رواية غيث ونوسة – اسرار خلف الأبواب الفصل التاسع 9 بقلم نوسة حمد

رواية غيث ونوسة – اسرار خلف الأبواب الفصل التاسع 9 بقلم نوسة حمد

 

 

البارت التاسع

 

الايام بقت تجري والاسبوع قرب يخلص وابوي م خلا شغل م اشتغلو ولما الوراهو والقدامو وادين ما خلا حاجه م عملها قال لي انا لا قدره لا حيله والقروش م تمت المبلغ القالن طليقك ابقا الا ابيع البيت قلت ليهو تبيعو كيف يابا وتقعدو وين قال لي لكن اسوي شنو بترضي اشيل منك ولدك مجرد احساس انو يشيل مني ولدي قاتل دموعي بقت جاريه قلت ليهو م بقدر انا ممكن اموت ي ابوي لو شال ولدي ولدي لسه صغير محتاج لي قال لي طيب ماف حل انا بعرض البيت وما بكلم اخواتك الا يوم اجي استلم القروش قلت ليهو نبيع دهبي قال لي دهبك بجيب قلت ليهو نحاول احتمال اجيب مشيت جبتو ليهو وقلت ليهو امش اصرفو ابوي مشا وجا راجع شايل الدهب قال لي دهبك دا م بعمل شي خلي معاك المبلغ الدايرو الولد دا غير البيت لو كسرت رقبتي ماف شي تاني بجيبو قلت ليهو اصبر يابا النتصرف سوسن راجلا غنيان الندين منو ابوي قال لي اوعك تدخلي نفسك في حته ضيقه مابدوك انا متاكد قلت ليهو النجرب قال لي لا م سمعت كلامو شيلت ولدي ومشيت لي سوسن قلت ليها اديني لينا من راجلك قالت لي بري راجلي في القروش م بتفاهم كافر قلت ليها دين يا سوسن والله انا اشتغل واسددن قالت لي يختي المبلغ القالو راجلك دا كان كسرتي رقبتك ما اظنك توفريهو قلت ليها ياريتنا ما فلسنا الدولاب قالت لي انا قايلا راجلك بتاع دراما قلت ليها والله هو م بتاع دراما وانا متاكده دي امور سلمي عشان عارفه ابوي م عندو قروش بتكون قالت لي قول ليهم كده وانا متاكده انهم قاعدين مع بعض واحتمال في بيتي لانو غيث الشافتو عيني دا م غيث الكنت متزوجاهو قالت لي ياهو زاتو بس انتي يختي كنتي عمياء وطرشه قلت ليها معليش قسمتي كده هسي خليك من الكلام دا يعني ماف طريقه تدينينا قالت لي والله ماف اي طريقه ويختي اجدعي ليهو الولد قلت ليها سوسن عليك الله ختي

 

 

نفسك مكاني لو اختلفتي مع راجلك بترضي يقلع منك ولدك العمرو شهور دا قالت لي م بقدر والله وعارفاها حاره بس انتي الزول دا خيرك خيار صعب تتحلي منو كيف قلت ليها ربك كريم بتتجازف من بيت ناس سوسن شيلت ولدي ومشيت بيتي ضربت الجرس المره الاولي ماف زول فتح المره التانيه التالته جاتني سلمي تكركر في كرعينا شكلها كانت نايمه قالت لي مرحب عايزه حاجه قلت ليها غيث وين قالت لي غيث نايم قلت ليها متين قاعد انوم زي الوقت دا قالت لي بقا ينوم قلت ليها ممكن تمشي تصحي لي قالت لي طيب ودخلت وحركاتها كانها بتغيظ فيني انها انتصرت علي وشالت راجلي مني انا العبره خنقتني ودموعي جرت بس مسحتهم قبل غيث م يجي طوالي جاني هو وشكلو شبعان نوم قال لي فشنو مصحياني من النوم قلت ليهو غيث ممكن اتكلم معاك برانا عاين لي سلمي وعاينت ليهو قال لي اتكلمي انا وسلمي واحد ☝🏼 قلت ليهو معليش بس ممكن تخليها تدخل قال لي عايزه تتكلمي اتكلمي م عايزه تتكلمي اتخارجي قلت ليهو طيب ي غيث انا جيت اقول ليك ابوي م قدر علي المبلغ القلت اننا سرقناهو ونحنا اصلا مبلغ زي دا بعينا م شفناهو قال لي م شفتيهو الوداك تكسري دولابي شنو قلت ليهو غلطه قال لي تتحملي نتيجه غلطك قلت ليهو غيث م مشكله هيني وزلني بس م تشيل مني ولدي. انا ولدي م بقدر اخليك تشيلو ولدي لسه برضع وصغير حرام عليك تحرمني منو قال لي تمام م بشيلو منك سلموني القروش قلت ليهو م قدرنا جبنا القروش كلها قال لي تمام جهزي الولد بي شنطتو قلت ليهو انت م عندك رحمه كده ليه ياخ حرام عليك انا جيت اترجاك اعمل خاطر للعشره الكانت بيني وبينك عشره السجم والرماد وانت م الراجل البتعمل خاطر للعشره قال لي انتي عملتي خاطر جايبه اختك وجايه عامله لي فيها عصابه قلت ليهو انت غلطت يا غيث وسلمي غلطت ما تداري غلطك قال لي سلمي انا بحبها مستعد ابيع عمري كلو عشانها قلت ليهو معقوله كنت بتغش فيني قال لي عمري م حبيتك كنت بجامل فيك قلت ليهو كتر خيرك جاملتني م قصرت بس صدمتني قال لي اختصري عشان نحنا نعسانين عاينت لي سلمي واديتا دعوه من قلبي زي ما غلغلتني تتغلغل وما ترتاح وغيث ربنا انتقم منو قال لي بعد صلاه الجمعه بجيكم تمام عاينت ليهو ودموعي كانت في عيني وطلعت وصلت البيت لقيت ابوي جايط ويفتش فيني دخلت خشمي م

 

فتحتو وسحر اختي شغاله تقول لي هوي انتي ابوي دا ما سامعاهو جايط كيف وانتي بقيتي مطلقه م تطلعي ساي تجيبي لينا السمعه قلت ليها تسمعي الطرش انا م البت البتجيب سمعه انتي عارفاني كويس وما تشعللي النيران لي ابوي احسن تسكتي مني عشان ما اخسر فيك اخرتي واقتلك قالت لي بتعمليها انتي طلعت منها وكنت منهاره م نفسي اشوف البت دي طممت بطني موش هي اختي بس جد كرهتها م قادره اتقبلها بحس انها عايزه تعمل فيها هي الصاح وكل الناس غلط. انا في اصعب ايام عمري وهي شغاله تضرب فيني بالكلام المشكله انها بتتعمد تضايقني بالكلام انا عامله خاطر لي امي وابوي وعشان عارفاها متحديه اتجاوزتها مشيت قعدت في المظله وولدي كان ببكي شكلو عيان ابوي جا لقاني سرحانه والولد يبكي قال لي كنتي وين قلت ليهو مشيت لي سوسن ومنها مشيت لي غيث قعد اكورك قال لي الوداك لغيث شنو انتي مرقتي من عصمتو وانا بقيت ولي امرك عايزه الناس يقولو شنو وكنت ببكي قلت ليهو ابوي الناس اقولو البقولو انا م شغاله بيهم عاين لي حالي دي انا من اطلقت لا في السماء لا في الارض ولدي ما قادره عليهو والهم ح يكتلني قال لي شايفاني انا المرتاح انا سكريني في السماء وبرضو م جايب لنفسي خبر ما عايز احرمك من ولدك تاني م تطلعي من البيت وانا خلاص لقيت زول اشتري البيت قلت ليهو منو قال لي ح ابيعو لي عمك صابر قلت ليهو عليك الله لا يا ابوي قال لي اعمل شنو ي بتي واول مره اشوف ابوي يبكي هو يبكي وانا ابكي قلت ليهو اعفي لي ومشيت ختيت اوراق ولدي في الشنطه واوراقي وانتظرتهم نامو والساعه جات ٢صباحا شيلت ولدي وطلعت ماعملت حساب لي اي شيء غير انو ابوي م يبيع البيت وغيث مايشيل مني ولدي ……….يتبع

 

 

• لقراءة باقي فصول الرواية أضغط على (رواية أسرار خلف الأبواب)