رواية ستبقى حبيبي الفصل الثالث 3 بقلم راجية الجنة

رواية ستبقى حبيبي الفصل الثالث 3 بقلم راجية الجنة

البارت الثالث

الفصـــــل الثـــــآلــــث

في صباح اليوم التالي استيقظت سيسيل مبكرا.. وايقظت ايات ويوسف ليذهبوا الي اشغالهم فبالرغم من نومها متأخرة الا انها دائما تستيقظ مبكره دخلت المرحاض واخذت شاور وبدلت ملابس النوم ببنطال قصير من الجينز ” برمودا ” وتي شي شيرت ابيض عليه رسمة باربي ورفعت شعرها الكستنائي علي ذيل الحصان وحذاء رياضي ابيض

سيسيل : صباح الخير يا خالتو

حنان : صباح الخير يا روح خالتو ع فين ع الصبح كده

سيسيل : هنزل مع ايات اتمشي شويه ع الكورنيش واجيب الفلافل السخنة ونفطر سوا انا وانتي

حنان : ماشي يا حبيبتي

سيسيل : يلا يا ايات هتتأخري

ايات من الداخل : جايه اهو

خرجت ايات واتجهت الي طاوله الطعام وصنعت لنفسها سندوتش من الجبنه واخذته ثم غادرت المنزل مع سيسيل

ايات : يلا انا هركب المشروع ” ميكروباص “ده

سيسيل : طيب سلام انا

ايات : سلام

كانت تسير سيسيل ع الكورنيش وتستمتع بهواء الصباح النقي وكانت حرارة الشمس رائعه فوجدته يسير بجانبها

ادم : صباح الخير ازيك يا سولا

سيسيل بفرحة : صباح النور ازيك يا ادم

ادم : تمام الحمد لله .. ماشيه لوحدك ليه

سيسيل : كنت بتمشي ع الكورنيش شويه وهروح اجيب فطار ليا ولخالتو

ادم : مشي الصبح ع الكورنيش ممتع

سيسيل : جدا

ادم : هتستلمي التكليف امتي

سيسيل : لسه الاسبوع الجاي ان شاء الله

ادم : بالتوفيق ان شاء الله

سيسيل : وانت مسافر امتي

ادم : بكرة ان شاء الله

سيسيل : تروح وترجع بالسلامة يارب

كانت فرحة بانها تسير بجوار حبيبها.. بالرغم من ان الصمت قد عم عليهم ولكن كان قلبها يدق بشده .. وكانت الرعشه تسري في جسدها فهي لا تصدق هل صحيح انها تسير بجوار من احبت .. قريبه منه تتحدث اليه كل هذه الافكار كانت في عقلها.. وكانت تختلس له النظر من حين الي اخر حتي قطع شرودها بكلامة

ادم : بعدنا نرجع بقي

سيسيل : اوك علشان كمان هجيب فطار

ادم : اوك وانا كمان

ذهبوا الي مطعم ليحضروا الافطار

ادم : عايزة ايه اجيبهولك

سيسيل : عايزة فول وفلافل وبطاطس الفلوس اهي

ادم وهو ينظر لها : عيب كده لما تديني الفلوس هروح اجيب

كانت تشعر بانه رجلها ..هو من تمنته سنين طوال .. ودعت الله بان يكون من نصيبها .. فهو حب حياتها ولم تحب سواه .. فتحت عيناها علي حبه هو ولم تتمني سواه زوجا لها

ادم : يلا

سيسيل وهي تنظر له بحب : يلا

ذهبوا الي منازلهم وصعدت سيسيل وكانت هائمة وكانت خدودها موردة دقت الباب وفتحت لها حنان

حنان : ايه يا سولا اتأخرتي ليه كده

سيسيل : هه ابدا يا خالتو كنت بجيب الفطار

حنان : مالك يا سولا فيكي ايه

سيسيل : مشي معايا ع الكورنيش يا خالتو ومرضيش يخليني ادفع فلوس الفطار

حنان : ادم

سيسيل : ايووووووووووووة بتنهيدة ادم

حنان : ربنا يجعله من نصيبك يارب

سيسيل : اميييييييييييييين يارب .. هدخل اغير واحضر الفطار

حنان : ماشي يلا

دخلت سيسيل الي غرفتها ..وبدلت ملابسها الي فستان قصير باللون الزهري من القطن نص كم مرسوم عليه مجموعه من الشخصيات الكرتونيه ..ودخلت الي المطبخ اعدت الفطور واعدت الشاي .. وجلست هي وخالتها حول المائدة لتناول الفطور.. وبعد ان انهوا فطورهم جلسوا يحتسون الشاي امام التلفاز .. واذ بباب الشقه يدق قامت سيسيل لتفتح الباب وجدت امامها نجلاء

سيسيل : ازيك يا طنط

نجلاء : الحمد لله يا حبيبتي حنان هنا

سيسيل : اه هنا اتفضلي يا طنط

نجلاء بعد ان دخلت : قولت اسأل مادام انتي مش بتسألي

حنان وهي تقوم لتسلم علي نجلاء : ازيك يا نوجا حمد الله ع سلامتك

نجلاء : الحمد لله يا حنون واحشاني والله

حنان : وانتي كمان والله تعالي اقعدي

سيسيل : هقوم انا اعمل القهوة التمام لاحلي نوجا وحنون

نجلاء : عقبال ما اشرب شرباتك يارب

سيسيل وتوردت خدودها : ان شاء الله

نجلاء : يا خراشي ع العسل وهو بيتكسف

دخلت سيسيل الي المطبخ تسويه القهوة

نجلاء : مش هنفرح بيها ولا ايه

حنان : لسه نصيبها ماجاش

نجلاء : يارب تفرحي بيها هي وايات في يوم واحد يارب

حنان : امين يارب

جاءت سيسيل حامله القهوة ووضعتها ع الطاوله وجلست بجوار نجلاء

سيسيل : هي رودي ماجاتش معاكي ليه يا طنط

نجلاء : ده لسه نايمة الهانم

سيسيل : طول عمرها خم نوم

نجلاء : نفسي تتعلم منك النشاط

سيسيل : انا لازم اكون نشيطة علشان دراستي وشغلي ..الثانيه ممكن تفرق في حياه انسان

نجلاء : نفس كلمة ادم .. يا ابني اقعد كول.. الوقت يا ماما الثانيه تفرق في حياه انسان

سيسيل بحب : ربنا يحميه نفسي اكون دكتورة شاطرة زيه

نجلاء : ان شاء الله واحسن منه كمان

سيسيل : طيب بعد اذنكم انا اسيبكم تاخدو راحتكم وهدخل انا اظبط الكركبه اللي ايات عملتها

حنان ، نجلاء : اوك

دخلت سيسيل الي غرفتها وبدأت في توضيبها .. ثم ذهبت الي الشرفه ووقفت فيها تنتظرة حتي تراه فهي تشتاقه حتي وهو امام عيونها.. دائما تريدة بجانها حولها قريبا منها ..كانت تقف شارده مبتسمة وخرج هو الي الشرفه ممسكا بكوب الشاي بحليب

ادم : انتي ع طول كده قاعده في البيت يعني جايه اسبوع تتفسحي حابسينك كده

سيسيل : لا ابدا انا بحب وقفه البلكونه منها بشوف البحر وبشوف الناس

ادم : بس انتي قدامك اسبوع واحد وتمارسي عمل شاق جدا لازم تصفي ذهنك وتحسي براحة نفسيه علشان تعرفي تشتغلي

سيسيل : انا حياتي هو شغلي ومش بلاقي راحتي غير فيه لاني نفسي اثبت ذاتي وابقي اكبر جراحة قلب في مصر

ادم : ان شاء الله توصلي للي انتي بتتمنيه بس كمان لازم تتفسحي شويه

سيسيل : جو ع طول مشغول وايات بترجع متأخر وخالتو طبعا مش هتنزل معايا وانا بحب اجي اقعد معاهم واشوف طلبات خالتو

ادم : خلاص هخلي رودي تعدي عليكي ونخرج سوا انهاردة ايه رئيك

سيسيل : ماشي هدخل اقول لخالتو واستأذن منها

ادم : ماشي وانا هستناكي

دخلت سيسيل الي الغرفه المتواجد فيها نجلاء وحنان

سيسيل : خالتو بعد اذنك ممكن اخرج مع ادم ورودينا

حنان : طيب استني لما يوسسف يجي ويخرج معاكم هو وايات

نجلاء : حرام عليكي يا حنان يوسف طول النهار في الشغل ومش بيرجع غير متأخر.. وايات زيه ومش هيبقوا فاضيين وتعبانين ..هي بقي جايه تتفسح ولا تقعد في البيت .. ما تخليها تخرج معاهم ورودينا هتبقي معاهم بس اهو ادم يحميهم

حنان : طيب يا سيسيل

سيسيل بفرحة : ميرسي يا طنط نوجا ميرسي يا احلي خالتو في الدنيا

خرجت سيسيل الي الشرفه لتبلغ ادم ان خالتها وافقت ع الخروج معه

ادم : طيب ادخلي البسي عقبال ما اصحي الموصيبه اللي نايمة جوة دي نروح نتغدي في حته وبعد كده نشوف هنروح فين

سيسيل : اوك

دخلت سيسيل الي المرحاض واخذت شاور .. وارتدت جينز اسكيني باللون البني وتوب كب باللون البيج وبوليرو قصير مداريا للكتف باللون البني ورفعت شعرها من جانب بتوكه باللون البيج وتركته ينسدل من الجانب الاخر وارتدت في رقبتها سلسال قصير بحجم الرقبه علي شكل قلب مفرغ وارتدت شوز بيج وشنطة صغيرة بيج ووضعت القليل من مساحيق التجميل التي تبرز لون بشرتها البرونزيه وخرجت من الغرفه

سيسيل : خالتو انا نازله

نجلاء : بسم الله ماشاء الله قمر

سيسيل وقد توردت خدودها : ميرسي يا طنط

حنان : طيب يا سيسيل خلي بالك من نفسك يا حبيبتي

سيسيل : حاضر يا خالتو بعد اذنكم

الاثنين : اتفضلي يا حبيبتي

نجلاء : انتي مكنتيش عايزة تخرجيها مع ادم صح

حنان : بصراحة يا نجلاء صح البنت في رقبتي ومينفعش حد يتكلم عليها ربع كلمة ادم انا عارفاه ومربياه بس الناس ماتعرفش ده

نجلاء : وانا والله معاكي بس البنت حرام جايه وطلعان عينها 8 سنين في الكليه نفسها تتفسح وعيالك مش فاضيين وانتي عارفه ان ادم كل فين وفين لما بيجي وبصراحة بقي كده انا حاسه ان فيه انجذاب بينهم خليهم بقي يمكن نفرح بيهم

حنان : وانا ما اكرهش يا نجلاء وانتي عارفه ان انا نفسي افرح بسيسيل حتي قبل ما افرح بايات وادم ده اكتر من يوسف عندي بس كمان يا حبيبتي كلام الناس مش بيرحم

نجلاء : خلاص بقي متعقدهاش ماهي رودينا معاهم

حنان : خلاص يا نجلاء

هبطت سيسيل الي الاسفل ووجدت ادم ورودينا سلمت عليهم وساروا جميعا في اتجاه الكورنيش

ادم : ها تحبو تتغدوا فين

رودينا : ايه رئيك يا سولا نروح كوك دور

سيسيل : اوك

ذهبوا الي كوك دور وجلسوا حول الطاوله وذهب ادم واختار لهم الطعام فهو يعلم ما تحبه سيسيل وعاد اليهم

ادم : طلبتلك السوبر كرانشي اللي انتي بتحبيه يا سولا

فرحت سيسيل بان ادم مازال يتذكر ماذا تحب وماذا تكره فهو دائما يشعرها بالاهتمام ودائما يكون بجانبها

سيسيل : ميرسي يا ادم

جاء النادل ووضع الطلبات وبدأو في تناول طعامهم وكانت سيسيل تتفقده من حين الي اخر بالنظر اليه لكي تشبع من روئياه

ادم : وانتي يا سولا مبسوطة ان التكليف بتاعك جه اسكندريه

سيسيل : طبعا انت عارف اني عشت عمري كله هنا في اسكندرية وانا بعشق اسكندرية وكمان انت عارف اني بحب خالتو ويويا وجو

ادم : اه طبعا ربنا يخليكي ليهم بس مش هتبقي مفتقده باباكي ومامتك

سيسيل : اه طبعا هفتقدهم ووحشوني جدا كمان في اليومين دول واللي مفتقداه بجد زياد

ادم : صحيح زياد اخوكي عامل ايه تعرفي اني بقالي ازيد من 5 سنين معرفش عنه حاجة من ساعه ماكان في الكليه

سيسيل : زياد اتخرج من الكليه واتدرب عند محامي كبير اوي واشتغل معاه فترة وبعد كده استقل بقي عنده مكتبه الخاص

ادم : والله فرحت ليه جدا ربنا يوفقه يارب

سيسيل : يارب

رودينا : تعرفي يا بت يا سولا انا اعرفك بقالي زمن اهو ومخدتش منك رقم تليفونك ولا ميلك ولا حتي الفيس بوك بتاعك

سيسيل بضحكة : ههههههههههههه فيس بوك يا بنتي انا الفيس بوك بتاعك ده واصلي من كام شهربس انا علاقتي بالنت سطحيه جدا هو مجرد مقالات طبيه مجالات طبيه مؤتمرات تقارير اكتر من كده شكرا

رودينا : ده انتي قديمة اووووووووووي

سيسيل : اعمل ايه بس انا معنديش اجازات يادوب هو الاسبوع اللي كنت باجي فيه كل سنه واخر سنتين مكنش فيه حتي يوم اجازة بس الحمد لله وصلتله

رودينا : طب هاتي ميلك وانا اضيفك

سيسيل : طيب خدي الميل اهو

وكتب سيسيل لرودينا الميل الخاص بها

سيسيل : وانت يا ادم عندك فيس بوك

ادم : اه عندي بس نادرا لما بفتح يعني

سيسيل : اوك هبقي اضيفك

ادم : خلاص تمام

ذهبوا من المطعم وساروا ع الكورنيش وبدأو في التقاط الصور التذكاريه سويا وكان اكترها يجمع بين ادم وسيسيل ثم عادوا الي منازلهم صعدت سيسيل الي شقه خالتها ووجدت يوسف في انتظارها

يوسف بجديه: سيسيل عايزك لو سمحتي

سيسيل بقلق : حاضر يا جو

تبعته سيسيل الي غرفته في كثير من القلق والحيرة ودخلت خلفه وجدته جالسا امام مكتبه وكان يظهر ع وجهه الشده

يوسف بحده : اقفلي الباب وراكي واقعدي قدامي ع المكتب

اغلقت سيسيل الباب ثم ذهبت اليه وجلست امامه ع مكتبه

يوسف : انتي خلاص بقيتي زيك زي ايات .. طالما هتعيشي هنا يبقي انتي تحت مسؤليتي انا .. انا هنا راجل البيت تخرجي تتصلي تقوليلي.. مش ارجع اسأل عليكي ماما تقولي مع ادم ..ادم راجل غريب عننا يعني مينفعش تخرجي معاه لوحدك

سيسيل وكانت عيونها ممتلأه بالدموع وكان صوتها يخرج بالكاد يسمع : بس ادم متربي معانا

يوسف : انا مقولتش ان ادم وحش ..بس عايزة تخرجي تقوليلي انا عايزة اخرج ..كلام الناس مبيرحمش وانتي سمعتك من سمعتنا مش هقبل باي مخلوق يمسك

سيسيل ودموعها تنهمر : بس انت ع طول مشغول وايات كمان وانا كنت مخنوقه وهو عرض عليا اننا نخرج ورودي كانت معانا

يوسف وهو يقوم من علي المكتب ويتجه اليها ويضع يده ع كتفها ويجلس امامها وينظر لها : دموعك مش عايز اشوفها ولو عايزة تخرجي تقوليلي وانا هخلقلك وقت حتي لو هعمل المستحيل بس خروج مع ادم تاني لاء

سيسيل : ليه يا جو

يوسف : علشان مينفعش يا سيسيل ..انا خايف عليكي يا حبيبتي اتفقنا

سيسيل وهي تقوم بمسح دموعها : حاضر يا يوسف انا اسفه

يوسف : خلاص يا سولا اول واخر مرة قومي غيري يلا علشان نتعشي

سيسيل : حاضر

دخلت سيسيل الي غرفتها وكانت دموعها تنهمر منها .. فلا احد يفهمها فهي تنسي نفسها عندما يطلب منها شئ فكيف ترفض له ان تخرج معه وتؤنس بالنزهه معه .. فهو حبيبها بل هو نبضها وكيانها فهي تنتهز الفرصه التي تكون معه بجوارة وبالقرب منه ..يطلبون منها ان تفوت الفرصه في التقرب منه كيف يطلبون منها ان تتخلي عن الفرصه الوحيدة التي تسمح لها بان تكتسب نفسا عميقا ليساعدها ع الحياه .. ولكن قطع شرودها صوت حنان من خلف الباب تنادي عليها لتذهب لتناول العشاء معهم

ذهبت سيسيل وجلست معهم حول الطاوله ولكن لم تقم بتناول اي شئ كان يلاحظ هذا الجميع ولكنهم لم يعلقوا فاصبحت سيسيل فتاه عاقله يجب ان تحاسب علي كل تصرف تفعله ثم غادرت الطاوله واتجهت الي غرفتها ولحقتها ايات

ايات : ايه يا بنتي انتي مالك

سيسيل : يوسف زعل مني علشان خرجت مع ادم

ايات : لازم تحكمي عقلك شويه متخليش مشاعرك هي اللي تتحكم فيكي مينفعش انتي خلاص بقيتي دكتورة ومشاعرك لازم تتجنبيها شويه

سيسيل : بضعف معاه يا ايات بضعف ومش بقدر ارفض ليه طلب ده انا ما بصدق انه يكلمني جوايا حاجات كتير اوي نفسي اقولهاله بس لما بشوفه مش بقدر اقول ولا حرف حتي

ايات : لو هو نصيبك هيحس بيكي وهيجيلك جري بس لو مش نصيبك يبقي منزعلش ونشوف بكرة مخبيلنا ايه

سيسيل : مش بتمني من الدنيا غير انه يحس بيا وباللي جوايا

ايات : ربنا يريح بالك ويجعله من نصيبك

سيسيل : امين يارب

ظلت سيسيل جالسه وكانت ايات معها وسردت عليها كل ما حدث وتناست زعل يوسف الذي عكر عليها صفو فسحتها مع حبيب عمرها ..وفتحت الحاسوب الشخصي ..وقامت بفتح حسابها الخاص ع موقع التواصل الاجتماعي ” فيس بوك ” وقامت باضافه رودينا في قائمة الاصدقاء وقامت باضافه ادم ايضا وبدأت في تصفح الانترنت حتي ملت منه وقامت بتشغيل الحاسوب الشخصي ع اغنيه” عيون القلب ”

عيون القلب سهرانه مابتنامشى
لانا صاحيه ولا نايمه مبقدرشى
يبات الليل يبات سهران على رمشى

وانا رمشى مداق النوم وهو عيونه تشبع نوم
روح يا نوم من عين حبيبى روح يا نوم

حبيبى حبيبى اه من حبيبى عليه احلى ابتسامه
لما بتتضحك عيونه بقول يلا السلامه
لما يسلم عليه والا يقولى كلام
عايزه ورا كل كلمه اقوله ياسلام ياسلام
ده قالى فى يوم ياحبيبتى خدى القمر
ورحت معاها وما ادنى الا السهر

وانا رمشى مداق النوم وهو عيونه تشبع نوم
روح يا نوم من عين حبيبى روح يا نوم

تقولى كلام وافرح بيه انا افرح بيه
اسيب النوم وافكر فيك انا افكر فيك
انت تقول وتمشى وانا اسهر منامشى
ياللى مبتسهرشى ليله ياحبيبى

سهرانى حبيبى حبك ياحبيبى
بكتب على الليالى اسمك ياحبيبى
انت تقول وتمشى وانا اسهر منامشى
ياللى مبتسهرشى ليله ياحبيبى

سهرانى حبيبى حبك ياحبيبى
بكتب على الليالى اسمك ياحبيبى
ده قالى فى يوم ياحبيبتى خدى القمر
وروحت معاها وماادنى الا السهر

وانا رمشى مداق النوم وهو عيونه تشبع نوم
روح يا نوم من عين حبيبى روح يا نوم

حبيتك يا حبيبى من غير ما اسال سؤال
وها اسهر يا حبيبى مهما طال المطال
انا بس اللى محيرانى ومخلنيش انام
ازاى انا بقدر اسهر و ازاى تقدر تنام
و اقوله حبيبى كل ما فيك حبيبى وحلو
صوتك حلو قلبك حلو وحتى لما تتعبنى
و اسهرلك سهرك حلو

وانا رمشى مداق النوم وهو عيونه تشبع نوم
روح يا نوم من عين حبيبى روح يا نوم

خرج الي الشرفه علي صوت نجاه ومعه كوب الشاي بالحليب

ادم : الله عليكي بجد .. تعرفي اني مش بحب اسمع نجاه غير منك

سيسيل بفرحة : ازاي

ادم : مش عارف لما بسمعها وانتي مشغلاها بيبقي ليها طعم تاني خالص بحس ان كل كلمة بتقولها ليها معني

سيسيل : ” يارب تفهم بقي ” انا بحب نجاه من صغري

ادم : وانا بحب نجاه بس عمري ما فكرت اسمعلها اغنيه كده لوحدي لازم اسمع الاغنيه اللي انتي بتشغليها

سيسيل بتنهيده : خلاص هشغلك كل اغاني نجاه بعد كده

ادم : خلاص بقي ده انا مسافر بكرة

سيسيل بحزن: ع طول كده

ادم : هو انا هلحق ده يادوب الخميس وهتلاقوني هنا

سيسيل : تروح وترجع بالف سلامة هنستناك

ادم : ان شاء الله الاغنيه خلصت انا هدخل بقي انام علشان هصحي بدري

سيسيل وكانت تنظر له نظرات مليئه بالاشتياق والحب : تصبح ع خير

ادم : وانتي من اهله

دخل واغلق باب الشرفه خلفه كانت تشعر بانها اشتاقت اليه بالرغم من انها كانت تراه امامها منذ قليل .. ولكن هاهو الحب ان تشتاق الي حبيبك حتي وان كان امامك .. ظلت واقفه في الشرفه وتنظر الي شرفته المغلقه وكانت تسرح وكانها تريد ان تعرف ماذا يفعل خلف هذه الشرفه وافاقت من شرودها ع صوت ايات

ايات : يا بنتي ارحميني عايزة انام اقفلي بقي البلكونه دي

سيسيل وهي تدخل وتغلق باب الشرفه : يخربيت رخامتك انتي ع طول كده مبوظة مودي

ايات : طب اتخمدي بقي يا عم الرومانسي

دخلت سيسيل الي فراشها وامسكت وسادتها وقامت بحضنها وكانت تحلم بتلك الملامح الجذابه التي كانت امامها الان حتي غلبها النوم ونامت

• لقراءة باقي فصول الرواية أضغط على (رواية ستبقى حبيبي)