رواية رغبة في الإنتقام الفصل السابع 7 بقلم نوسة حمد

رواية رغبة في الإنتقام الفصل السابع 7 بقلم نوسة حمد

 

البارت السابع

 

#رغبة_في_الانتقام7
#نوسه حمد
بقيت اسال في احمد واقول ليهو نادر هنا قال لي اي قلت ليهو نادر م بفهم ومريض قال لي اصبري هسي ح تشوفي خلي يجي قبل م يتابع كلمتو عيني ما تقع الا في نادر اخوي مع شله شماسه منظرهم يقرف النوع اللمن تلقاهو ف السوق داك تتجنبو من غير م اشعر ومن غير م انطق احرف ختيت اختي ف الارض وجريت علي نادر كنت ملهوفه عليهو ومشتاقه ليهو وما مصدقه انو حي قلت ليهو نادر لمن شافني لمن انخلع وانا زاتي انخلعت نادر ما ياهو نادر العيان وما واعي حسيتو واعي شديد قال لي نسيبه الاولاد المعاهو قالو ليهو دي منو يا اصلي ولهجتهم كانت غريبه بلوكو الحروف ما بطلعوها عديل واحد حاول يقرب مني نادر مسكو قال ليهو اوعك دي اختي قعدو يضحكو قالو ليهو اختك شنو يا نيقز دي مزه اصليه حقتنا كلنا نادر طلع ليهو سكين وقال حالف يشرح الولد والشكله دورت وانا مسكت اختي علي وبقيت مخلوعه واي شي خليتو الشله

 

 

المباريها ولا السكين الشايلا انا مبسوطه انو طبيعي وما عيان الامام قعدني ف شجره قال لي اوعك تجي هناك خليني اتفاهم معاهم انا بين فرحانه ومخلوعه وماقادره اتجاوز منظر نادر انو واعي وبقا راجل م شاء الله بعد شويه الراجل حجزوهم وبعدوهم من بعض وعم احمد جاب نادر وجا نادر بقا يشاكل في الامام قال ليهو كيف تجيب اختي المكان دا قال ليهو اختك قلبها مقطوع عليك وانت ليه مباري الناس ديل قال ليهو عايزني اباري منو اتخبا وراهو من ماضيني دي ابسط حاله بعد الجن اكون فيها قلت ليهو نادر انت كويس وكنت ببكي قال لي انا كويس ي نوسه ندي وناجي كيف ودي منو قلت ليهو دي اميمه يا نادر قال لي بت منو قلت ليهو اختنا الولدتا امي وماتت نادر دمعتو بقت جاريه وبقا اعاين ليها قال لي تشبه امي قلت ليهو شديد حتي في طباعها يا نادر قال لي نوسه سوقيها وارجعي واوعك تجيبي سيره لي ابوي انك لقيتيني انا م عايز ارجع للراجل دا وحق امي ح اخدو تالت ومتلت قلت ليهو نادر حق شنو البتتكلم عنو قال لي انا عارف نفسي بتكلم عن شنو ح انتقم لي امي قلت ليهو انت بتتكلم عن شنو تنتقم في منو يا نادر في ابوي ولا شنو قعد اضحك قال لي ابوي يااااه الكلمه دي م يستاهلها الراجل دا لانو م قدرها قلت ليهو عليك الله استغفر يا نادر دا ابونا فاهم يعني شنو ابونا قال لي طيب هو ليه مافاهم انو نحنا اولادو ليه يضحي بينا ليه يكتل اي شي حلو جوانا ليه م يحترم المره المدت ليهو يدها وتركت الدنيا عشانو ليه يهينا ليه يزلها ليه يعاين ليها وهي بتموت ليه يستغني عني ليه يصفني بالجنون وهو عارف اني م مجنون قلت ليهو نادر انت عايز تعاقب ابوي وتحاسبو قال لي لا عايز اعاقبو لا احاسبو عايز انتقم منو واندمو انو في يوم ولدنا وفي يوم اتزوج قلت ليهو نادر انت جادي إنت اتاثرت بالشماسه المباريهم ديل قال لي للاسف انتي لو شايفاهم شماسه انا العلمتهم قلت ليهو شنو نادر انت ما كنت عيان لمن امي كانت حيه ولا مالك انت قال لي اي كنت مراهق وشفت ظلم من اقرب الناس لي بقا عندي نقص ماقدرت اوجهه الحياه اتخبيت ورا المرض بعد امي ماتت المرض البتخبا فيهو صعب علي وانا هسي انصح منك وح تشوفي براك قلت ليهو نادر اشوف شنو كدي استهدا بالله ارح معاي الحله نتفاهم قال لي الحله م بخت فيها كراعي الا وانا شايل حق امي قلت ليهو نادر انت عايز تضيع شبابك قال لي اي امي ضيعت شبابا واستحملت اي شي عشانا وف النهايه ماتت بسببنا طوالي عم احمد قال ليهو يا ولدي استهدا بالله امك دا نصيبها كده ربنا وقعها في راجل زي ابوك قلبو م فيهو رحمه والزيوو كتار بكبرو الاولاد وبطبطبو علي امهم قال ليهو وهي وينا امي الحياه انتهت بعد موتها انا انفع منو واكون كويس عشان شنو وعشان منو قلت ليهو عشان اخوانك ي نادر انا م قادره علي التربيه ارح معاي قال لي ستين يمين انا م ماشي مكان انا مكاني الشارع دا قلت ليهو نحنا رحلنا حلفا قال لي حلفا لشنو رحلتو فشنو ابوي عرس قلت ليهو لا بس عايز اعمل لي زي م عمل لي امي كان عايز يعرس لي راجل اكبر منو وكان عايزني اجدع اخواني وهربتا منو مشيت حلفا ماف زول عارف مكاني حتي اهل امي قعد اضحك قال لي اهل امك م وقفو مع امك اجو يقيفو معاك انتي قلت ليهو لخير ي نادر م زعلانه انا

 

 

دي قسمتنا اسمع كلامي وارح من مكانا دا نركب حلفا وتعيش معانا وترجع قرايتك قال لي لا انا م راجع مكان ولا بالي ح يهدا لو م شيلت حق امي قلت ليهو عايز تقتل ابوي يعني قال لي ماعليك بس ابوك لازم يتأدب قلت ليهو ح تأدبو انت خليهو لي الله الدنيا بتأدبو وح يندم ي نادر هسي هو بي صحتو ولسه الرزيله جاريه في دمو بس مصيرو يمرض ولا تجيهو مصيبه وما ح يلقا غيرنا قعد اضحك قال لي انا م ح يلقا مني غير الشر وهو السبب ف الشر الجواي قلت ليهو نادر اتزكر امي التعبت في تربيتنا اتزكر طيبتها وستره حالها وما تتغير يا نادر عشان تعكس تربيه امي يا نادر 😭قال لي نوسه م قادر منظر امي وهي بتموت قدامنا م ح يفارقني وعلي فكره انا من ماتت امي وعيت شديد وما طلعت ساي انا حاولت اضرب ابوي وهو الطردني وقال لي اوعك تجي هنا تاني قادره تتخيلي دا ابوي الانتي هسي بتدافعي ليهو قلت ليهو انا بتهمني انت ي نادر انا عايزه المكم وتقرو وتتفوقو ما تعاكسني حلف ابا يسمع كلامي وعم احمد حنسو تحانيس بس للاسف نادر اخوي اختار الشارع والسبب ابوي قدر ما قلبي يلين ليهو بس لمن اتزكر الشتات الانحنا فيهو بسببو مابقدر اسامحو وفوق دا كلو ابوي لسه عميان عن الصاح ولا حياه لمن تنادي بقيت اترجا في نادر قال لي نوسه ارجعي لي اخواني وخلي بالك منهم وانتي قدرها محتاجه قروش اديك قلت ليهو لا انا عايزه اربي اخواني بالحلال يا نادر فاهمني انت قال لي فاهمك ي نوسه انه غفور رحيم قلت ليهو لكنه شديد العقاب ومشيت منو ومتحسره علي اخوي الضاع اريتا لو بقت علي النفسيات الكان فيها زمان جاب ليهو شر وانتقام عم احمد قال لي الولد ما بتقدري تتحكمي فيهو لانو لمن اصل عمر معين بكون حاسي انو خلاص بقا راجل وعايز يثبت انو راجل المشكله اخوك قام في جو كلو مشاكل وعصبيه دي كانت النتيجه ادعي ليهو ربنا يهديهو قلت ليهو ان شاء الله

 

 

قلت ليهو انا ح ارجع قال لي ارح ارتاحي وامشي بكره قلت ليهو م بقدر اخواني متعودين علي ولو اتاخرت ح افقد شغلي قال لي بمناسبه شغلك زي م وصيتك ي بتي المدير راجل صاحبتك دا توقفي عند حدو طوالي حتي لو خسرتي شغلك الرازق الله قلت ليهو ان شاءالله يا ابوي ركبني المواصلات وودعني وفات وتعبت شديد في السفر وصلت متاخره مشيت اجيب اخواني لقيتهم م شاء الله يقرو لمن شافوني لمن فرحو وجو جارين علي انا زاتي كنت مشتاقه ليهم ام مهند عملت لي اكل اكلتا وسوقت اخواني ومشينا تاني يوم مشيت المدرسه سالت من منال قالو لي ظهر ليها حمل وتعبانه كانت رجعت البيت قعدت في مكتبي وبديت في شغلي لانو الشغل كان كتير علي الفراشه قالت لي المدير عايزك في مكتبو عدلت طرحتي ومشيت لقيتو متشيك تحلف تقول عرسو الليله سلمت عليهو بكل ادب واحترم قال لي ادخلي واقفلي الباب انا خوفتا قلت ليهو اقفل الباب ليه لا خليهو قام علي حيلو وقفل الباب وقال لي اشتقت ليك حسيتو م طبيعي قلت ليهو هوي اصحا شنو اشتقت ليك وقله الادب البتعمل فيها دي انت عايز شنو من الدنيا دي ما تحمد الله انو عندك مره زي منال قال لي منال مافاضيه لي في شغلها وانا عايزك انتي وحبيتك انتي قلت ليهو طبعا انت بتحلم مستحيل والف لا قال لي لا شنو انا مافي واحده بتقول لي لا قلت ليهو جيت انا وح اقول ليك لا والعايزو اعملو …….يتبع

 

 

 

• لقراءة باقي فصول الرواية أضغط على (رواية رغبة في الإنتقام)