رواية ذات العيون السوداء الفصل الاول 1 بقلم هند إيهاب

رواية ذات العيون السوداء الفصل الاول 1 بقلم هند إيهاب

 

البارت الاول

 

أنتَ مجنون يا تميم، بتحب بياعة مناديل
ابتسم وقال:
– بس دي أحلي بياعة مناديل شوفتها في حياتي
– لا ده أنتَ بقيت شخص غريب
سابه وقام وفضل هو يسرح فيّ، كان بيكلم مع نفسه ويقول:
– عيونها قادره تسحر البني أدمين، ولا هي خضرا ولا زرقه بس قادره تقتلني
– تميم!! قاعد لوحدك في الضلمه ليه كده، وليه حُسام مشي بسُرعه
قام قعد وقال:
– الا قوليلي يا هُدي عرفتي أزاي أنك بتحبي حُسام!!
قعدت قُصاده وقالت بأبتسامه:
– أشمعنا!!
– بسأل
– أبداً يا سيدي لقيته مُختلف عن ناس كتيره، حسيت أنه شخص كويس فلقيت نفسي بتشد له من غير ما أخد بالي، قلبي كان بيدُق من قُربه بطريقه غريبه، حابه وجوده
ابتسم وقال:
– طب وحُسام أعترف لك أزاي أنه بيحبك
ضحكت وقالت:
– من غير أي مُقدمات لقيته أجا في وشي كده ورمي الكلمه، وقتها حسيت أن مايه متلجه وقعت عليّ، خلتني مصدومه، وقتها أختفي فتره، أترعب، حس إني مش مرحبه بوجوده، بس أنا المُفاجأه خضتني
كان قاعد حاطط أيديه علي خده وبيسمع وقالت:
– وكمان أيه ده، عمال تسألني وأنا زي الهبله بجاوبك ومقولتلش بتسأل ليه، ليكون في حاجه كده ولا كده دخلت قلبك
ابتسم وقال:
– عُمري مجربت الحُب، قولت أخُد فكره عنه
– بس الحُب مبيتعرفش من كلام الناس عنه، مسيرك هتجربه وهيخليك بتحب شخص لدرجة أنك هتتجنن لو الشخص ده أختفي يوم واحد بس
هز راسه ورجع سند ضهره علي السرير وقال بهمس:
– وخداني ورايحه بيّ علي فين بس

يتبع….

 

• لقراءة باقي فصول الرواية اضغط على (رواية ذات العيون السوداء)