكلمات التي تخفيها عيونه فكيف تكذذب عيونه وهي اول من
حبتها فكيف تنسي تلك النظرات الساحرة التي تلمس القلب ودخلت سيسيل عندما شعرت بتأخر الوقت فغدا هو اول يوم لتستلم فيه تدريبها استلقت علي فراشها وغطت في ثبات عميق

• لقراءة باقي فصول الرواية أضغط على (رواية ستبقى حبيبي)