رواية زوجة تانية الفصل الأول 1 بقلم شيماء ناصر

رواية زوجة تانية الفصل الأول 1 بقلم شيماء ناصر

 

 

البارت الأول

 

#زوجة_تانية
بارت اول✨
ابني فل ومن بكره اجوزه ست ستك ويخلف الدور والباقي عليكي روحي اكشفي عشان شكلك معيوبه
بصدمه من طريقة كلامها: انتى ازاي تكلميني كدا احترمي نفسك معايا
بزعيق: بت اتكلمي عدل مع امي
عشق بانفعال:وانت مسمعتش انها قالت عليا معيوبه متوقعتش انك تقف ساكت بعد الي اتقال عليا ده
=واي ياختي الي اتقال كل ده عشان قولت كلمه طب ما انا معايا حق بقالك متجوزه قد اي.5سنين ومخلفتيش لحد دلوقتي واحنا صبرين عليكي وخلاص كده انا جبت اخري منك
عشق بعصبيه: مش بايدي كل حاجه بتاعت ربنا وانا كويسه وسليمه مش معيوبه زي ما قولتي عني من شويه
=واحنا اش عرفنا ما تشوفي نفسك كبرتي وداخله علي ال ٣٠سنه والي كانو من سنك عندهم بدل الواحد اتنين انتي اي بق
عشق بصت لي جوزها بكسره الي واقف وسامع الكلام وساكت….
قولتلك اني مش عايزه اعيش مع حماتي في بيت واحد قولتلي هتعملك زي بنتها واكتر بس انا مش شايفه ده وانت بدل ما تسكتها سيبها
مازن ببرود: معاها حق في كل كلمه انا لحد دلوقتي مبقتش اب
عشق: وانا ذنبي اي!!! دكاتره ورحت مسكتش واكدولي ان ده طبيعي تاخر الحمل ربنا لسه مكتبليش الخلفه
=اه واحنا المفروض نصبر عليكي لحد ما ربنا ينفخ في صورتك وتحملي…
عشق: انتي مؤمنه بان ربنا مش بياخر الا ولو في سبب
=ونعم بالله بصي بق معلش انتي عاوزه تصبري يبق مع نفسك انما احنا لا
عشق: مش فاهمه كلامك قصدك اي
=قصدي كل خير ان شاءلله وابني هيتجوز ان شاءلله اخر الشهر ده
عشق بصت لي مازن والزعل متملك منها: هيتجوز؟ مستحيل يعمل فيا كدا
=وميعملش لي هو انتي اول واحده جوزها يتجوز عليها وبعدين متقلقيش احنا برضو بنفهم في الاصول ومش هيطلقك…. هتفضلي هنا وهتخدميني
عشق: اخدم مين هو انتو جيبني هنا خدامه؟ وبصت لي مازن بغضب… معقول هتتجوز بسبب حاجه مش بايدي
=اي الدراما الي عملاها دي
عشق: بعد اذنك انا مش بكلمك كلامي كله مع جوزي لو سمحتي
مازن شد دراع عشق بعنف:هو انتي مش ناويه تلمي نفسك وتحترمي امي وانتي بتتكلمي….
=شوفت ياحبيبي بتكلمني ازاي بق هي دي الي وقفت قصادي واتجوزتها سامع بتكلم امك ازاي
مازن: اعتذري من امي يلااا اخلصييي
عشق: انت بتهزر اكيد اعتذر ليها ده مستحيل انا مغلطش فيها عشان اعتذر
=سبها ياحبيبي متعصبش نفسك علشانها انا لا عايزه منها اعتذار ولا حاجه وتسلمي يابنت الاصول اهلك عرفو يربوكي كويس يلا ياحبيبي تعال معايا سبها
عشق بغضب: لو ملك بنتك مش بتخلف هترضي حماتها تقولها انتي معيوبه!
=متخلقش لسا الي يزعل بنتي وبعدين متقرنيش بنتي بيكي اصلها فوق وانتي تحت
عشق: انا مش هرد عليكي عشان مفيش كلام يوصفك… وانت عايز تتجوز مع الف سلامه متدخلش الشقه دي تاني شقتي محدش يطلعها لا انت ولا حد من اهلك وانا هفضل في شقتي بكرامتي
مازن: شقه مين ياام شقه انا هتجوز في الشقه دي انتي بق مش عاجبك مع الف سلامه….. تعالي يست الكل ننزل
=يلا ياحبيبي
سبوها ونزلو تحت صدمه من عشق الي واقفه بالعافيه مش قادره تسند طولها
(عشق بنت متوسطة الجمال عيونها عسلي ومحجبة وحيدة اخواتها الرجاله)
قعدت عشق علي الركنه وحطت اديها علي راسها…. استغفر الله العظيم واتوب اليه يارب مليش غيرك…
مسكت تلفونها ورنت علي ابوها….
«الوو…
» الو ياعشق عامله اي يابنتي
عشق بعياط«باااابااا تعال دلوقتي حالا
» مالك في اي!!!!

 

• لقراءة باقي فصول الرواية أضغط على (رواية زوجة ثانية)