رواية يوميات زوجة مجنونة كاملة – جميع الفصول في مكان واحد | بقلم آية فرجاني

رواية يوميات زوجة مجنونة كاملة – جميع الفصول في مكان واحد | بقلم آية فرجاني

رواية يوميات زوجة مجنونة للكاتبة آية فرجاني تعتبر من أحدث الروايات الرومانسية التي تجمع بين الرومانسية والكوميديا في الفترة الأخيرة، وتعد من الروايات القوية جدًا والتي نُرشحها بقوة لكل قارئ مُحب لهذا النوع من الأدب.

اقرأ ايضًا:

• رواية زائرة أحلامي كاملة – جميع الفصول في مكان واحد | بقلم أميرة يحيى

رواية يوميات زوجة مجنونة الفصل الأول

داخل من باب الشقة باين عليه متعصب
رابط الكرافتة في إيده والسويتشيرت في إيده التانية
هو:
أنا مش فاهم!
مش فاهم إزاي كل ما أرجع ألاقي مصايب
النهاردة المدير مسك عليا غلط معرفش جايبه ازاي
العربية خبطت في الرصيف
والتلاجة بتخرّ ميه
ومش لاقي شرابي
وانا اصلا مش لاقي دماغي
طلعت من المطبخ لابسة ترينج أحمر وعاملة ماسك خيار على وشها
وماسكة كباية شاي بلبن
هي:
إيه يا روحي مالك؟
حاساك داخل كأنك خارج من فيلم رعب الجزء التاني
هو:
ساره أنا مش ناقص هزار
فين الشراب بتاعي؟
وفين الغطا بتاع العربية؟
فين العشا؟
ساره:
العشا في التلاجة
والتلاجة بتخرّ ميه زي ما أنت قولت
يعني الأكل بيتسوّى أوتوماتيك
والشراب تحت الكنبة
والغطا.. بستخدمه بفرش بيه للقطط لما ييجوا عندي
بصلها بصدمه:
قطط؟
انتي لسه بتلمي قطط الشارع؟
ساره:
ده مش لم
ده تبنّي
أنا عاملة جمعية خيرية اسمها “ودن قطة”
شعارنا: سيبهم يناموا وأنت نام مرتاح
هو:
أنا مش هنام مرتاح
أنا هنام عند أمي
على الأقل هناك مفيش جمعية حيوانات في أوضتي
ساره:
إنت حر
بس خد بالك
بطاطس (القطة) بتغير
ممكن تقفل عليك الباب وانت نايم
هو بيبص فيها
واقف قدامها مذهول
هو:
أنا متجوز واحدة عاقلة ولا داخلة معايا في مسلسل رسوم متحركة؟
ساره:
بصراحة إحنا أقرب لـ “توم وجيري”
بس بجودة أقل
وسرعة أعلى
هو:
أنا هسيب البيت
بتجري تقف قدام الباب
ساره:
استنى
استنى قبل ما تمشي
خد الساندويتش ده
عملته مخصوص
جبنة رومي ومعاه كلمة حلوة
بصلها بصدمه واستغراب:
إيه الكلمة الحلوة دي؟
ساره:
ماتنساش تيجي بكرة
عشان هنقلب الصالة لحلبة مصارعة
جبتلك شورط الملاكمة
وهنشوف مين فينا الأقوى
بصلها بزهول:
انتي محتاجة تتعالجي بجد
هي:
أنا بعالجك من الاكتئاب
أنا الدكتور النفسي بتاعك
أقسم بالله لو سبتني
هتزهق من الضحك
هو بيضحك غصب عنه
وبيمسك الساندويتش وهو بيهز راسه
هو:
أنتي كارثة
بس بحبك
هي:
وأنا كمان
بس أوعى تنسى تجيبلي شاي بلبن وانت راجع
هو:
انتي مش لسه شرباه؟
هي:
ده كان تجريبي
أنا عايزة النسخة الرسمية
يوميات زوجه مجنونه
بقلم اية الفرجاني

رواية يوميات زوجة مجنونة الفصل الثاني

داخلة من المطبخ بعلبة فشار في إيد وشبشب في التانية
سارة:
مالك يا نجم الدراما؟
وشك عامل زي الفاتورة قبل ما تتقص
هو:
جاتلي فرصة شغل في دبي
ساره:
إيه ده بجد؟!
يعني أخيرًا هتبطل تزن تقولي الفلوس قليلة والعيال مزعجين وإنت زهقان؟
هو:
أه بس…
بس السفر شهرين
ساره:
طب كويس
هنرتاح من بعض
هو بصدمه:
يعني إيه؟
يعني مش هتزعلّي؟ مش هتقولي هتوحشني؟ مش هتمسكي فيا تقولي ماتسافرش؟
ساره وهي بتعقد جنبه:
هعمل أكتر من كده
هجهزلك شنطتك
وهحجزلك على أقرب طيارة
وهفتحلك الباب برجلي
هو بزهول:
يعني إيه يعني؟
يعني مفيش دموع؟ مفيش دراما؟
سارة:
لا
في حفلة
هجيب دي جي
ونرقص على أغنية “سافر وارتاح”
هو:
إنتي مش طبعية بجد
سارة:
ده أنا كنت ناوية أكتب لمديرك خطاب توصية
أقول له: الراجل ده لازم يسافر
لأسباب صحية… صحتي أنا
هو:
طب إنتي عايزاني أسافر عشان ترتاحي يعني؟
ساره:
لااااا
عشان ألبس بيچامة ماما وأحط الماسك وأقعد أكل فشار
من غير ما حد يسألني:
“هو المسلسل ده ليه صوت عالي كده ليه؟!”
هو:
طب تعرفي بقي؟
أنا مش مسافر
سارة:
ليه؟
هو:
عشان أعرف إنتي بتعملي إيه وأنا مش هنا
وبعدين مش قادر أسيب القطة
سارة:
آه بطاطس؟
ولا أنا؟
هو:
اللي اتنين
بس أكتر القطة
سارة:
خلاص
أنا هسافر بدلَك
ونشوف مين اللي بيحب مين أكتر
هو:
لا لا استني
أنا هسافر وإنتي تيجي معايا
سارة:
طب بس بشرط
هو:
إيه؟
سارة:
نسافر بس تاخدني كل يوم أتفسح
وتبطل تقولي “هروح الشغل بدري”
هو:
يعني نعيش سياحة وشغل؟
سارة:
لا نعيش عسل
ونقفل الموبايل
وننسى الكوميشن والشغل والمدير والنكد
هو:
طب ما إحنا نعمل كده هنا من غير ما نسافر
سارة:
يبقى نبدأ دلوقتي
قوم هات فشار تاني
ونتفرج على الفيلم
وأنت مش هتسأل عن الشراب اللي ضايع من الصبح
هو:
أنا حبيتك ليه؟
ساره:
عشان أنا اللي بتحملك وأنت مش بتحمل نفسك
دماغك طلعت شغاله ي ساره والله براڤو اتعلموا

رواية يوميات زوجة مجنونة الفصل الثالث

سارة واقفة قدام التلاجة، فاتحة الباب وبتبص جوها بحزن
سارة:
أنا قررت خلاص
أنا هدخل دايت
كفاية بقى يا كرشي
كفاية يا جسمي اللي بيتهز لما أهرش
مروان (داخل وبيشرب كانز)
مين اتخانق مع جسمه تاني النهارده؟
سارة
مروان أنا خلاص
مفيش أكل في البيت تاني
هنعيش على خص وخيار
مروان بصدمه
خص وخيار؟ طب والأكل اللي في الفريزر؟
الملوخية
الحمام
الرقاق
الكفتة اللي اسمها “اضرب وانسَ”؟
سارة
اتنسى كله ده
من النهارده البيت ده هيبقى سبورتنج
مروان
ده البيت ده أقرب لأبو حفيظة منى لأي نادي
بعد ساعه
مروان بيقلب في التلفزيون
سارة داخلة ومعاها طبق فيه خص وخيارتين
سارة
فطارنا النهارده هايلثي يا قلبي
شوف الجمال
الخيار طالع يلمع من النضافة
مروان
أنا مش عايز خضرة
أنا عايز محشي
أنا بني آدم عندي طموح
مش أرنب يا سارة مش عاوز اعمل دايت انا
سارة
أنا بقى قررت أطبخ بالألوان
كل يوم لون
النهارده أخضر
بكره أحمر
بعده شفاف
مروان بستغراب
شفاف؟ هنفطر هوا يعني؟
بعد ساعات وفي نص الليل مروان بيتقلب على السرير جعان
سارة نايمة جنبه
يصحاها
مروان في سره
منك لله ي بعيده مالي انا ومال الدايت وبعدين شايفه نفسك تخينه دا انت شبه عود القصب اي النسوان دي بس يربي
وبعدين قرر انو يصحيها
سارة قومي
أنا بحلم إني بأكل صينية بطاطس بالحمة
سارة (نص نايمة)
كولني ي مروان
أنا بطاطساية في الحلم ده كولني
مروان قام من السرير
أنا هدخل المطبخ
لو لقيت حتة جبنة همشي بيها نفسي
مش قادر
سارة قامت قاعده وهي بتقول بتحزير
لو فتحت التلاجة
هقطعلك صباعك
مروان اتصدم وتمتم ومشي…
ماشي
هاتسحر بالمية
بس لو مت
بلغي أمي إني كنت راجل طيب
بعد ساعه مروان كان رجع نام
البيت كله ساكت
فجأة سمع صوت بطاطس بتتحمر
قام و داخل المطبخ
لاقي سارة واقفة بتقلي بطاطس وهي بتعيط
سارة بدموع
مش قادرة
أنا ضعيفة
الخص مابيطبلش فمعدتي
بطني عايزه تعزف
مروان بابتسامه
تعالي نأكل سوا
ونعمل رجيم من بكره
زي كل مرة
سارة
بس من بكره بجد المره دي
مروان
آه طبعا
بس بعد ما نخلص البطاطس والرز اللي في الفرن
ساره بزعيق
اصلا كنت عامله كده علشانك انت شوف عملت كرش ازاي تقولش باكلك نفخ كل يوم
مروان (حاطط إيده على بطنه)
يعني أنتي بتطبخيلي ليه؟
ليه بتعملي كوارع ومحشي وبانيه؟
ده أنا مرة صحيت لقيت ريحة بط بالنعناع في الحلم
سارة
كنت بعملك أكل تحبه
مش أكل يلبسك خيمة في البطن
ده بطنك بقت بتسلم عليا قبل ما أشوفك
مروان
ده حب من الكرش
ده اسمه دفء أسري
يعني بدل ما نبرد نبقى سخنين سوا
سارة
سخنين إيه
دي بطنك لو وقعت على الأرض هتعمل زلزال 6 ريختر
أنا مش قادرة
كل ما نخرج يقولولي هو أستاذة مروان في الشهر كام؟
مروان (واقف يشفط بطنه)
هشششش
بشفط
بشفط هوا علشان نحافظ على الجو العام
سارة
بتشفط إيه ده بطنك فيها مخزن صواني
ده أنا لو فتحتها ألاقي عزومة رمضان جوا
مروان
طب خلاص نبدأ من النهارده
دايت مشترك
نأكل خص
ونشرب مية
ونجري ورا عربية الفول من بعيد بس مش نلحقها
سارة
آه ياريت
بس أول نبدأ من بكرة
علشان أنا لسه مطلعة قالب جلاش بالسمنة البلدي
مروان (عيونه بتلمع)
ويا لهوي
قالب جلاش؟
طب نبدأ الدايت بعده مباشرة
كلمة شرف
هو حلف ي جماعه

رواية يوميات زوجة مجنونة الفصل الرابع

الفصل الرابع من رواية يوميات زوجة مجنونة لا يزال قيد الكتابة، لو حابب تقرأ الفصل بمجرد نشره أنضم لقناتنا على تليجرام واكتب تعليق على الفصل ده.