رواية رغبة في الإنتقام الفصل السابع عشر 17 بقلم نوسة حمد

رواية رغبة في الإنتقام الفصل السابع عشر 17 بقلم نوسة حمد

 

 

البارت السابع عشر

 

#رغبة_في_الانتقام17
#نوسه حمد
بعد اتكلمت مع ذكي حسيت نفسي محتاجه استخير عشان اديهو الرد النهاي وكنت راقده في الغرفه الادوني ليها ف المستشفى وطبعا حدي الاكل بجيبو لي قومتا اتوضيت وصليت واستخرتا بعد خلصت الاستخاره بقيت ادعي لنفسي ولي ابوي نفسي ابوي يقوم ويضمنا ويرجع من الهو فيهو مهما كان نحنا محتاجين ليهو وعندي امل انو يقوم تاني
تاني يوم ذكي جا ودخل العنايه شكلو وشاف ابوي واطمئن علي صحتو وبعد زمن الباب طقا بتاع الغرفه عدلت نفسي وقلت ليهو اتفضل لقيتو دا ذكي ومعاهو السسترات ومن تعاملهن معاهو شكلو كان شغال معاهم واشيلن واتكبكبن فيهو وهو ولا شغال بيهن شكلو محترم شديد المهم عرفهم علي قال ليهم دي خطيبتي كلهن انخلعن واندهشن وبقن اعاينن لي بستفزاز بس م ركزت معاهن كتير ذكي طمني علي ابوي قال لي غيرت ليهو الخطه العلاجيه عشان يستجيب سريع واول ما يفتح ح اعمل ليهو العمليه بنفسي قلت ليهو ان شاءالله ربنا يهون قال لي انا قاعد ف الخرطوم عندي مؤتمر وشغل هنا بتصل كل مره اشوف الحاصل عليك وبتكلم معاي جا واحد شايل ليهو فواكه وحاجات لي قال لي عشان م تنزلي وخلي القروش دي معاك

 

 

ف الاول رفضتا بس حلف علي وشيلني ليهن بالقوه الباب دقا فتحو هو إنّا جوه الغرفه م شايفه الواقف بقا يسال فيهو مني قلت ليهو مرحب لقيتو عم احمد ذكي قال لي دا منو قلت ليهو دا عم احمد بقا يسلم عليهو سلام عرفه وعم احمد مندهش قال ليهو م عرفتك قال ليهو انا ذكي تاني بقا يسلم عليهو ويشكر فيهو. ذكي متواضع شديد قال ليهو العفو م تشكرني انا م عملت حاجه ووصاهو علي وعلي ابوي وحلف عليهو اداهو قروش كتيره وقال ليهو ادعي لي ربنا يتم علي خير ويجمعني بالحلال مع نوسه قال ليهو ان شاء الله وبتي دي م ح تلقا الاحسن منك
ذكي ودعنا وفات عم احمد لمن فات قال لي دا راجل برفضوهو والله انا افتكرتو كبير وشايب بس دا شباب اوعك تضيعي ماندر تلقي راجل اشيلك بي اهلك قلت ليهو والله انا كنت رافضه لسبب واحد قال لي شنو حكيت ليهو بي عمار وانو عينو طايره قال لي دا مدير المدرسه قلت ليهو بس ياهو قال لي دا ولدو قلت ليهو اتخيل بس قال لي لا حول ولا قوه الا بالله آلعلي آلعظيم معقوله قلت ليهو يلا دا اكتر سبب كان مانعني اوافق علي ذكي بس انا استخرت امس واليوم حاسه اني راغبه الزواج منو بس لو في شي مخوفني ولدو قال لي ولدو ليه تخافي منو الزمي حدك ووقفي عند حدو واتجنبي انك تمشي ليهم خليك في بيتك وما يجيكم الا ابوهو يكون قاعد قلت ليهو يعني ما اخاف قال لي تخافي ليه طالما انتي ما بتعملي في غلط وحاجه حرام اوعك تخافي اتحصني واتوكلي وانا دعواتي ليك قلت ليهو الله اديك العافيه ي عمي بجد انت سندتني انا شاكره ليك قال لي ولو م انتي انا كان اكون بصحتي الله يحفظك ي بتي والله انتي بت بالف راجل انا مبسوط بيك وفخور بيك وطوالي قاعد احكي لبتي بيك وبي كفاحك عشان تكون شجاعه زيك ح اعلمها كيف تحافظ علي نفسها وح اعلمها انها كيف تسند نفسها احتمال بين يوم وليله ربنا اشيل امانتو عشان ما تتبهدل لازم تكون قويه وربنا يقويها قلت ليهو امين يابا وربنا اديك طولت العمر وتشيل اولاد اولادها قال لي امين يابتي وربنا ادي ابوك العافيه ويطمنا عليهو قلت ليهو عليك الله خلي ناس الحله يدعو لي ابوي ابوي محتاج دعواتهم وربنا يقومو بالسلامه قال لي ان شاء الله بكره في خطبه الجمعه بعد الخطبه ح ندعي لي ابوك ما تشيلي هم والله ي بتي ليل نهار انا بدعي ليهو نفسي ابوك يبقا كويس ويلمكم عليهو قلت ليهو امين ي عمي والله انا كمان نفسي في كده وعلي فكره نادر خطبنا ليهو بت خلقه واخلاق ادعي ابوي يحضر عرسو ويعقد ليهو ويضمنا عليهو قال لي ان شاءالله وقبل امش محتاجه حاجه قلت ليهو بالمناسبه دي ذكي جاب لي حاجات كتيره م ح احتاجهم خليني اديك منهم قال لي مستحيل قلت ليهو ح يبوظن والله وانا م بحب الخراب حنستو واديتن منو وودعتو. عم احمد طيب شديد اكتر انسان وقف معاي بعقلو وسندني كان نفسي خيلاني يقيفو معاي وقفتو دي م ضروري يقيفو معاي بي جيبهم بالكلمه السمحه يقيفو معاي زي وقفه عم احمد بس الحمد لله وخيلاني عزرتهم من الاول كانو رافضين ابوي لانو م مسؤول وفضحهم في الحله بحركاتو بس اعمامي اللحمو ودمو معقوله بكونو مرتاحين وهم مقاطعين صله رحمهم بس الحمد لله ربنا كريم وابوي بي افعالو ربنا سخر ليهو البقيف معاهو عشان كده انا ح اتزوج ذكي والبحصل يحصل
طلعت تلفوني اتصلت لي نادر واطمئنيت علي اخواني قال لي اخوانك كويسين وما شالله معتمدين علي نفسهم م محتاجين مني شي وام مهند م قصرت ماسكه اميمه وبمش اشيلا منهم لمن اجي من الشغل ومرات بتمنعني بس كويسين انتي كيف م جايه البيت فاقدك قلت ليهو كويسه انا الحمد لله انت كيف وخطيبتك كيف قال لي الحمد لله بقيت اتكلم معاها وطبعا بتحبك شديد قلت ليهو حافظ عليها يا نادر وربنا يتم علي خير قال لي ي رب وكنت عايز اقول حاجه ح تفرحك قلت ليهو قول يا نادر الحاصل شنو قال لي انا مهند مشينا لطبيب نفسي واداني علاج للرجفه وانا براي حاسي نفسي كويس ي نوسه انا كنت م كويس بتجيني افكار شيطانيه بس الحمد لله قدرت اتجاوزها وان شاءالله ح ابقا كويس وعايز اصارح خطيبتي قلت ليهو لا تصارحها بشنو الوضع حساس م تصارحها احتمال بعدين تتناقش معاك تقعد تقول انك مريض نفسي وانت عارف نفسك انك م مريض نفسي بس الضغط الكنت فيهو كان ح يفقدك وعيك بس الحمد لله امي كانت واعيه ولجأت للدكاتره دا موضوع

 

 

حساس ي نادر اوعك تحكي ليها قال لي طيب البتشوفي وادعي لي يا نوسه انا نفسي اعيش طبيعي وانوم زي الناس قلت ليهو ان شاءالله يا نادر قال لي وابشرك كسرت شريحتي وبعدت من اولاد الشوراع الكنت ماشي معاهم وعلي فكره هم الدخلو لي فكره اني انتقم من ابوي بس ربنا شاف لي واكتشفت انهم عايزين يدمروني وما عايزين لي النجاح وما عايزني ابقا بني ادم سوي لمن عرفو اني صليت وخطبت زعلو وحاولو يوسوسو لي تاني بس انا كانت عندي قناعه بت الناس الرضت بي دي م ح اظلمها ولا ح اخليها تتعذب معاي زي م امي اتعذبت مع ابوي ح ابقا قدر الزواج والارتباط ان شاء الله ❤️🫰🏻كلام نادر طمن قلبي بس المزعلني انو م سال من ابوي قلت ليهو نادر انت ناقصاك حاجه واحده قال لي شنو قلت ليهو انتي ليه م عايز تحنن قلبك علي ابوك نادر خليك من الماضي بالفيهو بس دا ابونا واجبنا اتجاهو اننا نشيلو في كبرو ونسندو قال لي نوسه الدنيا دي معادله خذ وهات اشيلنا واسندنا ونحنا اطفال عشان في زمن معين ح يبقا عاجز نحنا الحا نشيلو ونسندو قلت ليهو نادر معادلتك للحياه في ابوك غلط قسمتنا كده اقنعك كيف انو نحنا ربنا اراد لينا كده ما بمعني انو قصر فينا نحنا نقصر فيهو نادر عليك الله لو بتحبني وبتحب امي اتراجع وتعال شوف ابوي العمر م معروف وهسي انت في روحك وحياتك ما سالتني من ابوي فعلا الزمن بلف وبدور ابوي زمان في روحو وحياتو وجاهلنا نحنا 💔🫩نادر انا اكبركم انا اكتر واحده شفت قسوه ابوي علي امي انا كنت صغيره م بفهم شديد بس م بنسا منظر امي ابوي بعد ادقها وتاخد بكيتها بتقوم تعمل ليهو العشاء كان بي امكانها تقول راجل ما منو فايده البخليني اهتم بيهو شنو بس ي نادر امي خافت من حق ربنا وقدمت كل حقوقها الزوجيه ليهو رغم انها م لقت مقابل ودا كلوووو يا نادر مخافه من عقاب ربنا امي كانت بالنسبه لي مدرسه واتعلمت منها وما عايزاك انت تبقا قاسي حسيت كلامي بدا يأثر فيهو وقعد يبكي قل ليهو نادر انت الراجل وانت المفترض تكون مكاني هنا 👈 انا عشان اطلع من حق ربنا ح اكون مع ابوي لاخر نفس وبتمني منا يا نادر انو ابوي يبقا كويس ونلقا صوتو في الدنيا.
وعشان م تندم تعال شوف ابوك اقيف جنبي ذكي م قصر دخلناهو مستشفى خاص قال لي ذكي ذكي الجابو شنو ي نوسه ودا كلام شنو ليه بتتصرفي من راسك موش الراجل دا انتهينا من سيرتو انتي عايزه تخالفي كلامي ولدو نبزك وقلا ادبو علي في بيتي تاني البخليك تكلميهو شنو واسمعي ي نوسه انا ابوي بتكفل بيهو ومن بكره بصلك وتقطعي علاقتك مع البشر دا وما عايز نقاش قلت ليهو نادر انا مبسوطه انك ح تقيف مع ابوي ولمن تجي انا ح اتناقش معاك وبقيت فرحانه وهو جايط واكورك وانا بس م قادره اعبر عن مشاعري اتجاه لين قلبو لي ابوي قال لي نوسه خليك جاده انا بتكلم معاك بتضحكي مالك قلت ليهو نادر والله انا جاده معاك شديد وعمري م ح اخالفك بس ح اتكلم معاك بالعقل وانا مبسوطه انك جاي لي ابوي وح تجي متين قال لي بكره الصباح وبجيب معاي اميمه وعلي فكره مهند احنس فيني انو انا وهو نجي عشان انتي براك انا كنت رافض وهو الاصرا علي الدكتور المشينا ليهو وانا هسي ح اتصل عليهو ابلغو قلت ليهو تمام بنتظرك قفل مني ورجع لي بعد مسافه قال لي نوسه مهند قال لي بكره نتحرك وح ناجر عربيه سيف لمن سمعت كلمه سيف قلبي دقا قلت ليهو سيف لا قال لي شنو السيف لا انخلعت وعايزه اتهرب من سؤالو قلت ليهو سيف تاجرو بي كم ابوي محتاج للعلاج قال لي م عليك بتتسهل بأذن الله وعندي ليك تاني خبر مفرح خليني اصلك تمام ع العموم نومي وما تشيلي هم انا بكره بصلك وذكي دا تمسحي رقمو هسي قلت ليهو حاضر ي نادر علي قدر م فرحت بي جيه نادر زعلت علي انو ح يمنعني اتزوج ذكي وانا بقيت عايزه ذكي بعد استخرت وقلت ح اكلم عم احمد اتكلم مع نادر اتصلت عليهو وحكيت ليهو قال لي خبر حلو انو نادر جاي وخليهو علي موضوع زواجك دا انا ح اقنعو. وبكره ما بقدر اجيكم بعد الخطبه عندي مشوار وزي م وعدتك انا ح ادعي لابوك ف الخطبه وبخلي رجال الحله يجو يكفرو لي نادر بعد اجي ويقومو بالواجب قلت ليهو م بتقصر قفلت منو وقومتا صليت ركعتين وسجده سجده شكر وحمدت الله ❤️
مشيت الصباح اطمئنيت علي ابوي وبكيت قدرتي والله ابوي بي افعالو حلو علي قلبي رغم انها قسوتو دمرتني بس م نفسي اشوفو راقد الرقده دي وكنت ببكي وبدعي ليهو وبقيت اقرا ليهو في القران الدكتور جا داخل وقال لي م تبكي بأذن الله ابوك يبقا كويس وانتي مفترض تفرحي العمليه ح اعملها ليهو اكبر جراح قلت ليهو منو دا وكلمو ذكي قال لي تقصدي دكتور ذكي قلت ليهو اي لانو هو قال لي انو غير الخطه العلاجيه ومنتظرين استجابه قال لي والجراح القاصدو ليك هو دكتور ذكي انتي بتعرفي من وين ببقا ليكم قلت ليهو لا ح يكون زوجي ان شاء الله قال لي ربنا يسعدك زين م اخترتي وبارك لي جد بقيت متحمسه اني اكون مرتو اي زول اجيب سيرتو يمدحو لي والكل اجمع علي طيبه ذكي وشطارتو وباذن الله انا ☝🏼 ح ابقا مرتو ❤️🫰🏻
طلعت من ابوي وحسيت براحه لمن بكيت وقريت ليهو ذكي اتصل علي قال لي انتهي من المؤتمر ح اجي لي ابوك بأذن الله قلت ليهو طيب وبقا يوصي فيني اني اخلي بالي من نفسي حسيت بيهو مهتم بي شديد قفلت منو نادر قال لي نحنا اتحركنا من اذان الصبح وسيف ماشي بسرعه ح نوصل كمان نص ساعه قلت ليهو تمام شيلت هم نادر بعد يشوف ذكي ح

 

 

يحصل شنو بقيت ادعي في ربنا نادر م يغلط علي ذكي اتصلت لي عم احمد قلت ليهو تعال عشان ذكي ونادر ح يصلو ف نفس الوقت قال لي م عليك ي بتي ح اخلي مشواري واجيك والناس ف الجامع قالو احتمال اجوكم الليله ولا بكره قلت ليهو تمام قفلت منو ورقدت حبه اخدت لي غمده صحيت بزول بقول لي نوسه وصوتو كان تخين وغليظ قومتا مخلوعه منن الشفتو قلت ليهو انت الجابك هنا شنو ومنو السمح ليك انك تدخل علي ومنو الوصف ليك مكاني وكنت بكورك فيهو وهو كانو م بتكلم معاهو بعاين لي بكل بجاحه من فوق لتحت ونظرات غريبه شديد وعيونو كلها كانت شر ……………يتبع تتوقعو دا اكون منو النشوف المره دي توقعاتكم متابعه التعاليق واسفه لعدم النشر امس علشان انا بعافيه شويه وعندي رحله علاج لمن ما انشر معناتا كانت عندي مقابله دعواتكم لي بالشفاء واستحملوني شويه وليكم العتبه حتي ترضو والناس البدخلو خاص م تزعلو من عدم الرد واعملو متابعه الحلقات بتجيكم اول باول

 

 

 

 

• لقراءة باقي فصول الرواية أضغط على (رواية رغبة في الإنتقام)