رواية رغبة في الإنتقام الفصل التاسع عشر 19 بقلم نوسة حمد

رواية رغبة في الإنتقام الفصل التاسع عشر 19 بقلم نوسة حمد

 

 

البارت التاسع عشر

 

#رغبة_في_الانتقام19
#نوسه حمد
اتناقشت مع ابوي قلت ليهو ابوي نحنا لو عايزين نعمل ليك زي م عملت لينا نحنا ما كان جينا وقفنا جنبك ولا كان اشتغلنا بيك بس نحنا لو بتحس بالجوانا ح تعرف اي شي وبعدين انت ابونا كيف يعني نفكر نضرك بي شي قال لي فكرتو قبل اليوم بس يومي ما تما قلت ليهو كيف يابا قال لي نادر اخوك موش عايز يضوقني الضوقتو لي امكم استغربتا واحترتا وبقيت ساكته وانا الكنت فاكره فكره انتقام نادر عدت ع خير بس شكلو ابوي عرف بس عرف كيف م عارفه بقيت ساكته م عندي وش اتكلم قلت ليهو ابوي القال ليك منو انت بتصدق اي كلام قال لي انا م صدقت اي كلام بس شفت بعيني وسمعت نادر بس اختفيت منهم قلت ليهو كيف قال لي اخوك ومعاهو بلطجيه كانو واقفين لي عشان يكتلوني بس انا سمعتهم واختفيت قلت ليهو ابوي

 

انت عارف نادر مريض كان وكانت بتجيهو افكار شيطانيه وهسي بتعالج وحدي لمن عم احمد اتصل وقال انت عيان جيتك انا براي هو كان متغير معاك وما عايزك بس تاني جا براهو ومحتاج ليك نادر اتغير شديد. وانا ما عايزاك تتكلم في الماضي عايزاك بس تفكر في الحاضر ونحنا ح نشيلك يا ابوي حسيتو قنعان من الدنيا قال لي كان تخلوني اموت بدل تأنيب الضمير الانا فيهو دا وبدا يتكلم موت امي وفقدانا مع بعض اثر معاهو قال لي امك بتكون عافيه لي اتزكرت لحظه تعبها وهو نايم اشخر بسببب الهو كان فيهو ورفض يساعدها وامي كانت تعبانه وبتموت ياعالم كان جوه قلبها شنو هل مسامحاهو ولا ماتت غضبانه عليهو يعني مهما عملنا لي ابوي وسامحناهو واحتويناهو م ح يكون مرتاح ياريتو وقف معاها ياريتو ما نام بس هل ياريت بتعمل حاجه اكيد لا قلت ليهو ابوي امي طيبه مستحيل تكون شالت في قلبها منك انا متاكده بتكون لمن ماتت شايله همنا وهمك قعد يبكي ويبكي انا خوفتا علي العمليه قلت ليهو لا لا عليك الله نحنا م صدقنا انك وعيت من الكنت فيهو حسيت بيهو تعب شديد مشيت كلمت الدكتوره قلت ليها ابوي مضايق جات ادتو حقنه وبعديها نام بقيت سرحانه وبفكر كيف اقنع ابوي ينسا الماضي وخصوصا هو حاسي بالذنب وندمان نادر جا داخل وحكيت ليهو بالحاصل وانو ابوي سمعو لمن كان بتفق عليهو و عدم الثقه العندو هسي من الحاجه دي حسيت نادر ندم قلت ليهو ابوي متمني الموت عشان ضميرو مأنبو وماقادر اسامح نفسو عشان امي لمن ماتت ما ساعدها واستهتر بالهي فيهو قال لي نوسه اتكلمي معاهو قولي ليهو الندم م بفيد خلاص البقا بقا ونحنا ما ح نضرو اي نعم انا كنت بتفق عشان اضرو بس هسي لو اشيل من صحتي اديهو خلاص كفايه حياه ندم وعذاب انا عايز اربي اخواني واتزوج وابوي م بنقصر منو انتي بس فهمي انو الماضي شي والجاي شي قلت ليهو م ح يقتنع لي بس ح اكلم عم احمد اتناقش معاهو ويطمن قلبو ويوريهو الصاح شنو وكيف يقدر يشيل فكره انو امي بتكون ماتت ما عافيه منو قال لي تمام وهسي خلي يرتاح تعالي انا دايرك في موضوع مشينا تحت المطعم قال لي انا رفعت قضيه بتاعت خلع في الراجل دا وشكلو الموضوع بطول شديد قلت ليهو ذكي قال بساعدنا قعد يجوط ويكورك قال لي ذكي تاني اتكلمتي معاهو متين ومالو ومالك هو هديل بنات حواء راقدات امش يعرس بس قلت ليهو نادر انت ليه رافض ذكي بالطريقه دي قال لي نوسه انا ولدو دا ما بنفع معاي متنمر وقليل ادب ممكن بعدين يضايقك بالكلام ويزلك ويهينك وانا م داير ليك الكلام دا قلت ليهو لا يا نادر م ح يقدر وانا بعدين ما عندي معاهو كلام ولا يجيني ف البيت 🏠 قال لي انتي يعني خلاص ختيتي ذكي في راسك قلت ليهو انا استخرتا وحاسه انو زواجو لي فيهو خير قال لي نوسه انا م موافق ودا اخر كلام عندي وقام خلاني وانا بقيت بين بين ومتاكده في شي خلا نادر يرفض ذكي بالطريقه دي طلعت من المطعم وزهجانه شديد انا بقيت عايزه ذكي ومستعده اواجهه اي شي ف الدنيا وزي ما قال لي عم احمد طالما انا علي حق م اخاف من شي حتي ولدو اوقفو عند حدو وبقيت افكر في طريقه اقنعو بيها مشيت لقيت عم احمد جا حكيت ليهو بي ابوي وعدم ثقتو فينا وسببها وقلت ليهو طمنو وقول ليهو اي كلام عشان ما يتعب نفسو اكتر من كده قال لي ان شاءالله انا ح اتكلم معاهو وطبعا ابوي بنتظر عم احمد بفارق الصبر عشان يسندو ويقضي ليهو حاجتو عشان لسه م بثق فينا ولو كان ماشي وجينا نساعدو بعصب وبكون برجف والخوف مسيطر علي عقلو ونهاي م قادر يدينا الامان عم احمد اتكلم معاهو قال ليهو انا م دايم ليك ولو وقفت معاك هسي مصيرك يوم تحتاج لي اولادك وهم لو عايزين يضروك ما كان جابوك هنا المستشفى الغالي دا عشان يعالجوك كانو قالو دي فرصه خليهو يتعذب

 

 

 

ويموت وما تفرق معاهم بس اشهد الله بتك دي من رفعت سماعه التلفون وكلمتها الصبح لقيتا قدامي في المستشفى وبقا يقنع فيهو انو الماضي ننساهو وانو يحمد الله ربنا اداهو فرصه وما قبض روحو عشان يصلح غلطو والذنوب والخطايا بكتره الاستغفار بتتلاشا وبقا يتكلم معاهو بعقل وبالدين حسيت انو كلام عم احمد ممكن يغير وجهه نظر ابوي للحياه ❤️✌🏻حمدتا الله ربنا عوضنا بيهو بقا لينا عم وخال ❤️
مرت الايام وابوي اتحسن شديد وما كده وبس بقا يثق فيني واي شي يناديني كنت بكون مرتاحه وضميري مرتاح م نفسي ابوي يصل لمرحله انو يخاف مننا بس كلها اقدار وذكي جا اطمن علي ابوي وكتب ليهو خروج اخيرا ومنعو من الخمره والسجاير واي شي بهلك صحتو وقال ليهو لو حسيت بي اي شيء دا رقمي اتصل علي بعد فات ابوي قال لي اصلا دكاتره السودان ديل بهتمو بالناس كده ولا الدكتور دا مالو م قدرت اقول ليهو شي قال لي راجل طيب دا النوع البعمل في دنيتو لي اخرتو حسيت ابوي بقا واعي للدنيا شديد وكل رده فعل بتقول انو هو ندمان شديد من الماضي قلنا ليهو خلاص تمش معانا حلفا قال ستين يمين ما يمش مكان غير حلتنا قدر م اقنعناهو قال لا وانا م بقدر اخلي اخواني واقعد احرسو ولا بنقدر نخليهو تاني بقينا نقنع فيهو قال لا بس من هنا وبيتو وقال لينا انتو امشو لي اخوانكم قلنا ليهو نحنا محتاحين نتلم من جديد قال لا وكلما نشيل ونخت فيهو وهو رافض عم احمد قال لينا خلاص خلو يمش الحله وانا م بقصر منو قلت ليهو لا كده م بنكون مرتاحين وكلمناهو قلنا ليهو نادر عايز يتزوج قال بجي يوم عرس نادر يبارك ليهو ويعقد ليهو بس انو امش يعيش معانا لا قلت لي نادر خلاص نرجع الحله بس قال لي لا انتي بالذات م ترجعي اظنو اتزكر الراجل العقد لي عليهو قلت ليهو انت خايف علي من صحبك صاح حكيت ليهو انو جا هنا وانو نادر رفع قضيه خلع فيهو قال لي بس خلاص نهاي الحله م تجي حسيت انو الراجل دا شر. قلت ليهو عشان كده يا ابوي ارح معانا وانا م بخليك وهو قال لي مستحيل يمش قلت ليهو ح اوديك البيت تقعد فيهو ايام ونعمل الكرامه ونسافر قال لي لا امشو انتو عم احمد قال لي اقنعوهو عشان لو هو تاب اصحابو ما بخلوهو والحاجه دي مرضه وهو شكلو داير الحله عشان ياخد راحتو الله اعلم اكون تاب قلبي اكلني وواجهتو عديل قال لي ي بت انا مشيت للموت وجيت تاني مستحيل ادمر صحتي بس انا عايز اموت هنا قلت ليهو طيب بس نجي نحنا قال لي لا اوعك بقيت م مطمنه للموضوع مشينا معاهو البيت ونظفتو ورتبتو وحسيتو مرتاح اكتر فعلا الزول م برتاح الا في بيتو ونام نومه طويله انا ونادر لمن قلقنا عليهو وكل دقيقه نصحي يرجع ينوم انا ونادر بقينا محتارين نعمل شنو نفوتو شينه نقعد معاهو ياعالم نادر يكون كيف لاني حسيتو من دخلنا الحله وجينا بالمكان الكانت بتبيع فيهو امي مضايق شديد وما مستحمل اي صوت وكل دقيقه يقول لي م تتكلمي كتير ولاحظت ليهو مرات بكون ساكته بقول لي م تتكلمي معاي وانا خشمي بكون م فتحتو شكلو عقلو الباطني شغال اكتر لدرجه انو م واعي قلت نادر لو قعد هنا مشكله لازم يسافر اقنعتو وسافر وانا بقيت مع ابوي سريري مع سريرو خايفه تجيهو حاجه وبقا متعلق بي شديد لو نايم بقول نسيبه كنت حاسه بي الامان ورغم انو الشتات م عاجبني وقلبي في اخواني بس

 

 

محتاجه لي ابوي اكتر وطبعا بقت عندو مشكله في الاعصاب وبقا ما متوازن جسمو كلو برجف يعني مستحيل يعمل حاجه براهو يوم من الصباح الباب بضرب مشيت فتحتو لقيتو الراجل وجايط قال لي ترفعي فيني قضيه انا ☝🏼 وانا اشتريتك بقروشي يا كلبه قلت ليهو انا جاريه عشان انت تشتريني قال لي م تكتري كلامك تطلعي معاي بس وبقا يجر فيني وشكلو سكران لمن ريحتو متغيره وبقيت اكورك ابوي قام يرجف وبقا يترجا فيهو وماسكني من يدي وبحنس فيهو الراجل قال ليهو انت عارف البلاوي العندي انا ح افضحك واخليك عبره للناس احسن تديني بتك ولا ادمرك انا بقيت مخلوعه فضايح شنو وفشنو بقيت اسال فيهو قال لي اسالي ابوك هو وقت م قدر كلمتو ما يوعد وانا الليله م بطلع الا وانتي معاي ولو م مشيتي معاي بحزرك ابوك ح افضحو في النت وتاني م عندو وش اعاين بيهو للناس حتي المكان الرحلتي فيهو ح يشوفو فضايح ابوك اتصلت علي عم احمد جا اتكلم معاهو وقال ليهو خليها ترتاح ايام وتعال سوقا قال ليهو كده عشان يطلع مننا قال لي بجيك الجمعه تمام انا نسيت احكي ليكم بالراجل دا طبعا اغني واحد في حلتنا عندو القروش بس ربنا ابتلاهو بالمرض دا بعد عم احمد والراجل فات بقيت اسال في ابوي من الفضايح والزله الماسكه ليهو الزول دا بقا يتهرب مني وراسي بقا ملان ياربي الفضيحه

 

 

من ياتو نوع ابوي مع نسوان ولا في لعبه القمار دي ولا فضيحه ياتو نوع وربنا يستر ويلطف نادر اتصل علي وشكلو مبسوط وانا م قادره احكي اي شي قال لي نوسه جاك عريس قلت ليهو عريس شنو قال لي راجل بي الف راجل وبتعرفي حق المعرفه قلت ليهو منو قال لي سيف ……..يتبع سيف ماعرف يخطب نوسه الا لمن امورها جاطت تتوقعو الفضيحه بتاعت ابو نوسه شنو والح يحصل شنو هل نوسه ح توافق علي الراجل الكبير عشان تستر فضيحه ابوها ولا ح ترافق علي سيف الحبتو ولا ذكي الاتأملت فيهو واتمنتو زوج؟؟؟؟؟؟؟؟؟

 

 

 

• لقراءة باقي فصول الرواية أضغط على (رواية رغبة في الإنتقام)