رواية خفقات قلب يأبي النسيان الفصل الثاني والعشرون 22 بقلم سما سعيد

رواية خفقات قلب يأبي النسيان الفصل الثاني والعشرون 22 بقلم سما سعيد

البارت الثاني والعشرون

آشـــــــعر بالخــــوف
آشــــــعر بالخـــــوف وآخشــــــــى آن يمـــــــل طيفــــــــكـ منـــــــى
وآنـــــــا آرنـــــــو اليـــــــة مبتسمــــــــاً
ويغادرنــــــــــــى كمـــــــــا غادرتــــــــــى آنتـــــــــى وتركتينـــــــــى
بعد اسبوعين داخل فيلا صغيرة بأحدى احياء بروكسيل المعروفة
::::::::::::::::::::
صوت انثوى ينادى برقة ………ماما فريدة يلا انزلى الاكل جاهز
فريدة………حاضر ياقلب ماما انا جاية اهو
هبطت فريدة الدرج ببطئ واتجهت الى حيث طاولة الطعام
فوجدتها تعد المائدة وتضع فوقها الاطباق الفارغة
ابتسمت لها فريدة وقالت………..تسلم ايدك يا يارا
…………………
فلاش باك
:::::::::::::
وبعد ان غادرت يارا المشفى ذهبت الى محطة قطار باريس
ومن ثم استقلت قطارا متوجهاً الى بروكسل مدينة الأساطير والحكايات
وبعد ما يقارب الساعتين هبطت يارا القطار
واثناء سيرها التوى كاحلها وسقطت ارضاً
اقتربت اليها سيدة بأوائل العقد الخامس من عمرها
يبدوا على ملامحها الطيبة والوقار
وساعدتها حتى نهضت واستقامت ,,
نظرت اليها يارا مبتسمة وتحدثت بالفرنسية…….. اشكرك سيدتى
فتحدثت السيدة بالعربية وقالت ……انتى شكلك مصرية صح؟؟
ابتسمت يارا بسعادة وقالت بحماس…….ايوة انا مصرية
السيدة مبتسمة ….اهلا بيكى ,,انا كمان مصرية
وعايشة هنا ف بلجيكا من زمان ,,انتى اسمك اية؟؟
يارا مبتسمة……..انا اسمى يارا
السيدة بحب…..عاشت الاسامى ياحبيبتى
واردفت قائلة…..انتى عايزة تروحى فين وانا اوصلك
اطرقت يارا رأسها ولذمت الصمت
السيدة بخفوت…..انتى ملكيش حد هنا؟؟
اومأت يارا برأسها نفياً ومن ثم قالت وهى تراقب المارة بأرتباك……..انا كنت ف باريس
وبعدين ركبت القطر وجيت على بروكسيل وانا معرفش حد هنا
شعرت السيدة بأن يارا تخبئ شئ ما فقالت………
مالك ياحبيبتى انتى خايفة من حاجة؟؟
نظرت اليها يارا بأرتباك وقالت…….لالاء ابدا حضرتك
بس ,,اة ,, انا كنت مع اصحابى وتهت منهم ف القطر دورت عليهم وملقتهمش
السيدة مبتسمة…….ياحبيبتى ,,طب مفيش حد هنا تعرفية؟؟
يارا بخفوت…….لاء معرفش حد هنا فـ بلجيكا
السيدة…..طب انتى هتباتى فين؟ ,, الوقت اتأخر
تلبكت يارا بالحديث فقالت……هة ,,اة انا ممكن انزل فى اى اوتيل
رأفت هذة السيدة الحنون بحالها ورق قلبها اليها وعرضت عليها المكوث ببيتها
فهى ارملة وحيدة تجلس بمفردها ولا اقارب لديها بالبلدة
سوا ابنتها المتزوجة والتى تسكن ببلدة بعيدة عن والدتها
اذعنت يارا بعد الحاح من هذة السيدة وغادرت محطة القطار بصحبتها
…………………..
بااااااااك
::::::::::::::
جلست على المائدة بأبتسامة حانية وقالت……تسلم ايدك يا يارا
تعبتى نفسك يا حبيبتى كنا طلبنا اكل من برة
نظرت اليها يارا وقد ارتسمت على شفتيها ابتسامة ناعمة
ابتسامة ساحرة لم ترتسم على محياها منذ ايامٍ طوال ,,
فهذة الابتسامة الحنون تنبع من قلبها والتى تستحقها
هذة السيدة العطوف الغريبة عنها التى وقفت بجانبها
ولم تتخلى عنها مثل ما فعل الاقربون بها
تحدثت يارا وهى تضع سيرفيس الطعام على المائدة……..
حبيبت قلبى نطلب دليفرى لية وانا موجودة
واردفت بمرح …..ولا انتى عايزة تهربى من العك بتاعى
معلش بقى انا اة مبعرفش اطبخ بس بعرف اغش
جبت كتب طبخ وبغش منها الوصفات وبجربها فيكى
واردفت وهى تضع كلتا يديها على خصرها………هاااااة عندك اعتراض؟
ضحكت فريدة ملئ قلبها وقالت……..لاء ياستى معنديش اى اعتراض
وعلى قلبى زى العسل كمان
اقتربت يارا تطبع قبلة على وجنتها وهى تقول……
داانت اللى عسل ياعسل ياللى رافع من معنوياتى
واردفت بسعادة…….تعرفى انى فرحانة بيكى اووى ياماما فريدة
فريدة بأندهاش…..اشمعنى بقى ياقمر !
يارا مبتسمة …….لانك برغم السنين اللى عشتيها فـ اوروبا منستيش العربى خالص
نظرت اليها فريدة وقالت متأثرة…….محدش بينسى اصلة يا بنتى
انا هاجرت مصر انا وزوجى الله يرحمة من حوالى 30سنة
لفينا كتير وزرنا بلاد كتير بس ف الاخر استقرينا ف بلجيكا
واردفت بحزن ……..وبعد وفاة زوجى عشت على ذكراة واستقريت هنا
وفى نفس البيت دة اللى جمعنى بية سنين طويلة
وخلفت فية بنتى سيلين وكبرت وبقت عروسة حلوة
بس لاسف لما اتجوزت بعدت عنى ودا لظروف شغل زوجها
اقتربت يارا اليها تضمها بحب وقالت……ربنا يجمعك بيها على خير ياماما فريدة
فريدة وهى تربت على كتفها…… يارب ياحبيبت ماما
ومن ثم اردفت مبتسمة ……يلا ياقلبى اقعدى كلى علشان تطلعى ترتاحى ف اوضتك
اكيد انتى ارهقتى الولد الشقى اللى جوا دة
تحسست يارا احشائها وهى تقول بمرح…معقول انا اتعب حبيب مامى
وبعدين انتى متعرفيش انة نشيط وبيساعدنى ف الطبخ ولا اية؟؟
ضحكت فريدة مقهقهة وهى تقول…….من دلوقتى طلعتى عنية فـ مساعدتك
وبأبتسامة حانية قالت………تعرفى يا يارا انك تشبهى سيلين بنتى جداا وبالاكتر فى خفة دمها
جلست يارا على المقعد وقالت بحب……ربنا يرجعهالك بالسلامة ياماما فريدة
والاجازة قربت اهى وهتيجى هى واولادها يملوا عليكى البيت
فريدة مبتسمة……….ربنا يخليكى ليا يا يارا انتى اللى مليتى علية البيت
تعرفى انى مش عايزاكى تمشى من هنا ابدا وتفضلى معايا على طول
يارا مبتسمة…..ماانا هفضل معاكى هنا ياماما فريدة على طوول وعمرى ما هسيبك
رمقتها فريدة بجدية وقالت …….طب واللى اتكلمنا فية من كام يوم نسيتية
تلاشت ابتسامتها على الفور وهى تتذكر الماضى الاليم
وبشبح ابتسامة بدأت تثقب الطعام باحدى الاطباق
وتضعة امام فريدة وهى تقول…….. يلا ياماما فريدة دوقى عمايل ايديا وقوليلى رأيك
بس خلى حكمك حنين انا لسة فـ مرحلة التعليم
تنهدت فريدة وقالت…..متتهربيش يا يارا ,, انتى لازم ترجعى على مصر
وتعرفى فارس انك حامل باابنة
خفق قلبها شوقاً الية عندما تلفظت فريدة بأسمة امامها
ولكنها تشبثت بقرارها وقالت يارا وقلبها يخفق حزناً………
مش ممكن ياماما هو مبيحبنيش ولو عرف انى حامل
ممكن ياخد ابنى منى لما يتولد ويسبنى ويسافر
فريدة…..لالالاء يا يارا اللى حكتية عن فارس ميخلنيش اصدق اللى انتى بتقولية دة
فارس شكلة بيحبك وبدليل انة دور عليكى وعرف انك موجودة ف باريس ولما
لاقاكى انتى اللى هربتى منة ومواجهتهوش ودا غلط ,, انتى كان لازم تواجهية
يارا بوجة مكفهر…….بيحبى ,, لاء ياماما فريدة لاء
وكمان مقدرتش اواجهة لانة مهما دافع عن نفسة مكنتش هسامحة ابداً
مفيش اى مبرر هيقولة ممكن يخفف من جراحى
مش ممكن بعد اللى قالة بعد ما ندم على علاقتنا كـ زوج وزوجة
وفى الاخر طلع متجوز علية ووو
قاطعتها فريدة قائلة…….لاء هو متجوزش عليكى هو اتجوزك انتى عليها ودا فرق كبير
يعنى هو كدا خانها هى مش خانك انتى
ولانة محبش يزعل عمة اللى رباة وافق وكان بيعاملك بالحسنى
ولما حصل بينكم علاقة هو مندمش بالعكس هو حس انة
اتعلق بيكى بذيادة وارتبط بيكى اكتر ودة اللى ضايقة
يارا متسائلة….طب لو هو بيحبنى زى ماانتى بتقولى
هيندم على علاقتنا لية ,, ولية لية مصارحنيش بجوازة من ايميلى من اول لقاء بنا
زى ما اعترفلى انة مرتبط وبيحب كان كمل جميلة واعترف انة متجوزها
فريدة بجدية …….وكنتى هتوافقى تتجوزية وانتى عارفة انة متجوز من واحدة تانية
يارا بتذمر…….معرفش بقى معرفش بس كان لازم يصارحنى
اية اللى خلاة يتجوز من غير ما ياخد رأى بابى ,, ازاى يعمل كدا
واية اللى خلاة يعترفلى بنص الحقيقة ومعترفش بيها كاملة
ولو هو بيحبنى زى ماانتى بتقولى لية اتغيرت معاملتة معايا بعد ما حصل بنا علاقة شرعية
فريدة وهى تطرق باناملها على المائدة….اممممممم الحكاية دى فيها سر ولازم تعرفية
ولاسف مش ممكن تعرفى اجابات اسألتك دى كلها وانتى بعيدة عنة كدا
يارا بأستياء وهى تنهض عن مقعدها …..انا مش عايزة اعرف منة حاجة انا هفضل عايشة هنا
ولو حضرتك زهأتى منى انا ممكن أمشـــــ
قاطعتها فريدة وقالت…..لاء يا يارا اوعى تقولى كدا
داانتى زى سيلين بنتى مليتى فراغى وانا قاعدة ف البيت الكبير دة لوحدى
داانا كنت بقعد اكلم نفسى من الزهأ تقومى تقولى الكلام دة
يارا وهى ترتمى بأحضانها ……انا اسفة ياماما فريدة مكنش قصدى
انا بس متضايقة وحاسة انى تايهة وضايعة
فريدة وهى تربت على كتفها……..متتأسفيش ياحبيبتى اقعدى ارتاحى
فجلست يارا ثانيتاً على مقعد المائدة بجوار فريدة
اردفت فريدة بجدية …….. ياقلبى انا عايزاكى ترتاحى من الحزن اللى مالى قلبك دة
انا حاسة ان فية صغرة بالموضوع مش معقول فارس
كان هيتخلى عنك ويسيبك ويرجع لـ ايميلى
انا ست شفت كتير ف حياتى ومن كلامك اقدر أأكدلك ان فارس بيحبك انتى وبس
واكيد كان هيصارحك بجوازة من ايمى بس اكيد كان مستنى الوقت المناسب
انتبهت يارا لشئ ما تذكرتة بداخلها وقالت…….صحيح ياماما فريدة
فارس لما كان مسافر اخر مرة كلمنى ع الفون وقاللى انة
عايز يقولى حاجة ضرورية بس مش هينفع ع الفون
واكد انة اول ما ينزل مصر هيتكلم معايا بخصوص الحاجة دى
بس لازم اكون قصادة وهو بيقولها
وقاللى كمان انها حاجة مهمة كان لازم يقلهالى من زمان
بس كان مستنى الوقت المناسب
فريدة بسعادة…..شفتى ,, شفتى بقى اهو اكيد كان ناوى يصارحك بحكاية ايميلى
بس اللى حصل وهربك من مصر خلاكى متعرفيش اية السر
اللى كان عايز يبوحلك بية
يارا بلا مبالاة……..ميهمنيش خلاص ياماما فريدة
هو اتجوزنى بالغصب واتجوز ايميلى بكامل ارادتة
يبقى انا مليش مكان ف حياتة خلية معاها وانا هعيش لابنى وبس
فريدة بجدية…….لالاء يا يارا اللى انتى افتكرتية وقولتية دلوقت
يأكدلى ان فارس كان هيقولك على حاجة مهمة وعشان كدا انتى
لازم فى اقرب وقت ترجعى على مصر
شردت يارا لثوان فيما قالتة اليها فريدة ومن ثم افاقت من شرودها وقالت
يارا بجدية……..من فضلك ياماما فريدة انا عايزة اعيش مرتاحة بعيد عنة ,,خلاص دا قرارى النهائى
…………………
داخل فيلا رجل الاعمال \ فارس ذيدان
:::::::::::::::::::::::::::::::::::
تململ فى فراشها حتى افاق وفتح عيناة الذابلة
سمع طرق على باب الغرفة فسمح للطارق بالدخول
دلف الطارق ومن ثم قال…….العشا جاهز يافارس بية
اعتدل فارس حتى جلس على فراشها وهو يقول……..مش عايز اتعشى يادادة
نظرت الية بشفقة ورثى قلبها لحالة وقالت……..لامتى يابنى هتفضل عامل ف نفسك كدا
بقالك 3 شهور ع الحال دة من يوم ما يارا سافرت
وعندما تلفظت المربية بأسمها تسلل الى قلبة الم شديد فأغمض عينية بأسى
وهو يتذكرها ويتذكر ذكرياتة معها
فتح عينية ومن ثم قال …….لو سمحتى يادادة فنجان قهوة
اذعنت المربية الى رغبتة وتركتة وذهبت تعد لة كدح القهوة الساخن
اخذ يرنو الى انحاء غرفتها فمنذ غادرت وهو يمكث بها
اقترب من الخزانة واخذ يرنو الى ثوبها المعلق,,
الثوب الذى تركتة فى شقتها بـ باريس
كان هو الشئ الوحيد المتواجد داخل الخزانة
فهو انتقل الى غرفتها لكنة لم يحضر اى شئ من اغراضة
فقط يخلد الى النوم على فراشها علة يخمد نار الشوق التى تتأجج بداخلة
وكل ليلة يسأل حالة
لماذا قلبى وحيد وكل ليلة طيفك بخيالى لا يتركنى
لماذا لغتى الان هى الصمت ولم استطع التحدث الا بدموعى
لماذا اتألم بحب كنت اقاومة بكل جوارحى
ولكنة فى النهاية قد تغلب على واحتل قلبى
لماذا اصبحت غريبا عن حالى الى هذا الحد ولا اعرفنى
لماذا دموعى تألمنى وتوجعنى وتزهق روحى
لماذا عندما وجدتك اضطررت ان افقدك مرة اخرى
لماذا انا لا يمكننى ان اكون ما يجب ان اكون
لماذا كل هذا العذاب
هل اجابة كل تلك التسائلات هى كلمة واحدة وهى “الحب”
فاانا قد احببت من قبل لما كل هذا العذاب اذا
لاء فـ حبى القديم لم يكن حباً على الاطلاق
فهو لا يقارن بحبك حبيبتى اذا فأجابة كل تلك التسائلات
هى انتى ,,انتى ذاك الحب
…………………….
فى النادى
::::::::::
كانت اسيل تسير بـ تراك النادى بصحبة بيبرس ودار هذا الحوار بينهم
بيبرس بحب…….حبيبتى اخبارك اية؟؟
اسيل بحزن……..مش كويسة ابدا يا بيبرس 3 شهور وهى غايبة ومش عارفة
عنها حاجة ,, ولا حتى كلمتنى مرة واحدة تطمنى عليها
بيبرس………ان شاء الله خير ,,طب متصلتيش ب فارس يمكن يكون عرف عنها معلومات
اسيل بخفوت…فارس ,,فارس الله يكون بعونة
اهمل شركتة واهمل صحتة وبقى واحد تانى غير اللى نعرفة
بيبرس …..حس بالحزن بعد ما سابتة
اسيل…..بصراحة مكنتش مفكرة انة بيحبها بالشكل دة ,, برغم انة
عذبها كتير بس مش قادرة اكرهة وبحس بالشفقة علية
داانا اخر مرة شفتة كانـــــــــ
وفى هذة اللحظة قاطعها صوت رنين هاتفها المحمول
نظرت الى شاشتة المضيئة وضمت حاجبيها بدهشة
رمقها بيبرس عند رؤية دهشتها ومن ثم قال……….اية يااسيل مبترديش لية؟؟
اسيل بأندهاش……رقم مجهول
بيبرس …….طب ردى شوفى مين ولا تحبى انا اللى ارد
اعطتة اسيل الهاتف لكى يستقبل هو المكالمة
وقبل انقطاع رنين الهاتف كان بيبرس يتحدث..
السلام عليكم ,,مين معايا
اتاة صوت خفيض حزين يقول……..وعليكم السلام ورحمة الله وبركاتة
,,ممكن اكلم اسيل لو سمحت
شعر بيبرس بأن صوت المتصل مألوفاً لدية فقال متسائلاً….مين حضرتك يافندم
المتصل ……….انت بيبرس
ادهشة معرفة المتصل باسمة فقال……..ايوة ,, حضرتك مين وعرفتى منين
ابتسم المتصل وقال……….انا يارا
بيبرس بلهفة ……اية يارا ,,انتى يارا
وعندما سمعت اسيل بيبرس يتلفظ بأسم صديقتها
لم تنتظر لحظة واحدة حتى جذبت الهاتف من يدة وهى تقول بلهفة…….
الو,, يارا حبيبتى
اتاها صوتها الحزين يقول……..وحشتينى ياسولى
تنهدت اسيل ومن ثم قالت……..ياااة حبيبتى وحشتينى وحشتينى اووى
والله كنا لسة فـ سيرتك ,, عاملة اية وانتى فين ؟
فارس قالب الدنيا عليكى
قالت يارا بصوت يملآة الاسى……..انا كويسة يا اسيل
انا مش عايزة حد يدور علية ولا يقلق
اسيل ………لية بس يا يارا احنا عايزين نطمن عليكى
يارا ……اطمنى انا بخير الحمد لله
اسيل ……واخبار البيبى اية؟؟
قالت يارا بأبتسامة شاحبة ……..عمال يخبط فية كل شوية
ضحكت اسيل وقالت…..ما شاء الله طبعا ماانتى بالشهر الخامس
دى حتى مها ذيك ف نفس الشهر بس اية دلوعة ع الاخر
كل شوية أسر يوديها للدكتور
ابتسمت بشحوب وقالت……….سلميلى عليها هى واسر
اسيل…..الله يسلمك ياحبيبتى المهم طمنينى انتى قاعدة فين
ومع مين هنا ف مصر ولا برة مصر؟؟
يارا بصوت مختنق من الدموع………. اطمنى انا تمام والحمد لله,,
اسيل ,, انا لازم اقفل دلوقت خللى بالك من نفسك ,, سلام
وانهت يارا المكالمة دون ان تنتظر رد صديقتها
ظلت اسيل تهتف ….الو الو استنى يا يارا متقفليش الو ,, الووووووو
ولكن ما من مجيب
اغمضت عيناها وظلت تبكى وهى تقول……مرضتش تقوللى على مكانها
حتى الرقم اللى اتصلت علية بية مقدرش اوصلها منة
بيبرس بصوت هادئ……..اهدى ياحبيبتى اهدى الحمد لله اننا اطمنا عليها
تحدثت اسيل بلهفة وقالت……..فارس ,,احنا لازم ندى خبر لفارس تعالى معايا يا بيبرس
استوقفها بيبرس وقال…….انتى متأكدة انك عايزة تقولى لفارس ان يارا اتصلت
اسيل مؤكدة…..طبعا يابيبرس لازم نطمنة عليها دا حقة علينا كـ اصدقاء
وانا متأكدة انة هيفرح وهتتردلة روحة من تانى بعد ما يعرف انها بخير
بيبرس وهو يرمقها بجدية………هتقوليلة على حملها
اسيل بأستياء……..والله نفسى اقولة بس وعدى لـ يارا يمنعنى
واردفت بلهفة….يلا بس الاول نروح نطمنة على يارا وبعد كدا نشوف هنعمل اية
وبالفعل غادرا الاثنان النادى على عجلة من امرهم وتوجها سوياً الى حيث منزل فارس
………….
داخل فيلا رجل الاعمال \ فارس ذيدان
:::::::::::::::::::::::::::::::::::
دق جرس باب الفيلا الداخلى فأسرعت الخادمة تفتح للطارق
دلفت مسرعة الى الداخل وهى تقول…….فارس فين يافتحية
فتحية ……..اهلا ياست اسيل ,,اهلا يادكتور بيبرس
فارس بية ف اوضة المكتب
بيبرس….طب روحى اديلة خبر اننا عايزين نقابلة يافتحية بسرعة
فتحية …حاضر يادكتور اتفضلوا لحد ما ادية خبر
وبعد ثوان خرج فارس من حجرة مكتبة وكان بحالة يرثى لها
منهك ,,حزين ,, شاحب الوجة ,, اصبح ضعيف البنية عن زى قبل ,,
ضائع ,,لا يشعر بطعم للحياة
حزنت اسيل عند رأيتة هكذا ,, اقتربت منة تصافحة
فرحب بهم وجلسا سويا بحجرة الصالون
فارس بوهن…….اخباركم اية؟؟
بيبرس…………الحمد لله اخبارك انت اية؟؟
اسيل………عامل ف نفسك كدا لية يافارس؟؟
تحدث وهو يشعر بغصة فى حلقة………انا ضعت من بعدها يا اسيل
لما سافرت روحى سافرت وراها ولما لقتها روحى اتردتلى من تانى
بس لاسف ملحقتش افرح الا دقيقتين وبعد كدا هربت منى وسابتنى
وروحى سابتنى معاها وانا مش عارف هى فين وعاملة اية ,, كويسة ولا مش كويسة
اسيل مبتسمة…..واللى يردلك روحك من تانى ويطمنك عليها
فارس بحماس وخفقات قلبة تطرق كـ الطبل ……..اية حد عرف مكانها
بيبرس …..لاسف مقدرناش نوصلها
ابتسم فارس بلا حياة وقال……ودى رغبتها ,, بعدت علشان محدش يوصلها
اسيل بفرح……..بس قدرنا نسمع صوتها
انتفض فارس مسرعاً عن مقعدة وهو يقول ….اية بتقولى اية؟؟
اسيل ……..زى ما بقولك كدا ,,يارا كلمتنى من حوالى نص ساعة
فارس غير مستوعب ما سمعتة اذناة فقال…..انتى ,,انتى بتقولى اية,,بتتكلمى بجد
بيبرس……طبعا يا فارس هى الحاجات دى فيها هزار
ازدرد فارس لعابة وهو يقول….طب هى فين ,,وعاملة اية,,وقاعدة مع مين,,
وهتيجى مصر امتى,,ولا انا ,, انا اروحلها بسرعة بس اعرف مكانها
تجهم وجة اسيل وهى تقول…….لاسف يافارس احنا مقدرناش نعرف منها اى معلومات
فارس بهتاف ……..يعنى ايــــــــــــــة
نظرا الية كل من بيبرس واسيل بأندهاش فأ اعتذر اليهم على انفعالة واردف قائلا…….
طب ادينى رقمها بسرعة
بيبرس………لاسف يافارس يارا اتصلت برقم مجهول
شعر بقبضة باردة تعتصر قلبة ومن ثم قال………طب ,, طب هى قالتلكوا اية ,,؟؟
اسيل ……طمنتنى على نفسها وقالتلى انها مش عايزة حد يدور عليها
ولما سألتها عن مكانها قفلت السكة
وكان صوتها باين علية الحزن كأنها كانت بتعيط
رمى بجسدة المثقل بالحزن والهموم على الاريكة ومن ثم قال………
لية تعملى فية كدا يا يارا لية بس بعدتى وسبتينى
بيبرس بخفوت….بس الحمد لله اننا اطمنا عليها وعرفنا انها كويسة
فارس بأمتعاض…….بس لية تعمل كل دة لية,, لية تعذبنى
اسيل بصرامة وهى تخرج عن شعورها……..انت السبب يا فارس انت السبب
وخذها بيبرس يحسها على التوقف فقالت لة …..سبنى يا بيبرس سبنى اقول
اللى ف نفسى هو السبب هو اللى عمل فيها كدا ويستاهل العذاب
لما انت متجوز من ايميلى وافقت تتجوز يارا لية؟؟
فارس بنبرة هوجاء…………..انا مش متجوز ايميلى مش متجوزها
انا متجوز من يارا يارا وبس هى اللى مراتى
اتسعت اعين كل من اسيل وبيبرس وهم يستمعون الى حديثة
فقالت اسيل بتهكم……….انت بتهزر دى يارا سمعاك بودانها انت هتكدب علينا
فارس بنفس النبرة العنيفة………والله العظيم ما بكدب ,,
بقولك انا مش متجوز الا يارا يارا وبس
واردف قائلا………..ايميلى مراتى على “الورق”
نظرت الية اسيل غير مستوعبة ومن ثم انتقلت بنظراتها الى حيث بيبرس
الذى باتت على ملامحة الدهشة

• لقراءة باقي فصول الرواية اضغط على (رواية خفقات قلب يأبي النسيان)