رواية رغبة في الإنتقام الفصل الثاني والعشرون 22 بقلم نوسة حمد

رواية رغبة في الإنتقام الفصل الثاني والعشرون 22 بقلم نوسة حمد

 

 

البارت الثاني والعشرون

 

 

#رغبة_في_الانتقام22
#نوسه حمد
ذكي طلع بهنا الباب بقا يضرب بهنا وابوي بقا يخاف واقول لي الله يستر الله يستر عم احمد قال لينا في زول قاعد يجيكم ابوي قال ليهو لا وانا طلعت لقيت الراجل العاقد علي مسكني ليك من شعري واداني كف طيرني بعيد الراجل القوه دي جابا من وين م عارفه ولمه ليك في عم احمد كان يموت في يدو انا بقيت اكورك وشغال فينا نبذ بابشع الالفاظ ابوي بقا يمسك فيهو انا قومتا دخلت ابوي في غرفه وطبلتو وشيلتا المفتاح في يدي والناس اتلمو فكوهو من عم احمد كان يموت في يدو وبقو يسالو فيهو قال ليهم الشيخ دا باطل وما علي حق البت دي مرتي علي سنه الله ورسوله مشا اتفق مع دكتور وجابو عشان يخطبو ليها وهي علي زمتي الناس بقو مخلوعين قالو لي صحي انتي مرتو قلت ليهم لا دا كذاب قال ليهم شوفو الكذاب منو وطلع القسيمه من جيبو مسكتها منهم شرطتها وقلت ليهو اقسم بالله ما تطلع من هنا الا اخليك فرجه للبسوا وما بسوا انت ليه تتهجم علينا وعم احمد ذنبو شنو قال لي هو السبب هو الهربك من الحله وهو القواك علي وقت ماقدر الزواج ليه ابوك عرسك

 

 

لي وانا م عندي كلام تمرقي قدامي هسي بالقوه تمرقي ابوي بقا يكورك ويطق ف الباب قال لي خلي يكتلني بس م تمشي معاهو دا سكران وحيران قال ليهو ما شايفك مارق من الجامع ابوي كواريكو قطعت قلبي عم احمد قال ليهو شفتا لو كسرت رقبتك البت دي شبر ما بتتحركو معاك وما عايز اي نقاش انت زول م واعي احسن تمش تلم اولادك عليك بت اصغر من بناتك تجي تقول داير تعرسها داير تدمر حياتا انا م بخليك وبقيف ليك في وشك الناس بقو يحجزو فيهم وغلطو عم احمد قالو ليهو مرتو مالك ومالا ما تدخل نفسك في حتات ضيقه قال ليهم انتو ماعارفين قصتهم شنو انا العارف الحكايه من الاول وانتو بترضو لي بناتكم عرسه زي دي ما تبقو انانيين وما تقيفو في الغلط لو م عارفين تقولو شنو امشو اهلكم وامسكو خشومكم عليكم وقبل علي الراجل قال ليهو لو اصريت انك تسوقا انا برفع فيك قضيه تعدي والناس ديل شهودين علي العملتو والقانون م بيرحمك حسيتو خاف وقال لي بعرف اجيبك كيف وطلع دخلت فتحت الباب ولقيت ابوي واقع في الارض اسعفناهو وانا بقيت لا في السماء لا في الارض وحال ابوي قطعت قلبي الدكتور قال اتعرض لضغط نفسي وهو كبير في السن وطالع من عمليه مفترض نكون مهتمين بيهو وما يتعرض لجو مشاكل ونكد والمره دي طلع منها المره الجايه ح تجيهو جلطه ف الدماغ عم احمد قال لي ابوك قبل يوعا لازم تمشي توديهو معاك حلفا تاني م تشتغلي بيهو اصلا الرجال الكبار ديل في عمر معين ببقو معاكسين عشان كده انا بنصحك تسوقيهو بالقوه والراجل السكران دا م بخليكم في حالكم دا عبيط وما واعي خلي اخوك يتصرف معاهو قلت ليهو كلامك صاح وانت ما توري مكانا لي زول مهما سالوك م تتكلم لانو الراجل دا لو ملاحظ عارف اي شي وماف زول عارف الحقيقه غيرك احتمال زول يكون سمعك ووصلو ليهو قال لي لا م تخافي تاني نهاي ما بجيب سيرتكم قلت ليهو تمام اتصلت علي نادر وحكيت ليهو قال لي الاصبر لي الكلب بعد كده جاب العيد لي روحو والله م ارحمو وزي م قال ليك عم احمد اتحركو تعالو انا هسي بشوف ليكم عربيه وين انتو وصفت ليهو المستشفى قال لي تمام بقيت منتظره منو رد وعم احمد قال لي ما بفوتك النشوف النهايه شنو بعد ساعه نادر قال لي اطلعو العربيه منتظراكم بتكلم معاي سيف جا داخل وكان مخلوع وملهوف سيف اكتر واحد حسيتو حباني وماسك نفسو ما عايز اصرح لي بحبو بس بحس من تعاملو معاي قال لي نوسه مالو ابوك ومالكم فشنو قلت ليهو لا ماف شي بس ابوي تعب وهو رافض يمش معانا حلفا وانا اخواني ممتحنين لازم امش الدكتور طمنا عليهو وقبل ما يوعا سمح عايزين نمشي بيهو قال لي تمام شالو ابوي وركبوهو ف العربيه وبقيت قاعده ورا خاته راس ابوي في كرعي وودعت عم احمد ومشينا سيف كان ماشي سريع قال لي قبل م نطلع محتاجه حاجه قلت ليهو لا نزل جاب لينا بارد واكل ومويه وقهوه لي نفسو ولي قال لي عشان م ح اقيف الا في حلفا شربت القهوه لاني كنت مصدعه وطوالي اتحركنا وخشمي م فتحتو مع سيف وكل م ارفع عيوني القاهو بعاين لي في المرايا ومن غير م ينطق حرف نظراتي ونظراتو بتحكي لبعض انا بي قلبي اقول ياريتو كان م متزوج ما كان اترددت لحظه اني اتزوجو وهو زاتو شكلو قلبو بقول ليهو في كلام واشيل ويستغفر ونهاي م قلنا حاجه كل مره سيف بكبر في نظري زول دغري وكلامو م فيهو لف ولا دوران بي امكانو هسي يستغل الفرصه ويتغزل فيني ويقول الما بتقال بس هو محترم شديد قال لي كلمتين ما زادهم قال لي نوسه انا لسه عشمان وما تردي بحاجه بس اسمعي كلمتيني ديل ما رديت عليهو وحاولت ادس دموعي اتمنيتو من جوه قلبي واول انسان احس اتجاهو بحب بس يا خساره متزوج بدل الواحده اتنين وانا مستحيل ابقا تانيه خلي

 

 

كمان تالته عشان كده مستحيل انظر في امرو وعشان اقنعو قلت ليهو مستحيل يا سيف وربنا يخلي ليك نسوانك وما تتزوج فيهم تاني سكت وماردا علي لغايه م وصلنا لقيت بيتنا مقلوب ومعدول ونادر ضابح الكرامه ومهند والناس كلهم شغالين ابوي بدا يصحصح ويسال فيني انا وين قلت ليهو انت في البيت نهاي م قلت ليهو انت في حلفا واخواني لمن شافو ابوي شبعو بكا اتوقعتهم انهم يمشو ليهو بس حسيتهم خايفين وونهاي ما مشو ليهو وابوي كان راقد م بشوف الزول الا يصلو الوحيده الحارساهو اميمه اختي وفعلا اميمه اختي زي ست الاسم امي كانت رغم معامله ابوي الكعبه ليها بس بتحن ليهو وبتحترمو قلت لي اميمه دا ابوك بقت فرحانه وكل دقيقه تمش تقول ليهو ابوي وتتكيف لمن تضحك وابوي متكيف اكتر منها قال لي الجابا منو قلت ليهو نادر مشيت اتكلمت مع ندي وناجي قلت ليهم ابوي اتغير وبقا يحبنا ما زي زمان انبسطو قالو لي يعني ما ح يدقك ويدقنا قلت ليهم لا ابوي بقا حنين ما تابعت كلامي وجرو ليهو الاتنين واترمو في حضنو هم يبكو وهو يبكي جيت زحيتهم منو قلت ليهو ابوي صحتك ممكن ما تبكي بعد زمن حتي قدرت اقنعو انو ما يبكي ونادر اتكلم معاهو ابوي بدا يفهم انو هو في حلفا اتوقعت انو يشاكلني قال لي من غير ما تجيبوني انا كنت عايز اقول ليك ماشي معاك قلت ليهو الحمد لله وح تنبسط يابا الناس هنا طيبين وحنينين شديد قال لي اي ظاهر عليهم والحمد لله انا كده اطمئنيت عليكم وربنا يحفظكم حسيت ابوي ارتاح شديد واميمه من جنبو ما بتزح روحها متعلقه فيهو شديد سرحت واتزكرت امي انو مهما ابوي عمل ليها بتحترمو واتزكرت انو اهلا كانو رافضين زواجها منو امي شكلها كانت بتحب ابوي عشان كده استحملت معاهو المافي مره ح تستحملو انا متاكده لو دي واحده تانيه كانت من الولاده الاولي اطلقت اتمنيت ابوي يقدر حبها ليهو ما يعاملها بي زله عرفت انو نجاح العلاقه الزوجيه ما الحب بس الاحترام والتقدير من الزوج الزوجه مهما كانت صعبه قلبها حنين م زي الراجل بس الرجال بطبعهم قاسي الدنيا شالت مننا امي وادتنا ليها في شكل اخت اميمه اختي بي افعالها وحبها لي ابوي وتعليقها بيهو بتمثل امي بطريقه ملفته للنظر حتي الشكل وزي ما قال المثل الخالق الناطق يوم عدا علينا ملان حب وحنان بي احتضان ابوي يوم انتظرناهو من زمان والحمد لله عشناهو قبل ما نموت وطبعا خطيبت نادر جات وشكلها بتحبو شديد وهو اكعب منها وعشان يكونو مبسوطين قلت لنادر لو قدرت اشتري ليك بيت عشان مرتك ما تضايق مننا وانا عايزه اخواني وابوي ياخدو راحتهم وانت زاتك اخد راحتك قال لي انا قبل م اشتري ليكم بيت م بشتري لي لنفسي قلت ليهو م ح تقدر يا نادر عشان كده اشتري انت ونحنا بنقعد هنا لمن خال ناس مهند يجي بنتصرف قال لي لا انا مفكر اشتري بيت ان شاء الله فيهو غرفتين قلت ليهو خلاص رايك شنو نبيع بيتنا الفي الحله وانت مستقبل مرتك هنا واوالادك ونحنا تاني م راجعين والحله لا عندنا فيها

 

اب لا خال وطالما قاعدين غرباء نقعد هنا وربنا فتحها علينا في البلد دي قال لي تمام انا كده كده نازل اشوف فهم الراجل الضربك دا وبالمحكمه اطلقك منو وافضحهم لانو متحدي وما ح ارحمو قلت ليهو عليك الله يا نادر م توجع قلب ابوي عليك هو ندمان من عملتو العملها دي وما عايزنا نتعذب بسبب الموضوع دا قال لي لا م تخافي الراجل دا اسلوب التهديد م نفع معاهو باي طريقه اشيل تلفونو انا بتصرف ف الاول رفضت تاني قلت ليهو طيب اتوكل علي ربنا وامشي نادر قعد يومين ومشا م كلمت ابوي وابوي شبه مشغول مع اميمه ولا فاضي لينا اشيل كرسيهو ويقعد بره اختها تلعب وهو يقعد يراقبها والغاشي والماشي يعزمو فطور قهوه شاي وانا اتعودت بقيت اعمل اكلي كتير عشان ابوي بياكل ف الشارع واي زول يعزمو اياكل معاهو ابوي في حلفا غير الشخصيه الزمان وشكلو دا طبعو الحقيقي والله اقطع الخمره البتخلي الزول يتصرف تصرفات ما بتشبهو كل لحظه بحمد فيها ربنا انو ابوي اتغير وغير صلاتو ما عندو شي المهم نادر مشا وما منو خبر وتمااسبوع وانا قلبي في يدي بس لو انتهينا من كابوس الراجل دا برتاح بتصل عليهو برد برساله بقول لي م تتصلي ح ارجع ليك بقيت عايشه علي اعصابي وعلي العلي خطيبتو جات دمعتا في عينا انا انخلعت وقلبي وقف وخلاص حيلي مات قلت ليها مالك قال لي نادر يا نوسه قلت ليها نادر مالو لو جاتو حاجه انا بموت ……..يتبع تتوقعو نادر الحصل عليهو شنو وربنا يستر

 

 

 

• لقراءة باقي فصول الرواية أضغط على (رواية رغبة في الإنتقام)