رواية زوجتي زعيمة مافيا الفصل الثاني 2 بقلم حنان محمد
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)
رواية زوجتي زعيمة مافيا الفصل الثاني 2 بقلم حنان محمد
البارت الثاني
مكنتش مستوعب فكرة أن مبعوتلي لوكيشن على الواتساب من واحد عمري ما شفته يعرف مراتي وعارف مكانها وهيروح ينقذها من اللي خاطفينها!
كل حاجه بتحصل كانت فوق استيعابي، لكن نزلت على طول أول ما عم عبده شافني نازل ووشي مخطوف قالي:
– شفت يا بيه .. جالك كلامي
مردتش عليه وخرجت من العمارة ركبت عربيتي ومشيت تجاة اللوكيشن اللي مبعوتلي أول ما وصلت مكانش شبه مهجور كده عمارة عن جارج قديم
دخلت بهدوء وانا رجلي بتترعش
لقيت شخص ماسك سلاح وبيقرب عليا وبيمد ايده بالسلام وبيقولي:
– متقلقش .. هنرجعها النهارده
= هو في ايه .. أنا مش فاهم حاجه .. أنت مين وايه علاقتك ببسمة ومين اللي خاطفها
– بص أنا مقدرش أقولك حاجه .. لازم الزعيمة بنفسها هي اللي تقولك
= طيب وفين الزعيمة دي؟
– مراتك
= أحيييه
خدني من إيدي ودخلنا جوه أكتر في الجراج
وفجأة لقيت ما لا يقل عن 100 شخص واقفين بأسلحه وشهاب بيقولهم:
– مش هنسيب الدهشوري حي بعد عملته دي .. يخطف زعيمتنا وعاوز ينفض بجلده!
بصيتله وقولتله:
-هو في الدهشوري كمان .. ده مين ده؟
مال عليا وقال:
– ده راجل شمال .. تاجر مُخدرات خطف الزعيمة بسبب أن إحنا نزلنا مخازنه وخدنا كُل البضاعة اللي فيها
بصيتله بصدمة وقولتله:
– انتوا دول اللي هو انتوا وبسمة صح؟
هز راسه بالإيجاب وقولتله:
– أنت متأكد أن المقصودة بسمة مراتي؟
هز راسه مره تانيه بالإيجاب
فقعدت افتكر خوف بسمة من الصراصير!
فكمل شهاب كلامه للرجالة وقال:
– زعيمتنا أتخطفت .. ولو معرفناش ننيمها في بيتنا النهارده .. يبقى منستحقش نكون رجالتها
وبعدين بصلي وقال:
-قائد العملية دي .. هيكون أقرب واحد للزعيمة .. هيكون جوزها المهندس نادر
قال جملته ومد ايده ليا بمسدس
بصيتله باستغراب
وافتكرت خوفي أنا كمان من الصراصير وقولتله:
– حضرتك أنا عمري ما مسكت سلاح ..
وبعدين وطيت صوتي أكتر وميلت على ودنه وقولتله:
- أنما كنت شايل هم شكي في أنها بتخوني عشان مش هعرف أقتل اللي بتخوني معاه
بصلي شهاب بغضب وحط المسدس ف إيدي وقال:
– كُلنا تحت أمرك يا م. نادر .. إحنا جاهزين نتحرك
= احيه ..
يُتبع ..
- لقراءة باقي فصول الرواية أضغط على (رواية زوجتي زعيمة مافيا)
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)