رواية رفيف الأيهم الفصل الاول 1 بقلم سمسمة سيد

رواية رفيف الأيهم الفصل الاول 1 بقلم سمسمة سيد

 

 

البارت الاول

 

 

رفيف الايهم للكاتبة سمسمه سيد حصريا لموقع لمحة
يعني ايه يا حسام
سألت رفيف جوزها وهي بتبصله ومستنيه اجابته
حسام ببرود
يعني زي ما سمعتي يا رفيف اختاري يا تفضلي علي ذمتي يا اطلقك وتربي ابن اختك براحتك
انت اتجننت يا حسام بتخيرني بين جوازنا وبين ابن اختي اختي ماتت يا حسام وهي بتولده سيباه حتت لحمه حمرا عاوزني ارميه !
ده اللي عندي يا رفيف ابوه موجود ويقدر يراعيه او يتجوز لكن انا ليه اتحمل مصاريف عيل مش من دمي
بصتله رفيف وقالت بهدوء وهي بتحاول متعيطش
تمام يا حسام تقدر تشوف الوقت اللي يناسبك عشان نروح للمأذون ونطلق
بصلها حسام بصدمه
بتفضلي ابن اختك عليا
بصتله رفيف بحزن
انت اللي خيرتني وانا اخترت
سابته رفيف ودخلت اوضتها لمت هدومها وحاجتها ولبست وخرجت من اوضتها بصت ناحية حسام لقته واقف مكانه لسه بيتابعها بجمود
رفعت راسها بكبرياء وقالت
يا تكلمني نروح بكل هدوء عند مأذون ونطلق يا تبعتلي ورقتي علي بيت اهلي
خلصت رفيف كلامها وسابته ومشيت حطت شنطة هدومها في العربيه بتاعتها وركبت وساقت لبيت اهلها وهي بتفكر في ردت فعلهم علي قرارها اكيد مش هيرضوا بقرارها لانها مكملتش سنة جواز لكن

هي مش هتتنازل عن ابن اختها ابدا مهما كان التمن
بعد شوية في بيت عيلة رفيف ..
دخلت رفيف وهي بتسحب شنطتها وراها قابلتها مامتها اللي بصت لشنطة هدومها بااستغراب
خير يا رفيف انتي غضبانه من جوزك ومتخانقين ولا ايه
ركنت. رفيف شنطتها علي جمب وراحت قعدت علي اقرب كرسي وبصت لمامتها بهدوء
لا يا ماما انا وحسام اتفقنا علي الطلاق
شهقة سعاد وهي بتضرب علي صدرها
يا نصيبتي طلاق ايه يا رفيف ده انتوا مكملتوش سنه لسه
اهو اللي حصل بقي يا ماما طريقنا وصل لحيطه سد ومش هينفع نكمل
وايه اللي وصل الامور بينكم للطلاق يا بنت بطني اكيد عملتي حاجه ضايقته
رفيف با انزعاج
علي فكره يا ماما لو مش واخده بالك انا اللي بنتك مش هو
شوحت سعاد باايدها وهي بتبصلها بغيظ
ما انتي عشان بنتي عارفه انك متتعاشريش هتنطقي تقولي ايه اللي حصل ولا اكلم حسام اعرف منه
نفخت رفيف بزهق وقامت وهي رايحه لااوضتها
لا كلميه واعرفي منه واعرفي اني مش هرجع عن قراري
خلصت رفيف كلامها ودخلت اوضتها وقفلت الباب علي نفسها وفضلت تعيط…
شوية وسمعت صوت خبط علي باب اوضتها مسحت دموعها وقامت فتحت لقت مامتها في وشها بتبصلها بغضب
عاوزه
تطلقي عشان ابن اختك يا رفيف تضحي بجوازك عشان طفل ابوه موجود وهيعوضه

 

يُتبع..

 

• لقراءة باقي فصول الرواية اضغط على (رواية رفيف الأيهم)