رواية عانيت لأحبك الفصل السادس عشر 16 بقلم فاطمة محمود
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)
رواية عانيت لأحبك الفصل السادس عشر 16 بقلم فاطمة محمود
البارت السادس عشر
” روايه عانيت لأحُبك ”
” البارت السادس عشر ”
” الكاتبه فاطمه محمود ”
– وإني أحبك
دون وضع مُسميات لهذا الحب
أحبـكَ كَأنكَ العالم بأكمله ✨
مالك الطبق وقع منه والكل بص عليه واستغربو بعدين
مالك فاق من صدمته وحاول يتمالك نفسه
زينب : انت كويس يا حبيبي
مالك : اه كويس معلش يا طنط وقع مني بالغلط
زينب : ولا يهمك
هناء : تعال يا مالك واقف ليه
مالك : حاضر
بعدين مالك قعد وسيف كمل كلامه
سيف : مقولتش يا عمو رايك ايه
محمد بضحك : والله يا بني انا متفق على قرايه فاتحه
وحده بس
سيف بضحك : نخليهم اتنين بقا
محمد : طيب نشوف رأي آيه
سيف بص لـ آيه المصدومه وكتم ضحكته : اهو يا عمو السكوت علامه الرضا
زينب بضحك : انت مش مديلها فرصه يا سيف
سيف بضحك : دا بدل ما تقولي البت موافقه يا حماتي
هناء بضحك : الواد متعشم دا بيقول حماتي يا زينب
سيف بضحك : اوي والله
يوسف بضحك : وافقو يا جماعه الواد علي ضمنتي
فارس بضحك : خلاص يا توتا وافقي ولو مش عجبك
لي ضمان نغيرو
سيف بضحك : ايه دا ياعم فارس انت جيت تعميها
بدل ما تكحلها
فارس بضحك : بحاول اخليها توافق دلوقتي
سيف : نقرأ الفاتحه طيب
محمد : نقرأ الفاتحه
كلهم قرو الفاتحه وسيف باصص علي آيه
وبعدين كلهم باركو لسيف و آيه
مالك طول القعده باصص علي آيه الي لاحظت نظراته
وابتسمتله وهو فاق من تفكيره وابتسملها وحاول
يشيل عيونه من عليها
محمد : بعد اذنكم يا جماعه
يوسف : اتفضل يا عمو
محمد بص علي آيه : آيه عاوزك
محمد و آيه راحو المكتب وسيف فضل باصص عليهم
دخل محمد و آيه المكتب وقعدو
محمد بصلها : آيه
آيه : نعم يا بابا
محمد : انتي موافقه علي خطوبتك من سيف
آيه بتوتر : لا اه
محمد بضحك : افهم ايه انا دلوقتي
آيه اتكسفت ومعرفتش ترد
محمد بخبث : طيب خلاص يا حبيبتي انا هقول
لسيف انك مش موافقه
آيه رديت بسرعه : لا يا بابا
محمد : لاا ايه
آيه بكسوف : قصدي يعني ازاي هتقول كدا واحنا قرينا الفاتحه
محمد : لو مش موافقه عادي
آيه بكسوف : موافقه يا بابا
محمد بضحك : طيب يا حبيبتي يلا نخرج زمانه
الواد سيف قلقان
آيه بضحك : يلا
محمد و آيه خرجو من المكتب ودخلو الريسبشن وقعدو وسيف بصلهم
سيف : اوعي تكون غيرت رايك
محمد بضحك : لا ابدا
سيف : طمنتني انا عاوز خطوبتي مع يوسف يا عمو محمد
محمد بضحك : انتو عاوزين كل حاجه بسرعه ليه
سيف بص لـ آيه : ولازمتو ايه التأخير
فارس : عنده حق سيف يا بابا كدا كدا هتحصل خطوبه
وان شاء الله كل حاجه هتبقا جاهزه
سيف بضحك : والله بحبك يا واد يا فارس
فارس بضحك : سيب الحب لناس التانيه
محمد : ماشي يا ولاد يبقا الخطوبه بعد يومين
يوسف : تمام يا عمو تستأذن احنا بقا
زينب : ما تقعدو شويه
هناء : الايام جايه وهنقعد كتير يا حبيبتي
سلمو علي بعض والكل مشيو
يوسف ومالك وسيف ونور وهناء نزلو ويوسف ومالك
ركبو قدام وسيف ونور وهناء ركبو ورا
نور : بس ايه فجاتنا يا سيف
سيف بضحك : اهم حاجه تكونو مبسوطين
نور : الا مبسوطين دا مبسوطين اوي سلمي هتبقا مرات يوسف وآيه هتبقا مرات سيف
مالك سمع الكلمه وقلبه وجعه وفضل باصص لطريق
هناء : ربنا يتم فرحتكم علي خير يا حبايبي عقبالك يا
مالك يا حبيبي
سيف : امين يا نونا
مالك : بتقولي حاجه يا نونا
يوسف : ايه ياعم ملاحظ كدا انك مش معانا
مالك : لا ابدا بس عندي شويه صداع
سيف : وهو الصداع ملقيش غير انهارده يجيلك
مالك بضحك : ما انت فجاتني
سيف بضحك : ونت بقا امتي هتفجانا
مالك : والله لسه معرفتش مشاعرها
نور : هي مين دي يا مالك ونا اعرفلك مشاعرها
مالك بضحك : بلاش انتي هتبوظي الدنيا
نور بضحك : انت بتحب ياض ومش عاوز تقول لأختك
سيف بضحك : ونتي بتحشري نفسك في الي مالكيش في ليه سيبي الواد يحب براحته
يوسف بضحك : سيب البت تحبك حب البت تسيبك
نور بضحك : اه والله الطرفين مابيظبطوش مع بعض
خالص
مالك بضحك : هو ايه الي سيب البت تحبك حب البت تسيبك
سيف بضحك : لما انت بتحبها ولسه مش معترف بحبك
ليها شوف البت الي انا بحبها فجاتها ازاي
مالك : المشكله انها بقيت بعيده عني اوي .. ربنا يتم فرحتك علي خير يا حبيب اخوك
هناء : بعيده ليه بس يا حبيبي ربنا يفرح قلبك بس انت أنوي وانا اروح معاك هي تلاقي زيك فين
مالك بابتسامة : ادعيلي يا نونا واكيد يا ماما هتبقي معايا انتي هو انا ليا غيرك
نور : يعني هي بس الي مالكش غيرها احنا خيال مآته ولا ايه
مالك بضحك : يا بت يا لمضه هي دي محتاجه كلام انتو عارفين انكم ايه بنسبالي
هناء : ربنا يخليكم لبعض ويخليكم ليا يا حبايبي وعقبال
ما افرح بيكم
بعدين وصلو قدام العماره ونزلوا وكل واحد طلع شقته
……………………………………….
شهد : طيب يا جماعه انا همشي
فارس : استني يا شهد هوصلك
شهد : لا يا فارس مراد جي تحت
زينب : خدي بالك من نفسك يا حبيبتي
شهد بابتسامة : حاضر يا زوزا .. الف مبروك يا بنات مره تانيه
آيه بابتسامة : الله يبارك فيك يا شوشو
سلمي بابتسامة : عقبالك يروحي
شهد ابتسمت وسلمت عليهم ونزلت لمراد ولقيته واقف بالعربيه ركبت ومراد مشي بالعربيه
شهد بضحك : اسكت مش قرينا فاتحتين انهارده
مراد بضحك : قروها مرتين ولا ايه
شهد بضحك : لا آيه اتقريت فاتحتها كمان
مراد : دا مين
شهد : سيف صاحب يوسف
مراد : عقبالك يا شوشو
شهد بحزن : مبقتش فارقه
مراد : بتقولي ايه
شهد فاقت من شرودها : بقولك أن شاء الله
مراد : هي ملك كانت موجوده
شهد : لا مش كانت موجوده ولا هي ولا امها
مراد : اه
شهد : هو انت مش عارف هي فين ولا ايه
مراد : مش بالظبط
شهد : انتو متخانقين
مراد : هي سبب الخناقه
شهد : حتي لو هي السبب الحل انك تسبها زعلانه يا مراد
مراد : الي حصل بقا
شهد : حاول تحل الموضوع
مراد : أن شاء الله .. يلا انزلي
شهد : انزل ليه
مراد بضحك : انتي عاوزه تباتي في العربيه ولا ايه
شهد بضحك : لا بس مش واخده بالي
مراد بضحك : وايه الي واخد بالك
شهد : الحكايه كلها فاصله وعاوزه انام
مراد : طيب يلا بينا
مراد و شهد نزلوا وطلعو شقتهم وفتحتلهم نجلاء
نجلاء : حمدالله علي السلامه
شهد ومراد : الله يسلمك
نجلاء : نقول مبروك لسلمي
شهد : هحكيلك كل حاجه بكره يا نوجا عاوزه انام بجد تصبحو علي خير
شهد دخلت اوضتها ورمت الفون علي السرير وسمحت لدموعها تنزل فضلت تعيط شويه وهي حاطه ايدها علي بوقها
شهد بعياط : خلاص يا شهد متعيطيش انتي الي عيشتي نفسك في وهم سيف لـ آيه مش ليكي
فضلت تهدي نفسها وكل ما تبطل عياط دموعها بتزيد اكتر
بعدين قامت غيرت هدومها ونامت علي السرير وفتحت الفون وشافت صورته وبعدين خرجت وقفلته وفضلت دموعها تنزل بصمت لحد ما نامت
……………………………………..
آيه كانت قاعده علي السرير وبتقلب في الفون وفونها رن وكان سيف ورديت عليه
آيه : الو
سيف بابتسامة : ايه متطمنيش علي خطيبك روح ولا
عمل ايه
آيه : خطيبي انا لسه بستوعب الكلمه لحد دلوقتي وبعدين خد هنا انت ازاي تعمل كدا من غير ما تاخد رأي
سيف بضحك : عاوزاني اجيلك دلوقتي هبقا قدام العماره
آيه : هو انا بكلمك في ايه ونت بترد في ايه
سيف : طيب انتي مدايقه ليه دلوقتي
آيه : انا بس مدايقه انك مقولتليش
سيف : يعني انتي مش كنتي حابه كدا ولا انتي مش
بتحبني اصلا
آيه : لا مش كدا يا سيف
سيف بتمثيل الزعل : لا هي كدا انا كل الحكايه فكرت افاجئك كنت فاكرك هتفرحي بس النتيجه غير كدا خالص ومش بتحبيني
آيه بسرعه : مين قال ان انا مش مبسوطه ومش بحبك
سيف بابتسامة : طيب ليه مدايقه انا حبيت اعمل مفاجاه
كدا كدا كنا هنتخطب
آيه بابتسامة : انا بس كنت عاوزه ابقا عارفه
سيف : طيب بذمتك مش كدا احلا
آيه : حلوه
سيف بضحك : حلوه بس
آيه بضحك : كانت حلوه اوي
سيف : مفيش حاجه حلوه بعدك
آيه اتكسفت وسكتت
سيف بضحك : اكيد اتكسفتي وخدوك بقيت زي الفراوله
آيه بضحك : طيب انت مش معاك شغل ونا كمان معايا
كليه يلا روح نام بقا
سيف بضحك : بتهربي يعني ماشي هشوفك بكره
آيه بضحك : ماشي سلام
سيف : توتا
آيه : يانعم
سيف : بحبك
آيه بكسوف : تصبح على خير
سيف بضحك : ماشي هعديهالك المرادي بس المره
الجايه هتقوليها .. ونتي من أهل الخير
آيه قفلت مع سيف ونامت
………………………………….
مالك كان واقف في البلكونه وبيشرب سجاير وماسك
الفون علي صوره آيه
مالك : كنت هقولك انهارده قد ايه بحبك بس مش عارف
ليه في كل مره كانت حاجه بتحصل مقدرتش اقول حاجه
دا اخويا قبل ما يكون صاحبي بس اسمك كل مايتقال مع سيف قلبي بيوجعني
نزلت دموع مالك وهو باصص علي صوره آيه
………………………………….
صباح جديد
يوسف فاق من النوم ومسك فونه ورن علي سلمي
الي رديت عليه
سلمي بنوم : الو
يوسف بابتسامة : صباح الجمال يا سلومتي
سلمي بنوم : صباح الخير مين
يوسف بضحك : انتي النوم مآثر عليكي ولا ايه
سلمي قامت بسرعه وقعدت : يوسف
يوسف بابتسامة : اه يروح يوسف
سلمي بابتسامة : انا اتعود اصحي علي صوتك كدا
يوسف بابتسامه : هو انا عندي كام سلمي يعني
طيب فوقي كدا ويلا عشان الكليه بتاعتك
سلمي بضحك : اوو ابتدينا اهتمام
يوسف بضحك : عندك مانع يعني
سلمي بضحك : هو حد يلاقي اهتمام يوسف المنشاوي ويقول لاا
يوسف بابتسامة : طيب يلا بقا قومي ومتتاخريش عشان عاوز اشوفك
سلمي : تشوفني ازاي
يوسف : ما انا هوصل نور وعاوز اشوفك
سلمي بابتسامة : ماشي يلا سلام
يوسف : سلام يا قمري
سلمي قفلت مع يوسف وايه دخلت عليها إلاوضه
آيه : انتي لسه ملبستيش هنتاخر علي الكليه
سلمي : هقوم البس اهو
آيه : طيب متتاخريش
سلمي لبست وخرجت وفطرت معاهم وبعدين نزلت
هي وفارس و آيه ركبو العربيه وصلو قدام الكليه كان
يوسف واقف بالعربيه ونور بتنزل
نور بابتسامة : ايه الصدفه القمر دي
سلمي بابتسامة : انتي الي قمر
آيه : صباح الورد
نور : صباح الجمال
فارس : عامل ايه يا يوسف
يوسف : بخير يا حبيبي
سلمي بصت علي يوسف الي باصص عليها واتكسفت
ويوسف ضحك عليها
سيف : مفيش صباح الخير ليا
آيه : لاا
سيف بضحك : ماشي
نور بضحك : يلا بينا طيب
كانو هيمشو شهد كانت وصلت
شهد بابتسامة : صباح النعناع
الكل رد عليها
فارس : انتي جايه لوحدك يا شهد
شهد : مراد راح الشركه كان عاوز يوصلني بس اصريت
عليه يمشي عشان ميتاخرش
فارس : طيب انا كمان هروح الشركه يلا سلام
فارس ركب عربيه في طريقه لشركه
شهد : الف مبروك يا منشاوي عقبال الليله الكبيره
يوسف : الله يبارك فيكي يا شوشو
سيف : هو انا محدش ليه بيباركلي
نور بضحك : محدش مستوعب انك خلاص خطبت
شهد بابتسامة : مبروك يا سيف
سيف بابتسامة : الله يبارك فيكي عقبالك كدا
شهد ابتسمتله ودخلت من باب الكليه هي والبنات ويوسف مشي بالعربيه علي شغله
………………………………
نروح لمكان اول مره نروحله وهو بيت سوزان
ملك كانت في اوضتها كانت خلصت لبس وكانت واقفه وماسكه الفون
ملك : طيب ونا ارن ليه دا هو مصدق واهو مش معبرني حتي
قفلت الفون وخرجت لقيت سوزان قاعده علي السفره
ملك : صباح الخير
سوزان بصتلها : هيجي منين الخير ونتي مش بتعملي
حاجه كدا
ملك : حاجه ايه اعملها
سوزان : يابت قولتلك قربي من فارس ونتي مش عملتي حاجه لحد دلوقتي اعملي حركتين خلي الواد يوافق علي الجوازه
ملك : أقرب ايه انتي متخيله لو قربت منو زي ما انتي
عاوزه هو هيبصلي بنظره ايه
سوزان : اهو بغباءك دا طالعه لابوكي الله يسامحه علي
الي عمله
ملك : وهو بابا عمل ايه
سوزان : مسبلناش حاجه نعيش بيها
ملك : حاجه ايه يا ماما انتي مش تحمدي ربنا علي الي
انتي في وخالو مقصرش معاكي ولا بابا الله يرحمه
سوزان : دافعي عن ابوكي ما انتي بنت ابوكي
امبارح كانت قرايه فاتحه سلمي و آيه
ملك : مروحتيش ليه
سوزان : وهو قالي دا قالي بعد ما مشيو من عندهم اكيد مراته هي الي قالتله ميقولش
ملك : اكيد مش كدا يا ماما
سوزان : هو انتي هدافعي عنها انتي كمان
ملك قامت ومسكت شنطتها : لاا يا ماما
سوزان بصتلها : رايحه فين
ملك : رايحه الكليه
سوزان : مش تفطري
ملك : ماليش نفس
سوزان : بلاش تاخيرك الي زاد عن حده دا
ملك : حاضر
ملك نزلت وركبت تاكس ونزلت قدام المطعم الي بتقابل في مراد دخلت وعلي امل أنها تلاقيه بس ملقتهوش وخرجت
مراد خرج من الحمام الي في المطعم ورجع قعد علي
التربيزه علي متعود يقعد عليها مع ملك
مسك الفون وكان هيرد
مراد : ارن ليه دا حتي هي مجاتش علي نفسها وجات عشان تشوفني
قفل الفون وحاسب علي القهوة الي طلبها وبعدين خرج
ركب عربيه وراح علي الشركه
…………………………………….
البنات كانو خلصو اول محاضره وقعدو في الكافيه
نور : يوسف وسيف عاوزين انهارده تروحو معاهم المول
سلمي : دا ليه
نور : انا مش عارفه
آيه : انتي متعرفيش يا سوسا
نور بضحك : انتي واخده عني فكره غلط
سلمي : طيب بجد ليه
نور : هي المفاجاه من امتي بتتقال
آيه بضحك : قولي لينا انتي بس واحنا هنتفاجي
متشليش هم
نور بضحك : يا بنات هي كلها كام ساعه وهتعرفو
سلمي : منك لله يا نور
نور بضحك : المنشاوي يزعل لو قولتلك
سلمي بابتسامة : لاا يزعل ليه خلاص متقوليش
نور بضحك : بت يا توتا البت اتسبتت اول ما جات سرته
آيه بضحك : انتي ملاحظتيش نظراتهم قدام الكليه
سلمي بصدمه : هو انتو مركزين اوي كدا
نور بضحك : امال ايه كل حاجه واضحه قدامنا
نور بصت علي شهد الي ساكته : مالك يا شوشو
شهد بصتلها : مفيش يا نور
سلمي : لاا لاا احنا كدا نقلق بجد
آيه : مش عادتك انك تبقي ساكته مالك بقا
شهد : ماليش يا بنات بس مصدعه معرفتش انام كويس
نور : طيب تعالو نشرب ايس كوفي ونتي تبقي زي الفل وبعدين ندخل المحاضره
البنات : اوك
بعدين البنات جابو ايس كوفي ودخلو المحاضره
…………………………
فارس كان قاعد في مكتبه بيشتغل والباب خبط
فارس : ادخل
ندا : حضرتك الورق الي طلبته
فارس اخد الورق وبص عليه
فارس : ايه دا يا ندا مش دا الي طلبته منك
ندا : ليه يا فندم بس ايه الغلط
دا زي ما طلبته حضرتك
فارس بعصبية : انتي كمان مقصره في شغلك وبتجادليني
ندا سكتت
فارس : اتفضلي علي مكتبك
ندا خرجت وفارس بص في باقي الورق ولقيه زي ما طلبه
فارس : هو انا ازاي مش مركز كدا يعني البت مش غلطانه واتحملت عصبية انت مش مركز ليه يا فارس الله يسامحك يا بابا انت السبب
ساب الورق ورجع بالكرسي لورا : اعمل ايه دلوقتي الموضوع متعقد بجد
رجع بص للفون ومسكه ورن علي نور الي مرديتش
فارس : يا غباءك ما هي اكيد معاها محاضرات .. اعمل ايه محتاج اتكلم معاها
قام وقف قدام شباك كبير وكان ماسك القهوة بيشرب
منها وبعد شويه رجع كمل شغله
…………………………………
آيه كانت خلصت المحاضره وخرجت وكانت معاها
صحبتها ريهام
ريهام : كل دا ونا معرفش
آيه بضحك : والله ما كان حد عارف حاجه كل حاجه
كانت فجاه
ريهام بضحك : عالعموم الف مبروك يا توتا
اسراء جات عليهم فجاه : الف مبروك علي ايه
آيه بضحك : انتي كل مره تجي كدا تخضينا
ريهام : دي آيه اتخطبت
اسراء : اه ما انا لما مش باجي كتير مش متابعه اي اخبار
ريهام بضحك : هي الاخبار لسه جديده اصلا
اسراء بضحك : طيب وايه الواد مزه يابت
آيه بضحك : يخرب بيت لسانك دا يابت انتي متجوزه
اسراء بضحك : هو في فحلاوه جوزي حبيبي
ريهام بضحك : بتقلب في ثانيه
اسراء بضحك : بس اوعي تغلطي غلطتي
آيه بضحك : غلطه ايه
اسراء : متجوزيش غير لما تخلصي كليه الاول انتي مش شايفه اني مش عارفه اعمل ايه حاجه الكليه مش باجيها
كل يوم والاولاد بسبهم مع ماما ومحمد عاوزني اسيب
الكليه عشان ياسين وسلمي
آيه : هما عاملين ايه حبايب قلب توتا
اسراء : مطلعين عيني
ريهام بضحك : ربنا يكون في عونك بجد جوز وعيال
وكليه دا انتي يتعملك تمثال
اسراء بضحك : هعمله بعد ما اخلص الكليه دي عشان
يشوف الإنجازات الي حصلت
آيه بضحك : سيبك منها امتي هتجوزي انتي وممدوح بقا
ريهام : والله سافر ولسه محددناش معاد الفرح
اسراء : اسمعني نصحتي يعني الجواز هيروح فين
آيه بضحك : ابعدي منها دي لو سمعتي كلامها مش
هتجوزي دي هتعمل كل الي كانت عاوزه تعمله فيكي
ريهام بضحك : متقلقيش
آيه بضحك : طيب بقا همشي انا
اسراء : هي الخطوبه امتي
آيه : بعد يومين هستناكم
اسراء : من النجمه هتلاقيني عندك انا وحبايب قلبك
آيه بضحك : تنوري يا حبيبتي .. ونتي يا ريمو هستناكي
ريهام بضحك : هتلاقيني مع اسراء
آيه : ماشي يا حبايبي يلا سلام
اسراء وريهام : سلام يا توتا
آيه مشيت وراحت للبنات كان واقفين سوا
سلمي : فينك كل دا
آيه : جيت اهو
نور : طيب يلا بينا
شهد : طيب يا بنات انا ماشيه
نور : ماشيه فين احنا هنروح سوا
شهد : انا اروح ليه كل واحد مع خطيبته
سلمي بضحك : ما اهي نور حاشره نفسها تعالي انتي كمان
نور بضحك : وهي تبقا مفاجاه حلوه من غيري
شهد : لا روحو انتو مراد هيجي ياخدني
آيه : شهد خلاص انتي هتروحي يعني هتروحي
شهد حاولت أنها متروحش معاهم عشان متشوفش سيف بس مش فايده بعد شويه كان يوسف وصل بالعربيه وسيف والبنات ركبو ويوسف مشي
………………………………….
مالك كان قاعد في مكتبه في المستشفي والباب خبط
ودخل عمر
وشاف مالك قاعد سرحان
عمر : مالك يا مالك
مالك : ايه يا عمر في حاجه
عمر قعد وبص لمالك : انت الي في حاجه
مالك : لا مفيش حاجه انا كويس
عمر : بالشكل دا انت كدا كويس
مالك يضيق : انت عاوز توصل لايه يا عمر
عمر : انا بس عاوز اطمن عليك
مالك : قولتلك كويس خلاص بقا
عمر : طيب عن اذنك
مالك : عمر
عمر رجع بصله : نعم يا مالك
مالك : انا اسف انا بس متلخبط الفتره دي حقك عليا
عمر بابتسامة : ولا يهمك اهم حاجه انك كويس
مالك بحزن : عارف لما تبقا زعلان علي نفسك وعلي
حظك وعلي نفسيتك تقريبا دا ابشع احساس ممكن
تحسه في حياتك
عمر بصله بتفكير : انا مش فاهم كلامك بالظبط بس
الكلام دا ورا حاجه
مالك بابتسامة وجع : والله ولا انا فاهم حاجه
عمر : انا موجود لو احتاجت تتكلم معايا في اي حاجه
مالك بابتسامة : ماشي يا حبيبي
……………………………….
يوسف كان وصل قدام المول والبنات نزلو
سيف : هو مالك وفارس مش جاين
يوسف : لا انا قولت لفارس ومالك عارف هرن
عليهم اشوفهم
يوسف بعد شويه ورن علي فارس الي رد عليه
فارس : ايوا يا يوسف
يوسف : فينك يا بشمهندس فارس
فارس بابتسامة : خارج اهو من المكتب
يوسف : طيب يلا متتاخرش
فارس : طيب مالك معاك
يوسف : لاا شوفه وتعالو سوا
فارس : طيب يلا سلام
فارس قفل وخرج من المكتب وندا وقفت بصتله
فارس بصلها : ندا اسف مقصدش اتعصب عليكي
ندا : ولا يهمك يا فندم
فارس بابتسامة : اهم حاجه متزعليش
ندا ابتسمت : لاا يافندم
فارس خرج وركب عربيه ورن علي مالك الي رد عليه
فارس : ايه يا عم مالك خلصت
مالك : لاا ليه
فارس : هو انت مش عارف ان يوسف والبنات راحو المول
مالك : اه افتكرت هو قالي
فارس : طيب هعدي عليك
مالك : لاا روح انت انا معايا شغل ومش هينفع اروح
فارس بضحك : انت مستغني عن الخروج دي يعني
مالك بضحك : يابني والله معايا شغل
فارس : طيب هقول ليوسف ايه دلوقتي
مالك : متقلقش انا هقوله بعدين
فارس : طيب ماشي هكلمك تاني
مالك : ماشي مع السلامه
مالك قفل وعمر بصله الي كان قاعد قصاده
عمر : ليه يابني كدبت انت خلاص مش معاك شغل تاني
مالك رجع راسه علي الكرسي : كدا احسن ليا
عمر : انت فيك حاجه يا مالك
مالك اخد نفس طويل : مش عارف اشرح الي جوايا
عمر : طيب احكي ونا سمعك ممكن نوصل لحل
مالك بصلها : هي متعقده مفيهاش حل
عمر : ايه يابني كميه اليأس دي
مالك : كل الحكايه اني بحب بنت واتخطبت لصاحبي
عمر : طيب انت معترفتش بحبك ليها ليه
مالك : كل مره كنت بقولها كانت بتحصل حاجه كأنها
بتقولي انها مش ليك
عمر : انت بتحبها اوي كدا يا مالك
مالك : كنت فاكر اني بحبها بس اكتشفت اني بعشقها
مش متخيل أنها هتبقا لحد غيري
عمر كان هيرد عليه بس فون مالك رن وكان يوسف
مالك : ايوا يا يوسف
يوسف : يعني انت عاوز تسبني في يوم زي دا يا مالك
مالك بابتسامة : يا حبيبي والله مش بايدي انت عارف معزتك عندي
يوسف : طيب مفيش امل خالص انك تيجي
مالك معرفش يقول لاا ليوسف وعمر هز رأسه بأنه يوافق : طيب خلاص هجيلك
يوسف بابتسامة : متتاخرش
مالك : ماشي
مالك قفل وبص لعمر الي اتكلم : ايوا كدا بلاش تزعل صاحبك وهو اكيد صعب عليك انك تروح بس عشان
صاحبك
مالك بابتسامة : طيب ماشي همشي انا
عمر بضحك : هتمشي بالهدوم دي
مالك بص علي هدومه بضحك : والله ما بقيت مركز في حاجه
عمر : طيب يلا عشان متتاخرش
مالك غير هدومه وخرج من المستشفي وركب عربيته وبعد وقت وصل قدام المول ونزل ورن علي يوسف
مالك : انا قدام المول انت فين بالظبط
يوسف : ادخل الدور التاني هتلاقي محل فساتين
مالك : طيب
مالك دخل وطلع الدور التاني واول ما دخل المحل لقي آيه لابسه فستان حلو جدا وتاه في جمالها
آيه بابتسامة : طيب بالله عليك يا مالك مش الفستان حلو
مالك بصلها بابتسامة : زي القمر عليكي
سيف بغيره : قمر ايه ياعم مالك
مالك بابتسامة : قصدي الفستان حلو
نور بضحك : حاسب بقا عشان آيه بقيت خط احمر
مالك بابتسامة : اكيد مش بقيت تبع سيف
يوسف : سيبك منو يا آيه اهم حاجه عاجبك
آيه بابتسامة : ايوا عجبني
نور : يبقا خلاص هناخدو
سيف : انا ماليش اي رايك كدا يعني
فارس بضحك : ما انت لو من الاول قولتلها حلو
عليكي مكانتش اخدت راي حد
سيف بضحك : والله عم مالك قطع اللحظه اول ما دخل
يوسف : طيب يلا بينا
كلهم خرجو من المحل ودخلو محل بدل ومالك وفارس اختاروا مع يوسف وسيف وبعدين راحو مطعم واتغدو وخرجو من المول وركبوا العربيه وكل واحد روح
………………………………….
آيه وسلمي فرجو زينب علي الفساتين الي عجبوها
زينب بدموع وابتسامة : مش مصدقه لحد دلوقتي
سلمي : طيب بتعيطي ليه يا زوزا
زينب : بناتي كبرو خلاص وهيسبوني
آيه : مين قال إننا هنسيبك دا لسه بدري اوي علي الكلام
دا اشبعي مننا براحتك
زينب بابتسامة : طيب يلا ادخلوا غيرو هدومكم
سلمي وآيه : حاضر
سلمي وآيه كل وحده دخلت اوضتها
وعند آيه اول ما دخلت الأوضه فونها رن وكان سيف
آيه : ايوا يا سيف
سيف : ونتي دلوقتي فاكره سيف
آيه : هو انت ليه بتكلمني بالطريقه دي يا سيف
سيف بعصبية : يعني كمان مش عارفه
آيه : يعني انا لو عارفه هسالك
سيف بعصبية : بتاخدي رأي مالك بتاع ايه دا انا
ماختيش رأي
آيه : طيب ونت فهمتها بالطريقه دي ليه انا مش
قصدي حاجه
سيف بعصبية : آيه لتاني مره بقولك تجنبي غيرتي
آيه : هو انت اي حاجه هتحصل هتتعصب عليا كدا
دا احنا خطوبتنا بعد يومين لو هتفضل كدا بلاش احسن
سيف بعصبية وغيره : لاا ما خلاص مبقاش بمزاجك هو
آيه بعصبية : امال بمزاجك انت يعني
سيف بعصبية : صوتك ميعلاش مره تانيه هيكون
احسن ليكي
آيه بعياط : طيب انا عاوزه اقفل دلوقتي
سيف : طيب انتي بتعيطي ليه دلوقتي
ايه بعياط : بقولك عاوزه اقفل
سيف بنرفزه : انا مش بتكلم معاكي
آيه بعياط : ونا بقولك عاوزه اقفل مش عاوزه اتكلم
سيف بعصبية : انا غلطان سلام
سيف قفل وآيه بصيت علي الفون وعيطت
وسلمي دخلت عليها الاوضه لقيتها بتعيط
سلمي : توتا حبيبتي بتعيطي ليه
آيه بعياط : دا سيف
سلمي : ماله
آيه حكتلها الي حصل بينها وبين سيف
سلمي : معلش يا حبيبتي هو غيران عليكي بس
آيه بعياط :انتي مشوفتيش طريقته في الكلام معايا
يا سلمي دا بيزعقلي وقفل في وشي بدل ما يصالحني
سلمي : اكيد هيصالحك بس انتي اهدي طيب تعالي
يلا نخرج برا
آيه مسحت دموعها : لا انا هنام
سلمي : طيب يا حبيبتي
سلمي خرجت وآيه نامت بعد عياط
- لقراءة باقي فصول الرواية أضغط على (رواية عانيت لأحبك)
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)