رواية عانيت لأحبك الفصل الثلاثون 30 بقلم فاطمة محمود
رواية عانيت لأحبك الفصل الثلاثون 30 بقلم فاطمة محمود
البارت الثلاثون
” رواية عانيت لأحُبك ”
” البارت الثلاثون ”
” الكاتبة فاطمه محمود ”
تبدأ حكايتي لم كنت بشوف عنيكي ♡
عد اسبوعين علي خروج آيه من المستشفى
وبتحاول انها تبان كويسه بس لسه جروحها
مش عارفه تداويها
مالك اللي بيحاول مع آيه كتير وبيكلمها
ويطمن عليها طول الوقت
الشباب عرفوا مين كان ورا الفديو بس مالك
أصر أنه هو اللي يتعامل مع الموضوع فارس
كان رفض بس بعدين وافق
سيف لما اتاكد أن الفديو مش حقيقه ادايق
من نفسه جدا وعاوز يتكلم مع آيه بس مش
عارف ازاي
يوسف اتكلم مع محمد وحدد كتب الكتاب
بس سلمي كانت رافضه تعمل اي حاجه بسبب
اللي حصل لـ آيه بس آيه اقنعتها انها توافق
………………………………………
صباح جديد
آيه بتكون قاعد في اوضتها وبتدخل سلمي
سلمي : صباح الخير
آيه : صباح الجمال علي احلا عروسه
سلمي بابتسامة : انا بجد مش مصدقه يا توتا
اني هبقا انهارده مدام سلمي يوسف المنشاوي
انا مبسوطه اوي
آيه بابتسامة : ربنا يتم فرحتك يا قلبي
سلمي : يارب يا توتا .. بس انا بجد زعلانه
ازاي هعمل كدا ونتي في الحاله دي
آيه : شيفاني مش عارفه اقوم ولا ايه يابت
متقلقيش يا ستي دا انا مش هبطل رقص
سلمي بضحك : انا مش قصدي كدا
آيه طبطبت علي ايد سلمي : فرحتك هي فرحتي
وبعدين لما انتي تبقي مبسوطه انا هبقا مبسوطه
افرحي انهارده شويه يا سلومتي
سلمي حضنتها : قلب سلومتك ربنا يخليكي ليا
آيه بابتسامة : ويخليكي ليا يا روحي
سلمي بعدت عنها : طيب يلاا قومي معايا عشان
تساعديني عشان انا محتاره
آيه : من عيوني هو احنا عندنا كام سلمي
………………………………………
يوسف بيكون نايم ونور بتدخل الاوضه
نور : قوم يا عريس كفايه نوم بقا
يوسف بيفتح عيونه وبيبصلها : صباح الخير
نور : صباح الورد قوم بقا يلاا
يوسف قام من علي السرير ودخل الحمام ياخد شاور
وبعد وقت خرج ولبس هدومه وبعدين خرج من الاوضه
هناء : علي فين يا يوسف
يوسف : هيكون رايح فين يا ماما اكيد الشغل
نور : شغل ايه بقا يا أستاذ انهارده مفيش شغل
خد اجازه
يوسف : هما ساعتين ومش هتاخر
نور : هقول لسلمي علفكرا
يوسف بضحك : بلاش تولعي فيها اتكلمت انا وهي
وقولتلها ساعتين وهرجع مش هتاخر
نور : وهي وافقت عادي كدا
يوسف بضحك : حبيبتي متفاهمه برضو
هناء : ربنا يديم المحبه ما بينكم يا حبيبي
يوسف : يارب يا ماما
يوسف مشي ونور مسكت الفون ودخلت اوضتها
ورنيت علي سلمي اللي رديت عليها
سلمي : ايوا يا نور
نور : هو اللي سمعت من يوسف دا بجد
سلمي : سمعتي ايه
نور : سبتيه ينزل الشغل كدا عادي
سلمي : هو قالي أنه مش هيتاخر
نور : امم طيب وبتعملي ايه دلوقتي
سلمي : انا و توتا بنختار هنعمل ايه انهارده
ما تيجي نختار سوا
نور : لاا انا انهارده اخت جوزك مش صحبتك
ولازم اعيش الدور
سلمي بضحك : اه منك
نور بضحك : شهد مش موجوده معاكم ولا اي
سلمي : لاا لسه مجاتش
نور : توتا جمبك
سلمي : اهي معاكي
آيه : عامله ايه يا نور
نور : حبيبي اللي وحشني
آيه : ونتي كمان يا قلبي
نور : عامله ايه طمنيني عليكي
آيه : بخير يا حبيبتي
نور : طيب يا توتا انا هقفل دلوقتي
آيه : باي يا نوري
نور قفلت و آيه بصيت لسلمي
آيه : بتحرضك علي يوسف مش كدا
سلمي بضحك : ايوا وشكله كدا هتخانق معاه
آيه بضحك : حرام والله دا يوسف غلبان
سلمي بضحك : البركه في اخته بقا
تليفون سلمي رن
آيه : اكيد يوسف
سلمي : اه هو هرد وارجع
سلمي خرجت في البلكونه وفتحت
يوسف : صباح الجمال
سلمي : صباح الورد
يوسف : يااه انا صوتك كان واحشني اوي كدا
سلمي بابتسامة : وحشك
يوسف : جدا .. بتعملي ايه دلوقتي
سلمي : بختار هلبس ايه انهارده
يوسف : ما انا قولتلك اجبلك انا بدل ما انتي
مش عارفه كدا
سلمي : سبني اوريك زوقي
يوسف : ماشي يا سلومتي بس ميكونش ديق انتي
فاهمه
سلمي : هو دايق شويه صغننين
يوسف بحده : سلمي
سلمي : بهزر معاك في ايه مش دايق ولا حاجه
وبعدين يعني هيبقا في البيت مفيش حد غريب
يوسف : مفيش حد ازاي عيلتك وعيلتي واصحابي
دول مش هيشوفوكي يعني
سلمي : حاضر يا يوسف
يوسف : ايوا كدا اسمعي الكلام يا قلب يوسف
سلمي : ما انا بسمع اهو انت .. خلصت شغل
يوسف : شويه كمان لسه
سلمي : طيب اسيبك دلوقتي
يوسف : ماشي باي
سلمي قفلت وخرجت من البلكونه وشافت شهد
مع آيه
سلمي : جيتي امتي
شهد : من وقت وصله المحن اللي انتي فيها
سلمي : محن ايه يا جزمه انا كنت بتكلم عادي
شهد : امم مصدقش
سلمي : سيبك بس وقوليلي ايه رايك في الفستان
دا
شهد : هو تحفه بصراحه
سلمي : ونتي يا توتا
آيه : انا بقالي ساعه بقنع فيكي أنه جميل
سلمي : طيب يلاا اختاروا معايا الميكب اعمل ايه
البنات فضلوا يختاروا مع بعض كل حاجه
………………………………………
في المستشفي
مالك كان بيمر علي الحالات وبعدين خرج
وكان ماشي في ممر وقابل مصطفى
مصطفى : صباح الخير يا مالك
مالك : صباح الخير
مصطفي : انت شكلك زعلان مني
مالك : وازعل ليه
مصطفي : يعني لما كنت قاعد مع حبيبتك
مالك اتعصب : مصطفي انت مش هتحترم نفسك
مصطفي : ونا قولت ايه غلط بس
مالك : كل كلامك غلط
مصطفي : يعني غيرتك عليها الزايده دي معقول
متكونش حب
مالك : خليك في حالك بقا حب مش حب مالكش
دعوه كفايه اللي عملته
مصطفى اتوتر بس حاول ميبينش : مش فاهم
مالك : لاا انت فاهم كويس اوي
مصطفي : طيب عن ازنك
مصطفي مشي ومالك راح مكتبه
………………………………………
في الشركه وفي مكتب فارس بيشتغل والفون
بيرن
فارس : الو
مايا : ازيك يا فارس
فارس : الحمدلله
مايا : اخبار الشغل ايه
فارس : خلاص خلصت مش ناقص غير انك تستلميها
مايا : بالسرعه دي دا انت طلعت شاطر اوي
فارس بابتسامة : دا شغلي ونا بحبو
مايا : خلاص بكره هستناك
فارس : تمام سلام
فارس قفل وبعدين رجع يكمل شغله وبعد وقت
كبير كان خلص وخرج من المكتب وراح مكتب
باباه
فارس فتح الباب : ينفع ادخل يا محمد بيه
محمد بابتسامة : ما انت دخلت يا بشمهندس
فارس : طيب خلصت شغل عشان نمشي بقا
محمد : ايوا يلاا بينا
محمد وفارس خرجوا سوا من الشركه وركبوا
العربية في طريقهم للبيت
………………………………………
مراد بيكون وصل قدام العماره وبينزل من العربية
وبيطلع شقتهم وفتحتله نجلاء
نجلاء : تعال يا حبيبي ادخل
مراد : لاا يا حبيبتي انا قولت اطمن عليكم
نجلاء : متحرمش منك يا حبيبي
مراد : طيب يا حبيبتي انا هطلع عاوزه حاجه
نجلاء : عاوزه سلامتك يا حبيبي
مراد طلع وفتح الشقه ودخل
مراد : ملك
ملك بتخرج من الاوضه : حمدالله على السلامه يا حبيبي
مراد : الله يسلمك يا حبيبتي
ملك : غير هدومك ونا هحضرلك الغداء
مراد : لاا انا اكلت
ملك : طيب ادخل خد شاور
مراد : حاضر
مراد بيدخل الاوضه وبيقلع القميص وبيرميه علي
السرير وبيدخل الحمام ملك بتدخل الاوضه وبتشيل
هدوم مراد وبترتب السرير وبعدين مراد بيخرج من
الحمام وبيقرب من ملك وبيحضنها من ضهرها
ملك بابتسامة : طيب مش عاوز ترتاح شويه
مراد وهو بيشم ريحتها : انا كدا مرتاح اوي ونا
حاضنك
ملك بتبعد وبتلف وبتبصله وبتحاوط رقبته بايديها :
امم طيب نام شويه دلوقتي عشان بليل تبقا فايق
مراد : ليه في ايه بليل
ملك : كتب كتاب سلمي
مراد بابتسامة : فكرتيني بكتب كتابنا
ملك بابتسامة : كان اغرب كتب كتاب يحصل
مراد : بس احلا حاجه حصلتلي
ملك باسته من خدو : ربنا يخليك ليا
مراد باس خدها : ويخليكي ليا
ملك بابتسامة : طيب نام يلاا
مراد : طيب ممكن تنيميني
ملك بابتسامة : حاضر
ملك قعدت علي السرير ومراد نام في حضنها
ملك بابتسامة : احكيلك حدوته
مراد بضحك : انا كدا عندي تأخير طفوله
ملك بابتسامة : يعني مش بتبقا مع حبيبتك كانك
طفل
مراد بحب : دا انا بنسي اي حاجه مدايقاني في الدنيا
لما اكون في حضنك
ملك بابتسامة : انت ابني وحبيبي وكل حاجه ليا
مراد مسك ايد ملك وباسها وبعدين حاطها علي خدو
بعد وقت مراد نام وملك فضلت تبصله بحب
وتتامل ملامحه اللي بتعشقها وهي بتلعب في شعره
………………………………………
بعد وقت كبير بيكون يوسف في اوضته خلص
لبس هدوم اللي عباره عن قميص باللون الابيض
وبنطلون باللون الاسود ورش برفان وبص في
المرايه
يوسف : هو كدا حلو
مسك الفون ورن علي سلمي بس مرديتش
وبعدين خرج من الاوضه
يوسف : نور .. ماما
نور من الاوضه : ايوا انا جايه اهو
يوسف : اخلصي بقا
يوسف قعد علي الكنبه و هناء خرجت من الاوضه
يوسف بصلها : ايه يا نونا الجمال والحلاوه دي
هناء بابتسامة : انت اللي ايه الحلاوه دي
يوسف : حاجه عاديه يا نونا
جرس الباب رن وهناء كانت رايحه تفتح
يوسف : خليكي انا هفتح يا ماما
يوسف فتح الباب وكان مالك
يوسف : لسه كنت هرن عليك اتاخرت ليه
مالك بابتسامة : عارف اني اتاخرت بس والله
بسبب الشغل حقك عليا
يوسف : هعديها المرادي بس ادخل
مالك دخل : بس ايه الحلاوه دي يا عريس
يوسف بضحك : حلو يعني
مالك بضحك : جامد اخر حاجه سلمي هدوب
انهارده
يوسف بضحك : امال سيف فين
مالك : هو مش هنا
يوسف : لاا .. طيب انا هطلع اشوفه ونتو يبقا
استنوني في العربية
مالك : حاضر
يوسف طلع من الشقة ومالك دخل وشاف هناء
مالك بابتسامة : ايوا يا نونا بقا سايبه الجمال دا فين
هناء بضحك : متحرمش منك يا حبيبي عقبال
ما افرحك بيك كدا
مالك : أن شاء الله يا حبيبتي .. امال فين نور
نور خرجت من الاوضه : انا جيت اهو
مالك بضحك : شكله فارس هيكتب كتب كتابه انهارده
نور بضحك : ليه
مالك بضحك : هتفهمي اول ما يشوفك
نور ضحكت
مالك : يلاا ننزل طيب
نور : يوسف وسيف فين
مالك : يوسف راح لسيف يشوفه
نور : طيب يلاا
مالك وهنا ونور نزلوا
………………………………………
عند يوسف بيرن الجرس وبيفتح سيف
يوسف بيبصله : انت ملبستش ليه
سيف : والبس ليه
يوسف : انت نسيت أن كتب كتابي انهارده
سيف : لاا منسيتش
يوسف : ولما منستش بتسال ليه
سيف : يوسف مش هينفع اروح معاك
يوسف : مش وقت هزارك يا سيف
سيف : انا مش بهزر عارف انك هتزعل من الكلام
اللي هقوله بس صدقني مش هعرف اروح معاك
مش عندي اي استعداد اني اروح هناك واشوفها
قدامي واشوف عيلتها اللي اكيد بيقت تكرهني
يوسف : وهتقدر تسبني في يوم زي دا تسيب
اخوك في وقت عاوزك جمبه
سيف : انا اسف يا يوسف
يوسف : انا اتكلمت مع عمي محمد وقولتلها وقالي
مفيش مشاكل اللي حصل نصيب وسيف ابني في
الاخر برضو
سيف : انت بتتكلم جد
يوسف :اه والله كنت عارف انك هترفض عشان
كدا قولتله
سيف : متزعلش مني
يوسف : ازعل ايه ياض انت اخويا ويلا بقا غير
هدومك
سيف : طيب ادخل هغير وارجعلك
سيف دخل اوضته ويوسف دخل البلكونه
ولع سيجاره والفون رن
فارس بضحك : ايه ياعم انت هتخلع ولا ايه
يوسف بضحك : لاا ياعم دا انا مش مصدق اصلا
فارس بضحك : طيب متتاخرش البت علي اعصابها
يوسف بضحك : حاضر
يوسف قفل مع فارس وسيف كان خرج
سيف : يلاا بينا
يوسف : يلاا
نزلوا سوا وركبوا العربية وبعد وقت كانوا وصلوا
نزلوا وطلعوا وفتحلهم فارس
فارس : اتفضلوا يا جماعه
كلهم دخلوا ونور كانت داخله فارس مسك ايديها
نور : في ايه
فارس : ايه اللي انتي لابسه دا
نور بصيت علي الفستان : مش انت اللي طلبت مني
البسه ومش عارفه ليه كل مره يكون ابيض
فارس بضحك : ما احنا هنتجوز انهارده يا غبيه
نور : احلف
فارس بضحك : والله
نور : ازاي
فارس : لاا ازاي دي نشرحها فعل بعدين بقا
نور : يا قليل الادب قصدي ازاي هنتجوز ومحدش يعرف
فارس : لاا كله يعرف ما عدا انتي
نور : انا اللي المفروض اكون عارفه برضو
فارس : قولت اعملها مفاجاه ادخلي بقا وكفايه رغي
نور : ماشي انا داخله ويبقا بعدين ارد عليك
نور دخلت وفارس ضحك عليها
العيلتين كانوا متجمعين والمأذون
المأذون : طيب يلاا يا جماعه عشان معايا
كتب كتاب تاني
محمد : حاضر يا مولانا .. فارس هات سلمي
فارس : حاضر
فارس قام وراح اوضه سلمي
فارس : يلاا يا سلمي
سلمي بتوتر : فارس أنا متوتره
فارس قرب منها ومسك ايديها : ليه يا حبيبتي بس
سلمي : خايفه
فارس : خوفك وتوترك هيروحو لما تخرجي وبعدين
دا الواد هيموت ويتحوزك
آيه بضحك : انتي لو مطلعتيش يوسف هيولع فيكي
سلمي ضحكت
فارس بضحك : يلاا بينا
سلمي بابتسامة : يلاا
فارس خرج وهو ماسك ايد سلمي و آيه خرجت معاهم
يوسف اول ما دخلت سلمي فضل يبصلها بتوهان
آيه عينيها جات علي سيف اللي اول مره تشوفه
من فتره طويله شالت عينيها بسرعه أول ما سيف
بصلها وقعدت جمب زينب
محمد : تعالي يا حبيبتي اقعدي
سلمي هزت راسها وقعدت وبصيت ليوسف
اللي مشالش عينه من عليها
المأذون : هات بطاقتك يا استاذ
يوسف كان باصص علي سلمي ومردش علي المأذون
المأذون : يا استاذ
يوسف فاق علي صوت المأذون : حاضر
طلع البطاقه من المحفظه وسلمي ابتسمت عليه
يوسف : اتفضل
المأذون : ونت يا أستاذ بطاقتك وبطايق الشهود
كمان
محمد خرج بطاقته
سيف ومالك وفارس ومراد كل واحد خرج بطاقته
ومحمد حط ايدو في ايد يوسف و المأذون حط
المنديل وفضل يقول الكلام ومحمد يردد وبعدين
يوسف وفي الاخر قال جملته الشهيرة بارك الله
لكم وجمعا بينكم في خير
المأذون : الف مبروك .. استاذن انا
فارس : علي فين يا مولانا لسه انا
مأذون : طيب فين وكيل العروسه
يوسف : انا
يوسف حط ايدو في ايد فارس وبعد وقت كان فارس
بقا جوز نور
كلهم باركوا لنور وفارس وسلمي ويوسف
البنات كانوا قاعدين سوا
شهد : انا مش مصدقه البنات دي اتجوزت
سلمي : عقبالك بقا
شهد بصيت علي سيف : يارب
نور : امم هو في حد واحنا منعرفش
شهد : هو لو في حد معقول انتو متبقوش عارفين
آيه : الف مبروك يا حبايب قلبي
سلمي و نور : الله يبارك فيكي يا توتا
ملك : تتهنو يا حبايبي
نور : حبيبتي يا كوكي
سلمي : ايه مفيش نونو صغير في السكه كدا
ملك بابتسامة : أن شاء الله يا سلمي
سلمي : أن شاء الله يا حبيبتي
زينب : بنات تعالوا ساعدوني
قاموا البنات كلهم وراحوا المطبخ
وبعد وقت كانوا جهزوا السفره
زينب : يلاا يا جماعه اتفضلوا السفره جاهزة
اتجمعوا كلهم علي السفره واكلوا في جو عائلي
محمد واحمد كانوا بيتكلموا سوا والشباب كانوا
قاعدين مع البنات بس البنات كانو بيتكلموا مع
بعض والشباب مع بعض
………………………………………
هناء : تسلم ايدك يا زينب الاكل تحفه
زينب بابتسامة : مش انا لوحدي دي مرات ابنك
برضو و آيه
سوزان : بنات اخويا ستات بيت برضو
هناء : ربنا يخليهم ليكي يا حبيبتي
نجلاء : وتفرحي بتوتا كدا أن شاء الله
زينب : تسلمي يا حبيبتي عقبال شهد كدا
………………………………………
عند آيه كانت بتهزر مع البنات ومالك ساب الشباب
واتكلم معاها
مالك : عامله ايه يا توتا
آيه بابتسامة : مالك انت عامل ايه طمني عنك
مالك : الحمدلله بخير
آيه : اخبار المستشفى ايه
مالك : بقيت وحشه من يوم ما مشيتي
آيه بضحك : خلاص يبقا اجي ازورك واهو اشوفها
مالك بابتسامة : تنوري في اي وقت
آيه بابتسامة : تسلملي .. مريم عامله ايه
مالك : كويسه علطول بتسالني عليكي
آيه : سلملي عليها كتير لو معاك رقمها ابعتهولي واتساب
مالك : حاضر من عيوني
آيه بابتسامة : تسلم عيونك
سيف اللي كان متابع كلامهم وبيضغط علي ايدو
بغيره وضيق وقام
يوسف : انت رايح فين يا سيف
سيف : راجع يا يوسف
خرج من الريسبشن وطلع في البلكونه وفضل يشرب
سجاير بغضب
سيف : اهدي ومتتهورش المرادي هما بيهزرو عادي
سكت شويه وفضل يتنفس بسرعه : لاا مش عادي
كان هيمشي ويخرج من الشقه بس رجع في اخر لحظه
واخد نفس طويل وبعدين رجع وقعد وحاول يتجاهل
آيه وميبصش عليها
آيه كانت متابعه خروج سيف ورجوعه وفضلت تبصله
هو وبيتكلم وسيف جات عينه في عينها وشاف نظره
عتاب في عنيها ودموع آيه حاولت تهدي وشالت عنيها
وفضلت تتكلم مع البنات وسيف ادايق من نفسه وبعدين
رجع يتكلم مع الشباب وكل شويه يبص علي آيه
بعد وقت كبير من نقاش و هزار وضحك الكل مشي
………………………………………
عند سيف كان ماسك الفون وهيرن علي آيه
سيف : بجد يا بجحتك بعد اللي عملته فيها ودمرتها
ودخلت المستشفى وجالها انهيار بسببك عاوز تكلمها
طيب هي هتعبرك اصلا انت خلاص طلعت برا حياتها
مبقتش بنسبالها اي حاجه سيبها في حالها وخليها
تعيش حياتها .. بس انا والله مدايق من نفسي
مكنتش حابب اوصل لكل دا انا لسه مش عارف
ابطل احبها آيه كل حياتي
قفل الفون وفضل يفكر فيها بشتياق وفضل يبص
علي الفون بس في الاخر رفض يرن
………………………………………
عند آيه كانت قاعده في اوضتها علي السرير
وماسكه الفون ودموعها بتنزل
آيه بدموع : انتي فاكره أنه هيكلمك وبيفكر فيكي
اصلا انتي خلاص بنسباله وحده مش كويسه وعمره
ما حبك انتي الوحيد اللي بتحبيه حتي انهارده كان
بيبصلك عادي انتي بس اللي كان وحشك وبتبصيله
يا غبيه فوقي وشوفي حياتك كفايه اللي انتي بتعمليه
دا
فضلت تعيط والفون رن وكانت فاكره سيف رديت
وفضلت ساكته مستنيه أنه يتكلم
مالك : عامله ايه يا توتا
آيه بصيت في الفون ورجعت رديت : الحمدلله يا
مالك ونت عامل ايه
مالك حس من نبره صوتها أنها بتعيط : آيه انتي كويسه
آيه مسحت دموعها : لاا مفيش حاجه
مالك : احنا مش اتفقنا اننا صحاب
آيه : اكيد طبعا صحاب
مالك : طيب احكيلي بقا مالك
آيه بدموع : انا بجد مدايقه اوي يا مالك مش عارفه ابطل
افكر في ولا اطلعه من دماغي انهارده لما شفته انهارده
علي قد ما كنت مدايقه منو بس انبسطت اوي أنه كويس
بس زعلانه اني مش فارقه معاه وعايش حياته ولا فكر
مره وحده يتكلم معايا
مالك كان غيران جدا علي آيه وكلامها عن سيف
بس حاول ميبينش عشان هي متدايقش
مالك : حاولي تهدي الاول انا عارفه انها صعبه عليكي
لانك لسه بتحبيه
مالك غمض عيونه بوجع ورجع كمل كلامه
مالك : واكيد سيف لو هيحاول يتكلم معاكي وان
شاء الله خير بس اهم حاجه متزعليش نفسك عشان
دا غلط علي صحتك ونفسيتك
آيه : حاضر و انا أسفه اني صدعتك بمشاكلي
مالك : متقوليش كدا انا مبسوط أنك بتحكيلي
اللي مدايقك
آيه : انا اللي مبسوطه انك بتفهمني من غير ما اتكلم
مالك بابتسامة : ماشي يا توتا اسيبك تنامي تصبحي
علي خير
آيه : ونت من أهله
آيه قفلت وقامت دخلت الحمام تغسل وشها رجعت
نامت علي السرير فضلت تفكر في كلام مالك وبعدين استسلمت لنوم
………………………………………
صباح جديد
يوسف بيكون نازل من العماره وبيركب عربيته
وبيمسك الفون وبيرن علي سلمي وبيسوق العربية
سلمي بنوم : صباح الخير
يوسف بابتسامة : صباح الجمال .. لسه نايمه
سلمي : ايوا
يوسف : امتي بقا اصحي من النوم واشوف القمر
دا نايم قدامي
سلمي بابتسامة : قريب يا حبيبي
يوسف : قلب حبيبك عاوز اشوفك انهارده
سلمي : تشوفني ازاي
يوسف : اشوفك قدامي وبعدين انتي مراتي
سلمي : قولها تاني كدا
يوسف : هي ايه
سلمي : مراتي
يوسف بضحك : عجباكي الكلمه
سلمي : ايوا وانا مش مصدقه اصلا انك بقيت جوزي
انا يعني ليا لوحدي محدش يشاركني فيك احساس
كدا ميتوصفش
يوسف : يااه علي الكلام الحلو دا انا عاوز اتجوز
يا جدعان
سلمي بضحك : ما احنا اتجوزنا امبارح
يوسف بضحك : لاا جواز فرح بقا وفي آخر اليوم
حضن وعالم تاني
سلمي : انا بقول اقفل
يوسف بضحك : طيب هكلمك لما اخلص اجي اخدك
سلمي : تمام باي
يوسف : باي
يوسف قفل مع سلمي وبعد وقت وصل ونزل من العربية
ودخل القسم
العسكري : الف مبروك يا باشا
يوسف : الله يبارك فيك
يوسف مشي وكمل طريقه
عمرو : الف مبروك يا يوسف
يوسف : الله يبارك فيك يا حبيبي عقبالك
يوسف دخل مكتبه وبعد وقت سيف بيفتح الباب
وبيدخل وبيقعد قدام يوسف
سيف : صباح الخير
يوسف : صباح النور .. من اول ما دخلت القسم
وكله بيباركلي قولت اكيد مفيش غيرك انت اللي
قايلهم
سيف بضحك : انا قولت اقولهم واوفر عليك
يوسف بضحك : نردهالك ياعم يومك
سيف تنهد : أن شاء الله
يوسف : مالك ياعم مدايق كدا
سيف : بصراحه كدا امبارح كنت عاوز اتكلم مع آيه
بس حاولت اتحكم في نفسي وفي آخر لحظه منعت
نفسي وقولت كفايه اللي حصلها بسببي
يوسف : سيف انت عاوز ايه من آيه تاني انت
نهيت كل حاجه بايدك انسها وابتدي حياتك
من جديد لأن بعد اللي حصل مفتكرش أن آيه
هترجعلك تاني
سيف : انا مش عارف انساها يا يوسف انا لسه بحبها
ومش عارف ابدا حياتي من غيرها هي الحاجه الوحيده
اللي كانت مخلياني اكمل حياتي
يوسف : عارف المشكلة فين المشكلة أننا وقت ما
تحصل المشكلة بنبقا شايفين نفسنا صح ومش
غلطانين بس بعدين بتبان الحقيقة وينبقا غلطانين
واذينا ناس ملهاش زنب بس بعد ايه بعد فوات الاوان
سيف : انت بدل ما تواسيني عمال تقطم فيا
يوسف : لاا مش قصدي والله انا اتمنالك تبقا مبسوط
ولو ليكم نصيب سوا ربنا هيجمعكم أن شاء الله
سيف : أن شاء الله .. هروح اكمل شغلي
يوسف : تمام
سيف بيخرج ويوسف بيفضل يقرأ الملف تبع
القضيه وبيدخل العسكر
مسعد : في حد عاوز يقابل حضرتك يا باشا
يوسف بصله : مقالش مين يا مسعد
مسعد : لاا يا فندم
يوسف : تمام دخله
يوسف بيرجع يبص في الملف وبتدخل بنت
لابسه هدوم قصيره يوسف بيرفع وشه يبصلها
وبيتصدم
………………………………………
لقراءة باقي فصول الرواية أضغط على (رواية عانيت لأحبك)
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)