رواية رغبة في الإنتقام الفصل السادس 6 بقلم نوسة حمد

رواية رغبة في الإنتقام الفصل السادس 6 بقلم نوسة حمد

 

 

البارت السادس

 

 

#رغبة_في_الانتقام6
#نوسه حمد
ومرت الايام ونزلت معاهم شغل وكانو بدوني راتب كنت م بحلم بيهو زاتو ونزلت اخواني معاهم وما شاء الله من اول فتره متفوقين وكنت مبسوطه شديد ومنال الشغلتني زاتا مبسوطه مني وبقت صاحبتي وبتحكي لي اي شي بس الشي المخوفني زوجها حسيت نظراتو لي غريبه وكم مره بحس انو عاوز يقول كلام بس انا كنت واعيه وفاهمه انو بحاول افتش لفرصه بقيت ملصقه في مرتو ونهاي ما بفارقها انا وهي نقوم ونقع سوا وكنت مرات بدير شغلها وكنت اذكي منها لدرجه انها بقت م بتتصرف براها بتتناقش معاي تشيل فهمي وتطبقو ودايما اي شي بقولو ليها وتمش عليهو بطلع ظابط وكل مره بتزيد راتبي واخواني بقروهم مجان عشان ايتام وحياتي بقت مرتبه لدرجه اني كل م اسرح واتزكر امام الجامع بدعي ليهو واتزكرت اني قلت ليهو انا ح اجي اسال من اخوي قررت اني امشي البلد وما ح اسوق اخواني حكيت لي ام مهند بي نادر اخوي اتاثرت شديد وقالت لي ان شاءالله بتلقيهو وزي ما بقول المثل الحي بلاقي انا متاكده ح تلقيهو قلت ليها عشان كده انا ح اخد اجازه وامشي اشوفو بس م بقدر اسوق اخواني الا اختي الصغيره بشيلا معاي قالت لي م عندك مشكله اخوانك زي اولاد بناتي جيبيهم لي فرحتا وشكرتها ومشيت المدرسه كلمت منار الشغلتني قلت ليها عايزه اجازه عشان ماشه البلد وجايه قالت لي تمام م عندك مشكله رغم اني محتاجه ليك يوم بكره قلت ليها انا زاتي م بتاخر لكن م معروف الظروف عشان كده عايزه الاجازه قالت لي تمام وكتبت لي ورقه فيها طلب الاجازه وقالت لي امشي للمدير اللهو راجلها يمضاها ليك قلت ليها تمام شلت طلب الاجازه ومشيت لقيتو اشرب في سجاره وقهوه واتونس بالتلفون لمن شافني انخلع وقفل الخط قال لي نوسه ست البنات م ركزت مع كلامو قال لي خير اديتو الورقه من غير م انطق حرف قال لي اجازه شنو لا لا ماف طريقه قلت ليهو عليك الله يا استاذ انا محتاجه للاجازه دي وما بتاخر قال لي انا م بستحمل يوم بدون عيونك الحلوه دي وكان ح يمد يدو علي وشي زحيت منو و قلت ليهو ممكن تحترم نفسك وتخلي عندك ادب واحترام قال لي شنو شنو انخلع من رده فعلي انا قعدت اتمتم وطلعتا منو وقلبي ادق جريت جري البيت واصلا م انصدمت فيهو لانو ظاهر من وشو بس انا مصدومه من الموقف الاتختيت فيهو انا مرتو مدت لي يدها وساعدتني ونشلتني من الفقر الكنت فيهو اجي اخونها لا لا مستحيل بقيت اتكلم مع نفسي حسيت روحي ح اجن عديل قلت لازم اتصرف معاهو بعد اجي بتفاهم معاهو عشان انا م بقبل بالخيانه تاني يوم وديت اخواني المدرسه وقلت ليهم م تجو هنا انا بودي ليكم ملابسكم في بيت ناس مهند البيت الكبير واديتهم قروش وودعتهم مشيت لي ام مهند اديتا ملابس اخواني وودعتها قلت ليها لو جاتني حاجه اتصلي ف الرقم دا خلي يجي يسوق اخواني ودي امانه ف رقبتك ماتديهم لاي زول غير خيلاني قالت لي بعد الشر عليك ي نوسه م تقولي كده تمشي وتجي بالسلامه مهند سمع الكلمه دي قال لي علي وين قلت ليهو ماشه البلد قال لي من الزوق تستاذني مننا ونحنا ف مقام ولي امرك قلت ليهو معليش ي مهند م عايزه اشغلكم قال لي عيب عليك انا ح امشي معاك م بخليك براك قلت ليهو لا لا عليك الله كده الناس لو شافوني بقولو انا كعبه وبقولو انت منو وانا وضعي حساس شديد انت م بتقصر وما قصرتا معاي ربنا يجزيك خير قال العفو انتي أختنا والله ولو م كلامك دا علي الطلاق م اخليك براك بس شي بجيب ليك الكلام م بنعملو تمشي وتجي بالسلامه واخوانك م بتجيهم عوجه ان شاءالله شكرتهم وطلع معاي وصلني حدي م ركبني ورجع والمسافه كانت بعيده شديد انا زمان م حسيت بيها بس المره دي تعبت تعب مبالغ فيهو لمن روحي طلعت وكنت لابسه نقاب ووصلت الحله ونزلت بشارع بيتنا الجديد قلت اشوفو وشكلو فيهو ناس سمعت صوت الضحك والنقاش عرفت دا ابوي بقا يجيب الرجال البيت اظنو ويلعبو فيهو شكلو نحنا ما فارقين معاهو ولا حاول يفتش لينا الراجل الوحيد الحسيت انو كانو مجبور علي العرس وعلينا ابوي الله لا ضوقكم الاحساس دا💔💔😭😭😭
مشيت لي بيت ناس الامام وطقيت الباب جاتني بتو قلت ليها عايزه ابوك قالت لي عايزه اقرو لي بتك قلت ليها اي قالت لي ابوي ف الديوان اتفضلي اتفضلتا ولقيتو ما شاء الله يقرأ ف قران سلمت عليهو ورحب بي وفرح لمن شافني وقال لي بتو قولي لي امك ضيف جاي من بعيد قومي بالواجب سالني من الحصل علي حكيت ليهو من الاولاد الشاحنين السكر الركبت معاهو وموقفهم معاي قال لي الله اكبر السودان بخيرو الحمد لله ربنا عوضك ي بتي واها انتي كيف امورك قلت ليهو انا مرتاحه حتي في شغلي مرتاحه بس راجل المرا الشغلتني م مرتاحه ليهو وحكيت ليهو بحركاتو قال لي شفتني نهاي م تديهو فرصه احرجيهو ووقفي عند حدو حتي لو ح تفقدي وظيفتك الرزق م عند زول الرزق بيد ربنا اتوكلي على الله وما تطاوعي زول في غلطو وقفي اي زول ف حدو قلت ليهو حاضر يابا سالتو من ابوي قال لي م بعرف عنو شي بس بيتكم دا قالو لا بفضا ليل لا نهار من الرجال جوه فيهو شنو ما تعرفي قلت ليهو شكلو بقا يجيب اصحابو ويلعبو في بيتنا قال لي ربنا اهديهو وينور بصيرتو قلت لي ابوي ممكن طلب قال لي اتفضلي ي بتي قلت ليهو امي عجزت انها تغير ابوي وانا كمان لانو ابوي بقا مريض بلعب القمار وماف شي فارق معاها لا موت امي لا روحه اخوي ولا نحنا انا م عايزه منك غير تتكلم معاهو المره الاولي ح يسمعك فارغ بس صدقني تاني احتمال قلبو يلين اكسب فيهو اجر انا حاسه نفسي م مرتاحه وابوي بالحال دا خايفه عليهو يصل مراحل اصعب دا لو م وصلها قال لي ان شاءالله ي بتي بس خليها شويه انا بقدر القا فرصه اتكلم معاهو وقلت ليهو ما تحسسو انو انا بعرفك ولا انت بتعرفني قال لي جدا بنتكلم كده مرتو جات وجابت لي اكل اشكال وانواع ورحبت بي قالت لي ربنا اديك العافيه انتي بت المرحومه اميمه قلت ليها اي قالت لي الله يرحمها امك كانت مره ملكه ومره ما ساهله من دخلت حلتنا ما سمعتنا فارغ وكانت مستوره ربتكم بالحلال اها انتي كيفك واخوانك كيف قلت ليها نحنا تمام الحمد لله واخواني حولتهم مدرسه في حلفا وقاعده هناك مع خالي قالت لي بركه والله الخال شريك الوالد في حنيتو ربنا يحفظكم ويغطي عليكم ويوفقكم قلت ليها امين مرتو ملاك زيو هسي لو دي واحده تانيه كانت قالت عندها عند راجلي شنو كانت ادعت الغيره وهي اصلا بتكون ظالماهو وعايزه تخلق خلاف قاعدين يعجبوني الناس المتفاهمين زيهم كده احرمتني وما قعدت تسمع انا بقول لي راجلها فشنو احترمتها شديد علي ثقتها في زوجها علي فكره امام الجامع م كبير اصغر من ابوي بس زول دغري ومحترم شديد عينو من الارض ما برفعا بالذات لمن تكون تتكلم معاهو مره اتمنيت اقع في راجل زيو ❤️بس الدنيا مودياني علي وين ما عارفاها 🥹
سالتو من نادر اخوي قال لي والله في اخبار منو انا ماصدقتا وانخلعت واندهشتا قال لي ما تخافي اخوك بخير قلت ليهو عليك الله دلني عليهو انا مشتاقه ليهو انا ح اموت لو م لقيتو قال لي طيب ي بتي بكره تصبح الواطه ونمش مكانو قلت ليهو انت عرفتو كيف قال لي بكره بتعرفي ي بتي وهسي قومي امشي اقعدي بهناك مع مرتي ونومي والصباح بنمشي ليهو قلت ليهو الله يطمنك ويجبر بخاطرك زي ما بقيت نور في حياتي قال لي العفو انتي زي بتي ربنا يحفظك وتلمي اخوانك عليك واديك راجل يصونك ويسترك قلت ليهو امين
مشيت لي مرتو بهناك ورحبت بي ونهاي م سالتني جيت لشنو لغايه م حكيت ليها براي قالت لي اي الشيخ مكلمني وربنا اكون في عونك ي بتي الدنيا دي فيها مصايب بس اتوكلي علي الله مصير حياتك تنور في يوم قلت ليها والله انا مافي شي قاطع قلبي غير اخوي وابوي قالت لي اخوك ربنا بجمعك بيهو بس ابوك الله اهديهو عرسي ليهو قلت ليها مفتكره العرس بهجسو انتي م بتعرفي ابوي العرس بزيدو زياده ما بحترم اي مرا قالت لي القال ليك منو والله في نسوان قادارت بقدرن علي الرجال لو كان جبل امك مسكينه كانت ماعرفت ليهو قلت ليها امي الله يرحمها بس اقسم بالله الضاقتو ماف زول ضاقو نكد وفقر وعدم احترام وضرب وزله واهانه واستحملت دا كلو عشانا 😭😭😭😭قالت لي ي بتي م تبكي امك استحملت عشان تربيكم انتو ادعي ليها قلت ليها ما بنساها بقت تونس فيني لغايه ما نومتا وعلقت علي اختي قالت لي سبحان الله قطعه من امك قلت ليها وكمان هاديه وطبعها حلو نهاي م تعبتني وسميتا علي امي اميمه ❤️
نومتا وصحيت الصباح متاخر شويه اظنها شالتني نومه لقيت احمد منتظرني صبحت عليهو وشربنا الشاي وطلعنا مشيت سوق الكلاكله والدنيا كانت زحمه اتزكرت زمن بمش مع امي ليهو ودمعتي في عيني قلت ليهو عمي احمد نادر اخوي هنا قال لي اي بس اصبري خلي يجي قلت ليهو يجي هو بعرف يعني نادر م طبيعي وما بفهم قال لي اصبري براك بتعرفي بقيتا واقفين م عدينا دقايق من بعيد شايفه نادر اخوي مع شله بتاعت شماسه وشمامين انا اعصابي باظت ختيت اختي ف الارض وجريت عليهو من غير م اشعر ……….…يتبع

 

 

• لقراءة باقي فصول الرواية أضغط على (رواية رغبة في الإنتقام)