رواية خفقات قلب يأبي النسيان الفصل السابع والعشرون 27 بقلم سما سعيد

رواية خفقات قلب يأبي النسيان الفصل السابع والعشرون 27 بقلم سما سعيد

البارت السابع والعشرون

هـــل هـــذة هى انتـــى
امــ زهـــرة جميلـــة متفتحـــة وزاهيـــة
هـــل هـــذة هـــى انتـــى
امــ شعـــاع شمســـاً مضيئـــاً ينيـــر الكـــون بأكملـــة
هـــل هـــذة هـــى انتـــى
امــ اننـــى وجـــدت عـــالم جديـــد جميـــل بصحبتـــكـ
ما إن بزغت شمس الصباح وهي تلقي اشعتها الذهبية
حتى غمر نورها المدينة بأكملها
وظهرت السماء صافية وكأنها تبتسم اليهم من جديد
حتى تململت يارا فى فراشها الوردى
فتحت عيناها ببطئ فوجدتة يتكئ على وسادتة يرنو اليها بأبتسامتة
الساحرة وعيناة الذهبية التى اطل منهما بريقا جعلها تبتسم رغماً عنها
شعر وكأنة استيقظ لتوة من سبات عميق
دام لفترة طويلة ولاول مرة منذ تلك الفترة
يرى الصباح يشرق ولكن من خلال عينيها
اجزم انها لو شعرت هى بكل تلك المشاعر سوف يقسم
انها حدثت له اقوى واكثر منها بكثير
فبسبب نورها اشرقت شمس الصباح اكثر
واصبح اليوم جميلا ,,بسبب نورها القوى
اختبئ القمر واصبحت هى من تنير لة عالمة وقلبة ووجدانة
لقد وجد حبها بعد ان اضاعة
لا يوجد لغة يمكنها التعبير بالكلمات ليخبرها ما تعنية هى الية
فهى مثل الشمس والقمر الذين يضيئون حياتة
فوجهها مشرق ويتلآلآ بريقة بعينية
هذا المدح صادق ينبع من وجدانة ولكنة اقل من الحقيقة بمراحل
نظرت الية بأبتسامتها الصافية وقالت………..حبيبى صباح الخير
ومن ثم اعتدلت حتى جلست بجانبة واتكأت على وسادتها
ترنو الية مبتسمة ,, رمقها بنظرتة الساحرة وعينية التى
نسج لونها من خيوط شمس الصباح المشع
وقال بخفوت……..انتى بجد جمبى ولا انا بحلم
تحدثت بتغنج عفوى وقالت………المسنى وانت تعرف
اذا كنت حلم ولا حقيقة
نظر اليها فارس بأبتسامتة الجذابة المعتادة وقال مداعباً …..
طيب ,, انا محتاج اتأكدا كدا
قال جملتة هذة وهو يقترب منها رويداً رويداً
حتى وصل الى مبتغاة وهو شفتيها الناعمة الملساء
تعلقت عينيها بشفتية وهى تقترب منها تدريجياً
ومن ثم اطبقت شفتية على شفتيها بقبلة شوق طويلة
وانفاسهم قد امتزجت بروعة العشق
ترك فارس شفتيها حينما شعر بشهقاتها المكتومة بين شفتية
نظر الى عينيها الغارقة بدموعها فـ مرر أناملة على وجنتيها
ليمحى تلك القطرات الرقراقة المنحدرة وقال بصوت رخيم…..
حبيبتى لية بتبكى انا مستحملش اشوف دموعك
يارا بصوت متهدج ……سيب دموعى تنزل يافارس
دى دموع الفرح,, فرحى بلقاك وقربى منك,, تعرف انا كنت بتعذب
فـ اليوم الف مرة وانا بعيدة عنك
فارس بنبرة حزينة ……..لو كان دا حالك من غيرى فـ انا مت فـ الدقيقة الف مرة
وانتى بعيدة عنى ومش قادر اوصلك ,,واتردت لى روحى جوايا من تانى
لما شفتك قصاد عينى وكأنى كنت ميت وحييت من جديد
حاوط وجهها بين يدية وقال بحب…….هتبعدى عنى تانى
قالت يارا وهى تحتضن يدية المحاطة وجهها……..مستحيل اسيبك ياحبيبى
مش ممكن ابعد عنك تانى مهما حصل انا عايزة اكمل حياتى معاك
فارس بصوت شجي مؤثر…….عايز اقولك بحبك بس بجد
دى اقل كلمة ممكن اوصف بيها مشاعرى
نفسى اقولك كلام كتير يعبر عن اللى جوايا
يارا بخفوت……متقلش اى كلام عيونك باحت لى بكل اللى جواك وداخل قلبك
ومن ثم غمرت رأسها بأحضانة وتوسدت صدره العارى
وقد شعرت بسعادة لا توصف
تحدثت يارا بخفوت وقالت………عندى مفاجأة حلوة عايزة اقولهالك
فارس وهو يقبلها بجانب فمها ……وهو فية مفاجأة احلى من رجوعك لية يا حبيبتى
يارا بسعادة……..اة ,, فية ,,البيبى الشقى اللى جوا دة يبقى ولد
,,انا عايزة اسمية خالد على اسم بابى الله يرحمة
فارس مبتسماً……طبعا ياقلبى اكيد موافق ان ابننا يتسمى على اسم جدة الله يرحمة
ومن ثم قبل باطن يدها بحب وقال……..انا بقى اللى عندى ليكى مفاجأة هتعجبك اووى
ابتعدت يارا عن صدرة ونظرت الية وقالت ………مفاجأة اية قوللى
فارس بحب……شوية صغيرين ياقلبى وهتعرفى المفاجأة بنفسك
الاول قومى خدى شاور وتعالى ننزل نفطر
واردف بنبرة مؤثرة…….تعرفى انى من يوم غيابك وانا مقعدتش
على السفرة ولا مرة كانت دادة كوثر بتجيبلى الاكل لحد اوضتك
علشان اكل ومكنش بيجينى نفس تقريبا كدا كنت عايش ع الهوا
اندفعت يارا بين ذراعية وقالت …….حبيبى حقك علية انا اسفة ,,فترة صعبة
وعدت واستحالة ترجع تانى ابدا
ضمها فارس بقوة ومن ثم قال لها ..طب يلا انا ميت من الجوع
يارا بسعادة……..بعد الشر عليك ,,انا النهاردة هحضرلك الفطار بأيدى
انا اتعلمت كام اكلة وعايزة اجربهم فيك واوعى تعترض
فارس مندهشاً…….انا معنديش اى اعتراض ,, بس استنى هنا
هو انتى اتعلمتى الطبخ من ورايا
يارا بثقة ………….ايوة واوعدك انك هتاكل صوابعك وراة
فارس وهو يقترب منها ……انا عايز اكلك انتى
يارا بخجل ….فارس وبعدين معاك يلا قوم روح اوضتك عقبال ما اخد الشاور بتاعى
فارس مبتسماً……..انا فعلا فـ اوضتى ,,خلاص مفيش داعى
ان كل واحد فينا يكون لية اوضة مستقلة
واردف وهو ينظر الى عينيها بعمق …….ولا انتى اية رأيك
يارا وهى تضيق عينيها ……..تعرف لو كنت قلت غير كدا كنت قتلتك
ابتسم فارس وقال………اشمعنى بقى,, اية عايزانى انام فـ حضنك
تلعثمت دقات قلبها ولكنها تحدثت ودموعها تنهمر من مقلتيها……..
ايوة وانا كمان عايزة انام فـ حضنك
مش عايزة ابعد عنك تانى متسبنيش انام لوحدى كفايا بقى لحد كدا
دا حقى ومش ممكن اتنازل عنة
ضحك فارس بسعادة وضمها بقوة بين ذراعية وقال……….
يالهوى ع العسل ياناس طب هو انا اللى اقدر ابعد عنك
مش ممكن ارتاح ولا انام غير وانتى بين احضانى
ظل يداعب خصلات شعرها بلمساتة الرقيقة
واخذ يطبع عدة قبلات على شعرها
ومن ثم على وجنتيها حتى وصل الى شفتيها الناعمة
فأغمضت عينيها وبادلتة قبلاتة بنهم وشوق كبير
ابتعد عنها قليلاً,,ففتحت يارا عيناها فوجدتة يبتسم بسعادة
فقالت لة بخفوت…….اية سر الابتسامة دى
فارس كالهائم……..فرحان بيكى اوووى
يارا بخجل…طب يلا بقى كفايا كدا عايزة اقوم زى الزوجة الشطورة
كدا واروح احضر الفطار لجوزى حبيبى ابو ابنى
فارس بأمتعاض…..بلاش تتعبى نفسك يا يارا انا خايف عليكى
ارتاحى انتى وانا اقول لدادة تحضر لنا الفطار وتجيبة لحد عندك
يارا بحماس……لالالاء انت عارف انا اد اية عنيدة فـ متجادلنيش
ويلا قوم من هنا ادخل اوضتك وخد الشاور بتاعك ومتنساش
تنقل حاجتك ولبسك هنا زى ما اتفقنا عقبال ما اخد الشاور بتاعى انا كمان
فارس بمكر…..طب ما تقومى مستنية اية
يارا بخجل وهى تنظر الى حالها…….اقوم ,,اقوم اذاى لاء اخرج انت الاول من الاوضة
ضحك فارس وقال…….مكسوفة منى داانا زى جوزك
يارا بحنق شديد …….فارس ,,بلاش تقوللى الكلمة دى تانى انا بكرهها
ضحك فارس مقهقهاً وقال ……….طيب خلاص متزعليش حقك علية
يامراتى ياحبيبتى ياروحى ياقلبى ياام ابنى ,, ومن ثم نهض عن فراشها
وارتدى قميصة يحجب بة صدرة العارى وعضلاتة المفتولة
نظر اليها فوجدها ترنو الى جسدة بحزن
فقال لها…….اية يا قلبى بتبصيلى كدا لية
يارا بحزن……انت خسيت اوى يا فارس
فارس بخفوت……انتى اخدتى بالك ,, علشان تعرفى انى من غيرك امووت
يارا بلهفة…..بعد الشر عليك
واردفت بمرح…..دلوقت اعملك فطار يرجعك زى الاول واحلى كمان
انحنى اليها وقال مداعباً……..طب وهو انا كدا مش حلو
يارا مبتسمة ………..حد يقدر يقول غير كدا حبيبى
حلو وزى القمر ويلا بقى اخرج من غير مطرود
ومن ثم رمقتة مبتسمة ببهجة غابت عنها ليالى طوال
فعند بزوغ القمر بدأت تطلب قلبة وتناجية
كثيراً ما اعصاها ذلك القلب العنيد
كثيراً ما اتعبها ولم يستمع الى مناجاتها الية
لقد كان ذلك القلب عنيد ومتعب للغاية
كاد ان يصيبها بالجنون وظل هو مستمتعاً بالنظر اليها
دون ان يتفوة بأى شئ
ولكن الان قد جمعت بينهم لحظات دافئة وباحت القلوب بمكنونها
ليلة حماسية تنبض اثارة وشغف تأثيرها عميق وقوى
اذعن فارس الى رغبتها وغادر غرفتها ومن ثم توجة الى غرفتة
واخذ حماماً (اعزكم الله) ومن ثم توضأ
واقام فردة وشكر الله كثيراً لانة استجاب لدعائة
ورد الية زوجتة مع اجمل هبة ممكن ان يتلقاها
وهى ابنة المتواجد الان بأحشاء زوجتة ومليكة قلبة
……………………….
داخل منزل اسيل
:::::::::::::::::::::::
كانت بقمة سعادتها بعد ان تلقت اتصالاً من فارس
يبشرها بعودة رفيقة عمرها
فقامت بمهاتفة كل من اسر ومها وبيبرس
وقالت لهم انها تنتظرهم بمنزلها لتزف اليهم بشرى سارة
اتى كل من اسر ومها بالسيارة الخاصة بهم
ومن بعدهم اتى بيبرس بسيارتة الخاصة
واجتمعا الاربعة داخل حجرة المعيشة ودار هذا الحوار بينهم
مها بوهن ……..جبتينا على ملا وشنا لية يااسيل ما كنتى تتكلمى ع الفون
بيبرس……..صحيح يااسيل هو فية اية انا سبت المرضى وجيت جرى
اسر وهو ينظر الى شقيقتة التى باتت على ملامح وجهها البهجة…..
اممممم شكلك كدا بيقول انك عرفتى حاجة عن يارا صح
بيبرس بلهفة……..اية هى كلمتك تانى؟
مها بخفوت……..فارس عرف مكانها؟
لذمت اسيل الصمت ولكنها ظلت تبتسم فى سعادة
قالت مها بحنق…….يابنتى اتكلمى هتولدينى قبل اوانى
اسيل بهتاف وهى تنهض عن مقعدها وتقفز كـ طفلة مشاغبة…….
يارا رجعت مصر
نهض كل من بيبرس واسر مندهشين وقالا…..
اسر…انت اتجننتى ولا بتتكلمى جد
بيبرس………بتهزرى صح
وتحدثت مها وهى لازالت تجلس على الاريكة……….عرفتى منين يااسيل
اسيل بسعادة بالغة……..مش هتصدقوا
مها بأمتعاض….بس انتى اتكلمى واوعدك اننا هنصدقك
اسر بحنق….ما تتكلمى بقى يابنتى بوظتى اعصابنا
بيبرس وهو يمسك يدها بحنان……اهدى كدا ياحبيبتى
وهاتى كل اللى عندك دفعة واحدة
تحدثت اسيل وقالت……….الصبح لقيت فارس بيتصل بية
بيبرس مقاطعاً…..اية عرف مكانها
اسر بأمتعاض……ياابنى استنى متقاطعهاش خليها تكمل والنبى,,ارحمونى
ضحك بيبرس وقال….معلش نسيت كملى يااسيل
استرسلت اسيل بحديثها وقالت………فارس اتصل بية النهاردة الصبح
وقاللى ان يارا رجعت مصر
وانة اتفاجأ بيها بالليل وهى فـ اوضتة
وقالت لة انها كانت ببروكسيل وانها بالصدفة قابلت ايميلى هناك
وايميلى حكتلها على كل حاجة واقنعتها انها ترجع لفارس
ورجعت يارا وسامحت فارس والدنيا بقت حلوة ع الاخر
نهض بيبرس وضم اسيل بين احضانة وقال ….هيـــــــــة واخيرا هتجوز ياناس
خجلت اسيل من فعلتة اما عن اسر فنهض على الفور وابعده
عن احضان شقيقتة وقال…….اية ياابنى انت اتجننت ولا اية هى هيصة
ضحكت كل من مها واسيل ملئ قلبهما
اما عن بيبرس فخجل من فعلتة اللا ارادية وقال ……..
اعذرنى يااسر مكنش قصدى والله
اسر بأستياء……..بس مش كدا ميصحش
بيبرس بخفوت…..يابنى حط نفسك مكانى الفرحة برجلتنى
اخيرا هتجوز اختك اللى عذبتنى معاها ايام وليالى
ضغطت اسيل على شفتيها خجلاً وقلبها ينبض بشدة
اما عن مها واسر فنظرا الى حالهما وظلا يضحكان بمرح
لقد ذكرهم هذا العاشق بلهفتهم قبل زواجهم
……………………….
داخل فيلا رجل الاعمال\فارس ذيدان
:::::::::::::::::::::::::::::::::::::
كانت بالمطبخ تعد طعام الافطار وكل من دادة كوثر
والخادمة فتحية يساعدونها
دلف فارس الى المطبخ وشاهد زوجتة وهى تعد
لة طعام الافطار فبدا لة بأن مذاقة لذيذ من فعل رائحتة الذكية
فأقترب فارس اليها وقال……..الجميل تعب نفسة برضوا مش هتبطلى عند
ضحكت يارا وقالت………استنى بس لما تدوق الاكل هتنبسط جدااا
وهتخلينى اعملك مش الفطار وبس ,,
لاء دا الفطار والغدا والعشا والسحور كمان
اقترب منها اكثر وقال بخفوت بجانب اذنها…….وهو انا اقدر برضوا
اتعب روح قلبى وحياتى
يارا بخجل وهى تنظر حيث كوثر وفتحية……بس بقى مش واقتة الكلام دة
خجلا كل من كوثر وفتحية فغادرا المطبخ على الفور
لاحظ فارس مغادرتهما فاقترب من زوجتة ووقف خلفها
وقبل شعرها بشفتية وقال بتناغم……..هو اية اللى مش وقتة
وبعدين فطار وغدا وعشا اية اللى انتى هتسيبينى وتحضرية
انا مش هسمحلك تبعدى عنى ولا لحظة واحدة ,,
ومن ثم لف يدية حول خصرها ولثم عنقها برقة
تلبكت يارا وقالت……..وبعدين معاك ابعد بقى الاكل هيتحرق
ادارها فارس حتى وقفت مقابلة ومن ثم نظر الى عينيها وقال…….
داانا اللى بتحرق وبولع ياناس مراتى حبيبتى ووحشانى وملحقتش اشبع منها
ومن ثم اقترب ينهال من شهد شفتيها الناعمة
ابعدتة يارا برفق وقالت……..بس يا فارس دادة تدخل علينا
واردفت بجدية…..يلا بقى روح استنانى فـ اوضة السفرة
عقبال ما اخلص واجيلك
ومن ثم وضعت بفمة قطعة من المعجنات اللذيذة التى اعدتها
وقالت مبتسمة…….خد دى تصبيرة علشان شكلك جعان ومش هتسيبنى فـ حالى
نظر فارس الى شفتيها وقال……..انا فعلا مش هسيبك فـ حالك لانى هموت م الجوع
ضحكت يارا بخجل وقالت……..فارس اسمع الكلام والا
اقترب فارس اليها وقال وهو ينظر الى شفتيها…….
طب ممكن تصبيرة بس من نوع تانى
وقفت يارا على اطراف اصابعها وقبلتة بجانب فمة
فأبتسم وقال …….الله ,,مع انها جت اوت بس انا موافق
يارا مبتسمة……طب كرت احمر واتفضل على اوضة السفرة
فغادر فارس المطبخ وتركها تكمل ما تعدة من اصناف جديدة
…………………..
وبعد ان انتهت يارا من اعداد هذة الاصناف التى تعلمتها
من كتب الطبخ اثناء تواجدها بـ بروكسيل
غادرت المطبخ وتوجهت نحو حجرة الطعام
ومن ورائها الخادمة والمربية يحملون هذة الاصناف بداخل سرافيس التقديم
تسمرت يارا بمكانها من ما رأتة امامها عند دخولها حجرة الطعام
فكان يلتف حول المائدة كل من فارس واسيل وبيبرس ومها واسر
اقترب منها فارس وقال …….هى دى مفاجأتى ليكى ياحياتى
مقدرتش استنى وقلت لازم اطمنهم عليكى
واصريت عليهم انهم ييجوا يقضوا اليوم كلة معانا
اكيد زى ماانتى وحشاهم هما كمان وحشوكى
نظرت يارا الية بسعادة فقالت اسيل…….اية يابنتى هو احنا مش وحشينك ولا اية
ولا من لقى احبابة نسى اصحابة
ابتسمت يارا بسعادة وكادت ان تهرول اليها فـ ستوقفها فارس بخوف وقال ……..
على مهلك ياحبيبتى ,,امشى بشويش
فـ اقتربت اليها اسيل وقالت…….وحشتينى ياصديقة عمرى
ارتمت يارا بين احضان صديقتها المقربة وقالت وهى تبكى…..
انتى اكتر ياسولى وحشتينى جدا ,,
ومن ثم اردفت وهى تنظر اليها……تعرفى انك احلويتى خالص
تدخل بيبرس بالحديث وقال……..اصل انا طبعت عليها يا يارا
,,شفتى يااسيل علشان تصدقينى
ضحكت يارا ملئ قلبها وقالت ……اخبارك اية يادكتور
بيبرس بمرح……..اية انتى نسيتى اسمى تانى ولا مش عايزة تقولية
لا تضحكى علية زى اول مرة اتقابلنا وعرفتى فيها اسمى
تدخل اسر بالحديث وقال…….يااخى انت قلبك اسود
واردف وهو يقترب حيث يارا……..حمد الله ع السلامة يا يارا ليكى وحشة والله
صافحتة يارا وقالت ……….الله يسلمك ياااسر وانتوا كلكوا والله وحشتونى
قالت مها وهى تجلس على مقعد المائدة……..بصى بقى انتى وحشانى
وكل حاجة بس انا مش عايزة اقوم لا تتخضى من منظرى
وكمان مش قادرة فـ انتى اخف منى تعالى
بقى وقربى منى علشان عايزة ابوسك ياقمر
ضحك الجميع بمرح واقتربت يارا حيث مها وانحنت وقبلتها من وجنتيها وقالت……
وحشنى خفة دمك يامها ,, ربنايقومك بالسلامة ياحبيبتى
مها بسعادة……وانتى كمان ياحبيبتى واردفت بمرح …….
توأم يا يارا مجننى خبط وضرب طول الليل والنهار
يارا بسعادة……..ماشاء الله معلش يامها ,,
ماهو انا كمان خبط فـ جنبى وظهرى طول الوقت
اسيل بامتعاض…….حرام عليكوا كفاية بقى انتوا عقدتونى
بيبرس بلهفة….لاء والنبى متتعقديش اهدى كدا انا هكون معاكى
مها مداعبة………يعنى هتعملها اية ,,,كان اسر نفعنى
اسر بأستياء….الله انتى بتنسى ولا اية مش انا بقعد اطبطب
على بطنك علشان الولاد يهدوا
واردف بمرح…….ماانا مفيش فـ ايدى غير كدا امر الله بقى
ومن ثم ضحك الجميع مقهقهين بسعادة ومرح
تدخل فارس بالحديث وقال…..اتفضلوا اقعدوا ياجماعة ونتكلم واحنا بنفطر
فلتف الجميع حول المائدة فارس ويارا احتلوا مقاعد رؤوس المائدة
واسر مها على اليمين واسيل وبيبرس على اليسار
اردف فارس بسعادة وقال……..على فكرة يارا هى اللى عملة كل دة بأديها
اسيل بشهقة قوية………مش ممكن يارا فـ المطبخ مستحيل
اسر مداعباً…….كويس انك موجود يادكتور علشان لو حصل حاجة تلحقنا
يارا بأستياء…….طيب يالمض دوق الاول وبعد كدا ابقى احكم
اكلى انا ولا اكل مها
وبدأوا الجميع بتناول الافطار وهم يثرثرون بمرح
اسر بتساءل…….عرفتى نوع الجنين يا يارا
يارا بسعادة ……..طبعا يااسر خالد ان شاء الله
بيبرس ماشاء الله دا على اسم باباكى صح
يارا بحزن……الله يرحمة
اسيل …….حبيبتى ربنا يتمملك على خير يارب
مها ..هو انتى فـ الشهر الكام يا يارا
يارا مبتسمة……انا فـ اول السابع
اسر بحماس…….والله دى مها كمان بأول السابع
انحنت مها حيث يارا وقالت مداعبة….شكلنا كنا متواعدين يايويو فـ نفس الليلة
فضحكت يارا بخجل من ما قالتة مها
فتدخلت اسيل قائلة……..انتوا بتضحكوا على اية؟
مها بمرح…..كلام ستاتى ملكيش فية
اسيل بأستياء….كدا طب ماشى
انحنى اليها بيبرس وقال…….شفتى بقى ,,يعنى لو كنتى اتجوزتينى
كان زمانك عرفتى هما بيقولوا اية
نظرت الية اسيل وقالت…….اذا كان كدا انا موافقة يلا حدد ميعاد مع بابا واسر
نهض بيبرس عن المقعد وقال بهتاف……..اشهد ان لا الة الا الله اخيرا قولتيها
اندهش الجميع من فعلتة فنظر بيبرس اليهم وقال……..
اخيرا وافقت اننا نحدد ميعاد الفرح
ضحك الجميع بسعادة وقدموا اليهم التبريكات الحارة
وظلوا طوال اليوم يثرثرون ويمرحون
كانت مها تنظر الى الاسطبل وهى حزينة
فأقترب منها اسر زوجها وقال لها بأنها شهور قليلة
ويمكنها ان تمرح وتمارس رياضتها كما تشاء
ومر اليوم بسعادة على قلوب المحبين الهائمة ببحور العشق
………………………
بعد ايام قليلة بـ احدى الاماكن العامة
::::::::::::::::::::::::::::
صوت انثوى يقول………عملت اية كلمتها
صوت رجولى ……….لاء لسة مكلمتهاش
الصوت الانثوى بحزن……طب لية كدا بس,,انا هفضل مستنية لحد امتى
الصوت الرجولى مطمأناً…….اصبرى عليها شوية دى لسة يادوب نفسيتها
ابتدأت ترتاح مفيش كام يوم
الصوت الانثوى بأستياء…..لحد امتى هفضل صابرة فاتت اسابيع طويلة
وانت كل اما تقابلنى تقوللى اصبرى ,,استنى ,, لحد امتى
انا مبقاش عندى صبر خلاص
الصوت الرجولى وهو يمسك يدها الموضوعة اعلى الطاولة…….
معلش هانت اهو انا بس مستنى لما اطمن عليها
واقدر افاتحها بالموضوع ,,انا مش عايزها تتعب خايف عليها من الصدمة
الصوت الانثوى بحزن……صدمة معرفتها بوجودى صدمة
الصوت الرجولى………انا مقصدش والله بس اصل فاتت سنين طويلة
لازم نمهد للموضوع شوية معلش استحملى لحد ما نطمن عليها
واردف على استعجال…….بعد اذنك دلوقت انا ماشى وخلينا على اتصال
اومأت بالايجاب ولم تعلق
فقد ظلت تبكى وتبكى بألم شديد
………………….
مساءاً داخل فيلا رجل الاعمال \فارس ذيدان
::::::::::::::::::::::::::::::::::::::::
دلف فارس الى غرفتها بغتة فوجدها تبدل ملابسها وعندما شعرت
بوجودة استاءت منة وقالت…….فارس اية دة مش تخبط
اقترب منها ومن ثم حملها بين ذراعية وهو يقول………
دا كان زمان دلوقت انا وانتى واحد مفيش داعى لاى استأذان
ولا كسوف من اى نوع
فأبتسمت لة بسعادة وحاوطت عنقة بذراعيها وارخت جبينها على جبينة
تلفظ اسمها بتناغم فـ نظرت الية وتلاقت العيون
ولذما العاشقان الصمت فقط عيونهم الان هى من تتحدث
بطرب لا يسمعة سواهم
انحنت يارا الية وطبعت قبلة رقيقة على عينية
فأبتسم فارس اليها بسعادة ومن ثم بادلها قبلتها بقبلة رقيقة
على شفتيها ومن ثم بدأت قبلتة بالتعمق والشغف
فأغمضت عينيها وبادلتة قبلتة وهى تعانقة بشدة
واتحدا سوياً بحيث لم تعد قدماهم تتلمس ارض الواقع
فصاحب هذة العيون الذهبية يأخذها بعيداً الى عالم خاص
عالم يجمعهم سوياً دون عزول ,,,
اقبل اليهم ايها الليل الملئ بالعشق الحلال
وخذهم بعيداً هذا كل ما يتمنون
فوجودهم بالقرب من بعضهم ترتاح ارواحهم
وتستكين قلوبهم وتندفع نبضاتهم
وتمتزج خفقات قلوبهم بروعة
لقد اعطاها قلبة واصبحت هى فقط من تتحكم بة
لقد احبها كثيراً واصبح عاشق محب وبشغف عميق
فخلف اضلعة يسكن قلب هى وحدها بداخلة
لن يتركها تهرب وتبتعد من امامة مرة اخرى
فـ سجين الحب من المستحيل ان يطلق سراحة ابداً

• لقراءة باقي فصول الرواية اضغط على (رواية خفقات قلب يأبي النسيان)