رواية خفقات قلب يأبي النسيان الفصل التاسع عشر 19 بقلم سما سعيد

رواية خفقات قلب يأبي النسيان الفصل التاسع عشر 19 بقلم سما سعيد

البارت التاسع عشر

بعد ايام داخل فيلا رجل الاعمال \ فارس ذيدان
:::::::::::::::
اسر اسر الحقنى بسرعة
ترجل اسر عن ظهر الحصان بلهفة ,, وتوجة اليها وحاوط خصرها بين يدية
وانزلها عن ظهر الحصان وهو يقول …….
اية يامها مالك فية اية؟؟
مها بصوت وهن……….مش عارفة دخت فجأة وحسيت انى هقع
ضمها اسر بين ذراعية وقال…..طب تعالى نقعد ترتاحى شوية
اجلسها اسر على الاريكة المتواجدة بالاسطبل وجلس بجانبها وقال بلهفة….
اية حكايتك الايام دى يامها كل شوية تدوخى
احنا لازم نشوف دكتور
مها وهى تربت على يدة بحنان………متقلقش ياحبيبى انا كويسة
بس يظهر انى تعبت علشان ركبت الحصان فترة طويلة
ضحك اسر وقال……..دا ياعينى زمانة جرى يستخبى ياخد نفسة منك
وخذتة مها وقالت……اخص عليك تقصد انى انا تعبتة
اقترب اسر يطبع قبلة رقيقة على وجنتها وهو يقول……….انتى تعبتينى انا
مها ……انا اقدر اتعبك ياقلب وروح مها
تنهد اسر بمرح وقال………اةةةةة خربيت جمال امك
مها وهى تضربة بكف يدها على كتفة……….ملكش دعوة بماما
اسر …….الله يرحمها ,,حاضر ياستى مع انى كان نفسى اشوفها
علشان ابوسها من هنا ومن هنا
مها بتغنج ……….اشمعنى بقى
اسر بحب……علشان جابتك لية يااحلى مها بعمرى
نظرت الية بحب ,, فرمقها بنظرة تعلم هى معناها ,,فنهضت
من جانبة مرتبكة وهى تقول…….
يلا ندخل لـ يارا واسيل نقعد معاهم
نهض اسر ولف خصرها بذراعية وهو يقول….
سيبيهم قاعدين لوحدهم وخلينا احنا على راحتنا
حاولت مها نزع يدة الملتفة حول خصرها وهى تقول……
سبنى يااسر ميصحش كدا احنا مش فى بيتنا
واردفت بجدية…….اوعى بقى وروح شفلك حاجة اعملها
جذبها اسر الية اكثر ووضع جبينة على جبينها ومن ثم قال بخفوت………
اعمل اية,, وبعدين اللى عايز اعملة دلوقت مينفعش يتعمل هنا
نظرت الية بخجل ومن ثم قالت…..على فكرة انت مجرم وعايز تنضرب
اسر وهو يقترب بشفتية من شفتيها…….طب تصبيرة بس لحاد ما نروح
تملصت مها بصعوبة من بين يدية وهى تهرول مبتعدة فقال……
هتروحى فين مسيرك تقعى فـ ايدى
هرول اسر ورائها فوجدها توقفت فجأة عند شجرة واسندت بجسدها عليها
اقترب منها وهو يمسكها من كتفها ويقول…….شفتى اديكى وقعتى ف ايدى
نظر اليها فوجدها مغمضة العينين لا تقوى على الوقوف
وفجأة خارت قواها وكادت ان تسقط ارضا الا ان يد اسر لحقت بها
قبل ان ترتطم ارضا حملها بين ذراعية وهى فاقدة الوعى
ودلف بها الى الفيلا وهو ينادى بهتاف………اسيل الحقينى بسرعة
كانت اسيل بغرفة يارا وعندما سمعوا صوت اسر
اسرعا الى الاسفل فوجدو مها ملقاة على الاريكة مغشياً عليها
واسر بجانبها يحاول ان يفيقها
اسرعوا اليهم بلهفة فقال لهم اسر بقلق……
مش عارف اية اللى جرالها فجأة داخت واغم عليها
اسرعت يارا تطلب الطبيب ومن ثم طلبت من اسر
ان يحمل زوجتة الى غرفتها بالدور العلوى
حتى يأتى الطبيب ويفحصها
وبعد ان خرج الطبيب من غرفة يارا وبصحبتة اسيل
التى كانت ترسم ابتسامة سعيدة على محياها
اقترب اسر من الطبيب بلهفة وهو يقول……..خير يادكتور طمنى على مها
الطبيب مبتسما …..انت زوجها
اسر…..ايوة خير فية اية؟؟
الطبيب وهو يربت على كتف اسر….مبروووك مدام مها حامل
اتسعت حدقة عيناة ,,لم يقوى على التفوة بأى كلمة وكأن الفرحة لجمت لسانة
غادر الطبيب ودلفت يارا الى حيث مها وجلست بجانبها
تبارك لها على هذا الخبر السعيد
اسيل وهى تضحك مقهقهة…….اين يابنى مش هتدخل تبارك لمراتك
افاق اسر من ثباتة ودلف بلهفة الى زوجتة وهو سعيد بهذا الخبر
انحنى اليها وقبل جبينها وهو يقول……..الف مبرووووك ياحبيبتى
مها بفرحة…….بجد يااسر بجد انا حامل
اقترب اسر من اذنها وهو يقول………انتى مش واثقة ف امكانياتى ولا اية؟؟
خجلت مها ووخزتة بذراعة
اسيل……..انت بتقولها اية؟؟
يارا مبتسمة…..ملناش دعوة احنا ومن ثم اردفت بسعادة…….
الف مبروووك يااسر ربنا يتمملها على خير يارب
اسيل بأمتعاض مصطنع ………هتخلونى عمتو كدا بدرى وهتكبرونى قبل اوانى
اسر وهو ينظر الى شقيقتة …..تصدقى انك رخمة ,,انتى تطولى انك تبقى عمتوا
اسيل وهى تخرج لسانها بحركة طفولية……..هطول ياسى اسر وبعد 7 شهور بس
ضحكا الجميع بمرح وعند المساء ذهب كل من اسر ومها الى منزلهم
وظلت اسيل بصحبة يارا فهى تمكث بمنزلها حتى يأتى فارس من السفر
……………
فى المساء داخل غرفة يارا
:::::::::::::::
كانت بغرفتها بصحبة اسيل فسمعت صوت رنين هاتفها المحمول
ابتسمت بسعادة حين رؤيتها اسمة المدون على الشاشة المضيئة
فعلمت اسيل ان فارس من يهاتفها فستأذنت منها وغادرت غرفتها
…………………..
ازدردت يارا لعابها ومن ثم ضغطت على زر استقبال المكالمة
وجاء صوتة الحنون من الجهة الاخرى
الو ,,اذيك يا يارا عاملة اية
تنهدت بشدة ووضعت يدها مكان قلبها المهتاجة نبضاتة
,,لملمت انفاسها التى ارتجفت لسماع صوتة وقالت بخفوت…….
الحمد لله اذيك انت يافارس
فارس بأسف…….اسف انى مكلمتكيش من يومين بش الشغل هالكنى والله
يارا بشحوب…..ولا يهمك عادى ربنا معاك
فارس بتساءل……..انتى لوحدك ولا اية,, اسيل لسة معاكى
يارا …….طبعا من ساعة ما انت سافرت وهى معايا ليل ونهار
فارس بأرتياح……..تمام طمنتينى واردف قائلا….بتروحوا النادى
يارا ….لاء انا مبخرجش خالص
فارس بأستياء………طب لية بس يا يارا لية متخرجيش
وتغيرى جو البيت اللى حبستى نفسك فية دة
يارا بحزن……مش عايزة اخرج
فارس ……لاء يايارا لازم تخرجى مينفعش تحبسى نفسك كدا
ياريت كان ينفع اخدك معايا بس والله كنتى هتزهآى
انا طول النهار مشغول وبرجع اوضتى ف الاوتيل
هلكان وتعبان ع الاخر وبنام لحاد تانى يوم
يارا بأستياء…….ولية تاخدنى معاك ابقالك اية انا
فارس بنبرة حانية …..انتى لسة زعلانة منى
لذمت يارا الصمت ولم تعلق ولكن دموعها ترقرقت بمقلتيها
اردف فارس بنبرة رجاء وقال……ارجوكى يا يارا سامحينى
انسى كل كلمة قلتهالك بخصوص اللى حصل بنا
انا مقصدتش ولا حرف من اللى سمعتية منى , اعتبرينى مقلتهوش
كل اللى اقدر اقولهولك انى مقدرش استغنى عنك ولا اعيش من غيرك
يارا بصوت متماسك ولكن قلبها يطرق كالطبل…….واية سر التغيير المفاجئ دة
تنهد فارس وقال …….يارا انا عايز اقولك حاجات مهمة اوى
يارا بلهفة……..اية هى يافارس
فارس بتوتر….مش هينفع ف التليفون لما انزل مصر هقولك
اغمضت عينيها بخيبة امل وقالت……وانا هستناك يافارس
بس اتمنى ميكنش جرح تانى منك لان دى هتكون اخر فرصة بنا
فارس بحب…….مقدرش اجرحك ولا اكون السبب فـ زعلك
واردف بسعادة ……..انا مش هتأخر عليكى كلها يومين ثلاثة واكون عندك
يارا بلا مبالاة ……..براحتك
فارس بخفوت…..براحتى اية انتى متعرفيش انك وحشتينى اوى
ارتجفت بداخلها ومن ثم قالت ….طيب
فارس بخفوت……بقولك وحشتينى
اغمضت عينيها بألم وقالت…..اشمعنى يعنى
اغمض فارس عينية بأسف وقال…….اممممم شكلك عنيدة والكلام معاكى
مش هينفع فـ التليفون لما ارجع نبقى نتكلم
عايز اقولك على موضوع كنت مأجلة من فترة بس لما ارجع
لازم تكونى قصادى وانا بقولهولك
واردف قائلا…………انا هقفل دلوقت لحسن هلكان ونفسى انام
يارا …..طب منمتش لية ,,كنت اجل مكالمتك دى لما تكون ارتحت
فارس بتناغم………انا راحتى لما بسمع صوتك ,,وكمان مكنش
ينفع انام غير لما اطمن عليكى الاول
تلبكت خفقات قلبها ,,التزمت الصمت
ظل فارس يستمع الى صوت تنهداتها المتلعثمة فقال……….
سكتى لية مش هتردى علية
ازدردت يارا لعابها وقالت بأرتباك………. هقول اية؟؟
فارس بتناغم ………اى حاجة بس اسمع صوتك
تنهدت يارا بعمق وقالت……..فارس ,,متتأخرش علية
فارس بخفوت………حاضر والله ما هتأخر عليكى
واردف وهو يتثائب………انا هقفل دلوقت ,,عايزة حاجة
يارا بخفوت……. ربنا يخليك انا عايزة سلامتك وبس
فارس بخفوت………الله يسلمك ,,طيب خدى بالك من نفسك علشان خاطرى سلام
يارا بأبتسامة شاحبة ……….حاضرسلام
وبعد ان انهت حديثها معة ضمت الهاتف الى صدرها وتنهدت بقوة
لماذا ,,لماذا ياقلب ,,ياايها القلب العنيد
لماذا تتمسك بحب يجعل منك تعيس حزين متألم دوماً
ظلت يارا طوال الليل تفكر فى كلماتة
وما هذا الموضوع الذى يود التحدث بة اليها
ولماذا قال انة موضوع هام ولا يمكن التحدث بة عبر الهاتف
هل ما تظنة صحيح
هل سيعبر لها عن مشاعرة ,,
آآمل ذلك
………………….
داخل شقة احمد بـ دبى
:::::::::::::::::::::::::::::::::
دلفت الية مرح فوجدتة يتحدث عبر الهاتف المحمول وسمعتة يقول
حبيبتى الف الف مبرووووووووك ربنا يتمملك على خير
…………………
ايوة بس انتى كدا هتكبرينى قبل اوانى
…………………..
ههههههههه لا ياحبيبتى انا راضى وعلى قلبى زى العسل
……………………
لاء ياحبيبتى عايز سلامتك سلمى على اسر وباركيلة بالنيابة عنى
……………………
طيب ياقلبى مع السلامة وخللى بالك من صحتك يامها مش هوصيكى
………………..
سيدنا محمداً رسول الله
ومن ثم انهى المكالمة وهو بقمة السعادة
وعند رأيتها تقف عند باب الغرفة غير مستوعبة الموقف
نظر اليها بحب وقال……….تعالى يامرح شوفى مها هتكبرنى وهتخلينى خال قريب
مرح بأبتسامة شاحبة………..هى مها حامل
احمد مبتسماً ………ايوة حامل ف شهر ونص
ومن ثم اردف بسعادة بالغة ………… ياااااااة انا فرحان فرحااان جدااااااا
وعندما انهى جملتة نظر حيث زوجتة فوجدها تبكى بكاء صامت
وما اصعبة من بكاء ,, فالبكاء الصامت يوجع الروح ويدمى القلب
اقترب منها وجذبها برفق بين احضانة وقال بحزن ………….انا اسف يامرح يظهر انى بالغت برد فعلى
مرح ببكاء مرير………..احمد انا نفسى اكون ام نفسى ف طفل يملآ علية حياتى
يسلينى ف وحدتى وانت ف الشغل ,,اسمع بكاءة ,,اجرى وراة علشان أأكلة
اسمع منة كلمة ماما ,,نفسى يااحمد نفسى
تحدث احمد وعيونة تملؤها الدموع…………ان شاء الله يامرح فرجة قريب
مرح بجدية………..احمد انا عايزة اروح للدكتور اللى جارتى قالتلى علية
هو هنا فى دبى وبيقولوا علية اخصائى شاطر
واردفت برجاء…………وحياتى يااحمد مترفضش
احمد وهو ينظر الى عينيها………..ياحبيبتى اللى انتى عايزاة انا اعملهولك
بس انا مش عايزك تتبهدلى من دكتور للتانى احنا اخر دكتور
رحنالة قال لنا ان انا وانتى كويسين وهى مسألة وقت وبس
مرح من بين دموعها……….بس الدكتور اللى قبلة قال ان فية جراحة بسيطة
ممكن اعملها تسرع الحمل بنسبة كبيرة
احمد بأستياء………..يامرح ياحبيبتى كل الدكاترة اجمعت اننا كويسين
وانك مش محتاجة لا علاج ولا عمليات بس مسألة وقت
والدكتور دة بس هو اللى طلب منك انك تعملى العملية
والمنطق بيقول اننا ناخد برأى الاغلبية يبقى لية تبهدلى نفسك بعمليات وغيرة
مرح ………بس يااحمد
قاطعها احمد وقال………..بصى ياحبيبتى احنا نحجز عن الدكتور
اللى جارتك قالتلك علية دة ونشوف رأية اية وربنا يسهل يامرح
ارتمت مرح بين ذراعية وقالت…………يارب يااحمد نفسى افرح من قلبى
………………..
داخل شقة اسر ومها
::::::::::::::::::::::
اقتربت من فراشه وطبعت قبلة رقيقة على شفتية
فتململ فى فراشه وفتح عينيه مبتسماً لها
مها …..صباح الخير ياحبيبى
اسر بأمتعاض……..صباح النور ,,اية اللى قومك من جمبى
نهضت مها وتوجهت الى الشرفة وازاحت الستار وهى تقول…..
بطل كسل بقى ويلا ياحبيبى قوم البس عايزين نروح النادى
اسيل اتصلت بية من شوية وقالتلى انها ف النادى مع يارا وبيبرس ومستنينا
اعتدل اسر حتى جلس على فراشة وقال……..مفيش خروج يا مها
انتى فى شهورك الاولى والدكتور قال الحركة تكون بسيطة
اقتربت مها من الفراش وقالت بحزن…….وحياتى يااسر
انا مش واخدة ع القعدة دى انا عايزة اخرج
وبعدين متقلقش علية هو انا هجرى ولا اعمل مجهود
اسر باصرار……اسمعى اللى بقولك علية يامها الدكتور قال
ان الحمل لسة بأولة ولازم تاخدى بالك من صحتك
تجهم وجهها بعد سماع جملتة فجلست على طرف الفراش ولم تعلق
اقترب اسر منها وضمها من الخلف وهو يقول بصوت خافت……
حبيبتى متزعليش منى انا خايف عليكى وعلى تتح
اتسعت عيناها بأندهاش وهى تقول………تتح ,,تتح مين دا
اسدل اسر يدة حتى هبطت الى احشائها وقال……….
تتح ابنك ياام تتح
ضحكت مها مقهقهة وقالت…….تتح مين ,, دا على جثتى هى حصلت لـ تتح
ادارها اسر حتى اصبح وجهها امامة وقال وهو يداعب وجنتيها……..
بعد الشر عليكى ياقلبى وعمرى
اغمضت عينيها حين رأتة يقترب من عنقها يلثمها برقة
انزلقت يداة على كتفها ومن ثم هبطت حتى وصلت الى خصرها ,,
ضمها بقوة اقترب من شفتيها بشوق ملتهب يقبلها بشغف
تملصت من بين احضانة بصعوبة ,,,رمقته بابتسامة عذبة وقالت……
حبيبى انت نسيت كلام الدكتور ولا اية ,, ولا انت فاكر بس كلامة عن الخروج
ومش فاكر كلامة عنــــــ ,, ومن ثم بترت جملتها بخجل ولذمت الصمت
زفر اسر الهواء الساخن وهو يقول……..دا دكتور مبيفهمش
ازاى بس يبعدك عنى وميخلنيش المسك
مها بخبث……مش انت خايف على تتح استحمل بقى
…………………………..
فى النادى
:::::::::::
كان كل من يارا واسيل يجلسون على طاولة بالكافيتريا
هاة مها واسر جايين ,,,,,قالتها يارا متسائلة
اسيل …….لاء ياستى ال خايف عليها ومش عايزها تخرج
يارا …..ياسلام اشمعنى بقى
اسيل ……اصل الدكتور اللى راحولة امبارح قالها انها تاخد بالها من نفسها
ومتتحركش كتير لانها ف اول شهور الحمل
يارا …ربنا يتمملها على خير يارب
اسيل وهى تزفر الهواء الساخن …….كويس اننا غيرنا النادى ,, انا مش عايزة اروح
النادى القديم علشان مشفش زفت تانى
يارا….تقصدى سيف
اسيل بحنق………وحياتك يا يارا متنطقيش اسمة قدامى
يارا بوهن ……..هو بيبرس جاي امتى
نظرت اسيل الى ساعتها ومن ثم قالت…….كمان ربع ساعة بس يارب ما يتأخرش
انا جيت اهو انا اقدر اتأخر على حبيبت قلبى وزوجة المستقبل
اتجهت يارا بنظراتها مبتسمة الى قائل هذة العبارة
بينما اسيل لم تلتفت لانها تعلم جيدا هوية هذا الصوت ولكنها قالت…..ز
5 دقائق كمان وكنت همشى
اقترب بيبرس منها وجلس بجانبها على المقعد ومن ثم قال….
اهون عليكى داانا سايب شغلى والمرضى وجيت جرى علشان اقابلك
اسيل بأمتعاض مصطنع…..ياسلام طب وسايب شغلك لية
بقى ان شاء الله ما كنت تخليك جيت لية
بيبرس بنبرة حانية ……جيت لانك وحشتينى
نظرت الية عند سماع هذة الكلمة
ولكنها اشاحت بوجهها بعيدا عنة وهى تقول……كداب
نظر بيبرس الى يارا التى كانت تراقب هذا الموقف مبتسمة وقال لها…….
ما تقولى حاجة لصحبتك دى يا يارا حننى قلبها علية
يارا بخجل…..انا مليش دعوة وبعدين عن اذنكوا انا ماشية
اسيل …رايحة فين خليكى قاعدة معانا
يارا وهى تنهض عن مقعدها…مبحبش اكون عزول سلالام
وعندما نوت المغادرة شعرت بدوار فألقت بجسدها على المقعد بأعياء
نهض كل من بيبرس واسيل واقتربا منها بلهفة
اسيل بخوف….حبيبتى اية جرالك
بيبرس ……..حسة بأية يا يارا
يارا بصوت وهن…….متقلقوش اوى كدا انا كويسة شوية دوخة وراحوا لحالهم
اسيل ……..لالاء شكلك ميطمنش يلا بينا ع المستشفى
بيبرس ….ايوة عندك حق يااسيل يلا بينا
يارا …..ياجماعة انا كويسة ,,وعندما نوت النهوض عن المقعد
شعرت بأعياء حتى انها كادت ان تسقط ارضا الا ان يد اسيل وبيبرس
قد لحقوا بها قبل ان تسقط
اسيل بقلق…….لالاء الموضوع ميطمنش لازم نروح للدكتور
بيبرس …….ايوة يا يارا شكلك تعبان خالص اسمعى الكلام علشان نطمن
اذعنت يارا لاصرارهما عليها وغادرت النادى بصحبة بيبرس واسيل
………………..
داخل المشفى التى يعمل بها بيبرس
::::::::::::::::::::::::::::::
بعد الفحص خرج الطبيب وقال لهم………….مبرووووك المدام حامل
اتسعت اعين اسيل دهشة وازدردت لعابها بجزع
لاحظ بيبرس دهشتها فقال لها………اية يااسيل مالك اتخضيتى كدا لية
اسيل بخفوت……لالاء ابدا مفيش حاجة يلا ندخل نشوف يارا
دلفا الى غرفة الفحص حيث يارا ممددة على الفراش الجلدى الاسود
نظرت اليها اسيل فوجدتها تبكى وتشهق بشدة
اقتربت منها وحاوطتها بين ذراعيها واخذت تربت على شعرها بحنان
بيبرس………الف مبرووك يا يارا
نظرت يارا الى اسيل وعينيها شديدة الاحمرار ومن ثم قالت……..
اللى قالة الدكتور دة حقيقى انا ,,انا حامل
اومأت اسيل برأسها ايجابا ولم تعلق
يارا بصدمة………لالاء مش معقول دة ,,دة مش ممكن ابدا
قال بيبرس من بين دهشتة……….هو فية اية ياجماعة مستغربين كدا لية؟؟
التفتت اسيل الية وقالت……..اصل يارا مكنتش عايزة اطفال دلوقت
يعنى كانت ماجلة موضوع الحمل دة واتفجأت انها حامل
واردفت بخجل…..سورى يا بيبرس ممكن تسبنا لوحدنا شوية
بيبرس….طبعا طبعا انا هقف برة بعد اذنكوا
وبعد ان غادر بيبرس وتركهم بمفردهم تحدثت يارا بحزن وقالت ………
دة حصل ازاى ,, ازاى بس دة ملمسنيش الا مرة واحدة
اسيل مبتسمة ….انتى مزعلة نفسك لية الف مبرووك ياحبيبتى
يارا بحنق……مبروك اية يا اسيل انتى نسيتى اللى قالهولى
دا ندم انة لمسنى كـ زوج اقوم اروح اقولة انى حامل
اسيل …..ما يمكن دة يكون السبب انكوا تقربوا من بعض تانى
يارا…….ازاى بس بعد اللى قالة
اسيل ……سيبك من اللى قالة انتى دلوقتى بقيتى
مراتة فعلا وشايلة ابنة ف بطنك اكيد لازم يعيد حساباتة
يارا ……انتى عايزانى الوى دراعة لانى حامل واغصبة يكمل معايا
اسيل …..مين قال كدا بس ,,,بصى انتى لما يرجع من السفر
قوليلة وشوفى رد فعلة اية انا متأكدة انة هيطير م الفرحة
يارا ………تفتكرى كدا
اسيل………طبعا ياقمر
يارا بخفوت…….طب ,,طب وايميلى
اسيل بحنق….ايميلى مين دى اللى هيفكر فيها
بعد ما بقيتى حامل وهيبقى اب
ومن ثم طبعت قبلة على جبين صديقتها وقالت لها……..
ربنا يسعدك ياحبيبتى ويتمم حملك على خير يارب
………………..
داخل فيلا رجل الاعمال \ فارس ذيدان
:::::::::::::::::::::::::::::::::::
ترجلت يارا من سيارة بيبرس وبصحبتها اسيل
دلفا الثلاثة الى الداخل فقابلتهم الخادمة بوجة بشوش وقالت………
ست يارا فارس بية وصل
تهللت اساريرها ومن ثم قالت……..بجد يادادة جة امتى
دادة كوثر………جة من ييجى ساعة كدا ولما ملئكيش
راح الشركة وقال انة هيرجع على بالليل
اسيل …..حمد الله على سلامتة يا يارا
ومن ثم جذبتها من يدها بعيدا عن المربية وبيبرس وقالت…….
بصى بقى انتى تطلعى اوضتك تاخدى دش وتغيرى وتروحيلة الشركة تفاجئية
يارا بحماس ……….طيب ,,طيب واستأذنت من بيبرس وغادرت الى غرفتها
بيبرس ……هو فية اية يارا رايحة فين؟؟
اسيل ….راحة تشوف جوزها وتعملة مفاجأة وتبلغة انها حامل
بيبرس ………عقبالك ياقلبى وانتى ف بيتى
نظرت الية بخجل وقالت………انا هطلع اجهز شنطة هدومى
علشان ارجع بيتى مدام فارس جة
بيبرس …..تمام وانا هستناكى ف الجنينة عقبال ما تخلصى
استأذنت اسيل من يارا قبل مغادرتها
فتوسلت اليها يارا وقالت لها ان تظل حتى تنتهى من مقابلة فارس
لكى تقص عليها ردة فعلة حين سماعة خبر حملها
وغادرت يارا واستقلت سيارتها وتوجهت الى شركة فارس
وجلسا بيبرس واسيل بحديقة الفيلا ودار هذا الحوار بينهم
بيبرس ……..اسيل انا حاسس بحاجة غريبة ومش مطمن
ضمت اسيل حاجبيها وقالت……..حاجة اية يا بيبرس؟؟
بيبرس…..حاجة بين فارس ويارا ,,هما على خلاف
ازدردت اسيل لعابها فى جزع ومن ثم قالت………..
بصراحة اة هما كانوا متفقين ينفصلوا بس موت اونكل خالد الله يرحمة
خلاهم اجلوا موضوع انفصالهم
بيبرس ………بس هى دلوقت حامل ينفصلوا لية بقى المفروض يرجعوا فى قرارهم
تنهدت اسيل بعمق وقالت……….ياريت يا بيبرس انا نفسى يارا تعيش حياة سعيدة
مع فارس ,, خصوصا انها بتحبة ومتقدرش تبعد عنة
بيبرس……….ربنا يبعد عنهم المشاكل ومن ثم غمز بطرف عينية اليها
وهو يقول………طب اية؟؟
اسيل مبتسمة …..هو اية اللى اية
بيبرس ……..اية هو احنا كمان مش هنجيب بيبى
اسيل بدهشة ………جرا اية يادكتور بيبى اية دة اللى هنجيبة
بيبرس ……..انا اقصد الجواز يااسيل هنتجوز امتى بقى
اسيل بخجل………لما بابى ييجى من السفر
بيبرس ….يارب بقى توصل بالسلامة ياعمى علشان عايز بنتك ف كلام مهم
خجلت اسيل واحمرت وجنتاها وقالت………عيب يادكتور الكلام دة هزعل منك والله
امسك بيبرس بيدها يلثمهم برقة وتحدث قائلا………كلة الا زعل حبيب قلبى
ونظر الى عينيها وقال……….انا بحبك قوى يااسيل ونفسى تكونى ف بيتى النهاردة قبل بكرة
اسيل بحب ………كلة شئ بأوانة ياحبيبى
اطلق بيبرس تنهيدة عميقة وهو يقول ……….يالهوى على حبيبى دى ياناس
طلعة من بقك زى الشهد
خجلت اسيل ولم تعلق و كأن قلبها توقف عن النبض
وظل فقط ينطق باسمة
………………..
ذهبت يارا الى فارس مهرولة وهى فى قمة السعادة
لكنها لم تكن تعلم ان سعادتها ستتلاشى على الفور
وسوف يحل محلها مرارة الجرح والانين المميت

• لقراءة باقي فصول الرواية اضغط على (رواية خفقات قلب يأبي النسيان)