رواية زمن اخر الفصل الثالث 3 بقلم شهد

رواية زمن اخر الفصل الثالث 3 بقلم شهد

 

 

البارت الثالث

 

ليليا بستغرب اكتر: فاطمه هو احنا كام فى الشهر
فاطمه: 6
ليليا: ايوا سنه كام
فاطمه: 1890
ليليا بصدمه: نعم
فاطمه: تعالى ياطنط البيت بتاعنا اهو
فاطمه كانت بتشد ايدى عشان نروح البيت اللي بتشاور عليه قدام وانا ماشيه معاها مش فاهمه ازاي 1890 احنا فى 2025 ازاي كده دماغى مش مستوعبة حاجه قولت يمكن البنت بتهزر و اسال حد كبير فاهم عنها ف روحت معاها عشان ارجعها و ارجع انا على طول عشان مش ناقصه خناق مع اخويا بصراحه
ليليا: هو ده البيت

 

فاطمه: اه استنى اشوف ماما
فاطمه دخلت تجرى فى البيت جوه تشوف مامتها المفروض وانا فضلت اشوف المكان بس فعلا المكان غريب جدا حاجه كده شبه عمر افندى بس على جد شويه مش ضحك زاى عمر افندى فضلت واقفه خمس دقايق لحد لما شوفت ست خرجت من البيت بس لبسها مختلف بردو يالهوي لو الموضوع بجد
مرفت: اشكرك جدا انك ساعدتى بنتى
ليليا: ولا شكر ولا حاجه اى حد مكانى كان هيعمل كده انا بس عندي سؤال ل حضرتك
مرفت: اتفضلي
ليليا: هو احنا سنه كام
مرفت بستغرب: 1890
ليليا: بتتكلمي بجد ولا بتهزري طيب
مرفت: اهزر ليه يامدموزيل
ليليا: يالهوي مدموزيل كمان لا لا مش هينفع والله انا اكيد بحلم بصى ياحبيبتي بنتك معاكي انا هرجع مكان ما جيت اشوفكم بخير
طلعت اجرى من المكان الغريب ده دول مجانين ياعم قال اى الزمن رجع 135 سنه مره واحده ده انا لسه مجتش الدنيا اصلا كده ياختى بقيت اكلم نفسي اكتر انا مش فاكره الطريق اللي جيت منوا طب اعمل اى دلوقتي ياربى لازم اعمل جدعه وتعالى اوصلك ومش عارف اى احسن عشان اتعلم بعد كده امشى مليش دعوه بحد بس دي كانت طفله صغيره ياربى يعني انا اعمل خير و فى الاخر يحصل معايا كده الحمدلله بس انا هعمل اى
ليليا: لو سمحت
شاب: اتفضلي
ليليا: كنت عاوزه اروح عند الكورنيش ممكن تقولي اروح ازاي
شاب: بس ده بعيد عن هنا يامدموزيل
ليليا: مدموزيل تاني مش مهم طيب حضرتك انا ممكن اركب اى عشان اروح هناك
الشاب: ممكن تركبى عربيه خيل اسهل حاجه و اسرع حاجه
ليليا: تمام شكرا يا
يوسف: اسمى يوسف
ليليا: شكرا يايوسف بعد اذنك
لو كنت فى وقت تانى كنت فضلت اتكلم معاه اكتر اكيد شخص كده زاى الافلام و هدومه بردو حاجه كده كاريزما يارب هو انا فى اى ولا فى اى المهم دلوقتي الوقت اتاخر مفيش تاكسى عايز يجي اعمل اى بس دلوقتي محستش ب نفسي غير وانا قاعده على جنب بعيط على حظى
ليليا بعيط: يعني يارب لما اروح مكان غريب اكون رجعت ب الزمن طب ازاي بس انا مش فاهمه حاجه حاسه اني فى حلم او اتجننت بجد انا تعبت مش كفايه اني لوحدي كمان يحصل معايا كده طب انا اعمل اى دلوقتي انا مش عارفه حاجه خالص يارب ساعدنى يارب
فضلت قاعده شويه بعيط مش عارفه اعمل حاجه و مش عارفه ارجع تانى لحد لما لقيت حد قعد جنبى

 

يوسف: خلصتى عياط خلاص ولا اسيبك شويه كمان
ليليا بدموع لسه: انت بتقول اى
يوسف: اصل لما انتى مشيتى كنت عايز اعرفك ان مفيش عربيات دلوقتي خالص عشان الوقت متاخر بس حضرتك سبتينى و مشيتى ف مشيت وراكى عشان باين انك مش من هنا و قولت اكيد مش هتلقى حاجه توصلك بس لقيتك بتعيطي كده ف سبتك تعيطى و تخرجى اللي فى نفسك بس قولت كفايه كده مش هو كفايه كده
ليليا: هاا
يوسف: لا انتى مش معايا خالص طب انتى بيتك فين
ليليا: فى المعادي
يوسف: فين دى انا اول مره اسمع عنها
ليليا بتوتر: هو انا لو قولتلك حاجه هتقول عليا مجنون
يوسف بابتسامة: لا متقلقيش
ليليا بتوتر: انا من المستقبل
يوسف بستغرب: مستقبل اى
ليليا: احنا سنه كام دلوقتي
يوسف: 1890
ليليا: انا من سنه 2025
يوسف بضحك: اكيد بتهزري صح
ليليا بدموع: انا مش بهزر والله حتى تشوف البطاقه بتاعتى اهى
يوسف بصدمه: ازاي ده
ليليا: مش عارفه انا كنت راجعه من شغلى و هرجع البيت خلاص لقيت بنت صغيره بتعيط و مفيش حد معاها ف روحت عشان اساعدها و مشيت معاها لحد لما وصلتها البيت بس فجاء لقيت نفسي هنا و بتقولوا ان احنا فى سنه 1890 ازاي مش عارفه
يوسف: الموضوع غريب مفيش حاجه كده خالص مستحيل
ليليا بدموع تاني: عرفت انا بعيط ليه بقا
يوسف: طب ممكن متعيطيش بعد اذنك
ليليا: طب انا هعمل اى دلوقتي هرجع ازاي
يوسف: طب انا عندي حل ممكن تيجي عندي البيت تقعدى مع اختى لحد الصبح و نحاول نشوف حل
ليليا بتوتر: لا طبعا مينفعش وانا مينفعش ابات بره البيت
يوسف بضحك: طب هترجعى البيت ازاي دلوقتي قومى بس ياانسه
ليليا: ليليا
يوسف: اى

 

ليليا: اسمى ليليا
يوسف بابتسامة: اسمك غريب زيك بس جميل
ليليا بكسوف: مرسى
يوسف: اتفضلي طيب نقوم
ليليا: ماشي
مش عارفه اى اللي خلنى اسمع كلامه بس حسيت اني مطمنه مش خايفه و مكنتش عارفه هعمل اى دلوقتي بردو و كمان انا اول مره اتكلم مع حد كده فعلا يوم غريب فضلت ماشيه مع يوسف لحد لما وصلنا عند بيت تقريبا بيتهم
يوسف: ثواني هشوف اختى و هجيلك تانى
ليليا: تمام اتفضل
سبنى و دخل بس المكان كنت حاسه اني شوفته قبل كده بس طبعا مش فاكره فضلت خمس دقايق وبعد كده لقيته خرج و مع واحده بس انا اتصدمت منها
ليليا بصدمه: دى اخت
الفصل اتعدل شويه بس ب نفس الاحداث مفيش تغير غير حاجات بسيطه جدا و اتمنى يعجبكم انا اول مره اكتب حاجه كده و على طول بحب اكتب حاجات من الواقع اكتر من الفانتازيا بس انا بجرب معاكم ف يارب تعجبكم زاى الروايات اللي فاتت بس اتمنى يكون فى تفاعل كويس عليها عشان اقدر اكملها

 

 

 

• لقراءة باقي فصول الرواية أضغط على (رواية زمن اخر)