رواية حب صغيرتي الفصل الأول 1 بقلم آية عيد

البارت الأول

#حب_صغيرتي
البارت 1
في شركة فخمة من مجموعة شركات الجبالي اكبر مجموعة شركات في الشرق الاوسط
ينحني جميع الموظفين حين رأيتهم للرئيس
يدخل بكل هيبة ووقار ولابس نظارته السوداء ويده في جيبه
ووراه مساعدة يمسك تابلت العمل
يتجه نحو المصعد المخصص له وحده وبيطلع فيه
ويتجه لمكتبه
تاتي السكرتيرة بسرعة : تحب اجيب لحضرتك قهوة علي مكتبك وورق الصفقة الجديدة
يونس ببرود وهو ماشي في طريقه :بسرعة
٪٪٪٪٪٪٪٪٪٪٪٪٪٪٪٪٪٪٪٪٪
يونس الجبالي :
طويل وعريض وعيونه خضراء حادة وشعروا اسود وناعم
الابن الاكبر لعيلة الجبالي، اصله صعيدي…. لكن بيدير شركاته خارج الصعيد وخارج مصر، والدته اصلها من مصر وهو عايش في قصره في مصر مع جدته من والدته، وبيزور الصعيد كل فترة لان هو يعتبر كبير العيلة والعمدة
بيشتغل بالسر في السلا*ح والاثا*ر واسمه معروف بالرئيس ومعروف انه مبيرحمش مش بيحب الهزار وعلطول جد
٪٪٪٪٪٪٪٪٪٪٪٪٪٪٪٪٪٪٪٪٪٪
دخل يونس ووجه كلامه لمساعده عامر
يونس وهو باصص علي الابتوب : فين الورق؟!
عامر قرب منه : اتفضل…. ودا ورق صفقة السلا*ح
يونس اخد الورق وبقي يدقق فيه :تمام، اتصل ب كريم خليه ييجي
عامر :اموامرك ياباشا
@@@@@@@@@@@@@@@@@@@@@
في حي فقير وتحديدا في منزل صغير
واقفة ست بغضب جنوني وبتكلم ابنها ال في اوائل العشرينات
سماح بغضب:هي فين البتتتت دي؟!
سمير بخبث :معرفش…. يمكن مشيت علي حل شعرها
سماح دخلت اوضتها وفتحت الدولاب ملقتهاش، نزلت تحت السرير ومالقتهاش…. فجأة الباب خبط
جريت سماح وفتحت الباب، وشافتها قدامها
وراحت مسكاها من شعرها ودخلتها جوا
سماح بغضب :كنتي فين امبارح يابت، كنتي هربانة مععع مين؟!
بيان بدموع :وللله ما كنتش مع حد، ا انا كنت هنا
سماح بقسوة:كنتي هنا فين يعني، انا دورت عليكي في كل حته وملقتكيش
بيان بصت لسمير ال واقف بيضحك بصمت : ا انا كنت مستخبية ورا البيت
سماح :ورا البيت بتعمليييي ايه ورا البيت ياختيييي
بيان بانهيار :كنت بستخبي من ابنك، ال مش سايبني في حالي
سماح شدت اكتر علي شعرها : ابني مين دا ياختي ال مش سايبك في حالك…. انتي عبي*طة يا بت، وابني يبصلك ليه اصلا
بيان بدموع :اسأليه هو
سماح بصت لابنها بمعني انه يقول حاجة
سمير بتوتر : انا مجيتش جمبها يا ماما، انا قولتلها امبارح انك رايحة مشوار…. قامت هي تحاول توقعني فيها ولما انا صديتها عملت نفسها بريئة وهربت من البيت
بيان بدموع :حراااام عليك، انا عملتلك ايه عشان تعمل فيا كدا…. اانت ال حاولت تقرب مني و….
قاطعتها سماح بك*ف علي وشها
شماح بعصبية :انا مسمعش صوتك من هنا ورايح، واياكي تتهمي ابني في حاجة زي كدا…. يلا انجري ادخلي اوضتك
بيان جريت علي اوضتها وهي بتبكي وفقلت الباب عليها
سماح بصت لابنها بتحذير:لو ال حصل امبارح اتكرر تاني متلومش غير نفسك
سمير بكدب :بس انا ماعملتش حاجة….
سماح بعصبية :انا عارفة كويس انها مش بتكدب، وان انت عينك من البت…. وانا حذرتك اهو
ودخلت اوضتها
سمير بحقد :بس انا بقي مش هطلعها من دماغي، غير ما اخد ال انا عايزه
@@@@@@@@@@@@@@@@@@@
في غرفة بيان
كانت قاعدة علي الارض وضامة رجليها وبتبكي
٪٪٪٪٪٪٪٪٪٪٪٪٪٪
بيان
بنت تبلغ من العمر 18 سنه ، شعرها اسود وطويل لون عيونها بني و زي الاطفال
بنت جميلة جدا ووجهها طفولي
عايشة مع عمتها او ال فاكراها عمتها
٪٪٪٪٪٪٪٪٪٪٪٪٪٪٪٪٪٪٪٪
بيان بدموع :انا مبقتش قادرة استحمل بجد….ورفعت ايدها للسما…. يارب انت قادر انك تغير حياتي للاحسن وتخليها حلوة
فجاة الباب بيخبط
بيان بخوف :م مين؟!
سمير بخبث من ورا الباب :انا يا قلبي
بيان خافت ومردتش عليه
سمير :براحتك مترديش…. بس انا حابب اقولك ان الليلة هعمل ال عايزه حتي لو غصب عنك
وبيمشي
بيان بتقع علي الارض بدموع :م مش هسمحلك انك تعمل فيا كدا….
بتقوم وتمسك التلفون بسرعة وبتتصل بحد وهي بتبكي : الحقني يا كارم س سمير ناوي يعمل فيا حاجة وحشة النهاردة
كارم :اهربي وتعاليلي بسرعة
بيان :ب بس هروح فين؟!
كارم :هتيجي عندي هتروحي فين يعني
بيان توتر :ك كارم ا انت عارف اننا صحاب بس و…
قاطعها كارم: متقلقيش انا هسيبك في شقتي وهبات انا في شقة صاحبي
بيان :ب بس عمتي
كارم :بطلي تقولي عمتي دي، هي لو عمتك فعلا كانت حمتك من ابنها
بيان بحزن سكتتت وقررت انها تروح فعلا عنده
@@@@@@@@@@@@@@@@@@@@
في قصر من القصور الفخمة
الخدم عملين يجروا وخايفين
الدكتور وصل ودخل الاوضة، كانت اوضة شيك اوي…. كانت مستلقية ست كبيرة علي السرير بتعب
الدكتور قرب منها :متقلقيش ياست هانم هتبقي كويسة ان شاء الله
سعاد بتعب :ع عايزة يونس
الخادمة :اهدي ياست هانم، انا كلمته وهو زمانه في الطريق
الدكتور كشف عليها، وفي الوقت دا دخل يونس بسرعة
يونس للدكتور :فيها ايه؟!
الدكتور :للاسف حالتها اتدهورت خالص
يونس بص لجدته وقرب منها وقعد جمبها ومسك ايدها
سعاد بتعب :ي يونس حفيدي، ا انا عايزة منك طلب قبل ما ا….
قاطعها يونس :اطلبي ال انتي عايزاه بس متقوليش كدا
سعاد :ا انا اكتشفت ان حفيدتي عايشة
يونس باستغراب :حفيدك مين؟!
سعاد :ب بنت خالتك ال قولتلك انها سافرت م مع جوزها بس عملو حادثة
يونس :ايوا فاكر
سعاد بدموع : اكتشفت ان بنتهم لسة عايشة…. ب بيان
يونس : انتي عايزة ايه بالظبط؟!
سعاد :ع عايزة اشوفها يا يونس، ه هاتهالي يابني
يونس قام وقف وبتحدي : بليل هتبقي عندك
وخرج وطلع خارج القصر وبص لرجالته وعامر :ورايااااا
كل الرجال ذهبوا وراه بطاعة
واتجه للملجأ
@@@@@@@@@@@@@@@@@@@
بليل عند بيان
كانت بتجهز شنطة هدومها بسرعة عشان خالتها مش في البيت وسمير هييجي في اي وقت
بتخلص لم في الشنطة وبتتجه ناحية الباب وبتفتحو
فجاة
بتلاقي سمير في وشها
سمير بابتسامة خبيثة :الحلوة رايحة فين
بيان الشنطة بتقع من ايدها وبصدمة :ا انت ب بتعمل ايه هنا
سمير بيقرب منها بخبث : جي اعمل ال هاخده منك
بيان بترجع لورا بخوف ودموع :س سمير اروجوك متعملش فيا كدا، دا انا اختك
سمير :شششش لا انتي مش اختي والدليل علي كدا، ال هعمله دلوقتي
بيان بتدور علي حاجة تخ*بطه بيها مش لاقية، وفجأة وهي بترجع لورا وقعت علي السرير
سمير بضحكة مستفزة :جت من عند ربنا اهي
وانقض عليها وهي بتحاول تبعده، بس هو كان اقوي منها
فجاة بيسمعوا صوت الباب بيتكسر
وسمير بيتخض، بيان بتستغل الفرصة وبتبعده جامد
وبتجري علي برا وبتتصدم لما بتلاقي رجالة كتير واقفة قدامها ويترأسهم يونس
بيان بخوف :ا انتو مين؟!
بيجي سمير من وراها وبيمسك بيان من دراعها :انتي رايحة فين يابت
يونس بيبص علي ايده ال ماسكاها وبيبصله
يونس برفعة حاجب وهيبة :وانت مين ياحلو؟!
سمير بغضب :اانت ال مين وازاي تدخل بيتي كدا
بيان بتحاول تبعد سمير عنها :ابعدددد عني بقييييي
سمير بغضب :اخرسييييي
بيان بتنتفض بخوف وبتبص ليونس بمعني :ارجوك ساعدني
سمير بعصبية ليونس :وانت يا عم… لم رجالتك دي من هنا واطلع برا
سمير بص لليان و لسة بيشد بيان عشان يحبس*ها في الاوضة
فجاة بيلاقي ال حط ايده علي كتفه
بيبص ليونس ، هوب بيديله يونس بو*كس وقعه علي الارض
بيان واقفة حاطة ايدها علي فمها بصدمة
يونس وهو باصص لسمير ببرود :ما انا متعودش اخد أوامر من عيال صغيرة
يونس بيبص لليان ويمسك ايدها :تعالي معايا
بيان بخوف :ا اجي فين…. ا انت مين اصلا؟!
يونس بحدة : تيجي معايا وانتي ساكتة
وبيشدها وبيركبها العربية
بيان بخوف : ا ارجوك سيني، ا انت عايزني ليه بس؟
يونس بيقرب منها وبيربط حزام الامان كويس وبيبصلها وهي بتبصله بخوف، ويونس بيتأمل عيونها للحظات
وبعدين بيستوعب نفسه وبيطلع من العربية
وبيان مش بتبقي عارفة تحل نفسها من حزام الامان
وبيجي يلف عشان يسوق بيلاقي سمير بيجري عليه بغضب
سمير: استنيييي عندددك
لسة هيقرب، يونس رفع المسد*س في وشه
يونس برفعة حاجب :في حاجة؟!
سمير بيرجع لورا بخوف :ا ااا انت م مين؟!
يونس :الايام هتعرفك انا مين
وبيرجع مسد*سه مكانه
وبيركب العربية
وبيان عمالة تعيط بخوف، وخافت تتكلم لما شافت المسد*س وهو رافعه علي سمير
يونس بدا يسوق العربية بكل برود
وبيان بتبكي بصوت عالي
يونس بغضب :وبعدين معاكي، ما تسكتي شوية بقيييي
بيان بتكتم صوت عياطها بخوف
@@@@@@@@@@@@@@@@@@@@@
في بيت سمير وسماح
سمير قاعد ومضايق وحاطط كيس تلج علي خده
دخلت سماح وهي مصدومة :مين ال كسر الباب دا؟!
سمير قام بغضب : الست هانم بيان، طلعت عارفة رجالة وماشية علي حل شعرها
سماح بغضب :ايه ال انت بتقوله دا؟!
سمير : ايوا طلعت عارفة رجالة، وواحد منهم جه واخدها وضر*بني علي وشي…. وهي مشيت معاه بأرادتها
سماح بعصبية : يا بنت ال ايه يا بيان، طلعتي مخبية كل دا…. اتاري كل يوم بليل منعرفش ليكي طريق
سمير بغضب :انا مش هسكت، ولازم الاقي البت دي واخلص عليها…. دي حطط وشنا في الطين
سماح قعدت علي الكرسي :مش لما نلاقيها بس
@@@@@@@@@@@@@@@@@@@@@
في قصر يونس
دخل القصر وهو ماسك ايد بيان ال بتحاول تبعد عنه
بيان بدموع :ارجوك سيبني، انا معملتش حاجة….انت مين؟!
يونس اخدها علي اوضة جدته ال قاعدة علي السرير
ووقف بيان قدامها …. وبيان واقفة بخوف مش عارفة تعمل ايه؟ ولا مين الست دي
يونس بعد شوية وحط ايده في جيبه
سعاد بفرحة وتعب : ت تعالي قربي مني يا غالية يابنت الغالية
بيان خافت وواقفة مكانها
يونس بحدة :هي مش بتقولك قربي؟!
بيان خافت من صوته وقربت من سعاد ال مسكت ايدها وحضنتها…. وبيان مستغربة وخايفة
سعاد بابتسامة : انتي اكيد مش عارفاني، صح
بيان بخوف وصوتها البريئ :ا اه
سعاد :انا ابقي تيتة يا حبيبتي…. جدتك من مامتك
بيان بستغراب : ب بس انا معنديش تيتة
سعاد :لا يا حبيبتي انا جدتك، انتي واهلك زمان كنتوا مسافرين بس عملتوا حادثة وافتكرت اني فقدكم دلوقتي بس عرفت من المستشفي انك لسة عايشة وهما نقلوكي الملجأ
بيان :م ملجأ، ب بس انا عايشة مع عمتي م مش في ملجأ
يونس : مش عمتك
بيان بصتله باستغراب
يونس ببرود : دي الست ال بتشتغل في الملجأ، هي اخدتك من وانتي صغيرة وربتك
بيان بصدمة :ا انت بتقول، اكيد لا…. ا انت كداب
يونس بصلها نظرة مخيفة، وهي خافت ورجعت لورا
سعاد مسكتها :بس يا يونس هي مصدومة مش اكتر متخوفهاش
يونس بغضب :يبقي تخلي بالها من طولة لسانها
بيان واقفة وكاشة في بعضها وبتعيط
سعاد بتعب :ا اهدي يا حبيبتي، انا مش هخليكي تزعلي من حاجة انتي هتعيشي معايا….وهتبقي مسؤلية يونس
بيان بدموع :ب بس انا عايزة اطلع من هنا، انا خايفة
سعاد بحزن : لا يا بنتي هتروحي فين يعني؟ ….. متسبنيش
بيان بدموع : ب بس ع عمتي م مش هتسكت
سعاد:بس انا مش هسمح انك تبعدي عني، وانا مش هخليها تاخدك….. وبصت ليونس واكملت…… عشان يونس هيتجوزك
يونس وبيان واقفين مصدومين
يونس بغضب :…………
@@@@@@@@@@@@@@@@@@@@@
استووووب، يارب الرواية تعجبكم

وشكرا لتعليقاتكم السكرة☺️🩷

لقراءة باقي فصول الرواية أضغط على (رواية حب صغيرتي)

البارت الأول

اترك تعليقاً إلغاء الرد