رواية رغبة في الإنتقام الفصل الثالث والعشرون 23 بقلم نوسة حمد

رواية رغبة في الإنتقام الفصل الثالث والعشرون 23 بقلم نوسة حمد

 

 

البارت الثالث والعشرون

 

#رغبة_في_الانتقام23
#نوسه حمد
بقيت مقلقه علي نادر وماف منو اي خبر اسبوع كامل برد برساله وانا م قادره افهم اي شي وهو مانعني اتصل بقيت خايفه ياربي نادر بقا يلعب معاهم وعجبو اللعب ياربي ادوهو يشرب ياربي الحاصل شنو وماقادره افتح خشمي بحرف وابوي كل ما يسالني اتهرب منو وبقا شاكي ف الموضوع انو في حاجه بس هي شنو ما عارفها والزمن خلاص واخواني امتحاناتهم قربت ونفسيات م عندي اشرح ليهم مشيت لي مهيد قلت ليهو اخواني ممتحنين وانا بالي مشغول م قادره اراجع ليهم ممكن تجي تقريهم لي قال لي جدا م عندك مشكله انا يوميا بجيهم من العصر حدي العشاء بطلع منهم قلت ليهو تكون ماقصرتا وشرحت لي اخواني اني تعبانه م قادره اقريهم وانو جاييهم مهيد فرحو شديد قالو لي مهيد شاطر قلت ليهم بس خلاص وربنا يوفقكم وانا خلاص الهم بدا يظهر في وشي وعلي العلي جاتني خطيبه نادر سلمت علي وكان وشها مخطوف وحالتا اكعب مني وشكلها زيي غالبها تكلم زول قلت ليها مالك قالت لي نوسه نادر وكانت بتبكي انا خلاص ختيت الف سناريو في راسي قلت ليها نادر مالو لو جاتو حاجه انا بموت فشنو الحاصل شنو والبت دموعا جاريه قلت ليها اتكلمي نادر مالو قالت لي انا الجيت اسالك نادر اتغير معاي البت خلعتني خلعه قطعت قلبي ساعه م قادره استوعب انو نادر كويس قلت ليها م ممكن خلعتيني قلت اخوي جاتو حاجه قالت لي ليه تنخلعي بلدكم كعبه ولا شنو قلت ليها لا لا مافيها شي ونادر ما اتغير بس مشغول قلت ليها اخر مره اتكلمتي معاهو متين قالت لي من فات اتكلم معاي مره ومفهمني انو قاعد مع ناس وما قادر اتكلم معاي وببيع البيت وما بتاخر طبعا ارتحتا شديد لمن عرفت نادر مفهما انو مشا يبيع البيت قلت ليها ان شاء الله يومين ونادر اجي م تخافي ما عليهو حاجه قالت لي ان شاءالله بقيت ما قادره اعمل حاجه ف البييت همي كلو نادر قلت ليها هانت نادر ح يجي وح تطمني عليهو وكدي ادخلي سلمي علي ابوي دا قالت لي كويس دخلت سلمت عليهو وابوي ماسك لي البت المدمدمه دي منو جيت قلت ليهو ابوي وطي صوتك هي سامعاك قال لي وما تسمعني هي منو قلت ليهو دي خطيبه نادر بقا يتشهد واتكيف من النقاب قال لي ما تلبسي زيها قلت ليهو ان شاء الله يا ابوي النقاب دا قناعه ما فلانه لبست انا البس احتمال اجي يوم واكون عايزه اتنقب واتنقب علي قناعه وبكون ملتزومه شديد انت ادعي لي قالت لي والله النقاب مريح

 

 

شديد انا هسي مرتاحه شديد فيهو قلت ليها ربنا يثبتك ويحليك بالايمان ويهدينا جميعاً قالت لي امين دايره تستاذن ابوي حلف عليها تقعد تاكل بعد تحانيس حتي قعدت مشيت عملت ليهم الاكل وجيت غديتهم بعد زمن مهيد جا لي اخواني وخطيبه اخوي طلعت ما صدقت لقيت لي فرصه رقدتا نومتا نومه وابوي اتقدم ويجي يقول لي ندي البت دي مالا ما من عوايدا وانا غالبني ارفع راسي داخله في دوامه حلم ولا كابوس م عرفتو بس حاسه بي ابوي بتردد جنبي كتير وكل مره بفقدني شكلو خاف علي شديد ورغم اني م فاهمه شي بس ارتحت نفسيا لشعور ابوي وخوفو علي كنت عطشانه للحظات دي. وبقيت حلمانه بي نادر انو الراجل داير اقتلو قال لي يا تمشي معاي يا اكتل اخوك وانا شغاله اقول ليهو نادر لا بمش معاك خلاص خليهو ما تقتل نادر واظني بتكلم بصوت عالي ومندمجه مع الكابوس دا بكل حواسي فجاه سامعه زول بصحي فيني وبقول لي بسم الله بسم الله صحيت مخلوعه وبعاين في الزول دا نادر ونهاي م مصدقه انو دا كابوس وهو مبتسم قلت ليهو نادر حرام عليك دا شنو العملتو فيني انا وخطيبتك دي وليه م بترد قال لي بحكي ليك وخطيبتي لاقتك وين وفشنو قلت ليهو هسي طلعت وتبكي بي دموعا وقالت انت اتغيرت منها وانا حاولت افهما انك مشغول ببيع البيت وقاعد عند ناس م بتقدر تتكلم قال لي فعلا انا م قادر اتكلم بوريك السبب وكدي النمش اطمنها قلت ليهو لا طمني انا قال لي انتي ملحوقه بس خطيبتي حساسه وكتومه بتكون للان تبكي قلت ليهو والله يا نادر ود اميمه لقيتا قعد اضحك قال لي يااااه نادر ود اميمه الجمله دي بتزكرني البلد وريحه امي واهل امي قلت ليهو انا زاتي لمن قلتها اتزكرتهم بس للاسف لا البلد دايرانا لا رحبت بينا وقتلت امي ولا اهل امي دايرننا بس الحمد لله قال لي الله كريم ي نوسه شوفي كميه الحب اللقيناها هنا في حلفا ناس قدمو لينا كل شي وهم م بعرفو عننا شي ابوي جا داخل سلم علي نادر وقال ليهو كنت وين نادر قال ليهو مشيت بعتا البيت الفي الحله انا بقيت اغمز لي نادر خوفت ابوي يزعل قال ليهو كويس والله محتاج قروش ولا شنو نادر قال ليهو لا عايز اشتري ليكم بيت هنا ولا رايك شنو قال ليهو انا راي مع رايكم انتو عايزين شنو انا معاكم فيهو كنت خايفه من رده فعلو بس رده فعل ابوي طمنتني شويه وحسيت انو عجبتو حلفا واتعود عليها نادر بقا يتونس مع ابوي وانا طلعت عملت ليهو الاكل ومشيت لقيت اخواني يقرو قرايه وبكره اول امتحان شجعتهم وحفزتهم نادر جاهم داخل قال ليهم البزيعو داك عندو جايزه ندي تقول انا وناجي اقول انا وحتي في ردودهم كميه الاحترام الشفتها عندهم عمري م شفتها في عمرهم دا امي عرفت تربيهم صاح نادر قال لي بعد اكل ماشي بيت ناس خطيبتي تمشي معاي قلت ليهو لا لا امشي انت وم تتاخر عشان تجي تحكي لي قال لي انتي عارفاني بخجل وما بعرف عديل اكون براي قلت ليهو كيف يعني امش معاك بالعقل كده خلاص خليهو قال لي لا هي زعلانه مني حتي لمن اتصلت رافضه تتكلم معاي ورسلت ليها رسايل م عايزه ترد اتصلت وكانت بتبكي م فاهم منها شي قعدت اضحك قلت ليهو. سنه يا الدلع قال لي دلع شنو البت احتمال حاصل عليها شي قلت ليهو انت اهبل هي زعلانه منك عشان متعوده تتكلم معاك وفجاه انت بعدت منها وهسي شكلها عايزه تدلع عليك بس مصيرها ترضا قال لي طيب وريني اعمل شنو عشان هي ترضا انا م بعرف فهم البنات دا قعدت اضحك قلت ليهو هسي انت شايفني انا بت والله يا نادر انا اكعب منك فاشله عديل ديل بنات اتربو في جو اسري هادي ومستقر وطاقتهم افرقوها في الحب دا نحنا اتربيتا في ضوضاء وبنحلم بالاستقرار وبنفتش ليها وفي النهايه بقينا نسعي ليهو يعني الحركات بتاعت الحب لا انت لا انا م بنكون نعرف ليها قال لي دي مصيبه انا م عندي زاتو زول احكي ليهو غيرك وانتي نهاي ما بتفيدني قلت ليهو اعزرني م جربت الحاجات دي لكن كدي ولا يهمك هسي بفتش ليك حل نكتب استشاره في قروب البنات ونشوف بقولن شنو قال لي خلاص المهم تعالي لي بفهم انا بعد المغرب ماشي تمام قلت ليهو تمام مسكت تلفوني كتبت استشاره في قروب كده حق بنات كبير وبقيت منتظره الردود وكل رد بقراهو بحس اني م بت واغلبيه البنات اجمعو علي انو يمشي ويشيل هديه ليها ولا يطلب من بتاع هدايا ويوصلوها ليها ويكتبو ليها كلام فيهو اعتزار بيني وبين نفسي قلت حكم والله البنات الزمن دا بصالحوهن بي كده معناتا انا من العصر الحجري المهم جريت جري وريت نادر قال لي م عندي مشكله اها دي نجيبا كيف قلّت ليهو حتي في دي فاشلين كدي دقيقه افتش لي ناس متخصصين ف الهدايا ونشوفهم عشان ننتهي من الموضوع دا انا عايزه اعرف الحصل شنو قال لي الحصل م بحكيهو الا بت الناس دي ترجع لي طبيعيه وزي زمان قلت ليهو سمح فتشنا لي قروب متخصص ف الهدايا وشيلنا رقمهم واتفق معاهم يوصلوها ليها بقيت منتظراها ترضا عليهو وتتكلم معاهو عشان يقدر يحكي لي اتقدم واجي اقول ليهو اها لسه وهو يموت بالضحك تاني جيت لقيتو يوسوس بالتلفون عرفتها انها خلاص رضت عليهو مشيت عشيت ابوي واديتو حبوبو وقلت ليهو ابوي نوم م تساهر ورقدت جنبو اميمه ومشيت جهزت لي اخوان ملابسهم وعملت لي شاي ظابط ومشيت لي نادر لقيتو لسه شغال اتونس قلت ليهو عليك الله اقفل احكي لي وتاني اتصل عليها حرق روحي حتي قفل منها وقال لي تعالي النحكي ليك انا بقيت ملهوفه قال لي والله ي نوسه الله مرقني منهم الناس ديل المهم كل يوم بمش العب مع الناس ديل وبغلبوني في ساعتي لاني م بعرف المهم عرفت لي واحد متغاظ علي الراجل العاقد عليك وداير يكتلو عديل انا عملت فيها عايز اساعدو وعرفت منو انو الزول دا صورو مع بت والبت بت ناس وبقا يهدد فيهم قلت ليهو واي راجل كبير وم بخجل قال لي مالنا ومالو اصلا البمش في الحرام دا لا بخجل لا بختشي ولا بعاين لي عمر لا غيرو المهم يا زوله قلت للولد الزول دا ليه يعمل ليك كده ومليت ليهو راسن وبقيت احرش فيهو اننا لازم نصل لي تلفونو ونهكر حساباتو ونحذف الفيديوهات والحاجه دي

 

 

جات في صالحي المهم نحنا تلاته ايام نخطط للراجل دا وطبعا انا هناك لابس كاب ونظارات لونها اسود قدر م يجي جنبي بقبل منو عشان ما يعرفني وربك ستر بس المهم الولد دا بي مغستو علي الراجل دا لما في تلفونو ومشيت معاهو اديناهو لواحد متخصص هكر حسابات المهم هكرنا حساباتو كلها وحذفنا كل الصور والفيديوهات والزول دا بس شغال ابتزاز في الناس واول ما انتهينا كسرنا التلفون حته حته وهو فات وانا اتصلت علي سيف جيت معاهو وانتهيت من هم ووكلت محامي لي قضيت الخلع وان شاء الله خلال اسبوع قسيمت طلاقك تصلك قلت ليهو الحمد لله يا نادر انا كنت خايفه يعرفوك ويمسكوك قال لي والله ديل لو لمو فيني انتو تاني م تعرفو لي مكان بس الحمد لله قدر ولطف والحمد لله وربنا اغفر لي في ايامي المشيتا دي بس ربنا عالم بي حالي غلبني حيله ودا انسب حل كان مفترض اعملو وهسي لو م عملت كده م كان قدرت اصل للفيديوهات دي اها كده ارتحتي قلت ليهو الحمد لله ما نفسي ابوي يعيش مفضوح طالما ربنا سترو ح يغفر ليهو ان شاء الله قال لي ان شاء الله والله في كل صلاه بدعي ليهو قلت ليهو الحمد لله وخلاص انا قايمه انوم تابع حبك دا واريتني بي حالك قعد اضحك قال لي انما علي نياتكم ترزقون انتي نيتك بيضاء ح تلقي البسعدك وبشيلك في عيونو قلت ليهو كل شي قسمه وما معروف قسمتي المهم انتو تكونو مبسوطين ومشيت منو رقدتا وبسمتي ماليه وشي وغرقتا في النوم صحيت مع مواعيد صحيه اخواني جهزتهم ووديتهم الامتحانات وانتظرتهم لمن جو طالعين وكانو مبسوطين قالو ساهل قلت ليهم الله يسهل الباقيات ومرت الايام وكل امتحان بدخلوهو بقولو ساهل الحمد لله اخر يوم في الامتحانات ام مهند جاتنا قالت لي الليله جيتكم زوله خطوبه عايزه اناسبكم ياربي عايزاني لمنو ولا عايزه تناسبنا كيف المره الجايه نشوف الحاصل شنو ……يتبع

 

 

 

• لقراءة باقي فصول الرواية أضغط على (رواية رغبة في الإنتقام)