رواية رغبة في الإنتقام الفصل الحادي عشر 11 بقلم نوسة حمد

رواية رغبة في الإنتقام الفصل الحادي عشر 11 بقلم نوسة حمد

 

 

البارت الحادي عشر

 

#رغبة_في_الانتقام11
#نوسه حمد
عم احمد اتصل علي وشكلو تعبان شديد وانا كنت فرحانه بحكي ليهو بي نادر قال لي الحمد لله قلت ليهو كيف انت قال لي والله انا م كويس حالي كل يوم ماشي أسوأ اتصلت عشان اقول ليك انا ضميري مأنبني والموت م معروف عايز اكلم ابوك بالحقيقه قلت ليهو عم احمد دا كلام شنو مالك انت الحاصل شنو الدكاتره ما طمنوك ولا الحاصل شنو قال لي بحتاج لي عمليه تانيه وانا ي بتي بقيت راقد لا قدره لا حيله منتظر يومي قلت ليهو عمليه شنو قال لي منظار استكشافي وشاكين يكون في حاجه المهم ي بتي انا ما ح اعمل العمليه لاني عاجز عن المبلغ بسبب يدي الواحده وزوجتي باعت كل دهبا وبقيت منتظر يومي وهسي خليك مني انا والله ضميري مأنبني لازم اكلم ابوك قلت ليهو عليك الله لا انت ح تدمرنا كلنا لو كلمتو لا ح يرحمني ولا ح يرحم اخواني وانا الله عالم بي م عايزه بهدلت اخواني وانا م صدقت نادر اخوي اشتغل وعايز يسندنا ولو علي عمليتك انا بتصرف انت خيرك علي كتير قال لي ي بتي تتصرفي شنو اخوانك اولي بي اي جنيه عندك بدل اديك اشيل منك قلت ليهو انت اديتني الما اداني ليهو زول اديتني الثقه واليقين وخليتني انقذت نفسي واخواني انت م تفكر كتير ربنا عالم بيك كنت قاصد شنو لمن قلت لي اهربي وبعدين ممكن كان ضميرك يأنبك لو انا مثلا انحرفتا بعد هربتا ومشيت ف الطريق الغلط ولا عملت مصيبه بس انا الحمد لله كل يوم بمر علي بنجز فيهو وبتحدا فيهو نفسي اني اكون صالحه واصلح اخواني انت عملت فيني خير اقرب الاقربين لي عجزو عن عملو وما تفكر عليك الله انا بحاول اجيكم ان شاءالله وعليك الله خلي ثقتك في ربنا كبيره ونحنا معاك وانا بتك والله م تشيل هم وطمن مرتك انا جنبكم بي ضراعي بقدر اقيف معاك قال لي لا لا ي بتي انا م حكيت ليك عشان تقيفي جنبي انا اكتر انسان عارف وضعك انا بس كل يوم بتعذب بسبب فراقكم من ابوكم قلت ليهو ابوي لو ضمانا ما كان فارقناهو بس انت عارف ابوي كان عايز اعمل شنو وم تشيل هم مصيرنا لو طال الزمن ولو قصر نلم ابونا علينا وربنا اهديهو يا رب ويعرف الصاح من الغلط قال لي بأذن الله قفلت منو والعبره خانقاني عم احمد طيب وما يستاهل البحصل ليهو دا وليه ناس الحله م وقفو معاهو دا امام الجامع انا لازم اتحرك واعمل اي شي عشان يعملو ليهو العمليه شيلتا اختي وطلعتا بقيت لافه افتش لي شغل لاقتني منال سلمت علي وسالتني من احوالي قلت ليها في نعمه والله انتي اخبارك شنو قالت لي تمام الحمد لله محتاجه حاجه قلت ليها لا والله العفو ما قصرتي ولا بتقصري جزاك الله الف خير مشيت منها وما خليت لي مكتبه ولا خليت لي مكان ما دخلتو لغايه م لقيت لي مره كبيره ف السن ف اثناء ما بسال من شغل قالت لي تعالي معاي البيت ف الاول خوفتا بس قويت قلبي ومشيت معاها وشكلهم ناس مرتاحين شديد دخلت وبقت تنادي لي بت شكلها شغاله معاها سلمت علي واكرمتني قالت لي انا محتاجه بت تشتغل معاي رايك شنو قلت ليها م عندي مشكله بس الشغل عباره عن شنو قالت لي بت ترعاني بس انا زوله كبيره ف السن عندي ولد واحد ومتزوج وزوجي شغال بجي المساء انا عندي امراض مزمنه مرات بحتاج البنزل اجيب لي دواء مرات بتجيني كومه سكر وبكون براي البت البتشتغل ما كتير بتجي غرفتي فأنا عايزه واحده بس معاي وبديك المرتب العايزاهو قلت ليها م عندك مشكله بس انا اختي صغيره احتمال تزعجك قالت لي لا والله نهاي م ح تزعجني واختك شكلها مؤدبه قلت ليها خلاص انا من بكره بجيك قالت لي طيب طلعت منها مشيت بيتنا جهزت الاكل اخواني جو داخلين وشايلين ليهم هدايا قالو لي ناس المدرسه كرمونا عشان جينا الاوائل قلت ليهم مبروك وانا زاتي ح اكرمكم قالو لي شكرا اخواني مختلفين تماما عننا انا ونادر انا ونادر من قومنا لقينا المشاكل وابوي يضرب امي ويضربنا ليل نهار بس هم كانو صغار مافاهمين شي وامي رغم العليها بس كنت ملاحظه ليها طوالي بتحاول علي قدر م تقدر تزرع فينا الصفات الحلوه من هدوء واحترام العيب فيني انا ونادر مخنا كان مشوش وكل المأثر فينا معامله ابوي القاسيه مخليانا ما عايزين اي صفه حلوه انا فرقي من نادر قويه م انكسرت بس نادر انكسر واتأثر نفسيا بفكر كده نادر جا داخل شايل كيس فيهو حاجات للبيت وحسيتو م طبيعي يعني نهاي م مركز معانا م مبسوط طوالي بكون سرحان لمن عيونو تدمع والرجفه ظاهره وشاذه حاولت اطبطب عليهو بس برضو م مركز معاي قلت ليهو نادر انا عايزه اشتغل قال لي تشتغلي لشنو انا شغال والعايزنو كلو بجيبو ليكم كفايه تعب وخليك ف البيت بس اخوانك محتاجين ليك قلت ليهو م بتقصر يا نادر بس عم احمد المؤذن عيان ومقررين ليهو عمليه وقبيل اتصل عشان ضميرو مأنبو وعايز يكلم ابوي بس انا منعتو وحكا لي انو وضعو م مستقر ومقررين ليهو عمليه وما معاهو حقها قال لي خلاص البشتغلن بنقسمن النص نص لينا ونص ليهو قلت ليهو لكن هو محتاج قروش كتيره لازم في اقرب زمن يعمل العمليه وانا قبيل نزلت افتش ولقيت مره كبيره عايزه زول يراعيها ما عندها اولاد قال لي برضو ي نوسه قلت ليهو نادر خليني ممكن قال لي ان شاءالله ربنا يهون انا زاتي بساعدو قلت ليهو م بتقصر مشيت عملت ليهو الاكل اكل ونام حاضن اختي عليهو لاحظت ليهو دموعو في عينو انا عاجزه انا اطبطب عليهو وما عارفه اعمل شنو نامو نومه طويله م حبيت اصحيهم لمن صحو براهم وانا في نومتهم ديك كنت اراجع مع اخواني المهم لاحظت لي نادر م بصلي قلت ليهو نادر انت ليه م بتصلي ما ردا علي قلت ليهو نادر انا نفسي اخفف عليك الفي قلبك بس م قادره اتفاهم معاك انت بتسرح كتير ليه لاحظت ليك كتير بتفكر فشنو قال لي خليني ي نوسه م تركزي معاي خليك في روحك واخوانك وما تكتري كلامك لو كترتي تاني ما بتشوفيني اصلي ولا ما اصلي ما تتتكلمي معاي وكان بكورك نهاي ما رديت عليهو لانو كان معصب شديد طلع خلاني مزهوله فيهو بس قلت ما اضغط عليهو مهما كان هو ولد العليهو م هين رغم انو حالتو الصحيه اتصلحت بس م شديد ودا اكتشفتو لمن قعد معاي يعني نادر محتاج طبيب نفسي يقنعو ويديهو مهدئات عشان ما يفكر كتير قلت ح اقنعو بس متين م عارفه بخليها للظروف
مرت الايام واشتغلت مع المره وكانت طيبه شديد وزوجها محترم ولمن عرفوني بربي في اخواني زوجها بقا البجيبو لي بيتو بجيبو لي وضحت ليهم انو اخوي شغال وانا شغاله عشان اساعد امام جامعنا زوجها قال لي مالو امام الجامع حكيت ليهو بيهو قال لي انا متكفل بي علاجو والعمليه من الاول لي الاخير بس ع شرط م تجيبي سيرتي في الكلام انا عامل الحاجه دي لله م عشان شكر انا فرحت فرح شديد واتصلت عليهو فرحانه بس م قدر اتكلم معاي اتكلمت مع مرتو قلت ليها برسل ليك قروش خلي الدكتور يحدد العمليه وشوفي تكلفتها كم انا برسلها ليكم قالت لي لا لا ي نسيبه العمليه غاليه قلت ليها ما عليك من القروش عليك الله شوفي الحاصل شنو وارجعي لي تاني يوم انتظرت منهم اتصال قالت لي الدكتور قال العمليه ما مفترض تتاجل اكتر من كده لانو حالتو متاخره قلت ليها م ترجعو البيت واديني ناس الحسابات اتكلمت معاهم وادوني رقم حساب رسلتو لي عم ذكي راجل المره الشغاله معاها وحول المبلغ وانا استاذنت منهم تاني يوم امش احضر العمليه قالو لي طوالي مشيت كلمت نادر اني لازم امش لانو العمليه سالني جبتي القروش من وين غلبني ارد عشان ذكي محزرني انو م اكلم زول قلت ليهو استلفتهن قال لي تمام خلي الزول الاستلفتيهن منو يقصدن لينا وريتو اني لازم اقيف مع مرتو واني ح امش قال لي تمام م تسوقي اميمه خليها لي تاني يوم الصباح بدري طلعت ومشيت لقيتهم طلعو من العمليه ومرتو ما عرفتها اتغيرت شديد كفرت ليها وشكرتني شديد قلت ليها العفو انا م عملت حاجه واهلها كانو معاها واهلو برضو بعد زمن حتي خلونا ندخل ليهو والعمليه نجحت بنسبه ميه في الميه والدكتور قال ليهم لو اتاخرتو اكتر كان بقا في مرض تاني بس ربنا شاف ليهو والناس مبسوطين ومرتو حاضناني ساعه وتبكي قالت لي مدا يدو ليك عشان اساعدك وما مفتكر بجي يوم وبحتاجك فيهو ورغم العليك م قصرتي والقروش الدفعتيهن اعتبريهن دين وح نسددهن ليك قلت ليها والله تقولي كده ازعل منكم المهم عم احمد يبقا كويس ويرجع للجامع لانو مشتاق ليهو ودخلنا كفرت ليهو وجو رجال الحله المافيهم فايده اكفرو ليهو دا الواجب عندهم الزول حالو ما بعرفوها بس اجو ف النهايه كنت شاماهم كلهم ونهاي م عاينت لرجال فيهم كنت مدياهم ضهري مرت احمد قالت لي نسيبه ارح بره لانك قاعده معوجه قلت ليها ارح وقومتا بدبس في طرحتي كده عيني ما تقع الا في الراجل الابوي داير يعرسني ليهو هو انخلع وانا انخلعت اكتر منو ………….يتبع

 

 

• لقراءة باقي فصول الرواية أضغط على (رواية رغبة في الإنتقام)