رواية رغبة في الإنتقام الفصل التاسع والعشرون 29 بقلم نوسة حمد

رواية رغبة في الإنتقام الفصل التاسع والعشرون 29 بقلم نوسة حمد

 

 

البارت التاسع والعشرون

 

 

#رغبة_في_الانتقام29
#نوسه حمد
الضابط قال لي منال ما قتلت عمار البصمات م مطابقه قلت ليهو يعني مطابقه معاي انا والله دا ظلم اقسم بالله انا بعيني م شفتو انا كنت ف الخرطوم حرام عليكم تلبسوني تهمه زي دي اتحكم علي بالاعدام ظلم قال لي استهدي بالله واسمعي كلامي للاخر ولا انتي كمان القتلتي عمار بعد كنت ابكي قشيت دموعي ودايره اطير من الفرحه قلت ليهو بس الحق ظهر يلا طلعني من السجن قال لي اصبري اتابع كلامي انا طلعت الجثه بموافقه ابو عمار وانا الضابط الوحيد الحضرت نكش القبر وشيلت البصمات استدعيت الضابط زميلي المتابع القضيه عايز اشيل منو معلومات عايز اعرف منو اللعب في القضيه وعايز البسك التهمه ومنو ورا الكلام دا كلو القضيه م بقت قضيه قتل بس قضيه تستر من رجال الشرطه ولو عايزه تساعديني الزمي الصمت وانتي بريئه انا قلتها ليك بس لازم بفهم اعرف منو ورا القصه دي عشان لو وراهو ضباط كبار احتمال انا تاني م تشوفيني انقلوني اي محل وانتي اتحكم عليك ظلم قلت ليهو كيف يعني قال لي دا كلام كتير بس انتي الزمي الصمت وم تخافي والله افديك بروحي ولا اخليهم يحكمو عليك ظلم بس انتي ساعديني وخليك ساكته انا بجيب ليك حقك حدي عندك انا بس عايز اعرف منو الشال البصمات وزور التقرير الطبي وهسي ح اعرف بس زي. م قلت ليك خليك ساكته قلت ليهو اكيد بتكلم معاي كده الضابط البكورك فيني جا داخل اسمو معتصم سلم عليهو وقال ليهو منو الاستلم القضيه من الاول ومنو حقق فيها ومنو اخد البصمات قال ليهو ليه سالت فشنو جديد قال ليهو لا ماف شي جديد بس القضيه دي اتعقدت قال ليهو لا اتعقدت ولا اي شي انت براك العقدتها القضيه دي استلمتها انا من الاول لغايه ما طابقنا بصمات المتهمه نسيبه مع الجثه وانا السلمت التقرير بي قلبي قلت ليهو كذاب الله يلعنك ويلعن امثالك عايز تخليهم يحكمو علي ظلم ولو م الضابط سكتني كان اديتو كف 🤚 وعلمتو درس عمرو ما ينساهو بس اتزكرت كلام الضابط انو ما من مصلحتي لو فتحت خشمي الضابط نادا

 

 

العسكري قال ليهو دخلا السجن وقال لي م تعملي جوطه تاني عشان م ادخلك الزنزانه وانا زنزانه دي بسمع بيها ف المسلسلات حاجه كتمه قلت ليهو لا لا لا والله بقعد رايقه وخلاص احكمو علي بدل العذاب الانا فيهو دا قال لي ما انتي البتحدددي ويلا مشيت منو ومن جواي مبسوطه اخيرا لقيت طرف خيط لي برائتي بس الشي المحيرني الضابط دا وراهو منو ومنو العايز يلبسني التهمه وعشان شنو منال ما قتلتو هي ياربي القتلو منو ومن طرف منو اهل منال اهلو اهلي بقيت في نار اكتر من اول وبقيت ادعي ربنا يظهر الحق في اقرب وقت بديت اتزكر في اهل عمار بس ماف واحده حسيتا انها عايزاهو ومتاكده ماف زول من اهلو ليهو يد في قتلو وبقيت افكر اتزكرت الاستاذات في واحده كده بلقاها طوالي معاهو وكانت ملصقه فيهو وكانت بتكرهني لانو عمار كان عايزني معناتا دي هي وعمار لقوهو ميت في المدرسه وجاني اصرار عجيب انو دي هي القتلتو تاني قلت يا نسيبه المره الفاتت بصمتي بالعشره انو دي منال القتلتو واحساسك طلع م في محلو بس في الاستاذه دي متاكده قلت للعسكري الا تطلعني للضابط وعملت جوطه لغايه م طلعني لمن طلعت لقيت الضابط معتصم قاعد معاهو غلبني اتكلم خوفت منو وكانت عيونو حمر اول م شافني قال لي انتي قصتك شنو دايره تتنططي لينا هنا غلبني اقول اي شي عشان الضابط محزرني قال لي عايزه تبقينا لعبه عندك وكورك للعسكري قال ليهو وديها الزنزانه انا بقيت اكورك واترجا فيهم م يدخلوني الزنزانه وياريتني سمعت كلام الضابط ومسكت خشمي علي شلاقتي غطست حجري ودخلوني الزنزانه حاجه كده عباره عن بيت كبريت وتحت الارض اظنو الاوكسجين ما فيها قعدت فيها أسوأ ايام ابكي ليل نهار تميت فيها اسبوع لمن ملامحي اتغيرت طلعني الضابط المسكين قال لي موش انا قلت ليك م تفتحي خشمك قلت ليهو انا افتكرتو فات واتزكرت حاجه جيت اقولا ليك قال لي شنو حكيت ليهو بالاستاذه قلت ليهو احتمال هي القتلتو قال لي ما تتهمي ساي قلت ليهو طيب منو القتلو قال لي وانا شغال في شنو بفتش لللغز دا ولازم احلو قبل يوم ٣٠قلت ليهو يوم ٣٠فيهو شنو قال لي فيهو الحكم بتاعك لو ما طلعت بحاجه قبل اليوم دا تاني ح يحكمو عليك لانو اصلا الجريمه مثبته عليك بالبصمات المزوره قلت ليهو هدي قلت براك المزوره انت ليه م تقول الحقيقه قال لي الحقيقه مسنده علي ياتو اساس م تشفقي واحتمال كلامك عن الاستاذه دا يكون حقيقه انا بكل هدو ح افتش للحقيقه ان شاء الله بس الزمي الصمت تاني م تعملي جوطه عشان ادخلوك الزنزانه قلت ليهو توبتا والله وتاني م ح اتكلم ورجعني السجن رغم انو اعفن مكان بس ارحم من الزنزانه كنت ح اموت وطبعا مانعين لي الزياره اهلي م قادرين يصلو لي حاسه بي سجني وقفت الحياه عندهم وخليتهم كئيبين بس م بي يدي.
ذكي جا يزورني ونادوني ليهو وخشمي اكلني قلت لازم اقول الحقيقه واترجاهو يسكت عليها يا طينت الدنيا يا حليتا قلت ليهو ذكي ممكن اطلب منك طلب قال لي اتفضلي قلت ليهو انا عايزه الكلام البقولو ليك دا تحتفظ بيهو لانو لو اتكلمت ح يتحكم علي ظلم وانا والله ما قتلت ولدك انا مظلومه انا كنت في الخرطوم ذكي قال لي نوسه انا مصدقك والدليل اني واقف جنبك الان وحاسه انك مظلومه قلت ليهو اشهد الله مظلومه والنوريك البصمات طلعت لا بصماتي لا بصمات منال ابقا منو القتلو قال لي الله اعلم قلت ليهو بس انا عارفه قال لي عارفه عارفه شنو وليه تسكتي قلت ليهو دقيقه انا م سكتت وريت الضابط والضابط طيب وزول حق وعرف انو في ضابط زور التقارير وعايز بحكمه اتصرف عشان ما عارف الورا القصه دي منو قال لي طيب منو القتل ولدي قلت ليهو في استاذه كانت في المدرسه ملصقه جنب ولدك ولمن عرفت انو ولدك كان عايزني بقت تكرهني وللام بتزكر نظراتها لي قال لي منو ملاذ قلت ليهو بس بس ياها دي والله ما بنساها نهاي ذكي قال لي معقوله قلت ليهو معقوله قال لي عارفه ملاذ دي عمار ولدي طلع متزوجها عرفي وعندو منها ولد من غير م اشعر قلت ليهو كذابه اقسم بالله كذابه انا متاكده دي خطه من ضمن خططها قال لي كيف قلت ليهو بكلامك دا انا اثبت لي انها قتلت عمار هي وعايزه تظهر انها زوجتو وعندها منو ولد علشان عارفه عمار م عندو ولد والد بنات وعايزه تورثو قال لي صحي دي ليه م فكرت فيها قلت ليهو انا متاكده من احساسي والولد دا م ولد عمار اعمل فحص الDna وح تثبت صحه كلامي قال لي صعب كده قلت ليهو م صعب اطلب بنكش القبر تاني واعرف الحقيقه ما تصدقوها انا متاكده من احساسي قال لي من ناحيه متزوجها متزوجها قلت ليهو قول متزوجها بس هل دا ولد عمار قال لي نوسه مالك عايزه تشككيني علي فكره المره دي هي وولدها جبتهم معاي البيت وعايشين معاي قلت ليهو يلا انت من خلال تصرفاتها ح تفهم انت راغبها وصور الاوراق البتثبت انو دا ولد عمار والله ح تلقاها كذابه اعرف المستشفى الولدت فيها التفاصيل دي هي البتاكد. ليك صحه كلامي وبي كده اطلب نكش القبر عشان تثبت انو الولد دا ما ولد عمار وصدقني ح تصل للنهايه سريع وماف زمن انا ح يحكمو علي يوم ٣٠ قال لي انا يوم ٣٠ لو اقيف قدامهم م ح اخليهم يحكمو عليك ظلم ولازم هي تتحاكم اذا قتلت ولدي وزورت الاوراق قلت ليهو لو قلت لي اي زول م ح تقدر تثبت حاجه ممكن تحتفظ بالكلام دا قال لي اكيد انا فاهم ي نوسه واطمئني انا ح اظهر في الموضوع دا وح اجيب ليك حقك ومشا مني حسيت نفسي مرتاحه شويه طلبت منو يطمن اهلي ويطمن ابوي عشان هو مريض قال لي خير ان شاءالله
مرت الايام وماف اي خبر من الضابط سالت منو قالو لي في مأموريه والزمن بيمضي وانا خلاص بقيت م قادره استحمل بس اعمل شنو وكل ما يجو يطلعو واحده افرح اقول جايني انا لغايه ما يوم نادو علي وكنت فرحانه مشيت لقيتو معتصم قال لي اتجهزي للحكم بكره محاكمتك قلت ليهو شنو قال لي السمعتيهو بكره يوم ٣٠ قلت ليهو طيب الضابط التاني وين قال لي في مأموريه عايزه بيهو شنو قلت ليهو ساي عشان كان واعدني اخلي اهلي يزوروني انا عايزه اشوفهم قبل يحكمو علي بالاعدام قال لي ح تشوفيهم بكره يوم الحكم قلت ليهو وذكي قال لي مننوع اي زياره ليك انا عايز ابلغك عشان تبقي جاهزه اتمغصت منو شديد بس لازم اسكت ورجعت السجن قلبي دا مقطوع والسجينات كلهم متأثرات لي وبقيت اصلي اليوم كلو وادعي ربنا وتاني يوم جو ساقوني وودوني للحكم ونادر اخوي داير يموت وندي اختي م عرفتها عديل وشها بقا اسود من الهم اشكال اهلي قطعت قلبي بدلت فرحتهم لحزن عاتم وذكي ماف بس القاعدين اهلي وملاذ جات قلت هي محبوسه الجابا هنا شنو عايزه تتاكد من خططها نجحت وخلاص القاضي جا وحكم علي بالاعدام لحظه انهيرتا فيها واهلي ديل جنو عديل بقيت اقول ليهم انا والله بريئه البصمات مزوره والناس مندهشين من كلامي بس لا حياه لمن تنادي وفجأه……….يتبع

 

 

 

• لقراءة باقي فصول الرواية أضغط على (رواية رغبة في الإنتقام)