رواية ستبقى حبيبي الفصل الرابع والعشرون 24 بقلم راجية الجنة

رواية ستبقى حبيبي الفصل الرابع والعشرون 24 بقلم راجية الجنة

البارت الرابع والعشرون

الـــرآبــــع والعشـــرون

ستبقــــي حبيبــــــي

صرخت سيسيل في احدي الممرضات التي جاءت ركض وحملت ريم مع سيسيل علي احدي السرائر وركضت بها سيسيل الي احدي غرف الكشف وبعثت نداء الي سحر .. جاءت سحر تركض الي غرفه الكشف وبعد الفحص
سحر : سيسيل عايزة تحليل دم كامل
سيسيل : حاضر
اخذت سيسيل عينه من دم ريم وظلت في المعمل حتي خرجت التحاليل واعطت نتيجة التحاليل الي سحر .. نظرت سحر الي تقرير التحاليل
سحر وهي تبلع ريقها : ناديلي دكتور رامي يا سيسيل
سيسيل بقلق : هو في ايه
سحر : يلا يا سيسيل بسرعه
ركضت سيسيل الي رامي وابلغته انهم في حاجة له .. وذهبت الي ادم
سيسيل وهي تلهث : ادم الحق ريم
انتفض ادم من مكانه : في ايه يا سيسيل
سيسيل : مش عارفه يا ادم بس مش مطمنة
ركض ادم مع سيسيل وذهبوا الي غرفه الكشف المتواجده بها ريم
ادم : في ايه يا رامي
رامي : مش عارف يا ادم بس كل حاجة هتبان
ادم : ما تفهمني في ايه
رامي وهو يأخذ ادم بعيدا وبصوت هامس : دي التحاليل بتاعه ريم .. انا شاكك انه يكون ورم
ادم بصدمة: ورم
رامي : ادم انت دكتور وعارف كويس اوي ان الحاجات دي بتبان بعد فحوصات كتير .. انا هعمل لريم طبقي محوري علي المخ وهنعمل اشعه لكل الجسم
ادم بعصبيه: انت بتقول ايه
رامي : ادم ارجوك اهدي مش كده
ادم بعصبيه : يعني ايه اهدي .. انت عارف انت بتقول ايه
رامي : ادم مش كده خليك واثق في ربنا وبعدين التحاليل مش مبينه حاجة اوي احنا هنعمل الاشعه علشان نطمن ونشوف في ايه بالظبط
قلقت سيسيل واقتربت منهم وقالت من بين دموعها : ريم فيها ايه مالها ريم يا ادم
ادم بحزن : مفيش حاجة يا سولا بس رامي عايز يطمن عليها
رامي : سحر لو سمحتي اللي طلبته منك اشعه كاملة وطبقي محوري
سحر : حاضر يا دكتور
سيسيل من بين دموعها: عايز كل ده وبتقولي مفيهاش حاجة
رامي : سيسيل احنا عايزين نطمن
سيسيل : قولي يا ادم ريم فيها ايه
ادم بحزن واسف : مش عارف
سيسيل بعصبيه : يعني ايه مش عارف اتكلم يا ادم
ادم بعصبيه : كفايه بقي يا سيسيل .. تركها ادم وذهب الي غرفه مكتبه يحاول ان يستجمع قواه بعد ذلك الخبر
ادم : ” هو انا ايه اللي بيحصلي ده .. ليه دايما القدر معاندني .. مش كنت عايز تسيبها .. هي الي هتسيبك .. ااااااااااااااااااه يارب سترك وعفوك ورضاك ”
اخذت سحر ريم الي غرفه الاشعه وقامت بعمل اللازم لها ولكنها صعقت عندما رآت شاشه الطبقي المحوري ونادت رامي ليري النتائج
رامي صعق ايضا عندمارآي الاشعه .. وجاء ادم الي غرفه الاشعه ورآي التقارير
رامي بأسف : مش عارف اقولك ايه يا ادم .. بس زي ما انت شايف .. الورم في مكان حساس جدا من المخ .. وللاسف العمليات للنوع ده من الاورام نسبه نجاحها ضيئله جدا .. ده كمان لو نجحت
ادم بأسف وحزن وصدمة لا يستطيع التحدث ولكن دموعه كانت خير دليل علي ما بداخله
جاءت لهم سيسيل ورآت دموع ادم
سيسيل بخوف :في ايه ريم مالها يا رامي ريم مالها
رامي بأسف : سيسيل .. ريم عندها ورم خبيث في المخ وللاسف الورم منتشر بشكل كبير ومستوطن اكتر في منطقه حساسه جدا في المخ
سيسيل بصدمة : انت بتهرج صح .. وهي تلتفت لادم هو بيقول ايه .. ايه الكلام اللي بيقوله ده ما تتكلم يا ادم ريم مفيهاش حاجة صح ريم كويسه يا ادم قولي يا ادم انطق متسكتش كده
ادم بعصبيه : لا يا سيسيل مش كويسه مش كويسه
هبطت دموعها منها رغما عنها وقالت : يعني ايه مش كويسه الكلام اللي هو بيقوله ده صح .. ريم هتموت .. هتسيبها تموت يا ادم .. وهي تضربه علي صدرة اعمل حاجة يا ادم اعمل حاجة
ادم وهو يمسكها من يديها : للاسف مفيش حاجة بايدينا غير اننا ندعيلها
سيسيل بانهيار : يعني ايه هتسيبها .. هتسيبها يا ادم تموت
ادم وهو يمسك يداها : كفايه بقي يا سيسيل كفايه
سيسيل بعصبيه : لاء مش كفايه .. مش هتسيبها يا ادم مش هتسيبها
رامي : سيسيل اللي انتي بتعمليه ده مينفعش
سيسيل : وانت عايزني اعمل ايه .. افرح صحبتي بتموت وانتوا ولا علي بالكم
رامي : سيسيل انتي دكتورة ولازم نتقبل ده
سيسيل : يعني ايه افضل حاطة ايدي علي خدي واستني هو ده اللي المفروض اعمله يا دكتور ولا اني اشوف دوا يشفيها .. احنا دكاترة ليه قولي ليه
رامي : انتي عارفه كويس اوي ان الحالات اللي زي دي لسه متوجدش ليها علاج وللاسف ريم جت متاخرة اوي انا مش عارف ازاي محدش خد باله من حاجة زي دي مكنش بيجيلها حالات اغماء صداع محستوش ولو لحظة انها تعبانه
سيسيل بحزن وندم : انا الي غلطانة .. كانت كتير بتبقي تعبانه بس بتطنش وكل ما اقولها اكشفي تقولي ارهاق .. كان لازم اغصب عليها كان لازم
ادم : وهو مشفق علي سيسيل وعلي حاله : ده نصيب يا سولا .. غصب عننا لازم نشوفه
بكت سيسيل بحرارة وارتمت بين ذراعي ادم : ليه ريم يا ادم لييييييييييييييه
ادم مداريا دموعه : مفيش حد هيغلي علي الي خلقه يا سيسيل
رامي : يا جماعه اهدوا مش كده فيه علاج ريم لازم تاخده ومتنسوش انكم لحد دلوقتي مقولتولهاش ولازم تخضع للعلاج دلوقتي قبل كمان شويه
ادم : مش هقدر
رامي : انا هدخل اتكلم معاها .. بس متنسوش ان العامل النفسي عليه قيمة كبيره في العلاج يعني لازم تبقوا جمبها
دخل رامي الي ريم وابلغها بمرضها .. بكت ريم وكانت تهبط دموعها رغما عنها حاولت ان تتماسك ولكن كيف تتماسك وحياتها علي وشك الانتهاء
رامي مهدئا اياها : ريم ده اختبار من ربنا وقادر سبحانه وتعالي يشفيكي
ريم: انا مش زعلانه علي نفسي .. انا كل همي امي مين هيراعيها وياخد باله منها بعدي .. انا مش خايفه علي نفسي علي اد ما خايفه علي امي بعد ماتعرف .. كان نفسها تشوفيني دكتورة علشان اعالجها .. اسيبها لمين
دمعت عينا رامي رغما عنه ولكنة مسح دموعه سريعا : ان شاء الله تخفي وتبقي كويسه وكل حاجة بالعلاج
ريم : علاج اللي هيطول سنين ولا ياعالم ما يمكن مكملش علاج واروح عند ربنا
رامي : كفايه يا ريم حرام عليكي
ريم : حرام عليا ايه .. حرام عليا ابكي علي نفسي
دخلت سيسيل واترمت في احضان ريم : مش هتبكي ابدا .. هتخفي وهتبقي كويسه .. وهحضر فرحك علي ادم وقامت سيسيل بمناداه ادم .. مش كده يا ادم ومن بين دموعها مش انت كنت بتقولي انكم هتنزلوا تنقوا الفستان صح .. وكمان علشان ارقص في فرحكم
ادم كانت دموعه تسيل ولا يستطيع الرد
ريم : متعيطش يا ادم انا هبقي كويسه .. ومش عايزة ابقي انا سبب حزنك .. متحزنش عليا يا ادم .. انا هبقي كويسه
اقترب منها ادم ومسك يداها : ان شاء الله تبقي كويسه
ريم ببكاء: ماما يا ادم خلي بالك منها .. وكلم محمد خليه يجي يقعد مع ماما كفايه غربه بقي .. وانتي يا سيسيل عمري ما حبيت حد اد ما حبيتك .. كنتي اختي وصحبتي .. متزعليش من ادم .. ادم ميقدرش يعيش من غيرك
سيسيل ببكاء وهي تلقي بنفسها بين احضان ريم : انا اسفه علي كل حاجة عملتها انا اسفه
ريم وهي تمسح دموع سيسيل : اوعي تتأسفي .. علشان انا عمري ما زعلت منك
سيسيل : هتقومي وهتخفي وهتبقي كويسه وهتفرحي عمرك كله
ريم : فرحتي بفرحتكم افرحوا انتوا علشان انا ابقي فرحانه .. بس متنسونيش وببكاء ولما تفتكروني ادعولي
ادم : كفايه بقي كفايه
ريم : ادم .. انا اسفه غلطت في حقك كتير .. عارفه اني كنت بارده معاك وعمري ما حسستك بالحب .. بس انا كان هدفي اني ابقي اشطر جراحة .. هنا في المستشفي كانوا مسميني الانسان الالي لاني حاطه مشاعري في تلاجة علشان اوصل لهدفي .. كان نفسي اوي احقق حلم امي .. بس غصب عني مش هقدر
رامي : كفايه كده ياريم ارجوكي ده مش كويس علشانك
ريم : مبقتش تفرق يا دكتور
رامي : ريم انا مش عايز يأس .. لازم تتشبثي بالحياه .. علشان متسيبيش ادم لوحده ولا تسيبي سيسيل مش هما حبايبك برضه .. حد يسيب حبايبه .. لازم تقاومي المرض متخلهوش يهزمك .. ريم اللي انا اعرفها قويه .. مش عايز اشوف اليأس ده تاني .. اتفقنا
ريم : اتفقنا .. ادم متخافش عليا هبقي قويه ومش هسيبكم ابدا .. بس كلم محمد عايزة اشوفه
ادم : حاضر
ذهب ادم الي مكتبه ودخل في حاله بكاء هستيري .. شعر بتأنيب الضمير تجاه ريم .. ولكنه حاول الاتصال بمحمد اخو ريم .. وبعد ان رد عليه
محمد : اخيرا سألت عليا وافتكرت انك ليك صاحب وكمان نسيب
ادم محاولا التماسك : محمد انت لازم تنزل
محمد بخوف: في ايه يا ادم ماما جرالها حاجة
ادم : لاء يا محمد
محمد بفزع: ريم مالها يا ادم
ادم من بين دموعه : ريم معاها ورم في المخ
محمد بصدمة: انت بتقول ايه .. ايه الكلام اللي انت بتقوله ده
ادم : انا نفسي مش مصدق
محمد : ادم ابعتلي كل الاشعه والتحاليل وكل التقارير يكونوا عندي انهاردة علي الايميل وانا هوريهم لدكتور اورام هنا متخصص ولو طلبت هجيبها بطيارة لهنا تتعالج
ادم : حاضر يا محمد
اغلق ادم الخط مع محمد وقام بارسال التقارير والاشعه له عن طريق البريد الالكتروني .. وحاول ان يستجمع قوته وذهب الي ريم وجدها غارقه في النوم ووجد سيسيل تقرأ القرءان وتبكي وتدعي ان الله يشفي ريم
ادم بصوت هامس : نامت
سيسيل وهي تغلق المصحف وتصدق : اه نامت
ادم : قومي ارتاحي شويه
سيسيل : تفتكر اني هعرف ارتاح .. بس بعد اذنك يا ادم تتصل بيهم في البيت وتقولهم اني هبات انهاردة في المستشفي
ادم : مش هينفع يا سيسيل
سيسيل : معلش يا ادم انا مش هسيبها لوحدها ابدا
ادم : ماشي يا سولا .. وانا هروح اجيب مامه ريم
سيسيل : اوك
ذهب ادم الي والدة ريم وجاء بها الي المسشفي ولكنها لم تتحمل ان تري ابنتها هكذا وفقدت وعيها في الحال
حاول ادم في ايفاقها وبدأت تبكي علي ابنتها .. وحاول ادم تهدئتها .. وقال لها انها ستكون بخير
فاقت ريم علي صوت بكاء امها وارتمت بين ذراعيها وظلت تبكي
الام : متبكيش يا بنتي ان شاء الله هتبقي كويسه
ريم من بين دموعها : ادعيلي يا ماما
خرجت سيسيل من الغرفه وذهبت الي غرفه الاستراحة وبدأت تبكي .. فشعرت بتأنيب الضمير تجاه ريم .. وفرشت سجادة الصلاه ورفعت يداها للسماء ” يارب انا مبقتش عايزة حاجة .. حتي ادم مابقتش عايزاه وعمري ما هزعل تاني .. يارب خليها علشان ادم واشفيها .. يارب اشفيها يارب علشان خاطر مامتها .. يارب اشفيها يارب .. انت بس اللي عارف اللي في قلبي يارب سامحني لو كنت زعلتها ولا تعبتها في يوم .. يارب اشفيها يارب .. يارب خليها تفرح وتعيش حياتها وتفرح بادم .. انا خلاص والله ما بقيت عايزة حاجة غير انها تبقي كويسه وبس .. يارب اقبل مني واشفيها يارب ”
مسحت دموعها اثر دق علي الباب .. قامت وفتحت باب الغرفه وجدت ادم امامها
سيسيل : انت مروحتش ليه
ادم : تفتكري يعني اني هعرف اروح
سيسيل : ان شاء الله تبقي كويسه وتخف
ادم بحزن : ان شاء الله

• لقراءة باقي فصول الرواية أضغط على (رواية ستبقى حبيبي)