روايات

رواية جبروت جد الصعيد الفصل الثامن 8 بقلم ياسمين علاء الدين

لو عاوز تقرأ الفصول الجديدة من الرواية دي بشكل حصري قبل صدورها

أنضم لقناتنا على تليجرام (من هنا)

البارت الثامن

جبروت حكم جد الصعيد

الثامن .. .

سبحان الله وبحمده

مرت الايام ..

حامد وحنين حياتهم مستقره … علي و زهره مفيش جديد .

زهره زهقت من قاعده البيت ، هي مش بتخرج وطول الوقت قاعده لوحدها علي بيجي ياكل ويدخل اوضته

زهره : ايه الملل ده
بس الباب خبط فتحت كانت مني : زهوره عامله ايه
زهره : الحمد لله . علي مش هنا

مني : انا عارفه انا جايه عشانك

زهره : اتفضلي .

قعدت مني : اخبار الدنيا ايه معاكي
زهره : مش فاهمه

مني ‘ : يعني الجو . هنا احسن وله في البلد

زهره : الاتنين واحد مش بخرج من البيت .. بس هناك كان في البيت ولاد اعمامي واهلي هنا بقي بكلم نفسي .

مني : انا فكرت علي بيخرجك

زهره ضحكت : لا. علي معيخرجنيش

مني : خلاص البسي وتعالي نخرج

زهره كانت هترفض بس افتكرت علي وقفت وهي مصره تعانده : تمام ..ثواني بس هلبس واجيلك

لبست زهره وخرجت مع مني من غير ما تقولي لي علي

مني : كل يوم نروح مكان مختلف . ايه رايك

زهره : ماشي .. دلوقتي هنروح فين

مني : اممم . بصي انا كنت عايزه اشتري فستان تيجي معايا

زهره : ماشي .

مني راحت مع زهره واشترت فستان وزهره اشترت هدوم ليها ..
مني : ما تيجي نغير لون شعرنا. بتجددي في نفسيتك

زهره : والله فكره . يلا بينا

غيرت مني وزهره لون شعرها وعملوا قصه جديده

زهره : الوقت اتاخر اليوم هرجع البيت وبكره بقي نخرج

مني : طيب تعالي اوصلك ..

وصلتها مني وزهره رجعت البيت وكلمت حنين ومامتها زي كل يوم. وبعدين جهزت العشا ودخلت اوضتها تذاكر شويه

……

في بيت العائله

دخل حامد معه فتاه بشعر اصفر وجميله عمرها ٢٢ سنه …

حنين : يا صلاه الزين . مين عروسه المولد دي

حامد بصلها بتحذير علشان تسكت بس طبعا حنين مبتعرفش تسيطر علي لسانها : متبرقش أكده . قول مين البت الملزقه دي

البنت بصت لحامد. اللي ابتسم : احم .. مرتي دمها خفيف وبتحب تهزر . المكتب من أهنأ .

حنين: واسمه ايه ده ، قلبي مش مرتاحلك يا حامد قولي مين دي

حامد حط أيده علي بوقها : اخرسي يا حنين ولينا حساب مع بعض ..

حنين : اوعي أكده . مدخلها المكتب ليه يا حامد

حامد دخل الضيفه المكتب وقفل الباب وبص لحنين وهو بيشمر اكمام الجلابيه . جريت بسرعه من قدامه : انت فاكر يعني اني هخاف . لا ياخويا . انا معخفش من حد

حامد : طيب اقفي لو مش خايفه

حنين : لع . مش هقف . انا بحب أجري أكده ، الرياضه مفيده للجسم ..

حامد : وربنا يا حنين . لبكون يومك مش معدي . عمال ابصلك عشان تحترمي نفسك . بس هقولك ايه. بجره

حنين : بس متقولش . بجره . وقولي مين دي . اتجوزت عليا اياك . ما انا عارفكم رجاله خاينه

حامد : جاك خابط في نفوخك اكتر ما هو مخبوط . دي ضيفه يا بجره

حنين : برضو هي مين

حامد نفخ : مخبرش جايه لجدي

حنين وقفت : وه. هو لسه فيه نفس . ده صحته علي قده …

وقبل ما تكمل كان جدها ضربها بالعكاز علي كتفها : يا جزمه قديمه. انا فيا صحه احسن منك انتي وجوزك

حنين جربت واستخبت ورا حامد : ده انا كنت بهرج معاك يا جدي. ده انت عليك صحه زي الجبل . اللي في سنك بيمشو علي كرسي

الجد رفع العكاز علشان يضربها تاني : عتفولي عليا يا بنت الفلطوس. الله اكبر في عينك

حامد رفع أيده علشان يحميها : دي هبله يا جدي. .هتاخد علي كلامها . ادخل انت شوف الضيفه

الجد : ربيها البت دي قليله الحيا . الله يرحمك يا صادق مت قبل ما تربيها

حنين بصوت منخفض : اهو ارتاح منك ومن خلقتك

الجد دخل المكتب و حامد لف لحنين اللي واقفه وراه ولسه بتشتم في الجد

مسك ودنها وهي اتوجعت : اااه . وداني هتتقطع في يدك

حامد : ولسانك كمان يتقطع في يدي .. اعمل فيكي ايه علشان تلمي لسانك . كلمتك بالعقل ومفيش فايده .. ضرب وضربتك ، عقاب وعاقبتك اعمل ايه تاني

حنين هتعيط : يا حامد ودني .. هو انت اللي داخل عليا بواحده غريبه وعايزني ازغرد . وله اعمل ايه

حامد : تساليني بالعقل مين دي .مش تطولي لسانك عليها .

حنين حطت أيدها في وسطها واتكلمت بغيره : وانت بقي خايف عليها ليه.. كنت تعرفها وله كنت تعرفها. قول الحقيقه

حامد ضحك : هي البجره بتغير وله ايه

حنين. : اه بغير من حقي اغير ..مش جوزي

قهقه بصوت عالي : جوزك يا بجره . بس انتي في عيني . و مفيش في قلبي غيرك يا جزمه قديمه . ومعيزش يكون ليا حرمه غيرك

حنين : بعيدا عن التلوث السامعي اللي قولتله بس احلف أكده انك متعرفهاش

حامد : انا قولت انتي بجره .

حنين. : متغيرش الموضوع أحلف أكده

حامد : والله ما اعرفها . هي جت وسالت علي جدي . اتصلت بيه وقالي يجيبها علي الدار ..

حنين : تفتكر الراجل ده عيتجوز

حامد : يتجوز ايه دي قد أحفاده
حنين : يعملها ده جبروت

حامد : لع . الموضوع شكله غير أكده

حنين بصتله بحب قربت من حامد وشدته من الجلابيه : وطي أكده شويه وانت شبهه الحيطه مش عارفه اطولك

ضحك ووطي ليها : خبر ايه عاد

حنين : هصلحك

حامد.ضحك : لع معيزش

حنين : خلاص ملكش في الطيب نصيب ده انا كنت هبوسك من خدك

حامد : من خدي . وجيتي علي نفسك ليه ..

حنين : علشان تعرف بس اني انا رومانسيه وقلبي ابيض كيف القشطه

حامد بصلها من فوق لتحت : انتي هتقوليلي علي يدي .. ابعدي أكده اما اشوف هعمل ايه

حنين : حااامد

حامد : ايه

حنين : متدخلش للبت المسلوعه دي

حامد : وه . تاني
حنين : بلا وه بلا حاه . متتدخلش وكمان بلاش تتكلم معاها

حامد : هشاور يعني

حنين : منتعاملش معاها وخلاص

حامد : اعقلي يا حنين . دي ضيفه واكيد جايه لجدي في حاجه شويه وهتمشي ومش هتشوفي وشها تاني .

******

في المكتب

البنت : قولت ايه

الجد يصلها شويه : بصي يا بتي . انا خابر ان صادق كان متزوج في مصر .. وخابر كمان انكم معاكم مبلغ كبير علشان تصرفو منه .

البنت : الفلوس خلصت ، احنا احفادك ومحتاجين مساعده

الجد : انا معنديش واحد يتجوز علي مرته . دي بنت عمه ليه يجرحها . وصادق غلط عشان أكده مقلش غير اما كان علي فرشه بيموت …

البنت : يعني انت بترفض تساعدنا ، امي قبل ما تموت قالتلي انك مش هتساعدنا بس انا قولتلها أنك مش هترمينا انا واخويا في الشارع .. هنتشرد ولينا عايله

الجد كان ساكت وبيسمعها وهو سرحان وافتكر قبل موت صادق اللي( هو ابو حنين ) واعترف أنه متجوز من واحده من القاهره ومخلف منها بنت وولد

الجد رفض يعترف بيهم وقتها وبعت ابنه ممدوح بمبلغ كبير عشان يخلص ذمته منهم

وقفت البنت : اسفه اني جيت . عن اذنك

ضرب الجد العكاز في الأرض : وقفي مكانك رايحه فين

البنت : ماشيه هقعد ليه مش انت رافض تساعدنا

الجد ؛ انتي قولتيلي اسمك ايه

البنت : شهد واخويا اسمه شهاب ..

الجد : خلصتي تعليمك يا شهد

شهد : اه. خلصت تجاره انجليش واخويا تاني سنه في كليه طب بيطري

الجد ؛ هتقعدي أهنأ معايا انتي واخوكي واللي يمشي علي الكل يمشي عليكم .. موافقه

شهد : موافقه

الجد : علي بركه الله . تعالي بقي اما اعرفك بالعائله

خرج الجد . وحنين كانت واقفه مع حامد بترخم عليه

الجد : حنين تعالي سلمي علي شهد

حنين لحامد: مش قولتلك عيتجوز ، اهو بيعرفنا بالعروسه

حامد : ياشيخه بطلي سؤ الظن ده

حنين : هتشوف ( . قربت من شهد ومدت أيدها ) ازيك يا عروسه . بذمتك انتي عندك دم .ده قد جدك

شهد : يعني ايه . مش فاهمه وسيبي أيدي بتوجعيني

حنين : يا بسكوته

حامد مسك نفسه علشان ميضحكش ..

الجد : شهد تكون اختك يا حنين

حنين : هههه. بتوهنا يا جدي . عرفنا اللي فيها يا خلبوص

لسه الجد هيرفع العكاز كان حامد شدها جنبه. : اعملي فيكي ايه

حنين وهي بتشاور علي لسانها : والله هو الطويل يا حامد

حامد : هقطع لسانك ده وهقلعه في رقبتك بلسلسه

الجد : بس انت وهي. مش وقت هزار . بقولكم ..
دي شهد صادق القاضي . بنت صادق ابوكي كان متجوز في القاهره . يعني انتي ليكي اخت و اخ كمان اسمه شهاب. وشهد هتيجي تعيش أهنأ معانا

حنين اتصدمت وعيطت : انت بتقول ايه . انا مليش اخوات و ابوي متجوزش علي امي .. انتي بت كدابه وانت راجل مفتري

الجد رفع العكاز علشان يضربها بس حامد وقف قدامه واقنعه يسيبها

الجد بغضب : لسانك لو طول تاني يا حنين هقطعه ، قليله الحيا

حامد : انا هكلمها يا جدي . عن اذنكم

مسكها حامد وطلع اوضتهم وهي بتعيط …

حامد : حنين اهدي

صرخت حنين : اهدا كيف يا حامد بيقولك اختي . دي مش اختي . ابوي ميتجوزش علي امي ده كان بيحبها قوي .

حامد حضنها : اهدي يا حبيبتي

حنين رفعت راسها ليه : مش انت خابر أنه كان بيحبها ، اكيد البت دي بتكدب . عايزه تبوظي سمعه ابويا

حامد اتنهد ؛ عتكدب ليه . بدل ما جدي قال هتقعد يبق هو كان عارف بوجودها قبل سابق

حنين عيطت اكتر ورفضت الفكره . اتفتح الباب ودخلت أم حنين ..

حنين : امي متصدقيش الكلام ده . دول ناس كذابه

. ابتسمت الام بطيبه :مش كدابين يا حنين . ابوكي قالي قبل ما يموت أنه متجوز عليا . وطلب مني اسامحه وانا يا بتي سامحته .

عيطت اكتر زي الاطفال وحامد بصلها بحزن

******

يتبع

لقراءة باقي فصول الرواية أضغط على (رواية جبروت جد الصعيد)

____

لو عاوز تقرأ الفصول الجديدة من الرواية دي بشكل حصري قبل صدورها

أنضم لقناتنا على تليجرام (من هنا)

البارت الثامن

اترك تعليقاً إلغاء الرد