رواية جبروت جد الصعيد الفصل السابع 7 بقلم ياسمين علاء الدين

لو عاوز تقرأ الفصول الجديدة من الرواية دي بشكل حصري قبل صدورها

أنضم لقناتنا على تليجرام (من هنا)

البارت السابع

السابع

استغفر الله العظيم و اتوب اليه

…

بعد اسبوعين

في العربيه

حنين فكت الجبس : الحمد لله . ده انا كنت مخنوقه منه

حامد : حمد لله علي السلامه
حنين : الله يسلمك

حامد : نرجع البيت وله عايزه تخرجي
حنين بطفوله : بجد عتخرجني
حامد : بجد يا حبيبتي.
انطلق بالعربيه وهي فرحانه أنه هادي و بيعاملها كويس

…….

في القاهره مع علي و زهره

علي : بس أكده ورقك خولص وتقدري تذاكري في البيت وتروحي علي الإمتحانات . دي كتبك ولو احتجتي لاي شئ انا موجود

زهره : شكرا يا علي ، ربنا يخليك

علي: اهم شي تخلي بالك من مذاكره.

زهره : معتخافش

خدت الكتب وهي فرحانه ودخلت اوضتها

في الوقت ده كانت مني بتتصل بعلي

علي رد : الو يا حبيبتي

مني : انت فين . بتصل عليك بقالي كتير

علي: انا في البيت . في حاجه وله ايه

مني: انا قريبه من البيت . هاجي اشوفك ؟

علي اتوتر : تيجي البيت كيف . لع مينفعش تيجي البيت .

مني : فيها ايه . انت مش قولت أن اختك معاك ..عايزه اتعرف عليها .. وله انت في حد تاني معاك ومش عايز تقول .اعترف يا علي

علي : مفيش يا حبيبتي . تعالي تنوري . انا بس مش حابب تتعبي نفسك

مني : مفيش تعب . . عشر دقائق واكون عندك

قفل علي الموبيل وجري بسرعه علي اوضه زهره فتح الباب وهي بصتله باستغراب : في ايه .

علي : مني جايه علي أهنأ
زهره : وه . كيف يعني جايه البيت أهنا..

علي : عايزه تتعرف على اختي . يعني عليكي . باينها وقعه مربربه

زهره اضيقت : هو العادي أن البت تروح لشقه شاب . مش عيب أكده

علي : ما هي عارفه انك أهنأ ..

زهره. : افرض كنت بتكدب عليها . ومحدش معاك في الشقه. كانت عادي حتيجي

علي : انتي مش هتفهمي ، هي واثقه فيا . لو ممكن ناجل الكلام في الموضوع ده لحد اما تمشي ..

زهره نفخت بضيق

علي : زي ما اتفقنا انتي اختي

زهره : ماشي ..

وصلت مني ورحب بيها علي وخرجت زهره ليها

مني : اهلا انا مني . اكيد انتي اخت علي
زهره : انا زهره . اهلا بيكي. نورتي .

مني : مكنتش اعرف ان اختك حلوه كده يا علي
زهره : شكرا من ذوقك، .. اتفضلي اقعدي واقفه ليه

علي بص لزهره : هتدخلي تنامي يا زهره ..مش أكده

مني : تنام ايه . لسه بدري . وبعدين انا جايه اتعرف عليها

زهره بتبص لعلي ومش عارفه تتصرف ازاي الموقف محرج مهما كان هي مراته وهو بيحرجها ، عايزه تعيط ..

وقفت ودخلت المطبخ تهرب

.. علي : تعالي اعزمك علي الغداء بره
. مني : انا لحقت اقعد .عايزه اتعرف علي اختك .

علي : زهره مش بتحب تتعامل مع الناس . انطوائية

مني : بس احنا هنكون أهل ولازم نتعرف علي بعض اكتر . مش كده يا حبيبي .

. دخلت زهره علي الكلمه

..حطت العصير : عن اذنكم هدخل ارتاح علشان عندي صداع

مني : انا شكلي ضايقتك اما جيت .انا بس كنت عايزه اتعرف عليكي ونكون أصحاب

. ابتسمت بسخريه : صحاب !!

.. علي : مره تانيه يا مني . اتعرفو علي بعض في مره تانيه .

مني : ماشي . انا اسفه بجد لو ضايقتك
زهره : محصلش حاجه . تعالي اقعدي نتكلم مع بعض ..

مني قعدت جنبها وهي فرحانه : قوليلي بقي بتدرسي وله خلصتي

زهره بتتكلم معاها ،،وعلي قاعد يراقبها وهو مش علي بعضه . خايف تغلط وتبوظ الدنيا

*******

مع حنين وحامد كان الوضع زي العاده مشتعل

رجعت البيت وهي مكشره من تصرفاته الغبيه. بعد ماضرب واحد والناس اتفرجت عليهم وكان هيموته في ايده …

حامد. : افردي خلقتك دي ؟

حنين : لع ولعلمك بقي دي اخر مره تقولي نخرج مع بعض ..

حامد ببرود : يكون احسن .عملتي فيا معروف

حنين اتعصبت : قول بقي انك تقصد تعمل أكده . عايز تزهقني عشان مقولش نخرج

حامد : احسبيها زي ما تحسبيها.

حنين : عمري ما شوفت حد بيعمل اللي بتعمله .. يعني تضروب الراجل من غير سبب … ده انت كنت هتقتله في يدك

حامد بغضب : يموت وله يروح في داهيه .. يستاهل اللي حوصله

حنين : انت معندكش احساس . جبروت ، تقتل بسهوله أكده . ارواح الناس لعبه في يدك

. حامد مسك أيدها بقوه : انا مبحسش وجبروت وقولي زي ما تقولي .. و اي حد يفكر بس يجيب عينه عليكي هفقع عينه . انا راجل و محدش يبص لمرتي ويعاكسها .

حنين سكتت لا نها متعرفش اللي حصل قالوله بندم
: انا مكنتش اعرف . مخدتش بالي أنه عمل حاجه

حامد: وانتي كنتي عايزه تخدي بالك كيف يعني ولعلمك عينك في أي مكان تبق عليا انا وبس علشان مفقعهمش وتمشي عميه

حنين : تفقع ايه . هي سهله أكده

حامد : ايوه سهله أكده وبقولك اهو انا غيرتي وحشه واتقي شري

مش عارفه ليه عجبتها غيرت حامد عليها ضحكت

حامد : بتضحكي علي ايه يا بجره. احنا مش بنتخانق

حنين: لع مش بنتخانق ..بس هنتخانق حالا بسبب بجره دي مش قولتلك ١٠٠ مره قبل سابق متقولش بجره . انت عتحب تضايقني

حامد : هو أكده . عاجبك

حنين : لع مش عاجبني. قول اسمي .. حنين ايه الصعب فيها . قول مرتي . قول اي حاجه تاني

حامد : ينفع اقول حبيبتي

ضحكت : وه . متبوظش العركه . احنا بنتخانق يبق تلتزم

حامد : خلاص مليش مزاج اتخانق ..

حنين بصوت واطي :احسن برضيك .. انسان براس جاموسه

حامد ؛ تعالي أهنأ. بتقولي ايه

حنين : مش قولت .. انت سمعت حاجه

حامد : قولتي ايه
حنين اتوترت: بص انا مقولتش ده لساني هو اللي بيتكلم لوحده

حامد : كيف يعني . في لسان بيتكلم لوحده

حنين : لساني . هو بيعمل أكده . معرفش ليه

حامد : علشان عايز يتربي زي صاحبته . الاتنين عايزين ينعاد تربيتهم

حنين: بالله عليك يا حامد. مقدرش اضرب ..لسه خارجه من جبس .
حامد شد ودنها : يبق تتادبي

حنين : حاضر هتادب . مش هتسمع صوتي. هتلاقي نسمه ماشيه في البيت .

حامد : اما اشوف آخرتها معاكي ايه يا حنين .

حنين : اخرتها خير يا خويا

حامد. : اخوكي .. والله عيب في حقي .

حنين : تقصد ايه

حامد : هقولك حالا …

قرب منها ????

**********

مشيت مني وعلي نزل يوصلها بعد ما قعدت مع زهره واتكلمو كتير .. زهره فتحت الكتب تقرأ فيها وتشغل نفسها في حاجه

علي رجع : زهره .. زهره

خرجت من اوضتها: نعم

علي: تقدري تفهميني ليه وافقتي تخرجي مع مني

زهره : هي اللي طلبت مني الخروج قدامك . كان مفروض اتصرف ازاي. مفروض تشكرني اصلا

علي: واشكرك علي ايه بقي أن شاء الله

زهره : تشكرني عشان انا مكسفتهاش وعملتها كويس

علي زعق بصوت عالي: انا فاهم كويس انتي بتعملي ايه.. انا خابر انك عايزه تبوظي علاقتي معاها. اتصلي بيها حالا وتقوليلها انك مش هتخرجي معاها .

زهره اضيقت : انا لو عايزه ابوظ علاقتك بيها كنت قولتلها أنك كداب. واني مش اختك وان انا مين بالظبط

علي: اه . قولي بقي انتي بتهدديني . بس لعلمك لو قولتلها هيكون يوم اسود علي دماغك

زهره : بلا اسود ..بلا ابيض . قولتلك مش هقول.

دخلت الاوضه ورزعت الباب : انسان قليل الذوق مش بيحس .. بعد كل اللي عملته بقيت انا وحشه.
جبروت علي راي حنين

.. فتح باب الأوضه .. زهره : عايز ايه

علي : اتصلي بيها وقوليلها انك مش فاضيه

زهره بغضب : اولا أكده في باب تخبط عليه لاول قبل ما تدخل .. ثانيا بقي انا مش هتصل بحد وعند فيك هخرج معاها

علي : طيب انا هكسر رجلك دي قبل ما تخرجي معاها

زهره : تكسر رجلي . هي حصلت تقولي أكده .. والله يا ولد عمي لو كسرت راسي ل هخرج . واعمل اللي تعمله

علي : متتحدنيش يا زهره

زهره : انت اللي بديت لاول.

علي: طيب مفيش خروج من البيت. وابقي قابليني. لو خرجتي

زهره ؛هقبلك فين

علي بصلها بغضب وخرج من الاوضه وهي قفلت الباب: ماشي يا علي. طيب والله لاخرج. هي قفلت معايا

في اوضه علي

كان رايح جاي يفكر في حل علشان خايف زهره تغدر بيه وتقول لمني وهو خايف أنها تعرف

اتصل بمني : اخبارك ايه يا حبيبتي

مني ضحكت :هههه . لحقت اوحشك ما انا لسه كنت معاك

علي: انتي بتوحشيني دايما.. كنت عايز اقولك حاجه

مني : قول

علي : زهره مش هينفع تخرج معاكي
مني : ليه بقي . انت خايف عليها مني. انا لاحظت انك مش عايزها نقرب من بعض

علي: الموضوع مش أكده . اصل زهره. مريضه

مني : مريضه كيف . هي كانت بتتكلم كويس معايا وشكلها مش تعبان

علي: انا هقولك بس متقوليش لحد ولا حتي ليها علشان متتضيقش وكمان متتعبش اكتر

مني : مش هقول والله. مالها في ايه

علي: عندها مرض نفسي ، انا مش هقولك هو ايه المرض ،، بس اقدر اقولك أنها عندها هلاوس وممكن يحصلها صرع أو تتخيل حاجه محصلتش . فهماني

مني اتاثرت: يا حرام .. مع أن شكلها طبيعي

علي : هي الحاله بتجلها علي فترات يعني مره تكون كويسه ومره تانيه لا . علشان كده جبتها معايا اعرضها علي دكتور نفسي

مني : انا استغربت برضو أنها معاك . ربنا يشفيها. بقولك ايه ابن عمي دكتور نفسي شاكر ايه رأيك أحجزلك ميعاد معاه

علي: طبعا لا .. هي متابعه مع دكتور عارف حالتها . انتي بس اوعي تقوليها حاجه

مني: لا . متخفش مش هقولها …

ارتاح علي بعد ما اقنع مني أن زهره مجنونه

******

يتبع

لقراءة باقي فصول الرواية أضغط على (رواية جبروت جد الصعيد)

لو عاوز تقرأ الفصول الجديدة من الرواية دي بشكل حصري قبل صدورها

أنضم لقناتنا على تليجرام (من هنا)

البارت السابع

اترك تعليقاً إلغاء الرد