رواية رجل وامرأتان الفصل الثالث 3 بقلم مصطفى جابر
رواية رجل وامرأتان الفصل الثالث 3 بقلم مصطفى جابر
البارت الثالث
#بارت_3
أنتي اللي عملتي فيا كده.. أنتي اللي جبتي المقص وقولتيلي إن مازن قالك إن شعري الطويل ده مش عاجبه ولازم يتقص
هدى بشهقة تمثيل: يا نهار أسود دي بتكدب عليك يا مازن أنا أعمل فيها كدا؟
مازن باحتقار: أنتي كدابة أنا ما قولتش لهدى ولا كلمة عن شعرك أنتي عايزة تعملي مشكلة بيني وبين مراتي من أول أسبوع ليكي هنا؟
فريدة بذهول: محصلش والله العظيم هي الل..
مازن بغضب مقاطعا : بس خلاص مش عايز كلام أنا مش عايز أشوف وشك روحي أوضتك ومش عايز أسمع صوتك.
فريدة بدموع بتدخل اوضتها ومازن بيطلع برا البيت…
بعد شويه بيلاقو الباب بيخبط بعنف بتروح هدي تفتح بتلاقي الخالة أم زينب.
الخالة بزعيق : يا هدى إيه المهزلة اللي حصلت من كام يوم دي؟ بقي معقوله اروح البلد وأرجع الاقيكي طارده بنتي من بيتك؟
هدى بضيق: مش أنا اللي طردتها مازن اللي طردها وهيا تستاهل كانت بتحاول تخطف جوزي قدام عيني.
الخالة بتهديد: أنتي فاكرة نفسك مين عشان جوزك يطرد بنتي دي كانت بتحاول تصلح اللي أنتي عملتيه.. بنتي فعلا كانت أولى بيه بدل ما تجيبوا لنا واحدة الله اعلم مين ضحك عليها ولبسوها لوجوزك ده هو فين مازن؟
هدي بجمود: طلع يجيب طلبات وراجع
.فريدة خرجت لها بغضب : اي اللي انتي بتقوليه عليا ده؟
الخاله ببرود: إيه ده إيه منظر الشحاتين ده يا مازن؟
فريدة بغضب : أنتي تخرسي خالص أنتي مالك انا مين ولا لابسه اي… نقابي ده تاج فوق راسك ولو عليتي صوتك عليا او اتكلمتي عني بالوحش همسح بكرامتك الارض انتي فاهمه
الخالة بصدمة: ينهارك أسود؟ انتي بتهزقيني يبت انتي؟ ازاي تتكلمي معايا كده.
فريدة بغضب : اه بهزقك واحطك تحت رجلي كمان يلا اطلعي برا بيتي دلوقتي ومش عايزة أشوف وشك في المكان ده تاني.
الخالة بتزعق: أنتي مين يا بنت الـ ****… أنتي بتطرديني من بيت بنت اختي؟
فريدة بصراخ: البيت ده بيتي أنا كمان أنا مرات صاحب البيت واللي مش عاجبه كلامي يخبط راسه في اقرب حيطة اطلعي برا.
الخالة بتخرج بغيظ وذهول.
هدى بصدمة : إيه اللي عملتيه معا خالتي ده؟
فريدة بزعيق : أنا اعمل اللي انا عاوزاه و اللي حصل منك دا مش هيعدي أبداً يا هدى وقسم بالله لخليكي تندمي
هدى برعب مخفي : أنتي بتقولي إيه أنا ما عملتش حاجة أنتي اللي قصيتي شعرك لنفسك.
فريدة بسخرية : كدابة وبجحه وأنا كنت حنينه معاكي علشان البيت يبقي هادي وميحصلش بينا مشاكل.. لكن دلوقتي هتشوفي مني الويل اللي انتي ومازن كنتو مدبرينه ليا
هدي بصدمه: مدبرين اي؟ انتي واعيه ل كلامك.
فريدة بغضب : اه واعيه وهحاسبك على كل خصلة اتقصت صدقيني هتندمي إنك عملتي كده معايا
.. دخلت اوضتها ورزعتها..
بعد شويه..
مازن دخل البيت مستغربً السكوت وراح اوضه فريدة اتصدم من جمالها عملت تعديل لشعرها وبقت احلي من الاول..
مازن بصدمة : إيه ده إيه اللي حصل لشعرك.
فريدة بدلع وثقة: إيه رأيك عجبك ولا لا؟ أنا قولت لنفسي مدام كده كده شعري اتقص يبقي لازم يكون شكله حلو حصل
علشان متبصليش بقرف تاني
مازن بتوتر : حقك عليا يا فريدة.. ما تزعليش من كلامي الصبح كنت عصبي والله وعندي ضغط شغل فا اتصدمت لما شوفتك كده وطلعت غضبي فيكي
فريدة حطت إيدها على صدره بجرأة: عارفة إنك ما قصدتش بس فيه حاجات لازم تعرفها أنت فاكر إني أنا اللي قصيت شعري بنفسي عشان زهقت منه؟
مازن باستغراب : أيوه هدى قالتلي كدا.
فريدة بضحكة هادية : هدى حبيبتك اه… طيب هتصدقني لو حلفتلك ان هدي جاتلي بكل هدوء وقالتلي انك مبتحبش الشعر الطويل
مازن بصدمة : يعني انتي مبتكدبيش يا فريدة علشان عايزاني اتخانق معا هدي؟
فريدة بجمود: وانا هستفيد اي لما تتخانقو سوا؟ وهو انا لو عايزاك تتخانق معاها هقص شعري كده؟
مازن بجمود: لو كلامك حقيقي فا اطمني انا هروح دلوقتي واشوف الموضوع ده بنفسي
خرج بغضب..
فريدة بجمود : انا محدش هيستغلني ولا يورطني تاني أنا هوريكي يا هدي
عند هدي..
مازن دخل الاوضة بغضب:
مازن بصوت قاطع: هسالك سؤال ولو كدبتي عليا قسم بالله لطلقك حالا أنتي إيه اللي هببتيه ده يا هدى معا فريدة؟.
هدى باستغراب: هببت إيه يا مازن أنت جاي تزعق لي أنا وصدقت كلامها
مازن بغضب : انتي كذبتي عليا وأنتي اللي خلتيني أهزق البنت وأقول لها يا كدابة ويا مقرفة وهيا مظلومة
هدى بحدة : أنت بتكدبني أنا وبنت الشارع دي اللي ما نعرفش أصلها مصدقها أنت اتجننت يا مازن ولا إيه.
مازن بمكر: بردو بتكدبي! دي وريتني الفديو وشوفته بعيني كأنها كانت حاسها بغدرك وشغلت الكاميرا وحطت الفون وصورت كل حاجه حصلت ووريتهولي
هدى بخوف : مازن غصب عني والله أنا كنت عايزاك..
مازن بجمود مقاطعا: ما تتكلميش أنا فاهم كل حاجة
أسمعي الكلام ده كويس اللي عملتيه في فريدة ده مش هيتكرر تاني مش عايزك تقربي منها ولا تكلميها ولا حتى تبصيلها العلاقة ويبقي كل االي بينك وبينها ازيك عامله اي وبسس مفهوم؟ وأنا كمان أنا مش هقرب منك تاني لحد ما فريدة تصفالك.. واه بالمناسبه مفيش فديو ولا حاجه.. انا قولت كده علشان اشوفك عملتي كده بجد ولا فريده بتتبلي عليكي
هدي بصدمة: اييييي؟
- لقراءة باقي فصول الرواية أضغط على (رواية رجل وامرأتان)