رواية جبروت جد الصعيد الفصل التاسع 9 بقلم ياسمين علاء الدين

البارت التاسع

جبروت حكم جد الصعيد

التاسعه

سبحان الله وبحمده سبحان الله العظيم

علي رجع البيت خرجت زهره بصلها باستغراب : ايه ده. انتي عملتي ايه جديد

زهره : غيرت لون شعري . تجديد

علي : اممم . خرجتي أمتي

زهره : انهارده

علي : من غير ما تقوليلي. مش مفروض اعرف انتي نازله أمتي

زهره : مفروض ده اما تكون حضرتك مهتم . لكن انت اما بتصل بيك مش بترد

علي : يبق متنزليش

زهره : ليه بقي أن شاء الله . هفضل منتظهر جنابك اما نحن وترد عليا

علي : متنسيش انك اهنا معايا مش لوحدك. وانا الراجل وكلمتي تتسمع

زهره : الاه هي الرجولة اللي بتتكلم عليها متطلعش غير معايا انا ليه . يعني مش بشوفك بتتكلم أكده مع مني

علي : انتي عايزه تجيبي نفسك لمني . دي انسانه متعلمه ومثقفه ومعيده في الجامعه

زهره بصتله : لكن انا بت عمك تدوس عليها عادي ، اه اصلها متعوده علي أكده. الكل يدوس عليها . زي انت مش بتحترمني انا كمان مش هحترمك

علي : متخلنيش أمد يدي عليكي. انتي تحترميني غصب عنك

زهره : انت اكتر انسان متناقض انا شوفته بتتكلم عن المثاليه وازاي الوحده تحقق ذاتها وبتعاملني عكس أكده .

علي : بلاش صداع . قولتلك اللي هقول عليه يمشي

زهره : طيب اسمع بق يا استاذ علي انا عايزه اطلق عشان زهقت من القرف ده .

علي : اطلقي وارجعي لجدك يمرمطك

زهره : عمري ما تخيلت اني عحب جدي وراضيه يعمل فيا اللي هو عاوزه . نار جدي وله جنتك ..

سابته ودخلت اوضتها وهي بتعيط . بس حلفت أنها هتتغير مش هتفضل طول عمرها ضعيفه

******

في البيت الكبير

كان الوضع متوتر بعد ما الجد اعلن للكل أن شهد وشهاب ولاد صادق هيعيشو في البيت. بس طبعا محدش قدر يعترض وكل اللي عنده كلمه بلاعها

حنين اكتر واحده رافضه من وقت اما عرفت وهي مش بتبطل عياط . حاسه ان والدها خانها اما اتجوز علي امها.

حامد دخل الغرفه كانت متكوره علي نفسها فوق السرير ولسه بتعيط . قفل الباب وقعد جنبها

: هتفضلي أكده كتير . دي امك معملتش اللي بتعمليه ده يا حنين.

حنين : عشان هي كانت عارفه قبل سابق. وبعدين أنا عايزه اعيط . لو مضايق مني اخرج اعيط في أي مكان تاني

ابتسم حامد : عتعيطي فين. في الزريبه مثلا

حنين : الزريبه دي مكانك انت

حامد : مفيش فايده فيكي حتي وانتي بتعيطي مش سايبه حقك . هقطع لسانك ده في يوم

حنين بصتله بدموع : حامد

حامد : نعم يا قلبي

حنين : اوعاك في يوم تتجوز عليا . عشان وقتها هقتلك

حامد ضحك : هو اللي يجرب يتجوزك يجيله نفس يتجوز عليكي

حنين : قصدك ايه

حامد: قصدي انك عقدتيني من الحريم كلتها

حنين : احسن برضيك .

حامد حضنها وقبل جبينها : ما انا قولتها كتير بحبك يا بجره قلبي . ومعيزش احب غيرك

حنين غمضت عينها وهي في حضنه بسبب احساسها بالأمان. : انا كمان عحبك

******

بعد اسبوع

كانت شهد وصلت مع شهاب اخوها واتعرف الكل عليهم. حنين مش متقبله وجودهم في البيت و حاسه أنهم اغراب عليها

…. أما زهره فكانت بتخرج مع مني و حبيتها . شخصيه مني طيبه

زهره بتفكر تقولها أن علي كذاب وأنه شخصيه زباله غير ما هو راسم .

مني : مالك يا زهره . مضايقه ليه

زهره : عايزه اقولك علي حاجه . وصدقيني اما غصب عني . انا عشان حبيتك مش عايزاك تكوخ لشخص زيه

مني : قصدك ايه . فهميني يا زهره

زهره : علي مش اخوي علي ابن عمي وجدي غصب علينا نتجوز هتقولي وافقتم ليه. اقولك أن جدي ده راجل ظالم وجبروت ومحدش يقدر يقف قصاده . اينعم جوازي انا و ( علي) علي الورق بس . بس هو كذب عليكي . علي ده انسان كذاب ومنافق . انتي تستاهلي حد احسن منه

مني افتكرت كلام علي وهو بيقولها أن زهره عندها حاله نفسيه وهلاوس وأنها بتتخايل حاجات محصلتش فكرت أن الحاله جتلها سكتت شويه وهي بتفكر ترد عليها بايه

زهره :انا خابره انك مصدومه بس هي دي الحقيقه. متزعليش مني عشان مقولتش من لاول

مني : لا يا حبيبتي مش زعلانه . شكرا يا زهره انك عرفتيني حقيقه علي .

زهره : يعني مش زعلانه مني

مني : لا خلاص يا حبيبتي . هزعل من اختي الصغيره ..

زهره : ربنا يعوضك خير ويرزقك باحسن منه

مني طاوعتها في الكلام وخدتها علي قد عقلها أما بقي زهره كانت مرتاحه أن مني عرفت الحقيقه هي كانت حاسه بتأنيب ضمير، علي ميتسهلش مني

…….

في البلد

حنين قاعده في جنينه البيت. وحست بحركه جنبها رفعت راسها وكان شهاب وقف بيبصلها

حنين : بتبص علي ايه

شهاب : مع اني عارف انك مش طايقاني بس عايز اتعرف عليكي واتكلم معاكي

حنين : كويس انك خابر اني مش طايقاك له انت وله عروسه المولد اللي جوه

ضحك شهاب : قصدك شهد .. اتصدقي حلو الاسم ده .

حنين : وسع أكده وانت سدد عليا نور الشمس أكده ، عايزه اتشمس

شهاب قعد علي كرسي قصدها : حنين اناكان نفسي اتعرف عليكي من زمان . بس جدي كان محظرنا منقربش من البلد .. انا حتي اتحرمت اني احضر جنازه بابا . طول عمري عايش لوحدي مع ماما واختي.

قد يعجبك ايضا
منذ شهر
رواية اغتصب روحي الفصل الرابع عشر 14 بقلم منال كريم…
منذ شهر
رواية مذكرات حائر الفصل الحادي والثلاثون 31 بقلم هالة الشاعر…
منذ شهر
رواية مذكرات حائر الفصل الثاني والثلاثون 32 بقلم هالة الشاعر…
+

حنين بصتله بحزن ..

شهاب : ممكن ننسي اللي فات خلينا اخوات. واحكيلي علي اي حاجه . لو حد ضايقك قولي وانا هقف معاكي . وانا كمان هحكيلك علي كل حاجه . وكمان لو جوزك زعلك هقف في وشه

حنين : يا عم اتنيل ده كان فعصك

ضحك شهاب : يفعص مين . لا ميغركيش المنظر ده . ده انا جامد

حنين : وله جامد وله حاجه ده حامد لو نفخ فيك هتطير

ضحك شهاب وقعد جنبها ورفع كم التيشرت : طيب بصي العضلات دي . انا مربيهم علي الغالي

حنين : هي دي عضلات. دي عضمات

بنت ضحكت شهاب في المكان . وشهد كانت واقفه في الشباك وبتبصلهم وهي مضايقه انا اخوها قرب من حنين

شهاب حط أيده علي كتف حنين : دمك خفيف يا مضروبه

ضربته في بطنه : واد نزل يدك انا اختك الكبيره

بصلها بدموع . حنين: خبر ايه . مش عاجبك اني الكبيره وله ايه

شهاب : عاجبني يا كبيره.

حنين : ايوه أكده . تحترمني . بالك انت كل البيت بيعملي حساب

شهاب : بجد انتي مسيطره ..

حنين بغرور’ : اه طبعا. خابر انت حامد قد الحيطه بس اول اما بصله يخاف مني

شهاب مش مصدق : مش معقول. حامد شكلها جامد بيخاف منك

حنين : مش مصدق وله ايه . ده اول اما أقوله يا حامد اطلع عايزاك . وشه يصفر ويخضر عشان انا قاسيه حبتين عليه ، ده انا بخليه يكلم نفسه

شهاب : بس انتي شكلك طيبه

حنين : انا طيبه بس قاسيه في نفس الوقت. ده حامد مش بيقولي غير يا ست الكل . شوفت مسيطره وله لع

شهاب : ربنا يهدي سركم

…

حامد دخل في الوقت ده وشاف شهاب وهو قاعد جنب حنين وأيده علي كتفها اضايق وحس بالغيرة

حامد : أعوذ بالله من الشيطان الرجيم. ده اخوها. هغير من اخوها عاد وله ايه. اهدا يا حامد و اتحكم في نفسك ومتكسرش يده وله تكسر دماغها

قرب عليهم وهو بيكلم نفسه عشان يهدأ

حامد : حنين

برقت بعينها : يارب اكون بحلم اكيد دي تهيؤات ، ده مش حامد اكيد

انفجر شهاب من الضحك علي حنين اللي كانت لسه بترسم عليها انها جامده ومسيطره ..

حامد : مش بنادي عليكي يا بجره

. وقفت بسرعه في مكانها : نعم يا خويا . معلش مسمعتش .. حقك عليا يا سيد الناس

. شهاب وقع علي الأرض من كتر الضحك

حامد : خبر ايه عاد . ماله الواد ده

حنين : ده عيل اهبل . سيبك منه يا خويا . انت سمعت حاجه

حامد : حاجه ايه يا مخبوله انتي

حنين : طيب الحمد لله . قدر ولطف ..

شهاب متابع الكلام وهو بيضحك

حنين : احم اخبارك ايه ، رجعت بدري ليه

حامد : وه وانتي هتحكمي عليا عاد .. في ايه يا بت مش علي بعضك ليه

حنين : مفيش انا زي الفل .

حامد: طيب قدامي علي فوق

حنين : ليه بس انا عملت ايه .

حامد : كانك اتجنيتي عاد . قولت قدامي يعني قدامي

حنين : هطلع وامري لله ..

مشيت جنب حامد وبصت علي شهاب

شهاب: سلميلي علي المسيطره

حنين : عيل جزمه

….

قفل حامد الباب عليه ومسك ودنها …

حنين : اي اي . في ايه يا خويا . انا كنت عملتلك ايه بس

حامد : قاعده لازقه في الواد شهاب وهو حاطط يده علي كتفك وانتي عايشه في الدور

حنين : ما هو طلع اخويا بقي . فيها ايه يا حامد

حامد : مليش فيه . اخوكي وله مش اخوكي .. متخليش اي راجل يقرب منك .ولو شفته لمسك هقطع من جسمك ده

حنين : ليه يا عم . فاكرني خروف العيد وله ايه

حامد : انتي مرتي يا صرمه قديمه . اسمعي الكلام قبل ما اسود عيشتك

حنين : يوووه .. قولت حاضر يا خويا .. حاضر

كشرت وبصتله بزعل وهي بتمسك ودنها

حامد : بتوجعك

حنين : اه .

حامد. : تستهلي عشان بعد أكده تفتكري ومحدش بقربلك

حنين بهمس : راجل مفتري. ضربه في يدك

حامد : بتقولي ايه يا بجره

حنين : مبقولش

حامد : تعالي أهنأ قربي

حنين : نعم

حضنها وقبل جبينها : عغير عليكي يا بجره

ضحكت وحضنته : عيون البجره

*****

يتبع

لقراءة باقي فصول الرواية أضغط على (رواية جبروت جد الصعيد)

البارت التاسع

اترك تعليقاً إلغاء الرد